馬祖 (Tower 535)

銅鑼灣馬祖台式火鍋放題｜$198買一送一超值優惠 必食Prime級牛頸脊任食Movenpick雪糕一人一鍋，湯底藥材味濃，牛頸脊油花分布均勻，入口即溶今次同朋友嚟到銅鑼灣謝斐道Tower 535地庫呢間新開嘅「馬祖」台灣養生湯麵館，試咗佢哋做緊限時優惠嘅火鍋放題。平日晚上8點到場，已經人山人海，等咗半個鐘先有位。餐廳雖然鋪位唔算好大，但勝在乾淨衛生，採用「一人一鍋」形式，可以隨心揀自己鍾意嘅湯底。豐富湯底選擇 藥膳湯底暖身滋補馬祖提供12款湯底選擇，我同朋友分別揀咗藥膳椰子清雞湯同藥膳台灣麻辣鴨血凍豆腐湯。湯底藥材味相當濃郁，飲落去成個身都暖晒，尤其係藥膳椰子清雞湯，清甜得嚟帶有淡淡藥膳香氣，打邊爐之前飲一啖湯，已經覺得好舒服。極上肉質 牛頸脊油花均勻入口即溶今次試咗佢哋嘅極上牛頸脊套餐，採用美國Prime Grade牛肉。牛頸脊油花分布非常均勻，滾熟之後牛味濃郁，肉質嫩滑，幾乎係入口即溶。朋友就試咗霜降牛小排，同樣油脂花紋靚到不得了，牛味濃郁。如果食量唔大，可以選擇定量$198套餐，包兩大份美國Prime Grade極上霜降牛小排（分四碟上）。自助配料BAR多達40款任食 黑松露丸驚喜除咗主菜肉類，餐廳嘅火鍋配料BAR有超過40款配料任食，包括雞腿肉、魚柳、醬爆芝士丸、午餐肉等。特別要推介係黑松露丸，黑松露香氣撲鼻，令人回味。另外皇子麵嘅寬麵版超吸湯汁，口感一流！雞腿肉超厚身，配埋麻油雞湯底，真係有一秒去到台灣嘅感覺。台式飲品任飲+Movenpick雪糕任食 CP值超高餐廳提供各式台式飲品任飲，我試咗柑桔檸檬烏龍青茶同愛文芒果檸檬烏龍青茶，清新解渴。食到最後，當然唔少得Movenpick雪糕任食，食兩三球已經回本！尤其係朱古力味，濃郁得嚟唔會太甜，為成餐畫上完美句號。總結：限時買一送一 CP值爆燈馬祖而家做緊限時買一送一優惠，直到今個月17號。以$198嘅價錢（優惠期間平均每人更平），可以食到高質牛肉、40幾款火鍋配料任食、台式飲品任飲同Movenpick雪糕任食，CP值真係超高。雖然鋪頭唔算好大同有時要等位，但係食物質素同服務都令人滿意。如果想喺銅鑼灣食個高質又抵食嘅火鍋放題，馬祖絕對係一個唔錯嘅選擇！人均消費：$170-$200地址：銅鑼灣謝斐道535號Tower 535地庫B03號舖｜相關標籤： ｜ ｜ ｜ ｜ ｜｜ ----------- | -------------- | ------------ | -------------- | ---------- | -------- |｜ 銅鑼灣美食 | 火鍋放題 | 任食火鍋 | 台灣菜 | 買一送一 | 超值優惠 |…查看更多

