馬來屋 (已結業)

現在疫情無左堂食，唯有看看附近有什麼好食的，見到呢間就來試下。我欣賞D野夠熱！係凍凍地日子食D熱辣辣既野係非常OK的。可惜當天無河粉~ 海鮮又無蝦.... 俾多2粒墨丸叫左「海鮮喇沙油麵」但色水唔夠，亦都唔係好夠味，好黃，好容易食到D牙黃晒，但喇沙係咁樣色嗎？另外朋友本身想叫炒河，即刻要轉軚食「菠蘿雞粒炒飯」味道一般，感覺無咩特別。叫左馬來特飲，當天係薏米檸檬水，不過麻麻地，叫做熱熱地暖胃朋友叫左凍奶茶，佢係雪凍個隻，唔係加冰，但味道好淡。…查看更多

新蒲崗簡簡單單食個lunch呢個電梯上一層右邊就到喺門口見到大大塊招牌有肉骨茶就好想去食呢度落單係用白板筆係張餐單上面自己畫欣賞呢一度做嘅食物都好有心思 亦都設有素食見到隔離枱食嘅嘢每一份都好似好好味有少少動搖到我想吃肉骨茶嘅念頭都係快啲叫咗先 好肚餓 ♥︎ 肉骨茶米粉 大大一碗 不太辣充滿肉和藥材味的甜味湯底實在很好吃 有很多舊豬骨煮得好腍好入味不得不讚佢有肉好厚又入味的厚身大粒靚冬菇佢本身配飯 可以轉米線米粉 米粉好滑 我自己就鍾意另外用個碗裝住再加啲辣醬食 一啖一啖好香口 食肉骨茶裏面嗰啲餸 再飲多啖湯 食完非常滿足 加$6有有一杯馬來西亞特色飲品 凍飲 今日有羅漢果龍眼水 大大杯 鍾意呢啲健康飲品 無添加冇味精Total買單$71 店員亦有禮貌 唔知點解咁多負評 …查看更多

上次lunch試完菠蘿雞粒炒飯已經伏左, 今日再來係因為遲左離開office, 少左lunch時間, 又見呢間有位, 就衝入去食。今次試$65肉骨茶飯, 呢款係基本菜式啦！但都係中伏, d飯硬&無飯味, 肉骨茶有1粒冬菇, 3片油炸鬼, 3嚿肉骨, 味道偏喊(都正常既), 但冇乜平時食向既藥材味。反正自己吾會再有第3次, lunch都坐吾滿人, 都知佢地咩料！…查看更多

買嘢買到好肚餓,飯市過後經過見到佢都有客幫襯,諗住好穩陣,點知都中伏。炒河照計好少會唔好食，但系佢哋啲炒河沒有鑊氣不特只，仲有好大陣窿味，成盒河粉黐住好多鑊窿,啲肉又炒到窿曬,食完真系驚生癌。份量亦很少,味道一般,性價比很低。餐廳環境尚算可以, 但食物質素差,不值得去。呢間野原來早有好多負評。如果我早啲發覺可以避過今場災劫。經過今次教訓，我下次會提高警覺，就算買外賣咁小事都要查清楚佢地嘅評語先好購買。…查看更多

如果你想緬懷小學時代小息期間, 到小食部的又簡單又垃圾嘅即食米粉, 件頭少, $42碗加埋半個米粉都無, 絕對適合減肥人士👍最正係仲有食完後因為冷氣不足而滿身臭汗嘅小學情懷, 呢間絕對要試呀！建議午飯陽光充足時去, 感受一下全舖高樓底落地玻璃而又完全唔裝反光貼嘅無敵裝修啊！…查看更多

因為工作關係到新蒲崗撞上一點鐘好多人放飯，而見一間叫馬來屋有位就入，叫了野食，一食，食物質素真心差， 海南雞 米粉好淡畀嘅醬料完全冇味，之後蒜香雞翼3隻即場咋都算係咁但係油煙味好重 ，另外凍薑奶茶，真心好淡飲咗一半唔飲， 食咗一半唔食，浪費咗92蚊。…查看更多

