香辣四川

营业中

休息中

叫左個豬耳酸辣湯薯粉外賣，豬耳白恰既，個湯無酸味無辣味，得鹹味，可能水煮系列先係主打，所以呢碗野實在太難食😂性價比係零😎晚餐時段居然仲多外賣客過隔離mama檔😓

是日午餐同事叫左清雞湯雞肉米線佢評語係雞肉好食，同份量多的，雞湯清應該冇落味精我叫左口水雞米線，小辣評語係小辣一啲都吾辣，係香的麻味多點，米線偏少，湯底偏淡味，略嫌吾夠咸。環境坐位較少，坐戶外位，落雨太陽晒時要叫外取走，平時見好多人圍住外面開枱食野，所以抱住試下心態，講真係有少少失望，因為冇驚喜，有特色的味道，但不是我喜歡的味道。服務就係因為街坊生意，沒服務質素可言，應該內地人經營的，所以講普通話。

通常我都係外賣自取的，水煮魚套餐跟薯粉係必食，有陣時會叫埋手撕雞～我諗可能靚女事頭婆係鍾意健康啲，每次手撕雞都俾好多青瓜絲及味道會較為淡口啲，所以落單時我都會叫佢加鹹少少😆我認我重口味雖然間舖仔響置樂花園內唔起眼位置，不過已經好多返頭客，我朋友唔係住呢區都識得介紹我食呢間水煮魚（佢以為我未食過）果然係有麝自然香👍🏻

自從上次第一次食左呢間小店之後，成日都好想再一試佢既水煮魚，今日剛好李公子放優，相隔數天，又來到食返餐辣辣午餐先！雖然相隔時間短我又再次為呢間餐廳寫食評，但今次都特地叫與上次不同的食物，同大家分享返唔同的選擇紅薯粉照舊，小辣，但配以豬腩肉，一碗約有4-6塊左右，每塊都大塊，而且肥度不會太誇張，肉質比較乾身，味道沒有太大的衝擊，還是上次的口水雞好食！今次當然唔少得老闆娘介紹的水煮魚，底部有大量芽菜，而魚則是成條上，並不是魚塊，有驚喜！除左魚頭沒有之外，本條魚連尾部都在，而魚質好滑，而且不是小骨，方便食，唔會有太大的魚腥味，大大塊魚足足有6-8塊，絕對足料！今次更勇氣可嘉地，嘗試中辣，一入口，與小辣沒有太大分別，相隔後秒入口後，辣感開始在口腔展開，慢慢到個胃都會好暖，但係口腔內並不會出現又麻又辣，再食唔落既情況，簡直係越食越爽強烈建議愛食辣之人食中辣，因小辣完全沒有味道，只有中辣或以上才能真正食出四川菜的美味！

之前已經想試呢間小店好耐做晚餐，但可惜8點鐘就會關門，導致遲遲都未能夠品嚐今日假日，終於可以去食個午餐去到門口，店內連一張枱都坐不下，只好到店外隔離條巷仔進餐。雖然是小店，但價錢都唔平，都係典型的四川菜式。必食薯粉，小辣唔夠辣，麻度亦嚐不到，下如食辣愛好者，建議可食中辣，手撕雞量適中，薯粉煙un，有口感，不會太硬或太軟身另外比到我驚喜竟然係個湯底，有別於傳統味精湯，食晒成碗粉，都唔會口渴，湯底飲到尾，會飲到雞湯的香甜，然後咬買雞骨，都會食得出雞汁，是新鮮雞水煮牛配飯及飲品餐，淋有好多芝麻粒，牛肉量唔會太少，芽菜夠多，但仍是小辣不夠辣，配飯絕對係一流！埋單時老闆娘就話下次要試水煮魚，會入味同好食好多架！

之前食過好幾次只在外賣，第一次有朋友陪堂食，此店只能坐室外，好在暫時頂得住，唯獨怕未食先餵蚊啫。依舊食涼麵，因坐室外怕太激，還是叫個少辣豬八戒好了，面頭鋪滿青瓜大兜匀後可中和辣味，少辣屬濕碎程度，餸料十足，汁有醋酸而辣，齋聞都已經口水流試試個大辣涼拌雲耳，一心諗住小食而已，辣極有譜，味道偏淡，但辣度十足，不能低估。不過好似落多辣椒粉，有微微苦。朋友又點了豬八戒，不過係中辣麻辣湯薯粉，試了啖湯底，我決定下次轉軚外賣回家嘆住冷氣食，好有香辣四川風味，味道啱啱好，湯絕對可以飲清光

某親唔願行，試試外賣自取四川麵，一聽就覺得必辣無疑，但原來有得揀完全唔辣，啱哂某親大人啦。選擇頗多，餐牌上無辣椒圖案嘅全都可以揀不辣，能顧及大眾口味⋯⋯又幾好喎。某親點手撕雞湯麵，麵類係上海幼麵，份量大大碗，我試左少少雞，有味道但唔太鹹，味道不錯，湯、麵分開上，唔會浸到一pat野。麻辣豬八戒(肉、舌、心、耳、)涼麵，我揀了中辣，的確辣得好狠，辣度十足，麻辣好香，味道好好，麵條軟硬不偏不倚，豐富青瓜絲在刺激中回一回氣，清新一點點。

第一次真係有意欲想要寫食評，呢到啲餃子超級皮薄餡靚，然後勁大隻，仲要唔貴如。果食面加＄5就有四隻，真係好擔心佢點樣為本。不過真係好好食我每一次過嚟都要食，我覺得好食過出面嗰啲咩老闆娘啊同埋其他嗰啲。真材實料！超讚。加油

之前係某飲食網站見到有介紹, 本身又鍾意食辣, 所以就去試食下。店舖超細, 無得堂食, 我諗佢原意係想做外賣, 但見到係店外擺左4張細圓枱可以係度食, 唯一壞處係如果食食下落雨就好狼狽了, 而且你要接受無冷氣無風扇的情況下食呢。另外因店內只得2位四川嬸嬸煮食, 所以要有耐性等先有得食同埋清潔枱面。當日下午同男友叫了一碗少麻辣口水雞薯粉, 一碗少麻辣夫妻肺片薯粉, 一碟涼拌青瓜和2罐可樂。涼拌青瓜~ 份量都幾多, 青瓜好爽脆切得細細舊, 不過略嫌唔夠凍, 麻辣汁的麻同辣的程度適中, 跟店名“香辣”係名副其實少麻辣夫妻肺片薯粉~ 餸料份量幾多, 肺片切得薄薄易入口, 牛肉同牛肚唔會好韌咬唔開少麻辣口水雞薯粉~ 口水雞肉質唔嚡口, 仲有點雞味呢(我估可能有醃過)每碗都配有花生, 少許肉碎同芽菜芫茜葱, 唯一個人覺得薯粉有點韌, 要咬得耐少少先咬爛有心去食的朋友, 此乃小店一間, 真係要俾耐性等先會食到好野㗎我一定會再去幫襯, 支持小店