高木炭火鳥燒

营业中

休息中

朋友話要約食飯，想摸摸酒杯底，而我地又咁啱喺尖沙咀，就去左棉登徑睇下有咩啱食! 我地見到間餐廳好有日本feel,只有吧枱同埋幾張枱，地方唔算太大!吧枱後面就係即點即燒嘅地方, 保證新鮮! 我地一坐低就order左幾樣野食! 白鱔:白鱔串燒係我地最近最愛嘅串燒，經過炭火燒完之後仍然非常彈牙！ 金菇牛肉卷：呢個係好足料嘅牛肉卷,我地一啖咬落去就係滿滿嘅金菇,而且份量十足明太子雞翼: 我同朋友都好鐘意食明太子，雞翼燒得啱啱好，不會太乾仲保留住肉汁! 明太子帶有少許微辣，正呀! 雞腎: 值得一讚，呢度嘅雞腎係我食過最好食嘅，size不會小家，而且夠哂爽脆!燒粟米充滿住牛油香,我地仲住encore我地仲order左兩杯梅酒,完美的一晚!!

早放工的壞處係要等好耐也未等到吃晚飯，今天約了舊同事出來見面，把酒談心。送酒必叫的魚乾。脆卜卜。燒豬頸肉好香口。我不太好羊，但燒出來聞了一聞，吃了一囗又一口。A4和牛和牛舌係必叫，和牛肉嫩多汁。牛舌係厚切，爽口。朋友非常好海鮮，大讃鮑魚好好味，爽口彈牙。帶子的火候控制得很好，不是全熟，保留肉汁。蔬菜好好吃，特別係淮山、爽囗又新鮮。整體不錯、待應招待也很好，唯一店的位置有限，坐滿了，需提前預約，好質素的餐廳，我怕以後更難約了。

我係一個串燒嘅發燒友，今晚同朋友去左尖沙咀棉登徑揾食，嗰度出名多日本野選擇😂😂😂我地行到門口見到係炭火兩個字就衝入去，感覺應該不錯，餐廳地方細細的，只有吧枱同埋幾張枱，好有日本嘅感覺😂😂二話不說就開始落單啦!!!! 芝士年糕:比一般食開嘅不一樣，皮脆卜卜而且裡面嘅芝士好重芝士味白鱔:我地發現唔係每間餐廳都有呢個選擇，呢度嘅燒鱔保存住肉汁，而且夠彈牙! 牛肉香䓤卷: 呢個係好足料嘅牛肉卷,我地一啖咬落去就係滿滿嘅葱，喜歡葱類嘅朋友不要錯過! 豚肉露荀卷:炭火燒完之後更香脆可口，露荀亦都唔會燒得太乾明太子雞翼: 我一向喜歡食明太子，雞翼燒得啱啱好! 正!

Boss picked a convenient place near subway station. A small and cozy place which you can easily talk to each other. We ordered Lots of alcohol, Sake, and Bbq seafood . I picked few dishes which I like most.Dried fish with salad source. Great to have it with alcohol.A5 Japanese beef is highly recommend. It is super juicy with very good taste.Never miss the scallops and abalone . They are very fresh and delicious which you can taste the original taste of ingredients without adding additional sourc

今晚朋友話要食串燒，咁我哋去左依到，摸下酒杯，邊傾下心底事，順便啤啤佢，過個Girls night。牛舌$48大個咗之後好鬼中意食牛舌，依到既串燒，係一個價錢，但有時得一串，有時有兩串，所以問一問服務員先就好啲啦。牛舌粒粒唔同大細，都幾好咬嫁。日本蕃薯$28細細粒既日本紫薯都係我最愛，蕃薯好甘甜，入面好粉糯，好好食嫁。汁燒豆腐$22呢排豆腐黑到完全唔知系乜呀，我朋友即刻問，依個係咩黎嫁？其實佢祇不過係一個豆腐，不用嚇親。豆腐吸引晒燒汁，好夠味嫁。日本芝士年糕$38兩件芝士年糕絕對唔夠喉，燒完入面既芝士好Creamy，好正嫁。

