馬仔咖哩 (已結業)

因為工作山長水遠入到黎依個地方，咁下午是但搵到地方食下lunch啦行過見到新開一間食咖哩，是但入去試下。坐低見到咖哩送咸檸7咁抵，咁就試下啦。意想不到，細細架鋪咖哩勁香，豬軟骨軟硬適中。下次黎開做野一定會再食

系一个住宅區，可以食到同阿龍差唔多味道的咖哩，真係好驚喜。係非常正忠，老闆的上一輩在警局替當時的印度警員煮咖喱學成。味道不會太本土太港式。尤其係個小麥餅，真材實料。間嘢食物好有良心同誠意，試業期間好平。又無咁辣係附近既一定要去支持下

種類雖然不多，但質素控制甚好！海濱必吃，咖哩質素高，有特色，麥餅更是即叫即造。咖哩雜菜鮮美，啱素食者。現在加入常餐，用出前一丁，貨真價實，蛋，火腿，午餐肉，有家庭菜口味。極力推薦！

咖喱够香有家族獨特味道， 與清真馬家莊同出一脈 。論價錢，有這樣的味道已屬照值！但此家著重香味 ， 只是微辣 ，最合我這些不受得辣的人。目前只有牛腩、雞、雜菜三款(希望將來會有羊)，我叫了客牛腩飯。可叫多飯，牛腩火路够 ，够"林"不黏牙 ，難得！六点前有餐蛋面供應，但我覺有點不倫不類，如果有咖喱撈丁就更合主題！小店不起眼，環境清靜比一般連鎖快餐店好，只有十幾個座位，可訂座。車可泊路邊，可隔住玻璃望住車吃不怕鎖車或方便外賣(海濱花園範圍私家路)，下次會再去試埋咖喱雞 ！

偶爾來到海濱花園揾食，咁啱一家人都很久沒有吃咖哩，於是到這間小店一試。意想不到的驚喜，咖喱汁好香濃，一睇d蔥碎就知道真材實料，絕對非一般茶記的黃色芡汁可媲美，牛肋條炆得好淋，不過講真，齋撈汁已經可以食幾碗飯。還要一提的就是個手打全麥薄餅，好有麥香，配搭咖喱，味道一流，絕對值得一試。後來才知道可以加辣，啱哂我無辣不歡之人。食物選擇雖然不多，但能帶給人正宗回教咖喱的味道，絕對係有heart的咖喱👍🏻