好日唔嚟吓，我承認我made錯decision，隔咗好耐好耐好耐日子先再嚟第二次，皆因我已經忘記第一次嚟嘅經驗啲質素有幾差。坦白講，如果淨係講環境方面係OK嘅，食個午餐，成$60一個餐，唔好話份量，淨係賣相都差過大X活同大X樂。真心講句，相片和實物不符，質素和價值成反比，我連相片都費事影。如果齋係傾生意傾保險傾閒偈唔在乎啲食物質素份量同價值就OK⋯⋯環境尚算可以，尤其是坐卡位估計坐得舒服。服務算OK，起碼冇黑面俾你睇，唔會叫極冇人應。份量方面，見仁見智，但係目測啲份量同汁都實在有點小家氣，可以話係減肥份量，要減肥嘅人啱食。一路食一路讓我懷疑人生，噉都值$60嗎？我家樓下兩餸飯三餸飯都係只不過呢個價錢已經可以買到兩盒，但人哋賣相、份量、味道、溫度都好過佢，成日排長龍。所以呢間馬來餐廳呢個咁嘅價錢完全係畀環境錢，唔係享受美食。結論係……咁嘅價錢唔係畀唔起，亦唔係唔捨得畀，而係畀得值唔值？所以食嘢千祈唔好貪方便貪就腳貪環境正但質素差服務差除咗收錢之外，分分鐘真係令你嘅心情降幾級，除非你完全唔介意，只求環境不求美食。…查看更多

價錢貴，份量少，質素低，叫左海南雞米粉同海南雞飯，飯偏乾，米粉真係很淡很淡，雞肉份量少少的可鄰，只有4件，咁嘅價錢，睇黎只有工業區先做得住，換轉民生區，應該執左九世，連杯美祿都係奶水，兩個字:劣食…查看更多

好少來到呢一區，安安搭正午餐時段，求其搵間舖頭食飯，天氣酷熱，於是乎行入來嘆冷氣，人唔多，樓頂好高，坐埋窗口位，幾舒服。是但揀咗肉骨茶飯，加咗碟蒜蓉炒芥蘭， 等咗幾分鐘即來咗肉骨茶，白飯好細一碗，稍硬。肉骨茶嘅湯水就幾好飲，藥材味唔重，味道偏鹹少少，三塊連骨肉，一塊肉質稍柴，一塊就正常，一塊有啲肥肉就好爽口，四小塊油豆泡都唔錯，一個冬菇，冇咩驚喜，算係一般般啦。 食到一半，蒜蓉芥蘭先至上來，切到好細條，味道同口感都係咁上下，份量對於一個人來講就好大份，我冇食得晒，想叫多碗白飯，但好似又太多，念吓啲味道又唔係太值得我食第二碗飯，於是留咗三分一。食咗半粒鐘，坐得舒服，食就夠飽但味道稍差些少，一百蚊都算幾貴吓。 …查看更多

我覺得豬軟骨飯好好味，海南雞飯味道不錯，只是肉骨茶一般般，當歸味不夠，未至於很差，尚可接受的，店員也很友差，走來問我哋食物意見，看得出是一間用心的餐廳，見OpenRice 很多負評，應該是餐廳有作出改善，希望下次再去會有更多驚喜。…查看更多

