駿日本料理 (已結業)

多年的食客 但換老闆後 一切都變了 好失望石鍋飯變小了一半 好油 份量只有以前的一半 以前好多飯痂 衣家只有油 真的很失望 餐廳好少人 好沒有氣氛（以前的氣氛）8點已經在數錢 吞拿魚壽司好似舊膠 好難吃 希望可以改進

一個比較夜嘅晚上差唔多十點上openrice睇下有啲咩未閂門嘅最後揀咗呢間係石硤尾嘅日式餐廳影咗少少餐牌價錢黎講算中規中矩唔算話太貴 都算抵食嘅餐廳啲位都闊落 算好坐嘅滑蛋吉列蝦飯 $58只係五十八蚊嘅滑蛋吉列蝦飯有個大碗飯所以食得好飽佢最大賣點係份量多味道一般般石鍋照燒雞扒飯 $68呢個味道比較淡冇乜味 可能因為冇乜汁加上石鍋 比較乾Dry啲但整體都算唔錯食得飽飽的仲有佢開到成十一點我地差唔多十點先去到已經冇晒人 我地最後一枱

又要諗食咩喇，深水埗本身都多野食架喇，成條街都係餐廳，又有個西九龍中心。咁啱經過呢條巴域街見到有間日本野就入去試下啦反正條街咁熱都唔想繼續行。咁佢都同正常日本餐廳差唔多，有壽司餐亦都有啲日式便當可以選擇。睇完一輪最後揀左一個壽司和盛，佢會有8件雜錦嘅壽司再附有一碗凍或者熱嘅烏冬。咁大熱天時緊係要碗凍烏冬啦，熱辣辣仲食咁熱想整蠱自己咩個烏冬細細碗都幾得意睇個湯奶白色以為好濃郁啦點知好淡口另外壽司本身有8件，但食左一件先醒起要影相

係呢區想食日本料理，非佢莫屬，無論係環境，食物質素同招呼，每樣都讚不絕口👍👍裝修別致，環境一流，坐位寛闊，招呼週到👍👍👍👍👍前菜——日本蒜頭漬，淮山漬，佐酒小食👍👍👍👍👍生蠔刺身———法國生蠔，又甜又新鮮✌️赤貝刺身———新鮮爽口又鮮甜😋牡丹蝦刺身—又大隻，又新鲜，肉質爽口👍而家仲有埋日式火鍋，用料新鮮，配上日本甜豉油湯底，朝鮮湯底，各有特色👍海鮮鍋——海鮮又夠甜，材料又夠多，味道又夠鮮😊😊牛肉鍋———朋友讚不絕口👍餐牌又多款式，仲有好多都無影，食物夠吸引，價錢絕對扺食，服務更加吳使講👍👍👍👍👍，所以如果我係呢區食日本料理，一定非佢莫屬😋😋😋😋😋

昨晚放工7pm想食日本野就諗起石硤尾巴域街既一間日本料理店<<駿>>入到去侍應已熱情招呼比位置我地坐我地坐卡位，一坐睇menu時冷氣機滴水😅成間鋪裝修佈置都好日式好靚點餐模式係好似食放題寫紙比職員以下就是我地二人點既食物中華沙律 🥗 不錯又份量足櫻花魷魚軍艦係我最愛既壽司其實好少地方有做呢隻壽司所以推介唯獨要壇的就是熟蝦壽司隻蝦細隻到爆，同爭鮮$3件無分別但收成$25碟希望改善下！另外其他有鰻魚手卷，鰻魚壽司，三文魚壽司 都一般ok啦小食只揀左蟹肉忌廉炸薯餅bf話好粉，無蟹肉味😝ps 成晚餐杯茶最好飲要大讚就是所有員工都好好服務態度加油埋單$512埋單時會送2粒雪米滋，但我地無食到

之前一直都有黎食，但自從有一段時間轉左厨師之後就無再黎，後尾有人同我講話有一個之前係銅鑼灣做開日本菜既師父重金禮聘黎左呢度，我就再落去食，果然吳錯，呢度個老闆好靚仔，又飲得，又talk得，招呼又得，廚師食物又得，掂，係昵度食嘢，可以話係平靚正，呢區如果想搵D有質素既日本料理，（我自己個人黎講）昵間可以話係稱皇，法國蠔18元一隻仲係新鮮即開，真係天下無敵，最特別係個溫泉蛋天婦羅，真係重覆又重覆甘講，平靚正，平靚正，平靚正，😂😂😂😂😂👍👍👍👍

