香港達人 (迎海薈) (已結業)

員工服務態度差，冇笑容，order 慢些不耐煩。點了餐，先來飲品，咖啡有酸味之後才上湯。再來主菜，肉眼扒order五成，結果全熟，完全冇肉汁，1cm 厚。投訴後店員話已吃過不能换。最後才來沙律。埋單$138加一，有史以來最難食及最不值的晚餐。

今日第二次光顧，上次食下午茶乾炒牛河，超水準，好耐無食過不油膩又炒均匀嘅河粉。因此而再光顧，今日午餐食咗瑞士汁炒牛河、豬頸肉蝦仁炒飯、熱奶茶，水準保持，好味道！👍瑞士汁炒牛河 - 食咗先記得影比干炒濕了一點，不過仍然炒得好均勻，小小甜味，好！豬頸肉蝦仁炒飯 - 非常乾身，粒粒分明，豬頸肉切細粒在炒飯中，口感很爽！😋奶茶都唔錯，幼滑有茶味！炒飯，炒河送熱飲，$111 埋單有這樣嘅水準，值得再去

下午一點，唔使等位，我媽咪話如果入面冇位就走人，因為坐出面好熱喎！但亞姐安排我哋兩個人坐入面卡位，咁我哋就order lunch set!  西湯 - 紅湯，ok!中湯 - 青紅蘿蔔味精湯凍檸茶少冰兩杯 - 唔似有少到冰！1）西班牙海鮮扁意粉意粉煮得太耐太軟，個汁係食薯條嗰d蕃茄汁。魚柳食唔出，用炸粉99%魚柳1%，(我即時諗起賽螃蟹都冇蟹啦！嚟安慰自己！) 所以西班牙海鮮？in 賽螃蟹version。我媽撩開哂d炸粉唔食！2）焗芝士椰香咖喱雞扒飯雞扒有酸味，已經放棄咗！唔知係變壞咗定係唔知用d乜去醃d雞扒。不過D飯一粒一粒，幾乾身吓，好chewy, 幾好味！個汁都ok! 正當我想讚好味時，（頂！）竟然有條毛响飯裡面？！！！其實之前媽媽會已經有媽咪話佢帶個一歲幾嘅BB到香港達人用膳。餵bb食到地下都有d飯，waitress亞姐除咗黑面外，更大大聲同收銀亞姐話「痴線㗎！食到周地都係！要我抹！」我諗住我冇帶小朋友一齊嚟，我又唔驚你服務態度差，但宜家，我驚食炸粉，酸味雞同毛囉！

在上世紀的香港，西餐廳一直都是外國人的專利，本地的華人根本負擔不起到昂貴的高級西餐廳消費，因而造就了港式西餐廳的興起。它們的特點是以本地的食材和烹調手法，融合西餐的煮食方法，創制出香港特色西餐，其迎合港人口味及大眾化的價錢令上世紀港人愛不釋手，更使港式西餐廳遍地開花，大行其道。隨著時代的變遷，香港經濟起飛，從過去的巔南小漁村、工業型的社會，一踴成為國際金融中心，連帶生活水平亦倍級遞增。慢慢地港人也負擔得起到高級西餐廳消費，而且對食物的質素的要求也提高，使得港式西餐逐漸息微。時至今日，不少港式西餐廳已轉型為以融合西餐和港式茶餐為主，除了一如以往的大大份餐以外，還加入了不少茶餐廳元素作招徠以吸引不同的顧客。香港達人 （HK Diner）最近在烏溪沙迎海薈的新店正式開張，主打正正就是新型港式西餐廳的西餐與茶餐的共融。餐廳提供多款不同的茶式，Full set 扒餐、炒飯炒麵、蒸魚小菜配白飯、叻沙湯粉麵等一應俱全。晚上7點多，等候的人挺多，不過因為餐廳地方大，位子多，所以等了大約15分鐘就可以進去了！我們點了一份蒜蓉汁肉眼扒（跟餐配飯／意粉／薯菜、餐湯、餐飲）和一碟雜菌炒伊麵（跟餐配餐飲） 蒜蓉