成日去馬祖食 見佢銅鑼灣新開左咁方便 又去食下先! 呢到主打高質牛肉料理 環境雅緻 氣氛靜謐 係一個適合慢慢品味肉香嘅地方我地食左「美國 Prime grade 極上霜降牛小排套餐」每個餐包美國 Prime grade 極上霜降牛小排2碟 火鍋配料任食 雪糕任食 雪櫃飲品任飲 台式飲品任飲 都只係$198 價錢黎講係非常吸引🫕 藥膳台灣沙茶湯湯底融合咗藥膳嘅溫潤同沙茶嘅香濃 入口有淡淡中藥香 令食材味道更突出 同牛味好夾 食完有種暖身又滋補嘅感覺 就黎冬天岩晒🍲 日本壽喜燒 Sukiyaki 湯甜鹹平衡得宜 醬油香氣撲鼻 都係同牛肉超夾牛小排一上台 已經令人嘩一聲 油花分佈均勻 霜降紋理細緻 入口即化 肉汁豐盈 牛味濃郁但唔膩 每一啖都係享受。配搭嘅醬汁唔會搶味，反而提升咗牛肉本身嘅層次。 套餐配菜方面亦見心思 亦有好受香港人歡迎嘅白魚蛋 午餐肉 台灣腸 方形魚腐 芫茜燒賣 濃芝士豆腐燒 蟹籽丸 芥辣魚丸 甜不辣 鱈魚湯包 花枝丸 香菇貢丸 龍蝦沙拉丸 蘑菇芝心堡 日本蟹柳 芝心丸 金沙魚蛋 麻辣貢丸 濃汁牛丸 松露丸 款款都咁好味 而我最鍾意係松露丸同麻辣貢丸另外菜蔬選擇種類有好多好多 分別有新鮮蟲草花 黑木耳 海鮮菇 秀珍菇 鮮冬菇 金菇 海帶結 萵筍 豆卜 響鈴卷 南瓜片 粟米 唐生菜 羅文生菜 娃娃菜 羽衣甘藍 油麥菜 蕃茄等等 講都講唔曬 樣樣新鮮好食 其中我最鍾意就是南瓜片 響鈴卷食雪糕仲有movenpick雪糕 幾杯已經輕鬆回本 而台式飲品都係任飲 我地揀左🧊 台式愛文芒茉莉花凍飲入口先係茉莉花茶嘅幽 之後愛文芒果嘅果甜慢慢滲出 兩者融合得好自然 🍹 台式愛文芒烏龍花茶烏龍茶底帶微微焙火香 配上愛文芒果嘅香甜 層次感好豐富 茶味比茉莉花凍飲濃郁少少 適合鍾意茶味重啲嘅朋友…查看更多

早幾日發現馬祖有台式一人一鍋90分鐘藥膳養生定量火鍋套餐。最低消費先至$138。就可以有150 g所選肉類，任食任飲各種台式飲品，罐裝/紙包飲品，蔬菜，火鍋配料，Movenpick等等嘅雪糕雪條。今日我就叫咗$198嘅美國Prime grade極上霜降牛小排套餐。牛小排每人150 g都有兩碟，其實我覺得已經好夠食。呢個牛小排雪花真係好靚，牛肉食落好滑。台式飲料我自己就最鍾意水蜜桃檸檬烏龍青茶，水蜜桃味好香。特別嘅火鍋配料有甜不辣，魷魚羹，芫荽燒賣，麻辣貢丸，新竹米粉同埋王子寬麵。基本上所有火鍋配料都好新鮮。甜品方面，我自己就最鍾意食Movenpick嘅雪糕，任食真係好抵…查看更多

