香辣車仔麵

营业中

休息中

利申：我由三十尾幫襯到依家五十今日星期五晚冇節目,打算食個面懷舊下....點知去到6：15...5張枱坐左6,7人,仲以為早所以小客...落單食物好快到...食物味道ok和以前差不多,餸的份量小但可以接受....但跟住視覺衝擊來了....好多好多烏蠅!有停留在客人背後,有停在你夾面食的手臂上,有停在你枱面上order紙本上望住你!一直食一路望住d烏蠅,開始由不安跟住有d反胃....越食越唔舒服,草草落肚就急走俾錢時同收銀講好多烏蠅,佢答:係咩？哦,原來係弱視...得罪晒係openrice見到上一個comment都係話多烏蠅....原來唔係新野...係「死性不改」!冇下次了...又一次証實：「回憶美好,現實殘酷」

差到不得了， 烏蠅又多，一張枱要坐6-7人，仲要我孭住袋食，唔係我見到冇位都入去食，我坐張枱本身5個，有個食完變4個，之後有3個人嚟叫我逼去坐6個人個張枱，ok外賣拎走。我知寸金尺土，但都比個客人食得舒服少少呀

喺登龍街成日都見到入邊坐滿，以為佢仲係叫新記，但係OpenRice上面話已經改咗名香辣車仔麵 🍜 今次試吓買外賣 🥢 除咗車仔麵，仲有得買一串串小食 🍢 但選擇唔多 主要都係車仔麵嘅餸🍢 小食▫🦑 魷魚- 唔會過韌 但冇芥辣甜醬就好似爭咁啲嘢咁 ▫ 🟡 咖喱魚蛋 - 魚蛋彈牙 咖喱醬唔係好濃郁 主要靠個辣汁 但係辣汁真係超辣 🔥🍜 車仔麵 - 油麵 滷水汁 中辣外賣冇分湯油麵都冇淋到 但係麵份量比較少滷水汁湯底好惹味 帶點蒜香 ▫ 🐖 秘製豬腩肉 - 肥而不膩 但有少少失望 因為佢話秘製以為會有特別醃料或者燒過▫🐄 五香牛腩 - 幾入味 都算幾淋▫️🐄 五香牛肚 - 雖然唔係金錢肚，但係淋而爽 幾入味📍銅鑼灣登龍街49號地下B舖

幫襯咗好多年，睇住個店名從「新記」轉為「香辣車仔麵」，多年黎一直係忠實fans⋯⋯但係第一次寫食評真係因為近年黎服務質素下降太多，老闆娘以前仲會有笑容，呢排同埋其他阿姐全部都黑口黑面，嗌人或者問攞紙巾之類都不問不理。對本地人都係gum⋯對遊客呢?講番嘢食，秘制辣醬十年黎都冇變過，一樣咁正，各種配料都依然好好食。可惜個服務態度真係令人覺得食餐飯都要睇人面色⋯⋯唔知可唔可以翻翻去好多年前令人感覺親切嘅新記

香港車仔麵五花八門，但係講到最好食最方便就一定係新記特辣車仔麵。係四通八達嘅銅鑼灣有兩間分店，一間登龍街口，另一間就係謝斐道，兩間都係keep住客似雲來嘅，不過好彩嘅就係食車仔麵唔係食打卡餐廳，大家都係講求快靚正平，正常就算多人都唔會等好耐，不過前題就一定唔好介意要撘枱。車仔麵黎講最重要就係個湯底，依到最建議就係佢個牛腩汁，超級濃郁，而且辣汁亦都係必定要加！除咗大中小辣有得揀之外，如果好唔食得辣或者自問辣王嘅你都可以係點餐紙到寫小小辣／勁辣。到選項方便，大部份餸我都已經食過曬！必定要叫嘅就係老闆話係佢地自家製嘅辣豬紅同豬豚肉！我自己本身都係豬紅愛好者，但係依到豬紅嘅入味程度可以話非試不可，豬豚肉都係水準之作。其他配菜就保持住不過不失。特別推薦就係佢地嘅辣魚蛋都係食過翻尋味之選。完全滿足我依個重口味食家。之後加10蚊有玻璃樽裝汽水，食到辣嘅時候爽一下。有種係天堂食車仔麵嘅感覺

