髀加燒

营业中

休息中

Nam Shan Estate is an old public housing estate with hidden local eateries such as the famous $10 egg puff and mango coconut sago sweet soup. Right next to these two famous eateries, we spotted a new shop specializing in deep-fried chicken leg called Axe and Grill. Deep-fried Chicken LegMust-try!! One of the best I've ever had. Freshly made by order. Served piping hot. The meat juice was locked inside a thin layer of crispy skin. Extra tender meat. HK Style Lo Mei Platter Chicken feet, chicken g

同同事黎南山食Lunch～招牌生炸髀、意粉（蘑菇汁）$58無糖可口可樂 +$3蘑菇汁類似KFC嗰款，但無咁重黑椒味。意粉就係正常嘅烚意粉，唔會烚得太淋。可樂係樽裝嘅🤓幾可愛炸雞髀係即叫即炸，熱辣辣。用錫紙包住尾部，方便我哋用手拎黎食。雞髀係開邊炸，但唔會炸到好乾，雞肉仲好juicy，真係有汁流出黎🤓炸皮好薄，雞肉冇乜皮下脂肪，食落唔會覺得油膩。出色🤓Total $61有炸髀，有意粉，有可樂，都幾抵食👍🏻推薦黎試下。見下午茶時段有得配薯條沙律，如果Lunch都有得配薯條沙律就好啦🥹

南昌村有唔少好嘢食，今次就試咗其中一間嘅餐廳。港式鹵水今次叫咗三款淘寶每款要咗兩件，雞腎，大墨魚，細生腸。要配埋芥辣和醬汁，十分之爽口，而且入味。鰻魚飯，鰻魚有三片醬汁不會10分多，令到整體太甜和鹹，白飯份量10分多，食完一定會好飽肚厚切牛舌配沙律，厚切，但係口感軟熟，仲帶點微微的脆口，沙律份量都OK，條的醬汁剛剛好十分之好食，牛舌份量也不少。樽裝汽水一定係最好飲，有汽之餘而且又夠凍如果有樽裝汽水係必叫。碗仔翅侍應推介，冇諗過真係咁足面，而且湯底煮得十分之好，唔會好鹹好鮮甜，材料十分之多，這價錢真心唔錯。

新開人氣炸雞髀專門店🎉還提供多款港式碟頭飯🍛份量十足，用料新鮮😃招牌炸髀大大隻，即叫即炸，熱辣辣🔥外皮金黃，帶微焦香，口感脆卜卜🍗內裏嫩滑多汁，雞腿肉非常Juicy😍牛扒同樣大大塊，煎至兩邊金黃🥩牛味也十分濃郁，軟嫩鮮香🐮肉質有彈性，肉味香口😙香煎牛脷飯是我的心頭好🤩有五大塊厚厚牛舌👅口感非常軟腍，入口鬆軟，肉質鮮美🤤鰻魚肉質鮮甜，醬汁惹味💦含美味的脂肪及豐富蛋白質，送飯一流😋

南山村有好多不同嘅隱世美食，近期見到Foodie朋友仔強烈推介一間小店「髀加燒 」，主打生炸大雞髀、滷味小食，細個嗰陣我日日一隻炸雞髀做下午茶😂去重拾一下兒時回憶🤭招牌港式生炸雞髀所有雞髀都係即叫即炸，巨型份量，仲大過我成隻手掌😋等咗不到10分鐘，一隻香噴噴又熱辣辣嘅雞髀即刻上枱，店家仲用錫紙包住雞髀骨位，方便用手揸住黎食👍🏻一啖咬落去皮脆肉嫩，厚肉多汁，香口而不膩碗仔翅跟餐可以加碗仔翅，勁足料，每一羹都係雞絲、冬菇絲、木耳絲同粉絲，濃稠嘅口感加上滿滿嘅材料，可以根據自己嘅口味加入麻油、紅醋同胡椒粉調味，往往只需簡單嘅食材就可以令到食物嘅味道更加提升髀加燒巨人豬扒飯除咗炸雞髀仲有唔同嘅飯，我揀咗豬扒飯配蘑菇汁，巨人豬扒份量一樣驚人，一碟有兩大塊豬扒，肉質鬆化軟腍，蘑菇汁入面有一片片嘅蘑菇黑椒味濃郁，遠遠超越出面快餐店嘅味道👍🏻滷味套餐一個套餐有齊晒店家嘅招牌滷味，有大墨魚、生腸、雞腎同雞腳，我再加咗墨魚腳😋全部滷味都十分爽口彈牙，港式滷味配甜醬芥辣，滋味無比📍髀加燒 (石硤尾)石硤尾南山村熟食檔平台C4號舖人均消費：$100-150食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭率：

聽聞呢間既炸雞脾超正，所以搵咗日專登過黎試下🤤估唔到仲有玻璃樽裝既汽水，都已經好耐冇飲過啦！即叫即炸既雞脾炸出黎又香又脆，拎上手要小心熱呀。一啖咬落去，雞肉嫩滑，外皮好似薯片咁脆，不過我個人覺得調味爭少少，雞肉略嫌偏淡。配搭左個蘑菇飯，一般般（都係KFx嗰間好食啲😅）而咖哩牛腩飯就正常啦，比蘑菇飯好啲。

髀加燒 地址: 石硤尾南山村熟食檔平台C4號舖電話: 打波去了石硤尾，好掛念附近南山村的美食，以前讀書成日去食架，今日運動完要補充，即去了南山走個圈巨大即炸雞髀飯，深受附近學生哥同街坊歡迎！炸雞跟沙律，岩魚飯同牛舌飯，最欣賞個炸髀是現炸，脆卜卜皮，好厚肉。熱辣辣跟salad , 當tea time 岩魚煎香，魚肉加上蘑菇汁飯，好好食！牛舌彈牙厚切，食入口口感一流，估唔到又做得幾有水準，完全是意想不到。另外仲有港式滷味小食，試了個滷味套餐買返屋企回味$48 有雞腳，雞腎、大腸，那橙紅色完全呈現了港式街頭滷味feel.