今日約咗朋友夜晚去睇場戲，不過由於睇完都要成十點，所以我哋相約好早少少食嘢先，睇戲就無咁肚餓。因為朋友係呢頭返工，所以當問到要食咩嘅時候，佢都二話不說提議食個火鍋放題，可以消耗時間之餘，呢間亦都出名食材新鮮質素高，亦可以避免要等好耐，所以最後就約定五點半左右開餐，避開晒啲輪候人龍。去到餐廳門口環境衛生、乾淨整齊，職員好快就安排入座，雖然唔使等位，但係都已經坐滿九成顧客，我朋友果然有備而來~ 望一望個餐牌，佢有兩個時段供客人選擇分別90同120分鐘。 因為驚遲入戲院，最後兩個揀咗90分鐘$148嘅火鍋套餐，佢係定量牛、豬肉各一碟而配料任食。 揀選套餐後就要揀埋湯底，佢呢度都有12款湯底選擇，由於我哋兩個唔食辣，所以選擇困難後叫咗藥膳椰子清雞湯及藥膳台灣沙茶湯。等咗大約五分鐘湯底上枱啦~~~ 我揀咗個椰子雞煲雞湯所以都即時飲啖湯，發現佢個湯好清甜好有香濃椰子味，質素極高。等多一陣牛同豬肉都陸續送到，起初以為每人一碟牛、豬擔心未必夠食，但後來見到佢自助吧有大量嘅配料任食，就完全唔駛擔心。除咗飲品櫃之外，掃QR Code亦都有好多款手工飲品可供選擇，我哋前後都嗌咗兩、三杯，質素都相當高。我哋第一時間都輪住出去攞醬料有九款可供選擇。當中見到自助吧有相當多蔬菜同丸類，賣相相當新鮮，而且見到職員Refill得相當快，所以完全唔怕短缺。攞完一大堆丸類同埋蔬菜後，我哋都掃埋個QR Code，發現有幾款肉類及餃子可以任點任食，有沙嗲嫩牛肉、雞髀肉、白菜豬肉餃同埋魚柳等。喺等緊呢段時間我哋梗係口不停蹄食佢嘅牛肉同豬肉，肉類質素鮮嫩而且有肉味，質素絕不馬虎。不過最令我驚喜嘅就係佢嘅沙爹牛肉同埋雞髀肉，質素好高。再試埋佢嘅白菜豬肉餃同埋魚柳，質素正常，入口都新鮮嫩滑。但對於我哋男人嚟講，點都唔可以缺少碳水化合物烏冬同埋公仔麵，佢呢度有台灣嘅王子麵食，而且仲有手打烏冬，配合埋個湯底烹調好入味。食到差不多一個鐘職員都有窩心提示顧客Last Order，如果有需要都可以食埋個甜品。咁我哋當然要食啦，佢個雪糕櫃除咗基本嘅雪糕之外，估唔到仲有名牌雪糕，例如：Movenpick。為咗要回本，所以起碼最少食兩杯先夠... 食到完場埋單每人消費$150蚊加一，性價比相當高飽住肚走人。離開時見到門口已經人山人海等緊入場，好彩我哋一早到，如果唔係真係起碼等一個鐘以上，所以如果大家想舒舒服服就要好似我哋咁早啲到，或者等到最後一輪咁就比較理想。呢間放題絕對適合唔想淨食牛同豬嘅食客，而且鐘意台式口味既人仕多一個選擇。…查看更多

馬祖銅鑼灣首選，一向主打台式養生火鍋放題😝十分之抵食，一入去就係自助區見到乾淨企理👍🏻牛肉無限量供應，然後所有火鍋配料自助，台式飲品任飲，仲有Movenpick 雪糕🍦佢地啲湯底款式好多👍🏻全部落咗藥材好養生，台式麻辣燙同藥膳花雕清雞湯，花雕雞湯超香好濃郁甜甜地✨好好飲我地叫美國Prime Grade極上牛頸脊套餐，肉色澤靚，油花位十足。西班牙無激素豬肉片彈牙啲牙，牛豬上到嚟嘅時候鋪得好靚，脂肪比例平均每塊都靚靚😀好多食物都係自助區自己拎，雞肉超大件超級推薦，魚柳都唔錯，非常之滑溜幾香口。丸類都幾豐富勁多有餡嘅丸，值得一提係芫荽燒賣，啱晒我呢啲重口味人士😍蟹棒、台灣腸、蘑菇芝心堡、奶油南瓜包、大量丸類基本上講得出都有菜方面，有羽衣甘藍😝咁高質素嘅菜，一定要狂食。飲品方面基本上咩都有，更加吸引嘅係而家台式飲品都係任飲，推介佢哋個芋香奶茶，勁濃奶香!!!😝Movenpick 雪糕任食…查看更多

