駿景軒

营业中

休息中

朋友啱啱考到車牌，於是諗住喺灣仔遊車河，順便搵一間有免費泊車嘅餐廳，遊到差唔多天黑，於是就去咗英皇酒店嘅駿景軒食晚飯醫肚🤤瓦罉焗胡椒蝦充滿香噴噴胡椒香味，而且蝦亦都大隻，肉質新鮮拔絲咕嚕肉脆口而且有拉絲感，酸汁開胃，配新鮮菠蘿好夾百花炸釀松葉蟹鉗 松葉蟹肉超級鮮味，外層同樣炸得香脆，每一口都啖啖肉，yummy😋霸王辣子雞呢個一上菜已經香噴噴，流晒口水🤤🤤🤤🤤好鍾意呢種四川麻辣嘅味道，雞肉切成丁爆炒，超級惹味

🐻上次同🐻👨🏽去咗英皇駿景酒店嘅lounge ，見到佢哋都有中菜廳就話下次試吓,所以今日我哋就過咗嚟食啦😆🐻兩個人叫咗五樣嘢份量啱啱好🤪🐻瓦罉焗胡椒蝦，嚟到一開蓋隔籬枱都話咩嚟㗎咁香嘅，超級香嘅胡椒味，滲晒入去啖啖肉嘅大頭蝦入面，唔單止香味撲鼻仲非常惹味👍🏽🐻百花炸釀松葉蟹鉗，蟹肉係好實淨，啖啖肉，一人一隻唔使爭😁🐻川味口水雞，好彩佢川汁係分開上，🐻👨🏽就唔使食到成頭汗，不過佢最後都忍唔住食左，醬汁唔係好辣，但好香，我直頭攞嚟撈飯食😀 雞肉就唔使講啦，一定係嫩滑🐻椒鹽鮮魷卜卜脆，粉漿唔會好厚，膽固醇過高嘅我都忍唔住食咗幾舊😃🐻醬油安格斯牛肉石窩炒飯，呢個飯又係應該要大推，好香嘅牛油味滲晒落去粒粒分明嘅飯粒，再加埋石頭鍋嘅熱力有小小焦香，超正✨

母親節帶媽咪食好嘢，聽講呢度連續7年攞過米芝蓮一星，超級期待呀😍一於就嚟試吓先😍呢度嘅服務真係一流，侍應非常之細心，除咗幫忙拉笨，重會不時留意住加茶同換碟，果然有酒店級嘅服務水準值得一讚👍🏻好彩訂咗位，如果Walk in可能要等好耐拔絲咕嚕肉「駿景軒」名菜之一，師傅特意選用豬頸肉作食材，切成適合的大小塊狀後，配以秘製醬汁加以醃製，令肉質能保持多汁鮮嫩。靈魂當然落於「拔絲」糖醬身上配搭綿密口感、香甜誘人的口味絕對令人回味無窮😋瓦罉焗胡椒蝦胡椒使用的量非常的多，所以即使剝去蝦殼蝦肉裡依然還能吃到胡椒的味道，非常夠味💕百花炸釀松葉蟹鉗啖啖肉好好味，中間食到真正嘅松葉蟹，非常之彈牙同鮮甜😍霸王辣子雞雞以秘製醬汁醃製，讓香辛料充分滲透，令雞滿佈辛辣香氣。每塊雞丁都口感酥脆，辣味濃烈而不失風味，令人胃口大開👍🏻甜品叫左腐竹糖水同紅豆沙都唔太甜👍🏻媽咪食得好滿意，老竇就話父親節都要再嚟試吓🤣

灣仔酒店中菜今天去香港灣仔逛街，想去食中菜，很久沒吃了。網上看到這間酒店中菜頗高級，賣相吸引環境寬敞舒適，裝修傳統酒樓感覺。平日晚上座位也很多。服務態度不錯，上菜和收碟快，職員友善。川味口水雞 $188秘製辣醬是分開上的，不吃辣的朋友也可以吃到，雞🐓味濃郁而且肉質嫩滑，不錯椒鹽九肚魚 $98香炸得來不會有很多炸魚，九肚魚肉好腍，黃金色的外皮微脆，有少少幼骨百花炸釀松葉蟹鉗 $98隻吉列蟹鉗配甜醬，釀了蝦滑的感覺，脹卜卜的，邪惡之選咖哩豬肶仔 香辣咖哩🍛醬分開一碗，可以配酥脆的方塊厚切多士，還有4隻豬仔肶，細心包好髀位方便客人拎住食，也不會弄髒雙手，不錯醬油安格斯牛肉石窩炒飯 $238熱騰騰出爐的石窩炒飯超級香，炒至乾身且粒粒分明，底下還有一些脆脆的鍋巴，飽肚之選最後還有個中式甜品：腐竹白果糖水服務質素：8/10環境舒適度：7/10ᶘ ᵒᴥᵒᶅ個人口味評分：7/10

