馬祖 (Tower 535)

铜锣湾马祖台式火锅放题｜$198买一送一超值优惠 必食Prime级牛颈脊任食Movenpick雪糕一人一锅，汤底药材味浓，牛颈脊油花分布均匀，入口即溶今次同朋友嚟到铜锣湾谢斐道Tower 535地库呢间新开嘅「马祖」台湾养生汤面馆，试咗佢哋做紧限时优惠嘅火锅放题。平日晚上8点到场，已经人山人海，等咗半个钟先有位。餐厅虽然铺位唔算好大，但胜在干净卫生，采用「一人一锅」形式，可以随心拣自己钟意嘅汤底。丰富汤底选择 药膳汤底暖身滋补马祖提供12款汤底选择，我同朋友分别拣咗药膳椰子清鸡汤同药膳台湾麻辣鸭血冻豆腐汤。汤底药材味相当浓郁，饮落去成个身都暖晒，尤其系药膳椰子清鸡汤，清甜得嚟带有淡淡药膳香气，打边炉之前饮一啖汤，已经觉得好舒服。极上肉质 牛颈脊油花均匀入口即溶今次试咗佢哋嘅极上牛颈脊套餐，采用美国Prime Grade牛肉。牛颈脊油花分布非常均匀，滚熟之后牛味浓郁，肉质嫩滑，几乎系入口即溶。朋友就试咗霜降牛小排，同样油脂花纹靓到不得了，牛味浓郁。如果食量唔大，可以选择定量$198套餐，包两大份美国Prime Grade极上霜降牛小排（分四碟上）。自助配料BAR多达40款任食 黑松露丸惊喜除咗主菜肉类，餐厅嘅火锅配料BAR有超过40款配料任食，包括鸡腿肉、鱼柳、酱爆芝士丸、午餐肉等。特别要推介系黑松露丸，黑松露香气扑鼻，令人回味。另外皇子面嘅宽面版超吸汤汁，口感一流！鸡腿肉超厚身，配埋麻油鸡汤底，真系有一秒去到台湾嘅感觉。台式饮品任饮+Movenpick雪糕任食 CP值超高餐厅提供各式台式饮品任饮，我试咗柑桔柠檬乌龙青茶同爱文芒果柠檬乌龙青茶，清新解渴。食到最后，当然唔少得Movenpick雪糕任食，食两三球已经回本！尤其系朱古力味，浓郁得嚟唔会太甜，为成餐画上完美句号。总结：限时买一送一 CP值爆灯马祖而家做紧限时买一送一优惠，直到今个月17号。以$198嘅价钱（优惠期间平均每人更平），可以食到高质牛肉、40几款火锅配料任食、台式饮品任饮同Movenpick雪糕任食，CP值真系超高。虽然铺头唔算好大同有时要等位，但系食物质素同服务都令人满意。如果想喺铜锣湾食个高质又抵食嘅火锅放题，马祖绝对系一个唔错嘅选择！人均消费：$170-$200地址：铜锣湾谢斐道535号Tower 535地库B03号舖｜相关标签： ｜ ｜ ｜ ｜ ｜｜ ----------- | -------------- | ------------ | -------------- | ---------- | -------- |｜ 铜锣湾美食 | 火锅放题 | 任食火锅 | 台湾菜 | 买一送一 | 超值优惠 |…查看更多

成日去马祖食 见佢铜锣湾新开左咁方便 又去食下先! 呢到主打高质牛肉料理 环境雅致 气氛静谧 系一个适合慢慢品味肉香嘅地方我地食左「美国 Prime grade 极上霜降牛小排套餐」每个餐包美国 Prime grade 极上霜降牛小排2碟 火锅配料任食 雪糕任食 雪柜饮品任饮 台式饮品任饮 都只系$198 价钱黎讲系非常吸引🫕 药膳台湾沙茶汤汤底融合咗药膳嘅温润同沙茶嘅香浓 入口有淡淡中药香 令食材味道更突出 同牛味好夹 食完有种暖身又滋补嘅感觉 就黎冬天岩晒🍲 日本寿喜烧 Sukiyaki 汤甜咸平衡得宜 酱油香气扑鼻 都系同牛肉超夹牛小排一上台 已经令人哗一声 油花分布均匀 霜降纹理细致 入口即化 肉汁丰盈 牛味浓郁但唔腻 每一啖都系享受。配搭嘅酱汁唔会抢味，反而提升咗牛肉本身嘅层次。 套餐配菜方面亦见心思 亦有好受香港人欢迎嘅白鱼蛋 午餐肉 台湾肠 方形鱼腐 芫茜烧卖 浓芝士豆腐烧 蟹籽丸 芥辣鱼丸 甜不辣 鳕鱼汤包 花枝丸 香菇贡丸 龙虾沙拉丸 蘑菇芝心堡 日本蟹柳 芝心丸 金沙鱼蛋 麻辣贡丸 浓汁牛丸 松露丸 款款都咁好味 而我最钟意系松露丸同麻辣贡丸另外菜蔬选择种类有好多好多 分别有新鲜虫草花 黑木耳 海鲜菇 秀珍菇 鲜冬菇 金菇 海带结 莴笋 豆卜 响铃卷 南瓜片 粟米 唐生菜 罗文生菜 娃娃菜 羽衣甘蓝 油麦菜 蕃茄等等 讲都讲唔晒 样样新鲜好食 其中我最钟意就是南瓜片 响铃卷食雪糕仲有movenpick雪糕 几杯已经轻松回本 而台式饮品都系任饮 我地拣左🧊 台式爱文芒茉莉花冻饮入口先系茉莉花茶嘅幽 之后爱文芒果嘅果甜慢慢渗出 两者融合得好自然 🍹 台式爱文芒乌龙花茶乌龙茶底带微微焙火香 配上爱文芒果嘅香甜 层次感好丰富 茶味比茉莉花冻饮浓郁少少 适合钟意茶味重啲嘅朋友…查看更多