位於尖沙咀的高木炭火鳥燒，是一間日式串燒店。連續兩天都來這裡附近，順便可以逛一下旁邊的K11阿。蒲燒鰻魚$68超喜歡吃鰻魚，本著吃鰻魚而來，二話不說點選一客。鰻魚偏為薄身，肉不算肥美，幸好肉質夠腍，皮位燒香明太子雞翼$68這裡的明太子是辣囗味哦，而且辣度頗高，不能吃辣的人要小心。雞翼內塞滿明太子，非足料，燒得微焦，較香囗。免治雞肉串$48是晩最愛是免治雞肉串，雖然肉質偏乾，但調味很足，單吃已不錯，把蛋黃刺穿，伴上醬汁，味道不錯。

絕對推介的高質日式串燒店 {{ 高木炭火鳥燒 }} 。座落尖沙咀棉登徑的轉角位置。店舖不大。只得一列Bar檯以及數張2人檯。食物質素相當出色。至少foodamin 和朋友order的每款燒物都烤得相當高質味而且富有驚喜。相片中款款品嚐過的燒物都值得推薦。尤以雞皮蝦、明太子飯團、鹽燒豚肉以及焦糖菠蘿最為驚豔。由於太過美味。在最後也按捺不住encore 了一碟燒得咸香皮脆又帶著豐富鮮蝦味的雞皮蝦。實在是要給讚讚讚唷。雞皮蝦 ------------ $98免治雞肉 ----------$48牛舌 ----------------$48銀杏 ----------------$22帶子 ----------------$48白鱔 ----------------$58明太子飯團 --------$38鹽燒豚肉 -----------$36菠蘿 -----------------$32

今日特別想食串燒，之前對高木既印象都非常好，所以就再次幫襯啦！呢款年糕係由米漿造成嘅外層脆卜卜，而內層嘅芝士就軟綿綿，當咬開一半嘅時候仲可以製造出拉絲嘅效果TIM =]燒帶子夠晒大粒，以呢個價錢黎講可以食到咁大粒帶子，性價比都算高燒豬頸肉肉同脂肪嘅比例岩岩好，食嘅時候唔會食到成口油，適合幾個人一齊SHARE 分享燒露荀豬肉卷薄薄嘅豬肉包住露荀一齊燒，係一種同燒金菇牛肉卷類近嘅串燒黑松露金菇牛肉卷，金菇同牛肉呢個經典嘅配搭，再加埋矜貴嘅黑松露當然係無得輸啦=]燒原條喜之次，呢個價錢可以食到一條喜之次！除左呢間高木炭火鳥燒之外我真係搵唔到有第二間！燒龍蝦係上次黎已經食過，今次返黎緊係encore食燒生果當然係要食燒菠蘿啦，菠蘿夠甜而且唔酸，我對呢個甜品非常滿意=]

又黎到每個星期嘅HAPPY FRIDAY我就最鐘意同同事尖沙咀飲返兩杯，但係淨飲酒又好似有點兒DRY，所以就決定邊食串燒邊飲酒炭燒帶子$48/串 帶子都幾大粒，而且味道都唔錯黑松露金菇牛肉卷$42估唔到原來黑松露嘅味道係會同金菇牛肉咁夾，下次如果自己去燒野食又可以試下咁整鹽燒龍蝦尾$148呢個鹽燒龍蝦尾係餐牌上面冇嘅，係屬於是日精選果一類好嘅食材只需要簡單嘅調味就己經係最好嘅調味，而呢個龍蝦就做到呢一點，肉質彈牙而且龍蝦味重，鐘意食龍蝦嘅朋友一定唔可以錯過！最後就當然要食返個甜品啦，呢個甜品就係燒菠蘿$32菠蘿外層塗上左一層薄薄嘅糖漿，燒完之後就變成左焦糖菠蘿，正

