去深圳玩一日，女友拣左呢间食晚饭。个人唔系太经常食火锅，所以难比较啲。感觉上啲肉食都几好，牛肉够新鲜，女友话啲羊肉好臊，但我其实唔知咩叫臊。啲汤底唔错，料足有味道。加好似六蚊有得自助任饮，选择有冬瓜蜜、麦茶、酸梅汤、五花茶等等。酸梅汤啲味好怪，又酸又甜咁用嚟配火锅更加怪，女友饮左一啖就唔要，我唔想浪费唯有啃左佢…麦茶好特别，不过唔太好饮，最好都系冬瓜蜜，味道甜得嚟几有层次。张台每个位跟前都有个电磁炉，一人一锅。不过啲炉有啲老旧（侍应本身都咁讲），女友𠮶个开极火都唔滚。叫个侍应嚟帮手，不过每个侍应照顾一台人，显得非常手忙脚乱，不断咁东奔西跑，直到我地想叫第二台嚟侍应过嚟搞，佢先过嚟帮手换炉。个侍应忙到一开始嘅时候唔记得畀个杯我地，我以为要自己出去攞，问开先知系个侍应畀，于是个侍应就畀人闹。如果你想一边食嘢一边围观可怜嘅打工阿姐点手忙脚乱手足无措法，呢度实在系个好地方…重有，可能人手唔太够，上菜极度慢…连埋单都极慢，今次唔系我埋，否则我找钱都唔要就走噜。虽然服务差上菜慢人又迫又嘈（某啲位近喇叭音乐声更嘈），但仍见到间嘢全场爆满，可见啲饮食都有啲水准嘅。个人觉得最好系啲酱，我深深感受到火锅嘅灵魂唔系汤、唔系肉，而系酱。放酱嘅碟可以放两份，如果更多就更好，毕竟不同食物用不同酱料先显得更鲜味。我最欣赏嘅系菌王酱，辣辣地得嚟好带出到啲菌嘅美味，配肉食一流。…查看更多
