香香宮煮 (金巴利中心)

营业中

休息中

位於尖沙咀，以清朝宮廷風火鍋為主題，裝潢典雅，設有龍椅打卡位，頗具特色。招牌「雍穋公主花膠雞湯」湯底濃郁，雞湯香醇，花膠入口即化，適合喜愛滋補口味的食客。牛肉拼盤新鮮，肉質嫩滑，搭配多款醬料更添風味。環境寬敞，服務員主動提供宮廷服裝拍照，增添趣味。價格稍高，火鍋套餐約$200/人，但食材質素對得起價格。高峰期需預約，適合情侶或朋友聚餐。整體而言，獨特的宮廷體驗和優質食材令人印象深刻。

【🏮尖沙咀宮廷火鍋 - 香香宮煮】 未試過打邊爐要着漢服打卡？呢度連湯底都封公主名號👸.🐉 鎮店之寶：蘭陵公主胡椒酸菜魚湯底＋龍躉片酸菜脆爽＋胡椒辛香，飲一啖：酸辣醒胃唔嗆喉😎涮海鮮鮮味昇華200%！厚切龍躉片✨魚皮膠質爆棚，滾8秒嫩滑到似豆腐＋魚油甘香，點秘製豉油鮮到震😍.🟡 邪惡黃金炸響鈴即炸鹹蛋黃響鈴山」🧨上枱熱辣辣、脆到嗦嗦聲！鹹蛋黃多到漏沙，浸湯3秒嘅話外脆內流心，索盡公主湯精華💦.🎁 艾莎公主牛肉寶盒❄️上枱倒乾冰: 仙氣橫流！牛肉油花靚到似雪花，涮酸菜湯去膩提鮮！.🍽味道：4/5🏙環境：4/5👨🏼‍🍳服務：4/5💧衛生：4/5💰價錢：4/5

火鍋湯底：雍穆公主•花膠雞湯鍋！餐廳招牌湯底之一，滿滿膠質嘅雞湯底，鮮甜濃郁，仲有好多厚身花膠，另外仲有一大份嫩滑香口嘅三黃雞，性價比高！-花花公主牛魔王拼盤(細)牛肉拼盤一共有七款牛肉，包括：頂級安格斯牛肉！手切本地牛肉、新鮮牛展、頂級雪花肥牛、牛黃喉、牛肉粒同牛舌花。個人最推薦手切本地牛肉，牛味濃，肉質鮮嫩，油脂分布均勻。-松露芝心墨魚丸松露非常香，芝士做到流心～-伊比利亞橡果豬大大份，肥瘦適中-香香宮煮響鈴拼盤響鈴拼盤有咸蛋黃醬響鈴同普通響鈴，兩款都系即炸嘅～黃金響鈴先用特選腐皮炸香成，再用咸蛋黃醬炒，非常特別-黑松露蟹肉餃-竹蔗茅根#香香 #香香宮煮 #tasty #火鍋外賣 #hotpot #hotpothk #火鍋晚市 #打邊爐

今日去咗尖沙咀嘅香香宮煮度打邊爐，餐廳主打特色邊爐，仲有好多古裝嘅打卡位除咗唔同嘅肉類之外湯底同埋各種海鮮都非常多，非常有實力嘅餐廳❤️❤️蘭陵公主胡椒酸菜魚鍋魚鍋湯底濃郁，搭配新鮮的魚片和酸菜，味道層次分明，最令人驚喜係，魚肉除咗非常多之外，仲係用龍躉肉！🥘艾莎公主牛肉寳盒這道牛肉寶盒選用了頂級安格斯牛肉、手切本地牛肉、新鮮牛展、頂級雪花肥牛、牛黃喉、牛肉粒和牛舌花，每一種肉都極其鮮嫩，而且份量非常之多，三四個人食啱晒👌🏻伊比利亞橡果豬肉質鮮美，帶有獨特的香氣，口感滑嫩，油花非常之平均，所以唔覺得特別肥膩！❤️香香宮煮響鈴拼盤有普通響鈴同埋黃金響鈴，即係鹹蛋黃，就咁食都非常好食🔥美濃水蓮台灣新鮮運到，水蓮清脆爽口🥗手打蝦丸手打蝦丸彈牙鮮美，蝦嘅份量非常之多🥡

