高興 (已結業)

今日去觀塘，選址一間名叫高興的餐廳，個名非常獨特，唔知是否食得高興？就和友人進去晚餐。餐廳地點不算近地鐵站， 大概行15分鐘，就响工業大廈地下。店內裝潢充滿懷舊風格，餐廳主打西餐，價錢合理。點餐也有五步曲作提示，以自助形式，自己自行倒水，拿餐具。小弟覺得呢個松露雜菌意大利飯幾好食，忌廉汁配上松露既香味同雜菌既咬口，配合起上來忌廉汁亦一d都唔會膩，仲愈食愈香，松露同忌廉汁都冇搶大家味道。另有原條驢魚，是限量供應。地中海香草焗原條驢魚，由鹽哄住全條，令更入味。侍應幫忙小心切開魚身， 入面d魚汁就流哂出來，望到都好正，攢開後，魚肉雪白，質量非常滑口，魚肉焗得剛剛好, 唔會過熟亦唔會唔熟，不過有部份連埋d鹽就有少少鹹，但整體不錯。魚骨比較大,很容易就可以挑走, 有小量小骨,但食左都唔多覺，而且很容易就可以取出， 食起上來都好方便。旁邊有糖醋，方便沾上調味。味道帶酸酸更開胃。怕會有魚腥的朋友亦可以沾檸檬汁。挑選雲霧茶為飲品，不是茶包沖的茶，是真材實料用茶葉，未飲已覺得香口。味道帶點熟悉，像有點少量似雲呢拿之味，幾特別。飲完全壼不夠亦可叫侍應加沖，非常貼心。

作為觀塘返工嘅朋友，梗係要周圍捐窿捐啦去搵特色美食啦。早幾日就去試咗成業街成業工業大廈地下間高興cafe，主打西式晚餐，感覺唔錯喎。頭盤：蜜瓜加風乾火腿 $42蜜瓜同火腿串埋一齊幾得意，火腿幾入味幾開胃，分量唔算好多，啱啱好。小食：水牛城雞翼配芝士醬 $40個人認為幾抵食，雞翼辣辣地好惹味，配上兩個好味嘅醬汁，一份五隻一班人share都可以。主菜：法式橙醬三文魚扒 $142推薦！三文魚扒好厚身，食落好嫩滑，三文魚扒煎到脆脆地，個橙醬配搭好新鮮，真心幾好食。海鮮意大利飯 $72呢個意大利飯有少少比下去，雖然個飯幾好食，不過海鮮就真係還好，份量都算OK，兩個人share啱啱好。下次要試下個蘑菇意大利飯!另外我哋叫咗兩杯熱情果菠蘿特飲、草莓沙冰，個草莓沙冰就甜左少少，熱情果菠蘿特飲就正正常常啦。有某啲野食可以半價跟餐，好似我杯熱情果菠蘿特飲咁，加$15咋。留意番，呢度嘅用餐時間係個半鐘，冇人等就可以繼續食，好彩我哋食嗰日冇人等位，所以可以坐耐啲傾耐啲。仲有個位係一個台，唔知係咪平時會有Live Band喺度唱歌呢？

早前係Facebook同IG見到好多朋友去過位於觀塘工廈呢間高興Happinesssss Cafe分享佢地係度用餐嘅靚相, 其中有兩樣好吸引到我地, 就係鵝肝牛肉漢堡同檸檬忌廉楓糖Pancake, 老婆係Pancake控, 我地決定今晚放工去試一試。😆我係Openrice搵到地址係成業工業大廈地下, 但係成業街我地閒逛工廈時都經過, 唔多覺有餐廳, 開頭仲以為係地址有誤, 原來高興Happinesssss Cafe雖然係地下, 不過係要入左成業工業大廈之後推開走廊門先見到。🙈雖然地點好隱蔽仲要係平日夜晚, 但係Cafe都差唔多坐滿客人。Cafe樓底都幾高, 裝修好有格調, 以懷舊為主題, 座位都幾寬敞, 環境舒服。😙Cafe菜式都有好多款, 高興鵝肝手打牛肉漢堡同檸檬忌廉楓糖Pancake當然一定要點啦, 另外我地點左一份沙律, 香港Style腸同香蕉蜂蜜沙冰。價錢唔貴, 而且不需要加一。👍香蕉蜂蜜沙冰唔太甜, 蜂蜜味好香濃, 唔飲凍飲嘅老婆都鍾意。健康素菜沙律比預期大份好多, 兩個人分都綽綽有餘。黑醋汁配上新鮮沙律菜, 再加上香脆嘅Nuts, 味道非常配, 微酸微甜, 好醒胃。高興鵝