中午我在「旺角」商場購買和享用完火灸灸燒壽司食品之後，就立刻購買外賣自取「咖喱牛腩飯」，然後返回「旺角站」乘搭港鐵前往「鑽石山」，出站後再徒步前往「新蒲崗」。我之所以從「旺角」千里迢迢前往「新蒲崗」，無非只是因為忽然口癮發作，又想享用近年我愛上的馬來西亞熱門粉麵食品「喇沙麵」。恰巧鄰近「采頤花園」的「新蒲崗」商場「萬迪廣場」樓上，最近也開了一間主打「喇沙麵」的新馬來西亞菜餐廳，餐廳名稱叫做「馬來屋」。幸好我趕到「萬迪廣場」的時候，「堂食時間」還未完結，令我趕得及在「堂食時間」完結之前，享用到「馬來屋」的「海鮮喇沙麵」下午茶。雖然我來到「萬迪廣場」和「馬來屋」的時候，「馬來屋」裡面的食客已經因為「堂食時間」即將完結而開始結賬離開，餐廳環境變得有點冷清。但是「馬來屋」裡面的女店主當時的服務態度，也沒有因為「馬來屋」接近「堂食時間」完結，餐廳當時在場食客已經所餘無幾而變得怠慢。我立刻趕緊在「堂食時間」跟餐廳「下午茶」時間即將完結前，點了一客「喇沙海鮮麵」下午茶，至於飲品配另外加港幣五元，配餐廳馬來西亞冰凍飲品「拉茶」。不過「馬來屋」廚房製造的凍「拉茶」飲品，「拉茶」實際製成品最初的味道很淡，淡到完全沒有甜味，於是我向「馬來屋」店主反映問題，店主立刻通知廚房，替我的「拉茶」飲品加回糖漿。後補加入糖漿調味料之後的「馬來屋」「拉茶」飲品，立刻回復原本應該擁有的甜味味道，至於「馬來屋」的下午茶食品「喇沙海鮮油麵」，亦緊隨「拉茶」之後送到。至於「馬來屋」的下午茶「海鮮喇沙油麵」，「海鮮喇沙油麵」裡面的「咖喱」辣味相對之下，比「拉茶」濃厚得多，「馬來屋」「海鮮喇沙麵」不需要再加調味料，已經食到應該有的「咖喱」辣味。至於「馬來屋」下午茶「海鮮喇沙麵」的餸菜方面，餸菜裡面包括有三隻「蝦仁」、一隻「青口」、半塊「雞蛋」，還有幾塊「豆腐乾」。「豆腐乾」完全吸收「海鮮喇沙麵」裡面的辣味「咖喱」汁，所以「豆腐乾」的實際口感十分濕潤飽滿，味道則充滿來自「喇沙湯」裡面的辣味。至於「海鮮喇沙麵」裡面的海鮮「蝦仁」，「蝦仁」實際味道仍然十分新鮮，仍然有來自「海鮮」的鹹味，至於「蝦仁」的實際口感感覺十分彈牙。至於「海鮮喇沙麵」裡面的半塊「雞蛋」，「雞蛋」雖然只得半塊，但是蛋黃卻也完全吸收了大量「喇沙」湯，所以「雞蛋」實際味道也變得充滿辣味。另一方面，我還在「馬來屋」下午茶裡面，外賣自取購買了一份「蒜香雞翼（五隻）」下午茶，「蒜香雞翼（五隻）」下午茶飲品配罐裝汽水。雖然「馬來屋」下午茶茶餐裡面的「蒜香雞翼」，以油炸的方式製作而成，但是「蒜香雞翼」實際質感和口感經歷我乘搭小巴，千里迢迢返回「西貢」之後，仍然保持乾爽，沒有明顯變腍。「馬來屋」「蒜香雞翼」實際製成品裡面的主要味道，以「蒜頭」的香味和辣味為主，但是「蒜香雞翼」的實際辣椒感覺，其實不算很明顯。所以「馬來屋」另外為「蒜香雞翼」附上了一款，味道有少許辣味和甜味感覺，色澤偏向淺黃，質地偏向比較稀薄的濃厚「咖喱醬」醬汁。雖然「馬來屋」下午茶茶餐的「蒜香雞翼」經歷長途運輸，「雞翼」實際口感難以完全保持新鮮炸起的香脆感覺，但是難得雞肉實際口感還未完全變腍，已經證明「蒜香雞翼」實際口感不算很差。反而「馬來屋」廚房為「蒜香雞翼」實際製成品而預備的辣味「咖喱」醬汁，為「蒜香雞翼」實際辣味濃度帶來重大貢獻，令「蒜香雞翼」實際辣味感覺變回濃厚水平。總結「馬來屋」下午茶茶餐，明顯下午茶裡面的食品味道比飲品來得濃厚，反而「拉茶」實際甜味造得有所不足，需要廚房後來加入調味料補救。「馬來屋」下午茶裡面的「海鮮喇沙麵」實際辣味感覺比較濃厚，「海鮮喇沙麵」海鮮的實際口感和味道也都十分新鮮，加上辣味「喇沙湯」後變成了濃味喇沙海鮮麵。就連「馬來屋」麵身質地偏向比較粗的「油麵」，也都完全吸收來自「喇沙」湯裡面的「咖喱」辣味，還有「椰汁」甜味，令麵條味道變得很辣很開胃。「馬來屋」的「喇沙」麵辣味和「椰汁」甜味固然值得欣賞，但是「馬來屋」店主的服務態度也很不錯，令我還能夠飲到甜味的「拉茶」飲品，令「馬來屋」還值得下次繼續幫襯。…查看更多