📍 香香宮煮｛尖沙咀｝香香公主果然名不虛傳😍😍一入到門口就已經有張黃椅，盡顯公主嘅氣質😍而且服務都係好公主嘅感覺，食物質素係會令人回頭再食😘✨ 蘭陵公主.胡椒酸菜魚鍋集合左酸菜爽口和胡椒的香氣，新鮮的龍躉魚片在湯底中煮至嫩滑，而且份量都好多，搭配酸菜的酸爽，湯頭清淡卻富有層次，令人感到溫暖🐟✨艾莎公主牛肉寶盒依個牛肉寶盒，全部牛肉嘅部位都有齊晒，最欣賞係牛喉，烚幾耐都好仍然保持爽脆，其他牛肉雪花都好均勻，牛脂油十足，雖然只係細份，不過都五臟俱全！✨ 手打鮮牛丸（四粒）呢度每款嘅丸類都係手打，牛肉丸好濃厚嘅牛肉味，鍾意食牛肉嘅你必定要食！✨伊比利亞橡果豬豬肉係最令我驚喜，豬腩肉嘅部位帶點豬嘅脂肪，一啖擺落口豬嘅油脂已經喺口度浪下浪下，個人覺得係必嗌之選🩵✨香香宮煮響鈴拼盤原味響鈴+鹹蛋響鈴，原味響鈴烚一烚就食得，鹹蛋響鈴鹹香味十足，兩款響鈴都炸到好爽脆，而且好索湯汁🥢✨ 韭菜豬肉餃每粒餃子都好飽滿，大大隻餡料豐富，一咬落去韭菜已經湧晒出嚟，係我最鍾意嘅韭菜餃🥟豬肉亦都好新鮮，每日新鮮人手包製🩷✨ 自家製足料蔗茅根每次打邊爐必備，清熱降火，飲完條喉嚨都舒服啲‼️

本身11點入去食，諗住好多舖頭閂晒門，誤打誤撞就揀咗呢一間打邊爐，食物質素唔太expect有乜嘢驚喜，但試過呢一間嘅 豬 同花膠雞，就真係即刻入去再食😊😊服務員介紹我哋一開始飲咗啲湯先，然之後先食雞，個口感又再多一層次，一開始飲湯之後就更加開胃，好滑同埋鮮甜，無味精，真係無介紹錯

呢間香香宮煮已經bookmark 好耐 終於食到餐廳以古代皇宮做主題 裝修好得意每一張枱都好似清朝後宮咁有個名號 好吸引人打卡我地叫左🍂蘭陵公主·胡椒酸菜魚鍋 $308屬於酸味重嘅酸菜魚 好微嘅辣味 怕辣嘅人都食到🍂艾莎公主牛肉寶盒 $498好靚 勁有仙氣 入邊有多款牛肉 滿足大家對唔同部位嘅需要🍂手打鮮牛丸 4粒 $72夠juicy ~~~🍂伊比利亞橡果豬 $188濃厚豬味而且唔會切到好薄 有咬口🍂香香宮煮響鈴拼盤 $98強烈推薦！ 其中一款可以即食嘅響鈴 炸到脆卜卜再配上鹹蛋黃醬 好正呀😍😍🍂陳年花雕醉雞 $88又有酒香又滑~~🍂自家製足料竹蔗茅根一渣 $78

11月生日月，去咗香香宮煮做半日香香公主👸🏻 一入門口可以換中式公主衫，有格格頭飾🤪 然後就坐喺一個宮入面用膳，哈哈都幾好玩！雍穆公主·花膠雞湯鍋 (半隻)金黃色嘅花膠雞湯，瀰漫住一種幸福嘅味道，入面用上三黃雞新鮮熬製，配上厚身花膠，忍唔住飲咗兩碗湯🍲艾莎公主牛肉寶盒顛覆咗我對Elsa嘅認知，好似月光寶盒咁，一打開有湧出嚟，入面有1.手切牛崩沙 2.手切本地牛肉 3.新鮮牛展 4.頂級雪花肥牛5. 牛黃喉 6.牛肉粒 7.牛舌花🥸 基本上全部靚牛肉，輕輕滾下就爆牛香味💗👍🏻伊比利亞橡果豬食橡果嘅豬啲脂肪係滲透喺肉裡面，肉質清晰，表面好似大理石紋嘅油花，味道清新，不飽和脂肪酸食多兩片都唔驚，肉味芳香濃郁。 松露芝心墨魚丸 松露味濃，一咬就爆芝心，呢粒墨魚🦑太好食喇🥰 有層次！黑松露蟹肉餃 齒頰留香嘅黑松露同蟹肉原來係咁夾，呢款要後啲先食，因為食完會成口黑松露味😆香香宮煮響鈴拼盤有即炸嘅黃金鹹蛋黃響鈴🔔，同鬆脆原味響鈴，二秒滾一滾吸入湯汁就已經好正！竹蔗茅根係古色古香嘅龍器皿，打邊爐飲啲清熱飲就最夾，過咗半日中式公主生日🎂 今年嘅願望好簡單好平淡，願繼續簡單🍀