終於都放假啦，返咗咁多日工，終於都可以比一日自己好好咁休息一下！梗係要出去銅鑼灣行吓街，搵嘢食啦！難得出到銅鑼灣，朋友竟然介紹我去食車仔麵，本身覺得麻麻地，但係佢講到話好好食咁！所以就走咗入去試吓呢間香辣車仔麵！！果然係非常好嘅介紹，我哋都好高嘅評價！呢度嘅豬皮好好食，呢個咖喱豬皮非常入味，係好香濃嘅咖喱味道，而且加埋呢個豬皮非常爽口彈牙！一啲都唔會鬆軟嘅感覺！係好食嘅豬皮！而且我都好鍾意呢度嘅八爪魚，呢個八爪魚都係好爽口！而且湯底嘅味道完全入晒八爪魚入面，所以令到成個八爪魚都好好食！

今次已經係第二次嚟到呢間餐廳啦，之前食過一次好掛住呢一度嘅辣汁，所以一有時間都過咗嚟呢度食嘢！今次都係一樣，叫咗一份炸魚皮，呢個秘製辣汁加埋炸魚皮一齊食真係好爽！超級鬆脆嘅魚皮，而且呢個魚皮係好香嘅魚皮味道！另外就係呢一碗油麵！配合埋滷水雞翼尖同埋雞翼，仲有咖喱魚蛋，全部都係我好鍾意食嘅餸！而且呢一間餐廳嘅咖喱汁好好食！強烈建議大家要試吓！因為呢度嘅咖喱汁唔係一般日式嘅咖喱，唔會好強烈嘅椰汁味道，反而係比較辣少少係有香港嘅風味！😋😆整體來講，呢間餐廳嘅性價比好高，貼地嘅價錢，而且食到一個高質素嘅車仔麵，就嚟變咗做我自己嘅飯堂啦哈哈哈🤣🤣

今日喺公司冇嘢做，上咗OpenRice喺度周圍搵吓有啲乜嘢好嘢食，搵吓搵吓見到呢一間鄉下車仔麵，見到好多好平，而且望落去價錢都唔貴！所以今日食lunch嘅時候就走咗去試吓✌🏻自己一般都好少會食車仔麵，因為驚會好污糟，但係呢度一啲都唔會！無論餐廳環境定係枱櫈都非常乾淨！而且呢度嘅食物望落去都好開胃👍🏻所以都會放心！車仔麵來講，我好鍾意呢度嘅滷水雞翼🤩本身都已經係一個雞翼控，而且呢個滷水汁好好食，超級入味！另外仲叫咗一份無骨鳳爪做小食，呢個無骨鳳爪雖然我自己比較少同車仔麵一齊食，但係非常入味，而且好強烈泰式嘅味道，無論酸，辣嘅味道都調校得啱啱好！

<<香辣車仔麵>>呢一間喺銅鑼灣嘅香辣車仔麵之前一直都成日經過！但係都冇試過，今日終於都有機會可以食得到啦！餐廳嘅環境裝修比較簡單，係有好地道嘅風格！而且喺出面就會見得到有唔同嘅車仔麵餸菜擺咗喺度，望得到好乾淨企理！所以食落都好放心❤️❤️叫咗一碗瀨粉，呢個粉好好食，平時食車仔麵都好少可以有瀨粉食到！而且叫咗我鍾意食嘅咖喱豬皮同埋八爪魚！呢個八爪魚好香，而且好爽口彈牙！另外唔少得嘅就梗係叫一份菜啦，呢度嘅通菜都好好食！好新鮮，而且加埋呢個湯底同埋醬汁嘅味道，雖然好邪惡，但係我鍾意😍😍😍

今日食咗一餐好豐富嘅車仔麵，除咗呢間餐廳嘅食物味道好好之外，賣相亦都唔差！而且呢間餐廳嘅車仔麵最大嘅特色係呢度嘅秘製辣汁！可以話係我食過最好食嘅秘製辣汁🤤🤤💖依家喺銅鑼灣嘅香辣車仔麵係好傳統地道嘅港式車仔麵，但係勝在湯底同埋醬汁好正！而且食物亦都好好叫咗一份無骨鳳爪，鳳爪好入味，充滿泰式嘅風格！至於呢一份咖喱豬皮八爪魚嘅豬皮好好食！豬皮爽口而且入味！另外就係咖喱魚蛋滷水雞翼尖，本身都好鍾意食咖喱魚蛋，點知呢個咖喱魚蛋加埋呢度嘅辣汁，辣得來又有咖喱嘅味道！真係食上癮！鍾意食辣嘅咖喱魚蛋嘅一定要試吓！