早几日发现马祖有台式一人一锅90分钟药膳养生定量火锅套餐。最低消费先至$138。就可以有150 g所选肉类，任食任饮各种台式饮品，罐装/纸包饮品，蔬菜，火锅配料，Movenpick等等嘅雪糕雪条。今日我就叫咗$198嘅美国Prime grade极上霜降牛小排套餐。牛小排每人150 g都有两碟，其实我觉得已经好够食。呢个牛小排雪花真系好靓，牛肉食落好滑。台式饮料我自己就最钟意水蜜桃柠檬乌龙青茶，水蜜桃味好香。特别嘅火锅配料有甜不辣，鱿鱼羹，芫荽烧卖，麻辣贡丸，新竹米粉同埋王子宽面。基本上所有火锅配料都好新鲜。甜品方面，我自己就最钟意食Movenpick嘅雪糕，任食真系好抵…查看更多

今日约咗朋友夜晚去睇场戏，不过由于睇完都要成十点，所以我哋相约好早少少食嘢先，睇戏就无咁肚饿。因为朋友系呢头返工，所以当问到要食咩嘅时候，佢都二话不说提议食个火锅放题，可以消耗时间之余，呢间亦都出名食材新鲜质素高，亦可以避免要等好耐，所以最后就约定五点半左右开餐，避开晒啲轮候人龙。去到餐厅门口环境卫生、干净整齐，职员好快就安排入座，虽然唔使等位，但系都已经坐满九成顾客，我朋友果然有备而来~ 望一望个餐牌，佢有两个时段供客人选择分别90同120分钟。 因为惊迟入戏院，最后两个拣咗90分钟$148嘅火锅套餐，佢系定量牛、猪肉各一碟而配料任食。 拣选套餐后就要拣埋汤底，佢呢度都有12款汤底选择，由于我哋两个唔食辣，所以选择困难后叫咗药膳椰子清鸡汤及药膳台湾沙茶汤。等咗大约五分钟汤底上枱啦~~~ 我拣咗个椰子鸡煲鸡汤所以都即时饮啖汤，发现佢个汤好清甜好有香浓椰子味，质素极高。等多一阵牛同猪肉都陆续送到，起初以为每人一碟牛、猪担心未必够食，但后来见到佢自助吧有大量嘅配料任食，就完全唔驶担心。除咗饮品柜之外，扫QR Code亦都有好多款手工饮品可供选择，我哋前后都嗌咗两、三杯，质素都相当高。我哋第一时间都轮住出去攞酱料有九款可供选择。当中见到自助吧有相当多蔬菜同丸类，卖相相当新鲜，而且见到职员Refill得相当快，所以完全唔怕短缺。攞完一大堆丸类同埋蔬菜后，我哋都扫埋个QR Code，发现有几款肉类及饺子可以任点任食，有沙嗲嫩牛肉、鸡髀肉、白菜猪肉饺同埋鱼柳等。喺等紧呢段时间我哋梗系口不停蹄食佢嘅牛肉同猪肉，肉类质素鲜嫩而且有肉味，质素绝不马虎。不过最令我惊喜嘅就系佢嘅沙爹牛肉同埋鸡髀肉，质素好高。再试埋佢嘅白菜猪肉饺同埋鱼柳，质素正常，入口都新鲜嫩滑。但对于我哋男人嚟讲，点都唔可以缺少碳水化合物乌冬同埋公仔面，佢呢度有台湾嘅王子面食，而且仲有手打乌冬，配合埋个汤底烹调好入味。食到差不多一个钟职员都有窝心提示顾客Last Order，如果有需要都可以食埋个甜品。咁我哋当然要食啦，佢个雪糕柜除咗基本嘅雪糕之外，估唔到仲有名牌雪糕，例如：Movenpick。为咗要回本，所以起码最少食两杯先够... 食到完场埋单每人消费$150蚊加一，性价比相当高饱住肚走人。离开时见到门口已经人山人海等紧入场，好彩我哋一早到，如果唔系真系起码等一个钟以上，所以如果大家想舒舒服服就要好似我哋咁早啲到，或者等到最后一轮咁就比较理想。呢间放题绝对适合唔想净食牛同猪嘅食客，而且钟意台式口味既人仕多一个选择。…查看更多

马祖铜锣湾首选，一向主打台式养生火锅放题😝十分之抵食，一入去就系自助区见到干净企理👍🏻牛肉无限量供应，然后所有火锅配料自助，台式饮品任饮，仲有Movenpick 雪糕🍦佢地啲汤底款式好多👍🏻全部落咗药材好养生，台式麻辣烫同药膳花雕清鸡汤，花雕鸡汤超香好浓郁甜甜地✨好好饮我地叫美国Prime Grade极上牛颈脊套餐，肉色泽靓，油花位十足。西班牙无激素猪肉片弹牙啲牙，牛猪上到嚟嘅时候铺得好靓，脂肪比例平均每块都靓靓😀好多食物都系自助区自己拎，鸡肉超大件超级推荐，鱼柳都唔错，非常之滑溜几香口。丸类都几丰富劲多有馅嘅丸，值得一提系芫荽烧卖，啱晒我呢啲重口味人士😍蟹棒、台湾肠、蘑菇芝心堡、奶油南瓜包、大量丸类基本上讲得出都有菜方面，有羽衣甘蓝😝咁高质素嘅菜，一定要狂食。饮品方面基本上咩都有，更加吸引嘅系而家台式饮品都系任饮，推介佢哋个芋香奶茶，劲浓奶香!!!😝Movenpick 雪糕任食…查看更多