好大陣胡椒味啊～～餐廳充斥胡椒味，皆因係呢度名物「瓦罉焗胡椒蝦」～記住要點啦！～ 餐廳雖然唔近地鐵站，但正正就係遠離繁囂，想食連續七年米芝蓮一星，付出少少行遠啲係值得嘅瓦罉焗胡椒蝦 ($468)講返個名物，胡椒粒海中係焗到勁香脆嘅胡椒蝦，夠晒入味，但係唔特登咬粒胡椒，係唔會辣嘅，蝦肉肉質彈牙，食完第一隻，已經好想食第二隻啦～粟米鱈魚球 炸得又薄又脆既鱈魚件，魚肉厚身，保持滑溜有魚味，粟米芡汁另上，減低油膩感，但個人覺得就咁食唔點汁都好正黑松露手撕雞 ($318)最正係個皮，脆身唔肥，底下嘅手撕雞肉每一件都充滿黑松露醬，追求滿滿黑松露味的人一定不可錯過百花炸釀松葉蟹鉗 ($98x2)入口非常彈牙，食到中間有原隻蟹鉗肉，真材實料，好有驚喜

肚餓，烚吓烚吓嚟到呢間中餐廳食晚飯，打開張菜單，求其點咗四個餸，魚蝦蟹，同埋雞，嘩！原來樣樣都咁勁，真係冇嚟錯。瓦罉焗胡椒蝦 上菜用瓦罉，六隻大頭蝦埋在半罉的胡椒內，到桌上，一陣胡椒與蝦的混合氣體已經攻上來。挖開胡椒取蝦，蝦頭下面開邊蝦膏湧現出來。唔使講，色香味齊全，好食。粟米鱈魚球六嚿淺黃色的炸物體，一咬落去，外層的粉漿很薄，而且又很鬆化，內裏的鱈魚球，真是不得了，柔軟，又滑，味道又啱啱好，好少食到咁靚嘅炸魚球。炸功 一流，做到裏面啲魚啱啱好，熟而不柴。百花炸釀松葉蟹鉗兩隻大蟹鉗， size夠大，食落去外脆內煙靭，好有大嚿蟹肉嘅口感，咁樣食蟹肉，都十分有滿足感。黑松露手撕雞手撕雞雞肉在在下，雞皮鋪在上面，幾片黑松露鋪在中間，個賣相已經夠吸，上枱時，只見雞皮，不見雞肉。如果唔講，以為係北京填鴨。雞肉不柴，雞皮脆而黑松露味十分濃郁，配搭一絕。四個小菜，我都十分欣賞，廚師的手藝到家且精致，我亦相信他/們是十分用心去做。我響香港好少食到咁啱我口味嘅小菜。上網睇吓，原來米芝蓮有星嘅，唔怪得知啦。

上次來到英皇駿景酒店頂樓chill左晚，無意中發現酒店一樓有間中菜廳駿景軒，睇落幾精緻，今晚路經灣仔就順便試一試。一到餐廳問下前枱有冇位，好彩今日係閒日，未全院滿座，不過都提醒我哋下次來預先訂座比較好，皆因駿景軒枱數有限，真係手快有，手慢無。坐低點左壺香片就研究下菜單，原來駿景軒係粵菜川菜皆精，上至鮑參翅肚，下至川粵小食，都一一精通，最後我哋點左五道小菜品嘗一番。先上菜既係川味口水雞，雞同口水醬分開上，可以自由調味，雞肉本身已經鹽焗雞，肉嫩皮Q彈，就咁食都好好味，口水醬辣椒味香濃而微辣 ，一食就感受到師傅係川菜上既功力，兩者合一更加惹味，唔會徒有色而無其味。之後係百花炸釀松葉蟹鉗，每人一隻唔使爭，蟹鉗沾上炸粉炸得脆香，食落外層蝦肉彈牙味鮮，入面蟹鉗肉質一絲絲，蟹味濃烈，添上甜酸醬後提鮮錦上添花。緊接著既椒鹽鮮魷，炸皮簿脆，內裡魷魚肉經師傅刀功處理，一咬就開，黑醋一沾，更添風味。主菜揀左瓦罉焗胡椒蝦，一開蓋濃濃胡椒味，見到滿滿原粒胡椒將蝦掩蓋，餐廳選用了大頭蝦，外殼炸得香脆，肉質結實，胡椒味與蝦味溶為一體，又唔會太過火，值得推薦。最後以醬油安格斯牛肉石窩炒飯來作結，炒飯上堆滿木魚絲，石窩

