影片
招牌菜
马来亚餐厅位于般咸道好耐嘅餐厅，老板终于12月22号通知大家 12 月20 号结业.. 今日12 月19 日特别去间餐厅度帮衬同老细和伙记道别….平日一个午餐50几蚊有汤、面包、饭和嘢饮，真心抵！今日叫咗出名嘅海南鸡饭、咖喱牛腩饭和烩猪扒饭，同呢间老店道别！
继续阅读
好食！真料实料！有次OT O到九点，返到嚟都冇乜边间餐厅开，之后帮衬咗佢个粟米鱼，有成三块鱼！平时就成日都食佢个西炒饭、滑蛋虾仁炒河、云吞，唔系甘易揾到滑蛋虾仁炒河，仲要系好食嘅滑蛋虾仁炒河呢度嘅西炒饭嘅质地，淋淋地、黏黏地，唔知点样形容，总之喺出边食唔到。价钱合理（但最好唔好收加一啦）散叫炒嘢好食过佢𠮶啲set dinner，set dinner真系好麻麻。我朋友第一次食完set觉得间野唔得，之后食我介绍既炒饭炒河，赞不绝口
继续阅读
呢碗鸡肉喇沙要$58但啲鸡肉碎加埋唔知有冇两汤匙啲汤系好杰好椰汁 但系系冇味。。。。想加盐但枱面𠮶盐樽倒极都倒唔到出嚟啲米线系碎湿湿嘅 好差。。。未食过咁伏咁差既垃圾 千奇唔好黎食
继续阅读
成个好似茶餐厅样 竟然收返加一 估唔到 食物质素麻麻地 服务基本🈚 我真系以为系茶餐厅先入去 埋单话要收加一 LOL 真系好大误会 anyways won’t attend again.
继续阅读
今日贡贡下走咗上般咸道觅食，点知想去嘅𠮶间餐厅今日唔做午巿，于是喺附近揾咗另一间马来亚餐厅。坐低叫咗是日午餐 A：咖哩鸡饭 + 罗宋汤 + 汪阿姐。太肚饿喇，餐包等唔切畀部手机食先就畀我咬咗一啖。餐包属室温，软熟，味道普通。罗宋汤有椰菜、红萝卜、薯仔、西芹，最惊喜嘅竟然有好多牛腩碎！汤嘅味道唔算好浓，但够味，甜酸度平衡，唔辣，只有好轻微嘅㷫口。唔知系咪我少喺出面饮罗宋汤，今次真系第一次饮到有咁多牛肉碎，令碗汤增添咗口感同肉味。轮到主菜，食咖哩鸡前，我习惯先一羹咖哩汁入口。马来咖哩汁比港式咖哩冇咁重香料味，同埋唔辣，又系只有少少㷫口，反而多咗好浓郁嘅椰汁味。口感滑得嚟，有啲沙沙嘅感觉。再嚟试配菜嘅薯仔。哗！超级好食！又棉滑，又粉糯，仲索哂啲咖哩汁，两旧真系唔够喉。（OS：老板！可唔可以畀多几旧薯仔我呀？）跟住食鸡，鸡有两大件，当我准备切佢时，先发觉原来系鸡背脊，把刀畀背骨顶住咗。虽然系鸡背脊，但唔好以为冇肉，其实佢都可切到唔少肉出嚟。而用鸡背脊，亦代表餐厅至少唔系用千年雪藏鸡扒，而系用原只冰鲜鸡再斩件。讲下件鸡嘅味道，基本腌咗底味，再捞埋咖哩汁一齐煮。肉质唔似鸡髀咁滑同弹牙，但又唔会好似鸡胸咁嚡烚烚，佢系介乎两者之间。可惜嘅系当日厨师唔小心煮过火了，有少少嚡，但可以接受。配埋咖哩汁，味道都 ok。至于汪阿姐，香嘅，滑嘅，但唔落糖就苦咗少少，整体都 ok。
继续阅读