仲記得好細個嘅時候成日都會食車仔麵，覺得好抵食同埋好有香港嘅風味！大個咗之後有時候我都會周圍搵吓車仔麵，懷念下以前細個嘅生活🤣🤣今次就去咗呢一間喺銅鑼灣登龍街嘅香辣車仔麵，本身歡喜嚟到呢間餐廳！果然係有美食嘅😆😆首先叫咗一份炸魚皮，呢個炸魚皮好香，而且非常爽脆！仲要食得到有好香嘅魚皮味道！另外叫咗一份牛肚冬菇嘅車仔麵，冬菇滲入晒湯底嘅味道所以好甜！而且份牛肚都好好食，好爽好彈牙！👍🏻整體來講係好高質嘅車仔麵，十分之推介！

講到車仔麵相信香港人一定唔陌生，對於車仔麵都有一種追求！就係一定要湯底好食同埋啲餸好食！話說朋友介紹咗我去呢一度！呢一間喺銅鑼灣嘅香辣車仔麵，一早都已經聽人介紹過，但係食真係第一次，所以今次都非常期待！叫咗一份小食，有咖喱豬皮，八爪魚，五香牛肚❤️❤️意想不到嘅好食，首先最出色嘅一定係呢度嘅秘製辣汁！呢個秘製辣汁配合埋呢個咖喱豬皮真係冇得輸！咖喱豬皮本身好香嘅咖喱味道，而且加埋呢個辣汁，夠晒辣！車仔麵嘅餸我叫咗滷水雞翼係覺得好正嘅，呢個滷水汁好入味，而且雞翼煮得啱啱好！我入去好林👍🏻👍🏻

今日嚟到呢間位於銅鑼灣嘅一間出名車仔麵小店，地點非常之方便，一出來地鐵站行一陣就已經到，過到嚟唔使等位，就已經有得入，員工招呼當然亦都係好有香港嘅人情味度，講嘢好貼地。當然車仔麵亦都係香港最貼地嘅嘢食之一啦。乜都唔使講，第一時間叫咗啲最熱門嘅嘢食先。超級鍾意食呢度嘅八爪魚，肉質口感非常好。豬皮都係呢度好出名嘅嘢食，果然聞名不如見面通菜瀨粉就唔少得咖喱魚蛋腸仔紅腸佢呢度嘅咖喱汁係非常之好食，所以點樣咖喱汁嘅魚蛋腸仔紅腸都變咗增添咗好多唔同嘅色彩。

今日嚟到呢間非常之出名嘅車仔麵舖，真係一間非常之地道嘅車仔麵店。遠睇都非常之亮眼，就喺條食街入面，第一間就係啦之前已經聽好多朋友介紹呢一間，今次有心機特登過嚟搵，發現原來都唔係咁難搵。入到黎環境雖然唔係好大，但係其實都坐得好舒服，係正宗香港特色嘅店舖，好有人情味嘅感覺，牆壁上面亦都有好多唔同嘅專訪，亦都可以俾你了解到呢度有啲咩特色。我自己首先就叫咗無骨鳳爪，呢個係我最鍾意嘅小食，辣辣酸酸咁樣好開胃。腩肉豬大腸滷水雞翼蘿蔔生菜亦都係必備嘅，要睇吓間車仔麵做得好唔好食我自己最鍾意就係睇豬大腸，因為豬大腸如果要做得好食其實唔係咁容易，口感同埋味道都非常之重要，呢一間真係做到非常之入味。

無論係乜嘢天氣，車仔麵都係四季都啱食嘅嘢，成日我都會食車仔麵，因為真係好好食，同埋有好多唔同嘅餸，唔怕食到厭。食車仔麵真係每日都可以有唔同嘅配搭，一個星期七日七日食車仔麵我都冇問題。坐低就睇餐牌，餐牌其實都好多嘢食，可以慢慢揀。同埋員工嘅反應都好快我哋一舉手佢哋就發現我哋啦。到咗食物方面。咖喱汁秘製辣汁非常之出色嘅咖喱汁，佢係咪佢自己秘製辣汁，又辣又香口。滷水雞翼滷水豬大腸咖喱魚蛋腩肉油麵呢幾個車仔麵最夾嘅朋友，嗌晒就一定冇錯啦。