今日收工同男友去咗尖沙咀行街，突然好想食日式燒烤。行開K11附近，見到呢間裝修類似日本居酒屋🏮嘅鋪頭，就俾佢吸引咗入去喇~Menu有前菜、牛、豬、雞、海鮮、蔬菜類等選擇~今餐食燒烤為主，所以就先叫咗個沙律🥗（高木沙律），感覺好似健康d~😆沙律應該落咗黑醋，而且d菜好新鮮，感覺好清新~最特別嘅係有‘海葡萄🍇’，平時真係好少食到，食落好似魚子咁，好特別，令成個沙律錦上添花~👍🏻👍🏻期待已久嘅串燒終於嚟喇！😍😍第一樣係車厘茄燒煙肉，煙肉燒得好脆！心急嘅關係，成粒車厘茄放入口，熱到不停噴煙~🤣🤣之後到‘芝士年糕’&‘燒帶子’，帶子好大粒，配埋檸檬汁，帶出帶子嘅鮮甜味~芝士年糕好正啊！年糕燒到軟棉棉，好似棉花糖咁，加埋入面嘅芝士，好滿足啊~☺️😋重點係食完完全唔覺漏，好想無限encore啊！🤤🤤另外，不得不提呢個‘紫蘇雞胸’，好驚喜~雞肉燒得香脆之餘，仲好濃紫蘇葉味~驚喜嘅係淋咗d好似梅子汁嘅醬，味道好創新，成件事好夾！😍😍平時真係好少食到梅子醬&紫蘇呢個組合，真係好特別！👍🏻👍🏻食串燒點可以無牛呢？同男友揀咗呢個‘日本A4和牛’嚟試下~一放入口，入口即溶！😍自從上次喺日本神戶食神戶牛之後，好耐都

今晚來到尖沙咀的高木炭食燒烤嘢！這裡的裝修跟日本居酒屋很相似！地方不算很大，卻吸引了一批放工族來這裡邊飲邊嘆！這裡食物真得讚不絕口！我跟女朋友二人下了兩次單都還意猶未盡就是因爲它的美味食物一直吊住我們的胃口！一坐低，我們先叫了個高木沙拉來refresh我們的胃。接着來的是車厘茄煙肉卷和免治雞肉。煙肉卷燒得很脆，一咬下去，車厘茄在口內爆汁🎉好juicy哦～免治雞肉啖啖肉，配上生雞蛋黃，肉脆之餘還有蛋黃的香味👍 日本芝士年糕（女朋友超喜歡）烤到軟軟年糕裡面有香香的芝士，重點是它的芝士一點都不會膩！很好奇這是關乎芝士的品種還是份量剛剛好的原故？好想再encore😚 我最欣賞的就是A4和牛，來這絕不可以錯過的！比棉花糖還要軟熟，蘇蘇的牛肉像水一般在舌尖溫柔地流走。那滋味真的讓人難以忘懷😋 最後我們還點了一條大眼雞。魚炸得好漂亮，像展覽似的🤣但肉的味道還是淡了點，如果能讓魚肉燒得更出味，這就完美了！

女朋友很久沒吃串燒，今晚就帶她去尖沙咀的高木炭火鳥燒。座位比較窄，有bar枱，雖然是串燒店但抽氣通風做得不錯，不覺得有油煙味。本想喝喝清酒，但明天要返工，不了。蘆筍豬肉卷有四件，香味四溢，蘆筍爽口又滲透肉汁，豬肉燒到微焦香口，正！汁燒豆腐兩件，已經很乾身，濃濃燒汁味道很開胃。芝士雞肉是很惹味的配搭，溶掉的半液態芝士包著雞肉，又香又滑。大蔥雞肉味道濃郁過芝士雞肉很多，大蔥夾著雞肉再厚厚一層燒汁，重口味之選。紫蘇雞胸肉質結實，上面的醬酸酸甜甜，味道特別。炸河蝦很適合作佐酒小食，椒鹽調味，每隻小蝦都夠香脆，愈食愈上癮，不過吃完很多蝦鬚蝦腳攝在牙縫。燒鯖魚是女朋友至愛，水準之上，燒得外皮香脆，沾檸檬汁和醬油是很惹味。食物都很出色，雖然座位有限，但值得等位來吃。