叫咗碗喇沙，唔好話唔好食，連個鼻都唔想聞，唔知咩味咁，顏色肉酸，相都唔想影。入口感覺很辣，只吃到咖哩味，60大洋俾啲咁嘅嘢我食，真心想鬧人。埋單時同佢地講，點知佢話下次可以叫唔辣，佢可以俾清湯，有無攪錯，清湯就唔係喇沙啦老友，！！聽完轉身就走，佢地跟本就唔識整星馬食品，奉勸各位唔好嘥錢嘥時間。…查看更多

星期六2個人去左大友街搵食望下個錶2:30pm 嘆個下午茶因為星期六工廠區可以揀窗邊卡位(啱啱有輕微嘅太陽入窗，正!)下午茶餐牌由$24-42 冇加一最後叫咗「馳名肉骨茶」米粉& 「喇沙海鮮」米粉跟一杯熱「奶茶」& 加2蚊要「拉茶」喇沙海鮮米粉：朋友話唔係米粉係粉絲(透明㗎喎😅 )辣辣地味唔算好辣 食到黃姜粉turmeric半隻雞蛋1隻青口一粒丸3隻蝦一粒豆卜我朋友都係唔食濃味佢覺得OK啱啱好佢嗰杯係熱奶茶 朋友話ok我個肉骨茶米粉 ：個人認為都唔算係米粉應該都係粉絲 冇所謂兩樣我都鍾意食😆肉骨茶冇乜藥材味 尚算有味道有兩舊骨同豆卜因為個湯唔肥所以成碗飲晒跟幾粒薄切油炸鬼拉茶都係ok啦見到其他食評話佢淡而無味咁啱我不喜歡食太鹹或味精因為我對味精敏感(門口寫住: 無添加冇味精)所以反而入嚟一試星期六下午茶坐滿2人下午茶埋單$86  如果要食咸味或濃味嘅 呢度可能唔啱你如果想食清淡少少嘅 (我同朋友都覺得其實食物都有味啊）呢度係選擇之一服務態度幾好…查看更多

這陣子疫情受控，食肆處處人頭湧湧。我從前在這商場附近學書法，知道這裏的食肆人較少，所以今天來。我沒有幫襯過「馬來屋」，所以試試。食肆在二樓，人不多。樓底好高，坐得舒服。Honey點了兩款，都是他喜歡的：海南雞飯($62)和馬來肉骨茶($65)。海南雞飯：是原隻大雞髀，雖然啖啖肉，但是……有點白烚的感覺！雞髀肉烚了也不會「鞋」，但……白烚……沒有味道！唯有靠那三款醬汁……😕😕油飯也沒有雞油香，而且好乾！唯獨，是那碗雞湯，好有雞味。肉骨茶：是馬來肉骨茶，藥材味比較重。這個湯頭不錯，有山地玉竹的甜味。有三塊肉排，但同樣問題 - - 肉和湯都很淡！淡到，根本「不送飯」！飯很硬很乾！另外我們加錢，點了燒菠蘿($18)和蒜香雞翼($22)。燒菠蘿還可以。但，炸雞翼……也是同一個問題：沒有味道！淡而無味！所以，總括來說，食物方面……這位師父一定「注重健康」 - - - 全部都是非常非常淡口的！不過說，句公道話，材料是不吝嗇的。因為，排骨和雞髀，都是大大塊。加錢，可以加飲品。Honey點薑奶茶(+$5)這個一般，薑味和奶茶都………淡。我點凍檸七(+$8)這個就非常好，半個鹹檸檬，非常夠味。總括而言，真的不太好吃……所以……應該沒有下次了！…查看更多

下午茶$42海鮮喇沙，可以揀米粉、油麵或河粉。河粉還算正常，但河粉好易吸湯，個湯底越來越少喇沙，所以唔應該有河粉呢個配搭湯底顏色好似好濃，少少咖喱味咁，但唔夠椰香味，只有辣，又未至於去到難食，總括來講，試過一次就算，冇下次…查看更多