駿景軒駿景軒米芝蓮一星餐廳,餐廳位於港島灣仔皇后大道東373號英皇駿景酒店1樓,餐廳主打粵菜,川菜和麻辣口味嘅重慶菜,餐廳裝修高尚典雅,仲設有多間貴賓房,枱與枱之間寬敞,環境舒適,服務員招呼殷勤友善。拔絲咕嚕肉炸醬皮薄,肥瘦適中,每夾一件咕嚕肉都有拉絲嘅效果,廚師值得一讚,食落肉質鬆化,肉汁仍豐富。咖哩豬肶仔廚師將豬肶仔炸到金黃色,大大件豬肶仔骨幼多肉,外層香脆,肉質粉嫩仍多汁,配有香濃咖喱醬,微辣微鹹,豬肶仔點埋咖喱醬,味道更上一層樓,仲有香軟白麵包粒,想吾飽都幾難。砂鍋蒜子生焗魚頭砂鍋魚頭上桌香氣撲鼻,砂鍋魚頭除咗蒜子仲有芫茜,香蔥,薑片,辣椒,豆豉等等,魚頭大,多肉嫩滑,冇泥味冇腥味,越食越惹味o四川擔擔麵擔擔麵配有花生醬,白芝麻,蔥粒,麵身軟硬適中,每條麵身都掛滿花生醬汁,非常美味。

一年一度母親節又到，母親大人話要食中菜，於是乎我哋揀咗間位於銅鑼灣同灣仔交界嘅酒店食中菜，呢間駿景軒之前見過拎過米芝蓮，真係一定要去試一試。拔絲咕嚕肉，呢個係我嘅最愛，咕嚕肉炸得鬆脆可口，肉亦都唔會死死實實，非常嫩滑，最震撼我嘅係出邊嘅拔絲，酸酸地加上硬咗嘅糖，咬落去係脆卜卜，加埋佢個醬汁掛落啲肉度，真係非常之送飯。跟住嗌咗黑松露手撕雞，呢味餸真係芬香撲鼻，侍應一拎到埋嚟已經聞到濃濃嘅黑松露味，炸雞皮下面全部都係黑松露撈埋啲雞肉，當雞皮，配上黑松露，加上雞肉一口咬落去，有唔同嘅層次相映成趣。跟住就係叫每一次去飲嘅炸蟹鉗，呢個唔係普通嘅炸蟹鉗咁簡單，佢係松葉蟹鉗，雖然見到佢份量好似比較少，但係佢係重質不重量，一口咬落去，可以睇到一絲絲嘅蟹肉，並唔係就咁用啲蟹嘅粉漿炸出嚟。最後嗌咗個醬油安格斯牛肉，石窩炒飯，安格斯牛肉嘅香氣拼埋蕉香嘅炒飯，另外炒飯上邊仲加上柴魚片，令個口感同個香氣再提升到另一個層次。

最近有朋友生日，因為想搵啲影到靚相嘅地方，而朋友又想食中菜，所以就搵到呢間餐廳啦。一去到就見到個環境真係好靚，而且雖然好多客人，但係佢枱同枱之間都分得好開，方便一班朋友聚會傾偈。因為生日嘅朋友鍾意食辣，所以我哋都叫咗三樣辣嘅嘢，分別係水煮魚，水煮牛肉同埋辣子雞。估唔到樣樣都好出色，平時喺香港食川菜，通常都唔夠辣，但係呢度夠辣之餘仲好有風味。而我覺得最值得讚嘅就係個水煮牛肉，因為多數水煮牛肉嘅牛肉都唔夠嫩，但係呢度嘅牛肉味好夠，而且份量又夠多，嗰個食完都讚啊。另外值得讚嘅就係個辣子雞，因為佢唔係好多炸漿，而且又夠辣，啲雞嘅生熟程度都啱啱好。呢間酒店餐廳又高級又平，性價比真係好高，下次都一定會再嚟啊。

中菜廳環境雅致舒適，有多張圓桌座位，仲有可以關門，私隱度高嘅包廂位置。餐牌～🔸瓦罉焗胡椒蝦胡椒蝦一上枱已經勁香，鮮蝦大大隻，非常新鮮，質感彈牙，蝦肉入曬味，又香又惹味，外殼香脆，真係必食推介👍🏻🔸百花炸釀松葉蟹鉗蟹鉗大隻香脆，蟹肉嘅size都幾大，而且夠新鮮，點埋醬汁，又係相當唔錯。🔸拔絲咕嚕肉咕嚕肉肥瘦適中，入口鬆軟，醬汁調味啱啱好，真係可以拉絲，仲有菠蘿、青椒同紅椒。🔸咖喱豬肶仔咖喱豬髀仔有四隻豬髀，最貼心嘅位係用金色錫紙包住手拎嘅位置，唔怕整污糟隻手，仲有大大嚿麵包同埋麵包粒，點埋咖喱一齊食，超飽肚同滿足。