性價比極高的台式一人一鍋火鍋放題，竟然在高價地段的銅鑼灣找到，而且食材新鮮，款式多，怪不得日日都人頭湧湧，大排長龍。餐牌上有多款定量套餐，有不同種類的豬肉片和牛肉片，還有多款火鍋配料、台式飲品和雪糕任食任拎，都是每人百幾元，絕對超值抵食。先選一個靈魂湯底，湯底五花八門，真材實料。《藥膳蟲草花桃膠雞湯》雞湯清甜，有微微的藥材味《爆漿熔岩芫茜湯》翠綠湯底滾起如岩漿，芫茜香氣滿溢，能中和肉類的肥膩感每人兩碟極上牛頸脊，在滾燙的湯內輕涮幾秒變色就食得，肉質嫩滑，入口即溶，非常美味。這套餐包括脆肉鯇，新鮮牛肉和餃子可以無限添加。任取火鍋配料有多款丸類和蔬菜，竟然還有昂貴的羽衣甘藍和Movenpick 雪糕，這價錢真心正。…查看更多

呢間台式打邊爐主打全日90分鐘火鍋套餐🍲對於鍾意慢慢歎嘅朋友嚟講算係幾抵玩👍🏼先講個環境，地方算寬敞，坐得舒服，枱面擺位唔會太逼，夾料同打邊爐都好方便。套餐時間有90分鐘，唔算太長但都夠慢慢食，同朋友邊傾邊打邊爐啱啱好。湯底方面我哋揀咗藥膳田園蕃茄濃湯，一上枱已經聞到陣陣蕃茄香同少少藥材味，湯色濃郁但唔會太油。入口先係酸酸甜甜嘅蕃茄味🍅之後帶出淡淡藥膳香氣，好舒服又唔會覺得燥，煮菜特別啱，浸耐少少啲菜仲有陣天然甜味。煮肉方面，蕃茄湯底會令牛肉帶少少酸香，仲幾開胃😋講到重點嘅霜降牛小排🥩真係必試！牛小排油花分佈好靚，切片厚薄適中，落湯輕輕一涮，大概十秒左右就食得✌🏻入口嫩滑又有牛肉油脂嘅香甜，肉味濃郁但唔會有騷味，配上蕃茄湯底更加鮮味。記得唔好煮太耐，否則會影響口感。其他配菜都算新鮮，菜類爽口🥬丸類好多選擇💯。醬料區選擇唔算超多，但基本嘅沙茶醬、蒜泥、辣椒都有，自己調配都夠玩。建議如果想食得更盡興，可以早少少去或者預約，因為晚市人多同埋有買一送一優惠要等位。90分鐘雖然足夠，但如果朋友多、傾計多，可以一開始就先落啲耐煮嘅料，例如粟米、蘿蔔，咁就唔怕浪費時間。整體嚟講，呢個台式火鍋套餐價錢合理、食材新鮮，霜降牛同蕃茄湯係亮點，無論同朋友聚餐定情侶約會都啱晒🤗…查看更多

全日90分鐘火鍋套餐Prime Grade肩胛肉眼 / 西班牙無激素豬肉片（各一碟）藥膳蟲草花桃膠雞湯湯底十分清甜，輕微嘅藥材香味。桃膠和蟲草花份量不少，滋補呵！肩胛肉眼質感非常軟熟，肉味濃厚。豬肉片全無臊味，肉質軟腍。自助區擺放得井井有條，令人覺得衞生又放心。丸類種類多，有芝心丸，黑松露丸，手打丸….其他也有多款，如菇類，粟米，響鈴，各種蔬菜。甜品有名牌雪糕，雪條。隨了自助區的罐裝或紙包飲品外，還可點台式飲品。整體來說，肉類份量恰到好處，不會過量食多，環境好，價錢也合理。…查看更多

