105
18
16
港铁铜锣湾站 A 出口, 步行约9分钟
继续阅读
电话号码
37021078
营业时间
*新春期間照常營業
星期一至日
11:30 - 23:30
以上资料只供参考，请与餐厅确认详情
相关文章
今日去咗銅鑼灣行街，諗緊食咩既時候，無意中發現呢間餐廳，幾隱蔽，係見到路邊有支旗先發現到，好奇心驅使下就行咗過去睇，見到lunch價錢都ok,所以就決定係到食叫咗兩個lunch set,一個鰻魚飯同一個吉列豬扒烏冬，價錢五六十蚊，包一杯小飲品，係銅鑼灣咁既地區算差唔多啦，分量一般，我份人比較細食，啱啱好食哂，唔洗食淨野，味道方面個鰻魚飯好好食，表面略有少少烤過，攞埋d醬汁溝飯食，正！吉列豬扒都好食，豬扒炸得好脆，如果經過銅鑼灣，不妨試下P.S 店裏面有兩隻貓，愛貓人士唔好錯過，店鋪氣氛都好relax,行到攰坐係到吹水都幾好
继续阅读
Happy Friday部門team lunch，同意建議再來這裡，因為上次大家去呢間覺唔錯，所以encore。到店外，見裝修少少不同，多了些日式佈置，店內原本放postcard的位置現在放多張枱，另一邊牆身就放了大堆日本酒樽，postcard只佔貼在牆上。再看餐牌，原本西式的餐單，變了日式；雖則佢仲有all day breadfast，但可選的，如以前的pizza、意粉都冇左。唔知係唔係易左手，不過以上的轉變，令餐廳變得不倫不類，少了cafe應有的氣氛。說回食物，點了灼燒鰻魚飯和金桔蜜。照舊出去買野俾錢坐埋位等送餐。見到食物來了，碗就大，但份量少得可憐，飲品仲樣衰衰，通常熱飲我都知會細杯d，但估唔到係一啖飲得完嗰種細囉。同事點的松葉蟹飯佢地話水汪汪，中晒伏；反而叫最便宜的雞扒飯就ok。只可講句：今次中伏了。公平d講，鰻魚飯味道仲可以，但如果食日式，我唔使去呢間囉。一係就正式咁全部野連裝修、食物都轉埋日式，又要扮cafe，俾佢呃左。咁佢冇變的是仲有兩隻貓，有佢地都仲覺咖啡時光仲係度。食完，女同事都話仲肚餓，決定去麥記再買包、批食。我地一致決定唔會再去呢間lunch。餐廳，除了食品，我更注重氣氛，可以係舒服的cafe、可以係地踎的大排檔茶記，但咁樣兩頭唔到岸、不倫不類的，我接受唔到囉。
继续阅读
這日的LUNCH相當難得，雖然已開工，但女友仍放假中，更特意抽時間來陪我食個LUCNH，實在相當開心又溫韾。至愛來到當然不能待慢，於是就選了這間食過是食物有質素，環境又好的餐廳。可能因還有很多人未開工，所以雖然午飯時間，但顧客比平時更少，大把靚位任坐。菜單有許多日式的飯餐，我們女友選了灼燒鰻魚飯丼 和照燒鯖魚飯丼 灼燒鰻魚飯丼 $68鰻魚煎得很香，鰻魚多汁，口感軟腍，而且份量也適中。照燒鯖魚飯丼 $58鯖魚肉質上乘，煎得也很好，肉質細緻不鬆散，食落有魚香。價錢算不過不失，又坐得舒服，環境有格調，是一個不錯的午飯好地方。快樂的時間過得特別快，很快午飯時間結束又要回公司工作了。
继续阅读
成功喺團購裏面採購咗一張喺銅鑼灣後街嘅小店的心太軟。睇到團購入面食客影嘅相，雖然只係畀十蚊，但係呢個心太軟絕不欺場!!但係要留意嘅係，由於餐廳只係間小店，人手有限，所以整食物嘅時間都比較耐，所以我哋同時間點左一碗鰻魚飯。賣相還可以啦，食物質素和味道就一般。個鰻魚飯雖然好多汁，但係個鰻魚比較近似食緊海蜇。食完鰻魚飯之後就用團購券換咗一個心太軟。除左有流心朱古力蛋糕之外，仲有兩個細細地嘅牛角包和一球雪糕。牛角包食得出嚟自家製的，個雪糕就一般喇。不過以10蚊呢個價錢嚟講，絕對係超值!抵食!而且由於地理環境因素影響啦，店內嘅食客都唔算多，所以適合同朋友仔坐下傾下偈。而且餐廳另外一個賣點係可以即時買張明信片。仲有待寄服務~喺宜家資訊發達嘅社會，停一停，寫張明信片畀朋友或者自己都係一個唔錯嘅選擇！
继续阅读
經openrice 訂的枱……這是一家隱藏在灣仔後街的小店……因為多加了串燒，門面沒法認出店名，最後要打去問才可找到，應要改善這是一家自助餐廳。客人自己到櫃檯買單。坐位舒適，環境也佳。只是覺得價位不算中下有點服務比較好。食物價位还好但飲料的質素vs價錢有點偏高。串燒雞很出色！ 很juicy很嫩。豬扒丼不夠熱，中等貨色。 菜的汁太濃，清炒已夠……炸魷魚很好，香嫩……大推!糯米雞翼做的一般。 cappuccino也是…… 不明白為什麼一家主打咖啡的餐廳是沒有黃糖的…….还有他的咖啡非常苦。要說一下吃滿350元送的心太軟品質蠻好的。 可以想像若在哪裏吃下午茶的話應是一個不錯的選擇。 心太軟旁的那個牛角酥很香脆， 做得非常好！這牛角酥甜品值得一讚。
继续阅读