這是第二次光顧了。日本料理油尖旺區多不勝數，這區地理位置雖說沒有太多食店，但上次店員主動推介季節食品，給我好印象。點這個煙🐷肝時其實心裡掙扎了一下，又想試試又怕口味不是我喜歡，但出乎意料原來很甘香。店員是次推介了秋刀魚刺身。魚生類我一向有點怕試三文魚、池魚以外品種，尤其秋刀魚只吃過燒的，但見店員極力推薦，說是剛好季節最肥美，大大也游說很美味的，好，即管試試⋯沒有我想像中會腥，配著薑醋原來味道很夾，鮮味很妙。鐵板牛柳粒，正常居酒居水準叫這個因為好似未太飽(抱歉有點大食），加單時店員話要等耐少少，諗住冇所謂啦，後來等了20分鐘，本來心入邊開始有少少奇怪，點解燒雞翼要咁耐…今日終於來了，嘩！原來隻雞翼超超超大隻，燒得極靚，外脆內嫩，但如果落多少少鹽調味便好了！

工作關係，成日四圍去！今日同同事就去開石峽尾做野同事以前係石峽尾返工，就介紹左呢間日本餐廳，話平靚正咁話wor！午餐黎講，又真係幾平日式便當都係四十令五十蚊平時食大家樂d頹飯都要呢個價啦選擇都有好多，仲有拉麵食，呢到無影到前菜黎講就比較一般唔係太吸引同事極力推薦呢到既燒三文魚咁我就叫左個拉麵試下真係好大碗，不過拉麵黎講就配菜多過拉麵咁啦！但係味道黎講都唔錯，唔會鹹到食唔到比較多同事叫燒三文魚飯勁多飯囉男士食既一定夠飽簡直係大胃王既恩物同樣地勁多配菜咁，如果多幾舊三文魚就更好啦！因為張檯係長形，影唔哂咁多野食聽同事講，燒牛肉定食同石頭窩飯都好唔錯，賣相好吸引，有機會要再試下啦

今日同同事去到石硤尾食飯，由地鐵站行過去大約都係10分鐘左右，都算方便。呢間餐廳有兩層，位置都算坐得舒適。一打開餐牌，發現呢間餐廳嘅選擇有勁多，包括有壽司定食，拉麵定食，鍋物定食，對於有選擇困難症嘅我來講，揀咗晒5分鐘都仲未諗到食咩好😝不過無論係價錢定係選擇都係10分值得推介嘅👍🏻等左一陣，個餐就送到上嚟啦我叫咗個薯仔牛肉飯，仲有同事叫咗汁燒三文魚飯，鯖魚定食，同埋拉麵(冇影晒啲相)雖然薯仔牛肉飯唔算好特別，但係亦都不過不失。而且個餐嘅份量好大，就算係男仔都夠食得飽有餘我同同事對呢間餐廳嘅評價都好高，十分之推介大家去試一試

六個為食鬼相約食好西，知道朋友訂位時已預先訂左鹽燒白鱔丶鹽燒吞拿魚魚鮫，師傅好用心去燒，燒得皮香肉滑，盡顯功夫前菜非常特別，蒜頭、橋頭丶魚顎骨切薄片(特別又好食，很喜歡該口感)；小食有醬油煮花螺丶安康魚肝及豬肝；刺身併盤食材新鮮，樣樣都好正，尤其牡丹蝦又大又新鲜；壽司兩款丶軍艦一款，食到舔舔脷；鹽燒原隻尤魚筒及汁燒牛仔骨，好味冇得輸；最後飽到阿媽唔認得都要叫埋烏魚籽煙肉炒飯，好味到停唔到嘴成晚飲左四支獺祭、一支梵及一小支玉乃光，盡興也

阿叔呢舖真係老貓燒鬚，寫完影完相，竟然唔見左D相，仲要打完先發現咁唔POST又浪費自己呢一番心血，於是唯有一張MENU圖照出呢日點解黎呢，其實係因為要同個朋友傾一D合作計劃，所以食唔係仲點，傾PROJECT先係掛住傾，傾到投入就唔記得左影相食評就照講啦我地一人叫一個，包括石窩燒雞扒飯 $55﹑三文魚炒飯 $72，再share黎食。有friend事後話覺得我地好GAY，我又覺得幾溫韾咁樣食，而且大家都可試到對方食物味道言歸正傳我覺得前者好過後者。個三文魚炒飯D三文魚係好味嘅，但嘅飯就比硬同乾，飯唔係咁煮嘅石窩燒雞扒飯 ，平D反而好D食，料足，雞扒大塊，口感軟滑，真係好吸引