觀塘呢間小店裝修得好靚，有霓虹燈影，邊食邊打卡！法式橙醬三文魚扒擺得都幾靚，橙醬配三文魚算系特別🙂食起上嚟酸酸地咁，開胃之餘亦無違和感！三文魚厚切，煎嘅時間控制得岩岩好，食到三文魚肉嫩而且可以帶啲juicy~有啲朋友就怕食三文魚，驚有腥味，但係呢款就無呢個問題啦😉伴碟仲有蔬菜同薯仔黑松露雜菌意大利粉，份量都幾大碟！黑松露味吾算太濃，所以吾太好黑松露嘅朋友都比較易於接受！另外意粉軟硬度適中，掛汁力強，醬汁吾會太稀太杰，質素都吾錯小食有就叫左牛油果鮮蝦墨西哥片，墨西哥片好香脆，配上牛油果鮮蝦醬食都幾夾～吾會好油膩高興雞中翼配特色醬，雞翼煎得夠香口，辣辣地咁都幾惹味，而且size都適中，肉質算系嫩滑飲品就叫咗士多啤梨乳酪沙冰，好pinky pinky的，飲落吾會太甜，又重士多啤梨味！好解渴又養眼，大大杯來講價錢亦都幾划算

這次介紹的是觀塘cafe高興~地點不算近地鐵站, 大概行20分鐘就到工業大廈地下, 算是隱世cafe?!一入到去就見到幾乎坐滿哂人, 還好小m有book位~!店內裝潢充滿懷舊風格, 舊單車, 漫畫等, 係文青同喜歡懷舊系既好選擇~餐牌第1句就令我覺得很好, 保持心情愉快就食咩都覺得美味大增啦~餐廳主打西餐, 其中原條驢魚更係限量供應, 想吃就要早點來到啦~先介紹飲品, 呢杯雲沬綠茶係小m的友人挑選, 喜歡飲茶的她也讚茶味香, 而且不是茶包沖的茶, 是真材實料用茶葉泡的茶。小m就喜歡飲咖啡, 有cafe的感覺, 呢杯係玫瑰Latte, 漂亮既拉花, 加上上桌時飄來濃郁既咖啡香, 真係未飲都知好飲阿w一入口, 有淡淡的玫瑰香, 咖啡味亦隨之而擴散在口中, 香味久久不散~係咁多樣選擇入面, 小m就對呢個最有興趣~松露雜菌意大利飯忌廉汁配上松露既香味同雜菌既咬口, 配合起上來忌廉汁亦一d都唔會膩, 仲愈食愈香, 松露同忌廉汁都冇搶大家味道,相輔相成~終於到左重頭戲 -地中海香草焗原條驢魚-上桌時也嚇了一小跳, 成氣比鹽包住哂, 香噴噴侍應小心切開魚身, 入面d魚汁就流哂出來, 令人食指大動魚骨

今日又到觀塘，順路到工廈食晚餐，這次不用搭貨𨋢！餐廳在工廈的地下，從大堂推開一道門便到。這是小食-高興雞中翼配特色醬 $40 ，辣的，我喜歡醬汁，白色的是芝士，綠色的醬汁辣辣的，帶檸檬的酸，味道很獨特。這是大家高興all day breakfast，名字很有趣。包括了香草腸、雜菌、薯仔片奄列、茄汁豆、烤蕃茄、煙火腿、沙律及果醬多士。味道正正常常，多士很脆，但太乾。薯仔片奄列只是普通炒蛋，不過都頗滑。all day breakfast 附送橙汁，抵！這天的主菜是地中海香草焗原條鱸魚，是鹽焗的，味道不算是太鹹，但要注意不要吃到皮的部分。主菜不包括飯/其他主食，魚比想像的大條。醬汁是醋跟香料混合的，沾醬汁吃的味道會比較豐富，但不沾任何調味料，魚已經夠味。朋友的熱情果菠蘿特飲，點主菜飲品半價，只需＄15。食物味道不錯，而且抵食。最重要，我覺得這裡非常適合自拍，餐廳裝修得特別，帶點香港老大街的感覺。

