馬祖無限時台灣養生涮涮鍋

无限时任食19款滋味药膳汤底涮涮锅最钟意打边炉嘅我，无论冬天定夏天都会打便炉😆今次带闺蜜嚟食【马祖台湾养生涮涮锅】，喜欢呢度无限时任食，可以慢慢食慢慢倾。足足有19款唔同汤底，好多都想试！我哋拣咗「药膳姬松茸鸡肉锅」同「麻辣鸭血冻豆腐锅」，食之前饮啖汤，汤头鲜甜浓郁，唔使沾酱已经够味！「麻辣鸭血冻豆腐锅」香辣诱人，辣味香醇带花椒麻劲，鸭血滑嫩入味，好似喺口里爆开咁，冻豆腐细腻软绵，吸满汤汁，麻辣刺激又唔会过火，啱晒钟意辣嘅朋友。套餐附送自家炸嘅Shake Shake黄金地瓜条，仲可以自己拣味粉，四款口味有甘酶、蕃茄、香辣同海苔，味道多变又好味。套餐包6款肉类：Prime Grade霜降牛小排、SRF极黑和牛肩脊、Prime Grade安格斯牛颈脊、西班牙伊比利亚黑毛猪、美国Prime Angus牛肉片同西班牙无激素猪肉。我哋最爱吃霜降牛小排，油脂匀称，肉嫩又多汁。极黑和牛肩脊入口即溶，肉味浓厚，雪花分布令人眼前一亮。伊比利亚黑毛猪片超薄且带果香甜味，食落特别滋味。除咗肉之外，仲有超过60款配料任拣，我地第一轮试咗30款已经饱到食唔落。饮品选择多多，但我最爱佢有热黑糖姜母茶，暖胃舒服。最后当然唔少得甜品，每人有杯雪糕，我拣咗Movenpick，好香滑。旺角限定，下午时段仲系无限时任食。马祖无限时台湾养生涮涮锅📍旺角弥敦道628号琼华中心11楼…查看更多

旺角「马祖无限时台湾养生涮涮锅」主打足料药膳火锅汤底，超级补身。另外，餐厅推出咗晚市19:30前离座优惠，客人可享有人头费8折后价钱优惠埋单，真系好抵啊！*此餐厅收取10%服务费。正价时段成人极级SRF极黑和牛肩脊肉套餐（两人$1016），极级SRF极黑和牛肩脊肉，脂肪分布比例均匀，食落油脂味浓。鸳鸯锅（跟餐$48），药膳花胶鸡涮涮锅，花胶好大只，内有鸡肉木耳、粟米、豆卜、洋葱；台湾养生醉鸡涮涮锅，醉鸡食落带有花雕酒味道，内有党参、红枣、枸杞、桂圆、洋葱、粟米、木耳，饮落带有回甘。西班牙伊比利亚黑毛猪（跟餐$0），肉质肥瘦适中，食落肉味浓香。火锅肉品（跟餐$0），包括有极级Prime Grade安格斯牛颈脊、Prime Grade美国安格斯牛肉、西班牙无激素猪肉片。黄金地瓜条（跟餐$0），口感酥脆，配以番茄味复合调味料食用，味道酸甜。生猛海虾（跟餐$0），肉质爽口，味道鲜甜。是日精选海鲜（跟餐$0），沙白，食落鲜味十足。火锅配料（跟餐$0），包括有手工三宝丸、墨鱼腐皮卷、墨汁香肠、芝心包流心、台湾鸭血、番茄、稻庭乌冬。自家制手工韮菜饺（跟餐$0），韮菜份量多，食落好香口。粟米冬菇猪肉饺（跟餐$0），味道清甜。麻辣手拍青瓜（跟餐$0）。Movenpick薄荷朱古力雪糕（跟餐$0）。雀巢KitKat脆皮雪糕批（跟餐$0）。…查看更多