今日同公司同事講起收工同男朋友去深水埗黃金買電腦用品🖥⌨ 但未諗到買完同佢食咩好😫 所以就問下知附近既同事有咩好推介 經佢介紹去左距離十分鐘路程既 -「駿」日本料理🍜🍥🍲🍣🍱🍛🍙🍢行到過去門面不算十分吸引 而且位於石硤尾的屋邨當中 位置有點隔捗 進到店內 裝修有點特別 算有少少吸引😂今餐飯輪到男友話事叫餸 所以全程由佢發版🙋🏻第一樣係日式炸餃子☺炸得唔錯 入面菜肉平均 大鰻魚卷😍呢個極之窩心 男友叫了鰻魚件餐牌寫有八件 店員細心提示話兩個人食八件會唔太多 不如幫我地改四件啦 事情令我明白到小店之情及吸引之處 唔係連鎖餐廳可以做到的😍👍鰻魚新鮮 卷內配料足料 100%推薦☺蟹子沙津😍蟹子超級足料 生菜絲青瓜絲蟹柳絲粟米都夠足料 而且新鮮👍XO醬炎燒帶子壽司 略嫌XO醬較多 帶子亦不算十分新鮮炎燒厚切三文魚壽司😍三文魚厚到無倫 新鮮 極之推薦👍🍣👍兩個人食左三百元到 街坊小店價錢 性價比高 下次去開深水埗 Encore之選👍

好耐冇食壽司啦！呢間成日經過，今晚就去試下先，我地兩大兩細，一去到就有位唔駛等，但都唔算少客嘅，場地好大，係有兩個舖位再加樓上。我地叫左日本叉燒烏冬、鹽燒鯖魚、三文魚壽司、北寄貝壽司、劍魚壽司、希靈魚壽司、帶子壽司、吞拿魚壽司、玉子壽司、腐皮壽司、雜果賓治。D野食都ok，但選擇比較少，夜晚冇定食，刺身款更加少，只係生蠔/三文魚/海膽做主打，再打少量款落去，比起其他日本料理較為失色，但整體都算唔錯，地方好大，乾淨！最後，佢冇比我地check單就收錢走人，所以冇影到張單……埋單$4XX※※補充：鹽燒鯖魚個膠花裝飾我覺得感覺唔多良好，除非佢有好多個，次次用完會扔，但我感覺上唔會，似係會重用，有D倒胃口……

已經唔係第一次來食，因為呢區比較少有質素的日本餐廳，呢間刺身幾新鮮幾靚，而且價錢合理所以都來食過幾次晚飯。可惜，一而再，再而三比同一個侍應搞到心情差晒。今晚又係佢破壞晒我週末晚上的興致。坐低左，茶要叫先上，餐牌有幾分ge但個侍應就淨係比刺身個牌，唔比齊menu人。落order，個短髮四眼中年女侍應硬係急住要走，都未落完就走左去。算！食物來得幾快，來左三文魚腩、火炙壽司，係唔錯的，新鮮，魚腩肥美，呢個價錢來講算好好。過左一陣，見到個女侍應一手拎啤酒一手拎住碟野，佢隨手放左碟食物係張未執、滿佈污糟碗碟的檯上，serve完隔離檯支啤酒，先過去拎返碟野過來比我呢檯....講真...我不能接受囉！竟然將啱啱煮好一碟野放係之前食客食完的碗碟之中，之後先拎來比我，佢真係好唔衛生，好唔尊重食客，亦好唔尊重廚師的一番心血！除左對我地呢檯服務差之外，隔離另一檯個男人同佢講有d壽司好耐都無來叫佢催下，佢竟然一句說話都唔應人，只用一個非常之「西」的面口回應個男人，仲好不屑地講左句，哦，咁幫你取消啦！其實個男人係想食野！唔係想取消！個男人都著著地火鬧左佢幾句。其實我留意佢成晚，對隔離大台熟客係好好ge，可能人地

今日同小女生來到深水埗福榮街買玩具，我就帶了小女生去福榮街附近的日本料理食午餐。店舖不大，但午餐種類有廿多款。 店來有很多藝人與老闆的合照 。小女生在廿多款食物中，就揀咗佢最鍾意嘅吉列豬扒定食，而喜歡吃魚的我就揀左三味魚定食 。吉列豬扒大大塊的，而且個脆漿都好薄，豬扒好淋， 小女生可獨自食完塊豬扒 。三味魚定食有青魚、秋刀魚和鰻魚。熱辣辣的秋刀魚和青魚非常之惹味和香口，而鰻魚則十分肥美。兩個人埋單啦都唔使一百蚊 ，這個價錢能夠食咁樣質素嘅午餐就其實係非常之超值吧！三味魚定食