今天中午，我和朋友決定去銅鑼灣謝斐道的「馬祖」餐廳大快朵頤。這間餐廳的火鍋套餐非常受歡迎，我們選擇了兩位的90分鐘火鍋套餐，讓我們可以盡情享受美食。火鍋裡的極上牛頸脊肉質鮮嫩，吃上一口，肉汁在嘴裡爆開，簡直無法抗拒！再加上肥牛肉，入口滑嫩，完全是肉食者的夢想。當然，新鮮的蔬菜也是必不可少的，搭配火鍋的肉類，讓整體口感更加均衡，也讓我們的胃口大開。在這裡用餐的氛圍也相當不錯，裝潢時尚，服務人員熱情周到，讓我們的用餐體驗更加愉快。這次的午餐讓我感受到，與朋友一起分享美食的快樂，實在是生活中一大享受。如果你也想來試試，可以來「馬祖」餐廳哦！…查看更多

餐廳位於銅鑼灣，正正購物中心的中心地帶，鄰近地鐵站方便又快捷，這間餐廳主打的就是養生火鍋，這天和朋友一同前來，我們當然好好品嚐一番。湯底方面，麻辣養生湯底，小辣剛剛好，湯底真材實料，是養生的佳作，肉片方面，我們挑選的是定量的套餐，絕對足夠一個成年人享用。至於任飲任食的選擇方面，其實也吃不到那麼多種類，但令我最驚喜的，餐廳提供的丸類，也是上等的選擇，不是單單吃粉團，是真真正正的台灣丸物。而飲品方面，多種台式飲料可以品嚐，一間餐廳就能滿足多個願望。…查看更多

今日同另一半去咗銅鑼灣新開嘅馬祖台灣養生湯麵館，食佢哋嘅全日90分鐘火鍋套餐B，一個價錢就可以食到靚肉＋40幾款火鍋配料任食，仲包台式飲品任飲同雪糕任食，CP值爆燈！套餐只係$148，就有Prime Grade肩胛肉眼同西班牙無激素豬肉片各一份，肉質新鮮高質。牛肩胛油花分佈均勻，輕輕涮一涮已經夠嫩滑，牛味香濃；西班牙豬肉片入口軟嫩無腥味，食得安心又滿足。湯底可以自選一人一鍋，我哋今次試咗藥膳花雕清雞湯同藥膳椰子清雞湯。花雕雞湯帶陣陣酒香同藥材味，濃郁得嚟不會膩口；椰子雞湯清甜香氣十足，飲落去好潤喉，涮肉或煮菜都好夾。火鍋配料選擇超過40款，雞腿肉、芫荽燒賣、醬爆芝士丸、黑松露丸都可以無限追加，真係食到好滿足。仲有台式飲品任飲，飲完仲額外送一杯即沖台式飲品，清爽解膩。最後當然唔少得食埋雪糕，Mövenpick完美收尾。以$148嘅價錢，食到高質肉類＋多款配料＋甜品飲品任飲，真係超值！環境乾淨衛生，每人一鍋設計好貼心，無論係情侶約會定朋友聚餐都非常適合！…查看更多

今天和朋友再次到銅鑼灣 Tower 535 吃飯，這一帶人流較少，環境相對清靜。沒想到之前吃過的火鍋店已經換成了「馬祖」，看到價錢不算貴，而且是一人一鍋的形式，便決定試試看。店內空間不算大，大約可容納二十張餐桌，整體感覺舒適。這裡的火鍋套餐以肉類為主，並包含自助區和飲品任食，對於我們這種特別偏好肉食的客人來說，是個不錯的選擇。我們點了每位 $148 的牛肩胛肉拼無激素豬肉片套餐，雖然價格親民，但肉質出乎意料地不錯，口感鮮嫩。自助區分為蔬菜、火鍋丸類、飲品、雪糕等，而透過 QR code 下單還能選擇一些特色食材和飲品，例如白菜豬肉餃、牛肉片、魚片等。其中最特別的是店內提供了外面較少見的王子麵闊面，味道也相當不錯。我們各自點了不同的特色飲品，其中我最喜歡的是蜂蜜檸檬茉莉花茶，清新又解膩。雪糕櫃提供多款雪糕和雪條，甚至有 Movenpick 品牌，為整頓火鍋餐畫上完美句號。這次用餐體驗非常滿足，有機會一定會再來。…查看更多