天氣涼涼地我地就約埋三五知己去尖沙咀打邊爐朋友就介紹我哋去呢間香香宮煮香香宮煮嘅裝修好有特色以中國宮廷作主題近門口亦有龍椅可以打卡可以感受中國傳統宮廷嘅氣派湯底我哋揀咗佢嘅招牌秘製花膠雞濃湯鍋雞件厚厚多肉配上厚身花膠整個湯底充滿骨膠原飲完個湯好似做完Facial一樣艾莎公主牛肉寶盒嚟時候充滿乾冰既煙，襯返冰雪奇緣嘅名，岩哂打卡。寶盒包括咗多個不同部位▫️頂級安格斯牛肉▫手切本地牛肉▫新鮮牛展▫頂級雪花肥牛▫牛黃喉▫牛肉粒▫牛雪花一次過就可以品嚐多個牛肉部位頂級安格斯牛肉同埋頂級雪花肥雪花分布均勻肉質軟熟得來又唔會覺得好油新鮮牛展肉味濃郁牛黃喉口感爽脆伊比利亞橡果豬肉片豬肉片以橡果飼養肥美之餘肉味濃郁炸響鈴拼盤除咗有原味之外，仲有黃金炸響鈴黃金炸響鈴帶香濃咸蛋黃味就咁食或者浸湯都一樣咁好味黑松露蝦丸蝦丸爽口彈牙黑松露味突出但蝦嘅鮮味都無被蓋過蟹皇餃正值係食蟹嘅季節我哋就揀返一個蟹皇餃味道勁香估唔到餃子都咁好味

香香宮煮@tasty_hotpot_palace地址：尖沙咀加拿分道16號金輝大廈1樓 -昭陽公主椰子雞湯鍋新鮮椰青水配合三黃雞，再用番薯蜆提升鮮味，非常滋潤😻飲落鹹鹹地甜甜，椰子味濃，三黃雞肉質鮮嫩，正！-花花公主牛魔王拼盤(細)呢個牛肉拼盤，一共有七款牛肉啱晒牛嘅愛好者😂😂包括 頂級安格斯牛肉！手切本地牛肉、新鮮牛展、頂級雪花肥牛、牛黃喉、牛肉粒同牛舌花，個人最推薦首設本地牛肉，牛味濃，肉質鮮嫩，油脂分布均勻。-松露芝心墨魚丸松露非常香，芝士做到流心～-伊比利亞橡果豬大大份，肥瘦適中-香香宮煮響鈴拼盤響鈴拼盤有鹹蛋黃醬響鈴同普通響鈴，兩款都係即炸嘅～黃金響鈴先用特選腐皮炸香成，再用鹹蛋黃醬炒，非常特別-南非鮑魚（ 兩隻）南非鮑魚已經切好片，口感淡牙味道鮮甜👍🏻-竹蔗茅根（一渣）#香香 #香香宮煮 #tasty #火鍋外賣 #hotpot #hotpothk #火鍋晚市 #打邊爐

作為香港人, 無論幾熱都要打邊爐😆今次黎到以宮廷為主題既「香香宮煮」。一入門口就擺左張龍椅俾人打卡，一嘗做皇帝既感受胡椒酸菜魚湯底酸菜味道溫和，唔會過酸同嗆口。配上嫩滑既龍躉魚片，非常開胃。艾莎公主牛肉寶盒 打開既時候充滿乾冰既煙， 岩哂打卡。寶盒有七款牛既部位，包括少有部位—牛黃喉同邊爐少有既牛肉粒。第一次食牛黃喉，非常爽脆，有少少似牛百葉既味道。每一款牛肉同非常軟稔，岩哂牛魔王🥳伊比利亞橡果豬豬肉片肥瘦均勻，質素比得上牛肉。熟左之後非常爽口彈牙👍👍香香宮煮響鈴拼盤侍應提醒咸蛋黃響鈴可以唔使浸湯食。咸蛋黃味非常濃郁。而原味響鈴浸左酸菜湯可以解膩，又係另一種風味

朋友聚餐，想打邊爐，尖湯咀有d有k唱既又full book,見佢裝修幾特別又多好評，又試試佢。一行六人，一半都要ot準時到有難度，好在無限時。叫d送酒小食同清酒飲住先。見佢有特價清酒/啤酒同牛肉，就叫左支同兩碟牛，叫完先知星期五係無半價😣 只怪未問清楚就叫人齊開飯啦，牛唔錯既，擺盤都好靚仔，餃同肉丸類唔係好得，兩樣d肉都好霉，手打丸拼盤，牛又好墨魚又好，口感一樣一d都唔彈牙，仲好似有少少‘叔叔地’咁。試埋餃，蟹粉餃同黑松露餃，都係咁咁，算啦唔食囉。仲大佢個黑松露唔女食，建議有黑松露既野都可以唔洗試，（其實肉丸都係）。珊瑚旁同桂花旁都唔新鮮仲好咸。唯一係服務好好，有講有笑，見我地啤酒熱哂主動換過d凍既比我地，好在服務令到個心理好過返d，唔係真係付皮了。埋單每人六百幾（我地無叫其他海鮮同都係得兩碟牛牛，其他都係普通野） cp真係一般，d丸同餃真心失望，係香港市區食野都唔計較得咁多，唯有下次試第二間喇

