香玉

营业中

休息中

最近呢間小店又推出新產品，亞麻籽吐司🍞。佢哋嘅軟綿綿湯種麵包一向受歡迎，吾同味道都有捧場客。今次出亞麻籽應該會受到健康一族既歡迎。係吾記得問今次呢款係星期幾出？

最近發現呢間大角嘴小店新出左好幾樣包款，重出埋老婆餅，小盒裝忍吾住買左盒試下。真係吾錯，皮酥餡軟糯，吾會過甜😋。小店用心製作，值得推介😘幫襯開知道呢度所有包餅都係無添加無防腐，俾老人家小朋友食都好安心。繼續係我心水麵包店，香港小店加油呀😘😘

香玉既吐司軟熟得黎有質感，味道落足料👍，係唯一我唔會去邊食既方包！最叫人欣賞既係朱古力吐司，有豐富既brownie味道、卻帶muffin口感好滿足！另外蔥包同咸牛肉包都好出色，係我不二之選！

間舖喺馬路邊，隔離有間中銀，每次都係路過間舖唔起眼，望入去以為佢淨係賣方包。咁啱有一日佢啱啱出爐葡撻，嗰陣味吸引我走咗入去。$8一隻，平時喺X海堂買都要十幾蚊，但佢絕對係完勝東X堂，好食過肯德雞。個撻皮一層一層，又薄又鬆化，出面好多葡撻皮做到一舊野咁，呢啲皮真係買少見少，甜度適中非常好，但佢真係油嘅，牛油好重手，不過冇咁重手又點會好食，間唔中食一隻very good😋本身仲諗住影相放上嚟，但佢係香到我拎上手我就直接放入口😂完全忘記影下佢。總之呢隻葡撻我就極力推介！大角嘴搵葡撻食一定係呢間！完。

軟綿綿吐司，一絲絲又夠濕潤. 烘吾烘都好食～感覺比sogo 果間D牌好食，價錢都差一大截～尼度價錢親民啲， 而且仲有多種口哋選擇。最衰吾係住果頭，如果路經一定會回購～^ _ ^

經過大角咀見到依間平平無奇嘅麵包店🍞門口塊牌寫住「無防腐」、「無添加」，決定要支持一下！.「香玉」每日都有不同精選味道嘅新鮮出爐面包，而且價錢合理👍🏻除此之外，小編仲見到啲好特別味道嘅麵包，例如火腿芝士辣牛角包、紫薯皮菠蘿包、咖啡雞尾包等，出面街都比教少見☺️.無添加嘅麵包對身體一定相對健康啲😉而且麵包嘅麥香味更加濃郁，難得有小店做無添加麵包，小編都買咗啲試下，但Keep住唔耐，所以要即日食曬佢😋.⭐整體︰9.0/10⭐食物︰10/10⭐環境︰7.0/10⭐價錢︰9.0/10

聽同事講依間嘅葡撻好食過澳門安x魯,成日行過想買嚟試吓都賣晒，今日終於食到！！葡撻$8 （$30/4個）酥皮部份望落幾厚，但原來每層都好薄，有好多層～咬落好酥脆～蛋嘅部份好有蛋香同牛油香，食落唔會太甜，而且唔係好油，食完一個仲心思思想食多個🙊同連鎖快餐店嘅葡撻比，個人比較欣賞依間嘅葡撻～有機會想試下佢哋其他酥皮麵包類🤓