要特別講下呢間工廈cafe的環境有一排位做到好似舊式理髮店咁💈另外牆上又有霓虹燈好有舊香港風情 好chill坐得幾舒服呢個菜式係散叫 佢唔係主菜 而係小食類別所以份量較少都合理魷魚燒得幾香 一d都唔韌 好爽口裡面的意大利飯略嫌淋左d但味道唔錯 有濃蕃茄香草味無錯 係好普通的菜式要讚下個雞扒 好嫩滑燒汁好多 夠哂撈飯食重要係$62包飲品 真係幾唔錯呢度有set lunch唔收加一價錢大眾化午餐好地方見到有pancake梗係要叫個試下班戟好似海棉咁 好軟蛋味濃郁肉桂味唔算突出 蘋果帶酸平衡返糖漿的甜上面有雲呢拿雪糕但唔會過甜感覺啱啱好 幾唔錯的班戟👍🏻

呢間鋪頭普通嘅lunch同埋嘢飲已經好reasonable, 真係點都估唔到原來下午茶餐係仲抵架!!!!!!今日去到叫咗個下午茶餐，有大大塊雞扒，同埋薯條，加多杯薄荷朱古力熱飲，都只係41蚊咋!!!!啲薯條啱啱炸起，脆卜卜，唔會太鹹都唔會太淡，好好食！令人一試難忘，真係食到停唔到。杯薄荷朱古力先至係重點，本身以為咁平只會係一杯普通野飲，點知嚟到見到佢仲有拉花，成個feel high class左，仲要好好飲，不過略嫌唔夠熱，有點美中不足。

一直擠不出時間跟這位友人吃晚飯，這個假期即興約出來吃個下午茶，預祝他的生日。隨意搜索一下觀塘的cafe，選擇實在太多，最後被這家店的名稱吸引了。這店的位置有點隱蔽，走進大廈要推開一扇防煙門才看到。內裡懷舊的佈置別具一格，環境舒適我們二人點了3款食物，2杯飲品，1個甜品，放滿一桌。韓式泡菜雞扒烏冬鍋烏冬扁而幼很彈牙，湯底也不錯，可能是太餓了，吃的很滿足。公司三文治麵包烘底，材料多樣，味道不錯酥炸雞扒份量十足，不像"小食"的份量。雞扒稱得上嫩滑，可惜炸粉略厚，沙律新鮮。士多啤梨乳酪沙冰賣相很文青，適合女生拍照，味道也不錯香蕉巧克力pancake厚身但很鬆軟，蛋味濃厚加上蜜糖，味道很有層次。暖暖的pancake配上冰凍含朱古力碎的雪糕一起吃，一流的享受整體來說，這裡的食物味道不錯，價錢合理，環境舒適本來打算隨便找個地方閒坐，沒太大期望，竟然有意外的收穫，絕對會帶朋友再來

工廠大廈常有隱世食肆，偶然經過觀塘肚子打鼓，也就避過下班人潮，順道吃個早飯。餐廳名字「高興」給人正能量的感覺，進店看到結他樂器，相信時有人演奏唱歌的音樂餐廳，周末來的話氣氛應該不錯吧!高興的餐牌也叮囑你要點餐高興、吃得高興悠閒舒適的裝潢，即時聯想到可約一大班朋友來HEA 點了冷壓鮮榨果汁No.1 (蜜瓜、青蘋果、青檸) $23-HKD雜果汁味道很調和，蜜瓜和蘋果清甜，加入青檸的酸作點綴，清新大愛黑松露雜菌意大利粉 $78-HKD 滿滿的黑松露香味，意粉軟硬適中，而且份量比相像中豐富水牛城雞中翼配芝士醬 $40-HKD高興的招牌雞翼，即叫即炸，帶點辣味的雞翼蘸點特色芝士醬，越吃越滋味

觀塘區越來越多餐廳，而且大多數都隱身於工廈內，令到搵優質食肆嘅難度愈來愈高。不過最近友人就推介我一試位於成業街一間開業只有半年的懷舊 Café，說店子主打靚料西餐及日本菜，而且地方超大，入面有好多搞鬼嘅布置，吸引一眾「相機先食」的朋友。原來友人所講嘅就是最近大熱的食店「高興 Happinesssss」。餐廳雖然設於工廈內，但其實是間地舖。甫踏進店門，即被內裡裝潢吸引，地方偌大，樓底極高，空間感十足，而且格局悠閒。大堂中央擺放了多張原木桌椅，而右手邊就以昔日公屋情懷為設計主題，有鐵閘、百葉窗、屋邨委員會牌匾等，旁邊仲有個舞台表演區，非常特別。再細心留意，原來身後還有一個取名「妹妹理髮廳」嘅角落，牆身安裝咗昔日的古董電髮罩，打卡位真係多到數都數唔曬，用作影相一流！ 入座後拿起點餐牌細閱，首頁有「點餐 5 步曲」，原來餐廳採半自助形式經營，不設加一，落完單後，服務員會隨後將食物逐一送上。翻開 Menu，選項有小食、沙律、全日早餐、意大利麵、意大利燉飯、主食、日式咖喱、烏冬鍋及高興煎餅。而飲品方面就有咖啡、茶及巧克力、瑜茶舍、冰茶、梳打特飲、沙冰、冷壓果汁和有機梳打。食物方面，選了日式淡咖喱吉