餐廳風格主題係復古宮廷，店舖營造出古代皇宮嘅華麗氣氛🤩另外連餐具都係青花瓷器，更加添古代感，啱晒打卡😗最有趣係門口有張龍椅俾大家去打卡🥳.🍲龍躉木瓜鮮魚湯湯底選擇十分之多，對於有選擇困難症嘅小編黎講，都真係揀左好耐先決定到邊個湯底😂最後揀嘅呢款絕對係清甜之選，鍾意鮮甜湯底嘅話呢個絕對會有驚喜🥰.🐷 伊比利亞象橡果豬 平時小編一定係先介紹牛肉，但今次真係覺得佢哋嘅豬好高質，簡直係豬肉裏面嘅和牛級數😌呢款豬係西班牙嘅高級黑毛豬，食橡果長大，帶有獨特嘅香味😮每一片豬肉都好肥美，肉味芳香濃郁，油花好似大理石紋一樣🥹.🥩艾莎公主牛肉寶盒寶盒一打開就見到啲仙氣噴出嚟😂拼盤包括咗七種唔同嘅部位，連平時比較少見嘅，例如牛黃喉都有😈牛嘅雪花都一樣好高質，雪花均勻，肥瘦適中，牛魔王必點拼盤呀😜.🍽味道：4/5🏙環境：4/5👨🏼‍🍳服務：4/5💧衛生：4/5💰價錢：4/5

見到身邊都有人嚟香香宮煮打邊爐，今日就輪到我ദ്ദി ˉ͈̀꒳ˉ͈́ )✧佢湯應選擇好多，泰式中式台式都有，今次我就揀咗酸菜魚湯底，火鍋料我就揀咗幾款肉同埋我打邊爐十級愛嘅水蓮。酸菜魚湯底味道好濃偏酸，個人嚟講好中口味，辣度啱啱好，嚟到第一個火鍋料真係嘩咗一聲，佢呢個艾莎公主牛肉寶盒好誇張，肉料款部位好多，一次過可以食到唔同牛味。另外佢個伊比利亞橡果豬無好濃嘅肉味反而多咗重甜味，配酸菜魚湯底啱啱好唔太搶佢個味。呢度打邊爐一班人或兩個人嚟都幾好，佢成間餐廳設計係宮廷feel 😆有一個個小包廂個個小主們食嘢。

📍#香香宮煮餐廳環境寬闊，裝潢偏中國宮廷風，別具風味，餐具都係用粉紅色餐具，非常之少女心💗非常適合一路打邊爐一路同友人傾下計。✨胡椒酸菜魚湯底 $308生浸龍躉魚片，上枱要等佢煲滾先食得，並唔係一早煮熟嘅酸菜魚，好有誠意，魚片份量都多，新鮮魚食落果然肉質爽彈。酸菜湯係微甜嘅，而湯底辣度固定了微辣，覺得唔食辣嘅人都可以食得到，係胡椒嘅辣度。✨ 艾莎公主牛肉寶盒 $498共有7款牛肉在內: 手切牛崩沙、手切本地牛肉 、新鮮牛展、頂級雪花肥牛 、牛黃喉、牛肉粒及牛舌花。牛崩沙係薄軟膠質，爽軟不硬。牛肉同肥牛高質，雪花紋好靚，肥瘦適中。✨黑松露芝士墨魚丸(4粒) $72一咬開芝心流出來，黑松露香氣十足，仲有墨魚粒係入面，爽口彈牙。大推👍🏻✨伊比利亞橡果豬 $118薄切橡果豬肉片肥瘦均勻，頗有香濃嘅豬味。✨香香宮煮響鈴拼盤 $98有鹹蛋黃響鈴及原味響鈴，每款味道各3條。鹹蛋黃汁夠多，響鈴食落爽脆。✨竹蔗茅根 $78清甜冰涼，清熱解膩一流。——————————————- 📍 香香宮煮🏠 尖沙咀加拿分道16號金輝大廈1樓#Hkfoodstep#hkfoodstep尖沙咀#hkfoodstep火鍋#