係銅鑼灣買完野，一個人想食打邊爐放題，近近地揀左呢間新開「馬祖」火鍋放題，入到去原來係人氣食店都好多人排緊隊食！我揀左$148既Prime Grade牛肩胛拼無激素豬肉片套餐🍽️QR code落單完野飲就開餐！🥩Prime Grade牛肩胛拼無激素豬肉片雪花紋靚到似藝術品！淥10秒變粉嫩色，入口即化仲帶濃郁牛油香🐮無激素豬肉片薄切透光但唔會一夾就散，肥瘦比例完美！淥熟後捲成玫瑰狀，口感爽滑冇豬臊味～🍲 台灣藥膳麻油雞湯十幾個湯底入面揀左麻油雞湯，一上枱就聞到濃濃麻油香！湯底滾起時藥材味慢慢釋出，枸杞、紅棗清晰可見🐔飲啖湯成個身即刻暖笠笠～又健康又好飲😉藥膳味同麻油平衡得剛好，唔會苦澀，忍唔住飲咗兩碗！火鍋配料任食，即炸響鈴浸入麻油湯三秒立即軟化，吸滿湯汁精華。豆腐芝心丸一咬開就有流心芝士湧出，食嘅時候超燙口要小心！手打牛丸彈牙有嚼勁，隱約帶有陳皮香氣。驚喜見到羽衣甘藍，這種較少見的火鍋菜耐煮不爛，吸收湯汁後帶點微甘很解膩。菇類選擇多金針菇、香菇放滿碗，索汁能力超強！最後落單叫呢個台灣手工陽春麵！撈埋麻油雞湯💥 索盡藥膳精華，食到唔捨得放筷～台式飲品原來都係任飲，試左兩款🥤柑桔檸檬烏龍茶😀清新柑桔香撞烏龍茶底，打邊爐邊飲解膩一流🧊另外果杯幾驚喜，係朱古力雪香奶茶，上面佈滿脆脆，朱古力味超濃！奶茶同朱古力夾得岩岩好，吾會過甜最後要食翻個甜品，Mövenpick係任食！瘋狂encore特濃咖啡味！咖啡味濃到似食緊冰凍Espresso☕️裡面仲有咖啡豆碎增加口感，食完成個火鍋燥熱感即刻消失～狂隊3杯先肯收手…查看更多

今日食120分鐘火鍋放題，已經唔係食最平嗰個，都$3xx，雖然買一送一，但一啲都唔值，比同類型嘅火鍋放題差太遠了，飲品選擇少，食物選擇少，調味料亦很少，甜品簡直冇，標榜嘅M字頭雪糕亦欠奉，餐廳亦都很細，成間餐廳細個一間茶餐廳，張枱只能夠擺到兩碟嘢，仲細個茶餐廳嘅枱，唯一嘅好處就係職員收嘢嘅速度超快，其他冇一樣嘢係好，所以永遠唔會再去😡好彩今日係買一送一，如果唔係真係嬲到爆炸，呢個價錢可以喺其他火鍋店嘅任食區食咗好多品種…查看更多

7點左右取的號，前台告訴我大約等待一個半小時，基於信任選擇站在店門口等待（無椅子，無茶水）。但8點半再次詢問時，竟被告知「可能吃不上」，「你的號碼應該是要明天見了」，問那為什麼還要發放號碼，回的答非所問，說什麼其他客人5點來的怎樣怎樣，最後換來一句輕飄飄的「真係唔好意思」，這種嚴重失實的預估和混亂的排隊管理，完全浪費顧客兩小時的時間與期待。若無法承接客流，應提前停止發號或明確告知風險，而非一味敷衍拖延。商家失信於顧客，既缺乏專業運營能力，又毫無責任感。這種店遲早倒閉，提醒各位避雷：時間寶貴，不必在此消耗無謂的等待！…查看更多