影片
今日同男朋友约左系深水埗等，肚饿但又唔知去边食，要食咩既时候，行行下见到争鲜，原本想去食，但条龙尾超级长。望到隔离呢间香港餐室。我地最近食左好多间铁板烧，但都未揾到平靓正既餐厅，所以见呢间有得食，就入去坐低试下！个餐牌好多选择，全部都好好食咁！最后叫左个西冷同焗白汁鱼柳，佢地既上菜速度都算快！铁板烧黎到既时候真系好惊喜，阵香气飘出黎，件排好易切，食落口又嫩又入味！价钱又抵食，性价比好高！个鱼柳焗饭都唔差！面头既芝士真系会起丝！不过我都系钟情铁板烧！下次会再黎食！
继续阅读
长沙湾一区好多野食, 香港餐室既位置距离餐厅林立既街道有段距离, 街道人比较少, 装修地道。贯设支持小店既宗旨, 今次去试试香港餐室。呢度既店员好亲切, 有家既味道~ 叫左葡国鸡饭同牛扒餐, 预计系一般茶餐厅货色。保唔到黎到都整得几靓。沙律好新鲜, 牛扒厚度唔太厚,好正常。反而要注意佢既味道, 以牛味取胜。又一间估佢唔到性价比高睇佢唔出既小店~ 支持!
继续阅读
食物质素：去到叫左个意粉同焗饭个意粉好冧，好似学校饭堂既级数个饭烚的焗到出黎一旧旧系个汤系最好，罗宋汤入面真系有菜。装修：一般布局，墙上面既纸甩左又唔补，d胶水会痴住客人的衣服服务：好似去左债主屋企食饭咁
继续阅读
其实呢度就食过好多次㗎喇因为住喺附近，一直都冇谂过写咩食评因为就好似你平时日日食开lunch𠮶间嘢你都唔会特别写食评但系我觉得佢都有点值得介绍所以早两日去食晚饭就特登影相但入到open rice 先睇到竟然有负评，奇怪奇怪因为我系一个性价比嘅人 几十蚊食个饭，有呢间餐厅系质素， 好正常我同我老婆同我阿爸阿妈一行四人 叫左一个双拼餐两个单人扒餐 同一个蕃茄牛脷饭双拼餐 HKD 88就系鸡扒拼猪肋骨，另外有个喺度未试过墨西哥饼，餐汤饮品，猪肋骨有点硬，鸡扒正常单人西餐大约HKD 68老婆食牛扒，我食极黑猪牛扒叫五成，黎到系七成，较薄身不过用腌肉粉淹过，都系淋极黑猪做得唔错， 因为我出街大部分时间都系食猪扒 ，因为我有位前辈教过我，试餐厅手势唔系食牛，而系食猪，因为猪难整其实我几欣赏呢个配菜系揾沙律菜拌麻酱， 美观好食， 而且伴呢度嘅天使面份量十足番茄牛脷饭，正常好食四个人埋单三旧水我话点解奇怪有劣评唔系因为话呢度好好食而有劣评而我系觉得正常价钱，正常质素，正常座位，正常环境，地铁站隔离，其实你仲想点？本身谂住普普通通介绍下呢间餐厅 咁而家呢个食评都叫做为佢平反一下P.S. 重点我点解会成日黎？因为呢度餐牌系好无敌，有焗饭，有普通碟头西饭，有咖哩，有喇沙，有常餐，有西餐，有中餐，基本上你谂得出嘅嘢食佢都有，咁方便嘅餐厅，绝对可以当饭堂
继续阅读
4点几又未到晚餐时间，想揾啲野食下填下肚，周街逛睇下有咩茶餐厅之际，第一间就见到呢间「香港餐室」，谂住呢啲都唔会难食得去边就入左去。睇睇餐牌都有几多选择，心思思最后拣左下午茶餐嘅「一口西多士」，贪佢个名好似几吸引几得意咁，心谂都系切开一粒粒咁姐，点知一上台......碟就大喇，中间放著朱古力酱、炼奶同蜜糖水3款酱汁，一睇 心谂 伏已中。28蚊得6粒西多士？食完好似无食过咁惟有怪自己点餐之前无问清楚啰🤷🏿♀️
继续阅读