馬茶

搜寻附近有咩餐厅，见openrice显示「马茶」，觉得个名特别，唔知系咪近住马场嘅茶餐厅意思呢🤣写住新餐厅，只有一则评价，十五十六最后都选择去试吓。环境尚算宽敞，一坐低服务员就送上3碗赤小豆瘦肉冬瓜汤消暑（觉意外）👍🏻我哋1:50pm到，原来2pm就下午茶，有位女士（可能系老板），见我哋系新客，同我哋介绍，见下午茶餐系抵食，不过我哋想试烧鹅，最后order咗烧鹅下庄，半斤烧腩仔，一碗赖粉同一碗饭，再加奶酱西多士做甜品，饮品方面原本谂住茶餐厅应该饮茶走，但老板娘话好多客人都话佢嘅咖啡好饮，最后亦选择咗咖啡。先评价下烧鹅，值得一试，上枱时烧鹅仍是暖的，鹅皮好松化好食，特别配埋酸梅酱👍🏻而烧腩仔个人觉得一般，赖粉同饭份量非常多，如果细食嘅人士记得叫小饭😅西多士夹住厚厚嘅花生酱，我选择咗点炼奶，非常满足，而茶餐厅嚟讲咖啡拍得住咖啡店，怪不得推介俾我😂我哋三个人最后都食唔晒，老板娘还送咗一大碟青瓜俾我哋食，我想讲超好食，佢配嘅酱汁好啱我口味，加上食咗咁多肉配上一碟Fresh嘅青瓜，非常正👍🏻喺倾偈期间得知原来已经唔算新餐厅，已开业九个月，希望大家多啲支持小店，令香港食肆回复生机💪🏻…查看更多

好耐冇黎骏景商场食野啦~今日同同事去骏景商场间叫(马茶)嘅餐厅食晏,地方都几阔落好光猛!!!!!!大约12:00左右去到门口好彩唔洗等位,里面都好大,安排左卡位俾我地坐。真C服啱啱入门口经过烧味档挂住一只只烧鹅系度,仲要好香远远都闻到  ,仲有脆卜卜嘅烧肉,见到都留口水。同事们每人点一款野食,我拣左个XO酱牛扒捞面,同事们叫左米线、咖哩饭食。一黎到已经好震撼块牛扒成个碟咁大(无夸张睇相吧),捞面同XO酱味道非常夹。真心大推~最后我地见果度D烧味咁靓,决定叫半只试下佢(都系睇相),大大只爆汁烧鹅,非常入味,肥瘦适中......试过后真系无得比,其他烧味店输足一百条街。呢度D野食真心好味道!!!!!!!下次试下其他野食再分享…查看更多