❣️马祖无限畤台湾养生涮涮锅任食和牛盛宴❣️今次同爸爸去咗旺角马祖养生涮涮锅丧食😋拣咗Set D任食120分钟，鸳鸯锅底要咗「台湾麻辣牛肉汤」同「药膳椰子鸡」双拼，个麻辣汤底正到爆！用台湾直送香料熬成，渌牛肉零舍夹🌶️椰子鸡汤就清甜到震，落羽衣甘蓝索汤超正🤤食肉兽必攻极上Prime Grade霜降牛小排，雪花纹靓到癫，入口即溶！SRF极黑和牛肩脊肉肉味浓郁，安格斯牛颈脊爽嫩有咬口，仲有西班牙伊比利亚黑毛猪，每款肉质都keep到水准🌟海鲜控要mark实生猛海虾🦐同花胶片，虾肉爽弹，花胶厚身胶质爆灯💡配料惊喜位系手打牛肉丸劲爆汁！同自家制Shake Shake地瓜条，热辣辣脆卜卜，配海苔粉同香辣粉食到停唔到口🤤饮品柜劲多选择，罕见有玻璃樽梳打同热姜母茶，仲有齐晒港人至爱纸包柠檬茶🍋最后甜品系全场高潮位🍦Movenpick同Haagen-Dazs已经够杀，Dreyer’s开心果脆筒先系隐藏大佬😍坚果香mix朱古力脆皮😚！呢个价钱任食咁高质，绝对系抵食到震，牛魔王必食🤗…查看更多

移民朋友最近返来香港她最钟意打边炉，即系去呢间马祖台湾养生涮涮锅店舖非常大，有大量舒适卡位叫左Set D 120分钟 任饮任食，超过60多款火锅食材送埋shake shake 黄金地瓜条🍟包括海苔粉、麻辣味、蕃茄味同埋甘酶粉用上甘酶粉，餐前小食真系好开胃必叫食材：极上Prime Grade 霜降牛小排 美国SRF极黑和牛肩脊肉 Prime Grade 安格斯牛面团 西班牙伊比利亚黑毛猪 西班牙无激素鸡猪肉片只是食呢六款肉质都已经觉得回本最钟意食极上Prime Grade 霜降牛小排肉质鲜嫩😍有丰富嘅油花同埋肉汁，极上赞汤底我们选择沙茶牛肉只是汤底已经见到大量牛坑腩真心非常足料，食材吸尽汤底精华好入味大量海鲜、手工丸、手工饺同埋蔬菜🥬任点任叫，海虾和白鳝片都好新鲜饮品种类应有尽有最钟意自家制饮品爱文芒果茉莉花茶饮到台湾风味，值得一试甜品可以选择Movenpick或者Dreyer’s雪糕🍦 真系好回本，食到好满足😍马祖无限时台湾养生涮涮锅 (旺角)📍旺角弥敦道628号琼华中心11楼…查看更多

旺角不嬲好多任食台式火锅，马祖呢一间食物质素算高 地方企理干净，枱面够大，服务员态度良好及细心👍🏻 最紧要地点好方便，喺旺角琼华中心上面汤底有成18个可以拣，台式养生锅到麻辣锅任君选择，有辣有唔辣！我就拣咗必点嘅花胶鸡火锅及麻辣鸭血豆腐锅。点左最基本的套餐，都已经有美国安格斯牛肉及西班牙无激素猪肉片，两款都正常发挥！套餐仲有海鲜，例如海虾白蚬，我叫完一碟又一碟！除咗海鲜仲有手打丸，我钟意佢细细粒，可以食多啲唔同嘅嘢！鱼皮都非常脆，一啲有油益味都没有。令我每人做可以有一个甜品雪糕，hagan dazz或者Movenpick甚至乎有特别嘅KitKat饮品都有多款选择唔少得一些特色嘅樽装茶饮有黑糖冬瓜茶同爱民芒茉莉茶，我觉得几特别，因为出面嘅火锅店都冇。最后值得一提汤底已经摆在枱面，大家可自行加汤一来又快啲方便点！…查看更多