感謝男朋友帶我到棉登徑的地下串燒店，位置都易找，是間小店，進門右邊已經看到廚師在認真製作串燒。七味豬頸肉每片都肉質鬆軟，這個不是完全乾身的燒烤，外皮雖然脆但中間鎖住了不少肉汁。黃油雞翼簡直是世界級，外皮燒得金黃香脆，連肉都是金黃色，即燒的雞全翼和普通茶餐廳預製的差天共地，味道超香，雞肉鮮嫩入味！明太子飯團質感像飯焦，佈滿一粒粒明太子，口感一流，味道亦幾香口。黑松露雞脾菇端上來時都不知道是什麼，還以為是茄子，一咬下去菇汁和燒汁流滿口裡，黑松露味道鮮明，令雞髀菇更惹味。冬菇鋪滿木魚碎，燒烤得夠乾身，很好吃。芝士年糕是必點菜，外皮香脆，夾心層軟熟，最內層流出濃濃芝士。這間店的食物都是超水準表現，下次要帶其他朋友來試！

最近特別愛吃串燒 所以四處尋找高質素的串燒店！店舖小小的，位置也不太多，weekday去也全場爆滿呢，所以週末去的吃貨們可能要先預約！食物種類不算多，但勝在每款也很高質!1/ 茄子 日本甜薯 蘆筍豬肉卷 (HKD 22; HKD28;HKD32)三款串燒的調味料也不多，更能吃出食物本身的鮮美！最欣賞的是燒茄子，平常吃的茄子也是原條配蒜頭，這次的烤法更鮮甜和充滿水份！2/ 帶子 （HKD48@)這款大致出奇意料地高cp值！因為$48便有兩粒珍寶size的帶子，而且十分新鮮，原汁原味！3/ 香葱牛肉卷 （HKD38)鮮嫩的牛肉包裹着滿滿的香蔥，兩者出乎意料地match!配上蔬菜更能夠中和牛肉的膩！4/ 日本A4和牛 （HKD98)這款牛肉算是全晚的高潮位！廚師完全沒有浪費這些高級的和牛，把他們烹煮得剛剛好，肉質鮮嫩，肉味更10分濃厚！完全值回票價！5/ 菠蘿(HKD 32)最後以本人最愛的烤菠蘿作完美ending~這一家串燒價格雖然比較貴，但真的是真材實料的，十分值得！

今天老婆大人 又想起回鄉,思鄉病發,我只好帶她到這間很重日本風的居酒屋治病一下。位置在K11後面的棉登徑, 這裡已經很多食店林立, 想搵好吃的已不難。日本的居酒屋我最愛叫串燒, 因為我嗜酒, 所以串燒最適合我, 不喜歡太飽, 這裡可以滿足到了。枝豆是必須品 - 這裡的枝豆是煮熱過,暖暖的, 有少訐鹽在面, 送酒一流。煙肉蕃茄, 煙肉燒完好香但維持到軟身,蕃茄新鮮夠多汁又甜。牛肋條, 鬆軟不韌而且個汁配合到牛肉味, 讚!燒飯團 有少少燒過的飯蕉香 , 但味道很淡口 , 清淡一點。鹽燒豚肉 ,豚肉的油脂豐富了口感, 只是用鹽燒已經好好味，質地是軟身而且爽脆, 有層次 。燒菠蘿是較特別的處理方法, 面層搽左糖漿才燒, 就好似拔絲香蕉 般外面一層脆脆的焦糖, 無論件菠蘿本身是酸還是甜, 這樣的製法也非常客易提升了燒菠蘿的級數。 還有這個黑松露金菇肥牛卷,金菇同肥牛都仍然係軟身, 本身牛肉的肉汁再加埋黑松露醬 非常惹味, 。芝士年糕，不是炸到金黃那一種，只是烘焗, 外層少許脆，咬落年糕不過強烈煙軔感，內裡半溶的芝士, 吃起來一點都不吃力, 味道不濃不淡。 舒舒服服的又一個晚上。