這間位於灣仔英皇駿景酒店裡面的中菜館，裝潢典雅高貴，設有多間VIP房，菜式充滿驚喜創意，更連續七年榮獲米芝蓮一星，值得一試。💠瓦罉焗胡椒蝦一上枱胡椒香氣撲鼻，大蝦彈牙入味，蝦殼炸得非常脆身香口。💠拔絲咕嚕肉咕嚕肉炸皮薄脆，咬落肉汁豐富，肥瘦均勻，肉質爽彈。💠咖喱豬肶仔賣相甚具創意，豬肶仔大件頭又多肉，麵包切成方塊配上咖喱汁吃，飽腹滿足。💠百花炸釀松葉蟹鉗蟹鉗蝦膠口感彈牙十足，沾上酸甜醬，份外惹味，令人回味無窮。

終於到咗月頭，可以同朋友食餐好嘅，知道灣仔駿景酒店有間餐館好出名，特登去試吓，交通尚算方便地鐵站一出行7分鐘就到，餐廳位於酒店裝修同埋格局都好有氣派，我哋被安排坐喺二人枱，之後我哋開始點餐，首先嗌咗黑松露手撕雞，開胃菜師傅把炸子雞撕開一條條，加上黑松露嘅香氣，簡直係冇得彈，之後有我最鍾意食嘅拔絲咕嚕肉，用咗麥芽糖去調甜味將咕嚕肉度包住，簡直係恰到好處，而且師傅將豬肉炸得好香脆，咬落去唔會太油膩，仲有炸蟹鉗，份量非常足夠，而且咬落去啖啖肉，亦都係今晚水準之一，最後點左安格斯牛肉炒飯，炒飯粒粒分明，加上安格斯牛肉配上師傅嘅醬汁簡直係冇得彈係我食過最好食嘅炒飯，加上用沙煱上菜令到炒飯更加香口，總括而言呢間餐廳水準服務都好高，下次可以再試吓其他菜式。

又就到母親節但今年母親節媽媽準備出國去旅行咁唯有同爸媽提早慶祝揀左位於英皇駿景酒店嘅駿景軒食中菜駿景軒位於酒店內裝修格調高雅氣氛舒適唔拘謹菜式選擇多樣除左有傳統粵菜外仲有川菜瓦罉焗胡椒蝦呢道菜侍應一走近已經聞到好香🤤用瓦罉保存住熱度更令本身炒熱左嘅胡椒一直散發香氣大蝦預先處理過所以剝殼都好方便蝦肉結實爽甜椒香惹味而其實外殼留有鹹香連殼咬更有風味👍拔絲咕嚕肉咕嚕肉看似平凡但實質酒店出品確係唔同連配菜菠蘿都有細心塑型過👍咕嚕肉爽口軟嫩糖漿蜜甜霸王炸子雞雞肉全切成丁方有少骨但都好易食辣度可選小辣惹味下飯又麻又辣醬油安格斯牛肉石窩飯石窩熱辣辣存熱好窩底仲有少少飯焦👍醬油炒飯不油不膩飯後仲有糖水送一款陳皮紅豆沙⼀款白果腐竹薏米媽媽超滿意❤️

今天我再次訪問了位於英皇駿景酒店內的中餐廳——駿景軒，這家餐廳曾連續7年榮獲 #米其林一星 ，它將傳統的粵菜與川菜的麻、辣、鮮、香完美結合！🏠餐廳： #駿景軒 📍地址：灣仔皇后大道東373號英皇駿景酒店1樓#川味口水雞 雞肉質量非常高，外皮鮮嫩、肉質彈牙，辣汁會另上，可以自由控制辣度，非常誘人開胃！#椒鹽九肚魚 酥炸得非常香脆，炸粉製作得恰到好處，同樣能吃到九肚魚的魚肉味，而且份量足夠大，有很好的口感！#拔絲咕嚕肉 輕輕一拿就有拔絲的感覺，同樣香脆不黏牙，酸甜口感老少皆宜！#百花炸釀松葉蟹鉗 這個蟹鉗非常特別，蟹棒裡真的有原汁原味的松葉蟹肉，能嚐出鮮甜的味道，外面同樣炸得香脆，保留了蟹肉的特色。#四川擔擔麵 簡單點了主食，最喜歡的是調料恰到好處，尤其是花生醬味使得麵條更加美味！品嚐完畢，這確實是一個適合家庭約會的好酒店，而且服務態度很到位，讓人感到舒適的英皇酒店中餐。最後還會送上中式甜品，是晚是紅豆沙及腐竹糖水！