影片
食家推介
我未见过一间挤拥两张圆枱贴埋一齐，我地放嘢喺张枱到都会影响到隔离枱，同服务员讲无纸巾，佢叫我地攞隔离枱果d,到我地攞了，隔离枱就闹我地攞晒佢啲嘢，又话我地放嘢上枱声骚扰到佢，我当然好嬲，我就话返果个客啦，佢声果d服务员完全唔过，等我地完左先走过黎推开张枱，一d歉意都无，我个位仲搞笑，每次有人行过，我就要起身让位，我坐左10分钟已经让左3次，真心无位就唔好接订位，我地唔嘈都唔话同我地换位，咁你换得即系有位啦，咁有点解要俾张咁嘅枱我地，真心嬲到我一家直接走唔食，佢就算几好食都好都唔会再去食，真心未试过遇到有呢咁嘅事情。PS:我地同佢讲紧嘅时候，我唔知果个女人系咪老板，佢仲同其他熟客干杯，真心无语
继续阅读
马宫主主打四川菜，不过都有唔少其他地区嘅菜式，唔食辣嘅朋友都有嘢食👍 价位正常水平，好多都仲系双位数凉拌花蛤 $79个汁偏淡，我地食唔出系咩汁，但系有少少日式青芥末味，个汁微咸微甜，所以出嚟似日式汁水。花蛤嫩滑，整体调味欠奉，浪费咗重庆凉面 面可能系重庆原产？我唔识，因为面质偏淋，我钟意食爽弹啲嘅面。而个汁酱真系好川味 轻麻中辣，再加啲香料同青瓜，好味、开胃又清新大盘花菜 原来系辣炒椰菜花同咸肉，镬气够，好彩唔多辣，味道充足樟茶鸭 $ 99半只份量，我地后叫，要啲时间去煮，要等！外皮微脆，超级香嘅烟熏味，肉质好弹、唔干唔肥，好多肉，全晚最好食虽然未到满座，但系都好多人帮衬，亦唔少枱自己带酒 / 叫啤酒饮，好多酒友同熟客，好热闹好开心
继续阅读
⭐️评分：4.5/5-虽然地点较偏远，但绝对值得一试-✳️酸辣原只北寄贝👍👍👍独特创新食法以酸辣、麻爽风格烹煮北寄贝进一步提鲜北寄贝鲜爽，弹牙柔软，有劲度粉丝金菇吸收汤汁柠檬的清新口味融入，滋味无穷-✳️炸馒头 👍👍👍永远的经典😍香脆的外皮，软熟的内心沾上稠密黏结，浓缩甜度的炼奶有一份难以形容的香口回忆-✳️口水鸡 👍沾上特制酱汁，香辣诱人-✳️椒盐鱿鱼 👍炸浆香薄酥脆鱿鱼弹牙份量足-✳️清炒莴荀 👍清爽，粗身切割增加口感略为多油份-✳️牙签羊肉串 👍香麻，下酒菜完美推介！羊肉调味略不够入味调味停留在表皮未能渗入-✳️椒盐豆腐内里滑溜但外面炸层略不够香脆-⭐味道 4.5/5⭐️特色 5/5⭐️环境 3.5/5⭐️性价比 5/5 ⭐️服务 5/5
继续阅读
有个好钟意食川菜嘅朋友介绍，前身叫丽澄轩，今日特登过嚟试吓。叫咗酸菜鱼（加钱转左桂花鱼），樟茶鸭，炒青菜，水果茶。酸菜桂花鱼细份够2-3个人食，鱼超滑，酸辣平衡做得啱啱好，汤头唔太油腻可惜入边冇我最钟意食嘅莴笋，同埋餐厅唔系用薯粉，用粉丝代替。樟茶鸭99蚊大大份，咸香惹味，味道唔知点解有啲似猪手😂 overall 都几好食,送啤酒一流。另外水果茶真心推荐，食完辣嘢饮返杯好解辣，里面好多生果，真材实料，$45大大杯！餐厅老板娘系四川人，口味一定正宗，价钱非常合理，都会再黎🌶️
继续阅读
今晚天气寒冷，我地全家决定去食返啲热辣辣🔥既嘢，听闻长沙湾新开咗间主打正宗四川风味菜式嘅“马宫主”，食材新鲜有镬气又唔贵🫢，今日就去试下先😆。店舖装修明亮简约又整洁，有4️⃣人卡位又有大图枱，餐牌📔选择都算多，有川菜、粤菜及特饮等，另有一张特价菜单，价钱更加实惠🥰。樟茶鸭 $99要赞一赞呢度嘅樟茶鸭🦆，首先颜色对办🥰，外皮炸至金黄色😍，但又做到外酥里嫩；肉香浓郁之余，樟树叶和花茶嘅香味亦慢慢从鸭肉🦆中渗透出来。欣赏师傅用回正宗嘅烟、熏、卤、炸方法处理，强烈推荐💯。毛血旺 $169又称冒血旺，系川菜中特色嘅名菜，一上枱血红色咁🔴，阿女即刻吓亲😂，好彩我地叫左bb辣🌶，辣度阿仔阿女还可以接受。正宗嘅毛血旺会用鸭血🦆，呢度啲鸭血口感好似豆腐花软嫩，鲜香完全冇腥味😍。加上牛栢叶、猪大肠、黑木耳、莴笋等配料，呢2️⃣日天气咁冻❄️，食呢个菜真系啱哂😋。霸王辣子鸡 $129细细件嘅鸡件🐓(有骨🦴)炸得非常酥脆，加上大量辣椒🌶及花椒一齐炒，咸香麻辣，非常惹味香口，劲好食🤤。金薯黑椒猪颈肉 $78猪颈肉🐖肉质爽弹有肉香味🥰，薯仔粒🥔表面炸得焦香，带阵阵香甜蜜糖味🍯，十分惹味😋。椒盐鲜鱿 $129上枱大大碟，差啲俾佢吓死😂，优惠价谂住俾渣嘢？年轻人实在太年轻了🤣，佢地仍然用上新鲜鱿鱼须🦑，加上炸浆薄薄的，所以外层香脆🥰，鱿鱼须质感弹牙有鱿鱼香味，真系抵食又好食😋。红糖糍粑 $59粑炸得非常香脆😍，内层软糯，点上清甜嘅红糖浆及带香味嘅黄豆粉。热辣辣🔥软绵绵又甜丝丝，食完之后劲满足🥰。流芒先生 $36阿女最后顶唔顺，所以我叫咗杯一芒果沙冰🥭俾佢，虽然个名叫流芒先生但就一啲都唔流😂，大大杯之余，芒果味又浓郁😍。总括而言，餐厅由多年川菜经验师傅主理，食物质素又正宗又有保证，而且环境舒适，真系值得回头再试。
继续阅读
您可能会有兴趣的...