去九龍塘上完堂就經達之路行去南山邨經過呢間雞髀店見好多學生食緊飯卡於是我都入左黎。QR code一路都掃唔到。個姨姨好好走過黎問我食咩幫我落埋單。叫左雞髀飯餐配磨菇汁。等左大約10分鐘就送到眼前。以為加$3係比罐裝可樂。原來玻璃支裝超驚喜呀雞髀送到黎有啲熱所以食左個飯先佢地好細心甘用錫紙包一包個位 食起上唔會整到手有油 大癲 個飯都食左10分鐘個雞脾皮仲可以脆到好似薯片咁!仲要爆晒汁肉汁甘大隻雞脾加埋支汽水先61蚊專登黎食都值得呀。

星期六在家中睇電話，公眾平台突然彈左石硤尾呢間小店出嚟，見到有特大炸雞脾🍗，我由細到大也喜歡吃雞脾，中學也是在石硤尾上學，學校附近有間快餐店，茄汁雞髀飯係我的致愛。近年來，好多餐廳以雞排取代雞髀🍗，所以已經好難吃到炸雞🍗脾，於是立即坐車去返中學時常光顧的南山邨搵食！ 中午到步，小店裝修好新，好舒服，除左普通枱，亦有我喜歡的面壁位，立下目標一定要吃炸雞脾，店主親切上前介紹佢哋嘅新產品-鹵味（以前戲院門口橙色一串串嗰啲），既然未吃早餐，於是叫左炸脾套餐加一串大墨魚，一串大生腸。先試呢兩樣，好味。待炸脾涼少少，立即試吓，炸得好脆，脾肉多汁，肉嫩唔鞋又唔係柴皮，味道不太咸，非常好吃，的確找回中學時的味道！餐廳氣氛好舒服，沒有污煙漳氣的感覺，我咁啱工作上有野急住處理，感謝店主借了紙張讓我解決了工作的事。🙏

之前工作調動咗時間，搞到夜晚10點半先食晚飯，原來喺南山邨商場咁夜都仲搵到小店有飯堂食 😲🍗 招牌生炸脾飯 😋😋😋😋😋生炸雞脾 🍗 熱辣辣，一隻大過小編嘅手掌✋🏻，附上小錫紙包住骨頭🦴方便拎起嚟食～ 外層脆卜卜，肉質又juicy又嫩，火喉處理得宜，唔會食到成口油 👍🏻 仲已經醃好，帶有少少鹹味 😚 自選磨菇汁配白飯🍚 比某連鎖炸雞店嘅味道自然啲，磨菇片口感爽彈～晚餐 💵💵 約港幣$60/人💁🏻‍♀️ 小編加咗$3要枝玻璃樽可樂，好冰涼，夠晒爽！唔想食飯嘅，亦都可以淨叫生炸雞髀🍗 做小食或宵夜！一樣夠滋味！🤗🙆🏻‍♀️ 最後，喜歡嘅話，歡迎follow @foodirectory.hk！

網上見到有人介紹話好正 專登去食！！係石硤尾b出口行5分鐘 好快會搵到！裝修 簡簡單單慨！乾淨企理 燈光充足！！叫左2隻生雞髀36蚊一隻！抵食！加3蚊 有支汔水仲要係支裝！夠晒汽！良心！店員介紹碗仔翅一場黎到見15蚊順便食埋！！碗仔翅有驚喜！姑味十足！又唔死咸！足料！值得一食！主角 雞髀！痴線 炸到金黃色 脆到好似薯片咁！仲要爆晒汁肉又滑！ 細心位係用張錫紙包一包個位 拎起點都唔會整到手有油！加晒分！值得專登去食架！

今日終於試咗炸雞髀，店員話俾我聽佢哋只係用8分鐘就整好一隻炸雞髀。平時其他餐廳都需要等20分鐘生炸雞髀。佢話用8分鐘整炸雞髀，就可以保持雞髀入邊嘅肉汁。當我攞到雞髀之後，即刻喺架車度食，因為想試咗佢真正嘅味道，唔想佢個皮淋晒。一食之下，皮脆又薄，雞髀一啲都唔乾，又大隻。平時只係會去買甜品，所以好少會買咁邪惡嘅炸雞髀食。適逢今晚未食晚飯，終於可以試吓呢度嘅炸雞髀！ 我覺得暫時係我食過最好味嘅炸雞髀 😋😋

係社交網站睇見有人介紹呢間小店,都大力推薦佢哋嘅炸雞肶,所以自己親身試吓,果然名不虛傳炸雞肶即叫即炸,皮薄香脆,味道適中,唔係好重味精果種,食完成隻都唔覺得口渴同油膩白飯似係用珍珠米,黑椒汁味道都OK,總括嚟講冇嘢好挑剔,100分!