Lately, the Kwun Tong Industrial district has been expanding so quickly that many restaurants and cafes deputed to start up here. One must check is Happiness Cafe, a relatively new cafe with a cheerful ambience, some old-fashioned and vintage decorations. The staffs are so nice and they allow us to go around the cafe for photoshoot. Haha!The menu offers a list of appetizers and salad, and we start by having a bountiful salad with very tender and flavorful chicken meats, chopped avocado, beetroot

很多咖啡廳開在觀塘去了，因租金較平。 到觀塘走走，就發現這兒有不少有心思，有特色的咖啡廳。 高興位於工廈的地下，舖位空間大，最特別在於舖裝修得像舊式髮型屋般。另一面則掛著港式風味的霓虹燈招牌，這是打卡一流呢！食物選擇多元化，價錢中等，我們二人點了三款食品，2杯飲品。 士多啤梨乳酪沙冰 香燒魷魚釀蕃茄香草意大利飯$64: 魷魚筒內釀著意大利飯，面頭鋪著青醬。 眼看顏色不帶啡焦色，以為香燒不會很濃。 誰知一吃下，魷魚有濃濃的燒烤香，魷魚不韌身，入口爽彈，內裏的香草意大利飯略微過淋，但整體已經不錯。 高興鵝肝手打牛肉漢堡$158: 漢堡包很鬆軟，牛肉有彈性，雖然不是很juicy的那種，但吃得岀是用新鮮牛肉打成的那種半實半彈性的感覺。鵝肝油脂豐盈，入口化開，正好補回牛肉脂感少的不足。 因漢堡被淋上一些像在茶餐廳吃洋蔥豬扒的橙色汁，本來對漢堡不太有好感，誰知味道不錯，比起很多sell環境的咖啡廳好 檸檬酸忌廉楓糖pancake$50: pancake偏向美式那種，最特別的是每塊pancake表面配著一塊檸檬片煎成。 入口濕潤，最令人滿意的pancake的蛋味屬濃，配著楓糖同吃，就

觀塘區，要介紹下呢間，(我都是第一次來)，看地址找尋，位置非常隱蔽的咖啡餐廳，來過後一定 讚，離港鐵站都要慢行五至十分鐘，大廈門口沒有招牌，行入工廠大廈要走一段通道，點解都唔見嘅，原來還要推開一道好似防煙門， (但似防不到煙的防煙門 ),.咁就到啦。我在門外偷窺了一會，唷，裏面都好多客喎。 裝修很舒服，人們閒聊，靜靜坐著看書，拍照 (好多影相位)，下午茶，食物連咖啡都是四十多元，冷熱同價，可以選餐牌上任何飲品，淨係 杯冰咖啡，摩卡，焦糖，都要這個價吧。芒果芝士餅，個人覺得有點硬，有芝士味道，但芒果味道就不夠香，但都算美味。公司三文治，本來沒有什麼期望，但非常用心，麵包剛剛焗起，一定是即叫即製，涵料有煙肉，燒雞肉，菜，蕃茄片，料多又熱騰騰，好味道。

聽聞左呢間餐廳一段時間, 今晚終於可以黎到啦😋；除左對佢既食物有興趣, 亦被佢既懷舊既裝修所吸引, 好想去打下卡😝；我地4個人好彩有訂位, 原來今晚full booking..今日係平日呀😮;食得既人通常識既朋友都幾食得🤣, 4個人叫左2個小食2個主食1個意粉, 再加1個甜品；頭盤既水牛城雞翼, 我本人怕辣, 所以覺得辣左少少但好惹味；主食肉了眼扒另我們4個都有驚喜, 因為肉質鬆軟, 牛肉味夠, 火喉做到六成要求, 唔駛加汁都已經好好食👍🏻；黑松露蘑菇意粉, 松露好多,但又無搶走忌廉既香, 忌廉又不會過多, 將兩樣食材配合得好好😋；甜品是充滿gimmick既檸檬酸蜜糖pancake, 酸酸甜甜好適合食完咁多肉後用來幫助消化😂