影片
以上资料只供参考，请与餐厅确认详情
一早开门嘅早餐面包舖，为于粉岭火车站附近，由出口一行入粉岭名都商场，已见到面包店嘅存在。舖面似旧式面包店，但似乎较擅长焗皮嘅面包，牛角包、丹麦条等，亦有一啲夹馅嘅包，例如忌廉包等，门外仲有三文治卖。赶住返工，无再仔细查看。蒜蓉肉松包$10外型超大，大概系一部IPhone 8 Plus嘅大细。个包松软，但因为够大个，朝早8点食完，到中午都唔会肚饿👍🏽作为箍牙妹，最like佢唔似其他肉松包会硬到成个法包咁，虽然有肉松嘅位置依然会硬啲，但起码唔会咬到牙痛😬
继续阅读
今日中午12点半谂住买半磅麦包$8，去到收银处畀钱，由于无带八达通，于是拎出一个十蚊银找数。当时短曲发四眼员工接过钱后，即反问：「有无第二个银，你d 钱污糟，银行都唔收！」哗，阿姐你呢啲态度真系世界级㖞。当时我即刻决定唔会帮衬，亦唔会同你嘈，选择亲手将面包交回给你。1. 当时铺面得我同另一个客，未至于忙中有所怠慢；2. 你觉得辅币污糟而唔收系根据公司政策定你自行决定？3. 银行都唔收，请问我啲钱系黑钱咩，你凭咩咁讲？员工语气完全带有冒犯性，呢间铺我决定永不帮衬，员工咁既态度，简直赶客，我唔寄望你公司会睇到而作跟进。p.s. 该十蚊最后改去隔离7仔帮衬，宁愿买贵啲既面包，至少食完唔驶背脊骨落！
继续阅读
14:20我去买了两个包，一个鸡尾饱，一个雷沙饱，俾钱时，收银员同我讲放埋一齐，我话两个味系甜同咸沟埋？跟住佢用透明袋分咗两个帮我袋，当时我去完超市，有两大袋购物，但佢俾个两个透明袋无手玩的，搞到我要放入我两大袋购物入面，返到屋企，变咗扁左，唉！买个时立体有好睇好食嘅包，依家变咗扁平嘅包😢
继续阅读
下午茶时间，大队长请食小食，买了30个花生糯米糍返来！一大个胶袋满糯米糍好夸张，每两个糯米糍仲有一个细薄胶袋套住，方便大家分享又卫生！包装上几好！呢间近火车站商场面包店，我都试过佢嘅面包，水准只属一般花生糯米糍🥜：正常糯米糍尺寸，白雪雪外皮真系要赞，又薄又软，好似棉花糖咁，洒上糯米粉唔黏手，入面满满嘅花生椰丝夹芝麻，又松又香，味道唔太甜！真系好惊喜好味道！估唔到面包水准一般，糯米糍做得咁好味👍🏼
继续阅读
粉岭火车站旁面包店选择唔多，只有山崎面包店同埋呢一间，翻工想快快手买个包食定早餐，见呢间平过山崎就黎买个包。馥轩望落去都几干净，仲有自设厨房，香喷喷有时候面包出炉都好想买，而且有好多传统中式包点，都几吸引。今次买左两个包，一个系芝士肠仔包，另一个系鸡尾包。冇计喇！鸡尾包最平。芝士肠仔包 $7.5 食得太急冇影相，不过卖相系几靓！ 但系上面就无啦啦多咗啲怪味肉松味道有啲怪鸡尾包$5 就系for我翻工放break食嘅，卖相都靓架！本身咬落去包都还可以，再咬多几啖发现个包啲馅过少！完全偷鸡！
继续阅读