影片
食家推介
端午节正日咁岩撞正跑马又撞正马会有优惠 就预先系网上预订沙田马场百胜厅 同一大大细体验下系马场食午餐网上预订既话我地6人最低消费系$1725 但系其实当人做紧优惠 套餐只系200$/位所以最后系会有剩钱，逼埋你去食甜品/下午茶套餐200$一位 包1份烧味双拼, 6个小菜(1人可拣1款),有汤, 饮品, 白饭, 同埋茶位, 每位剩系收番10$服务费 1. 烧味双拼 我哋拣咗叉烧同埋乳猪 嚟之前做过research 马场中菜厅嘅叉烧出名 所以就点咗叉烧 食落去叉烧系半肥瘦 好腍完全唔干 乳猪都唔肥 皮烧得好脆 值得一试2. 是日汤 五指毛桃海底椰煲猪展汤 好足料主菜1. 面酱豆卜斑腩煲味道足够 但可惜骨多过肉，一煲我谂只有3-4旧斑腩, 一人都食唔到一旧2.清汤萝卜炖牛筋 是日惊喜! 估唔到佢炖到D牛好腍 牛味浓郁 清汤突出牛肉的原汁原味 好鲜甜! 3.黑醋小排骨呢个都系比较失望既一道菜 排骨比较硬, 醋味亦都唔太够4. 金沙虾球好香咸蛋黄味 虾球亦够大只，咸蛋黄份量足5.咸鱼鸡粒豆腐煲老人家送饭一流既菜式 咸鱼味岩岩好，唔会太咸，豆腐都好滑。热辣辣黎到! 味道很不错6. 菠萝咕噜肉 呢个菠萝咕噜肉估唔到都几高质，炸得脆之余又做到完全唔硬，外脆内嫩几正！是日甜品(海带绿豆沙, 喳咋, 杨枝甘露, 白糖糕)每人可以点一款, 但要注意杨枝甘露好快会卖晒，记得要早D叫! 比较推荐既都系 杨枝甘露, 好好味 西柚又唔苦! 其余都系一般水准啦最后由于我地仲有余额，所以就叫埋下午茶餐($92/Set 连野饮) + 虾多士($68)其实都系一般既炸物，冇咩特别，更唔称得上系好食。如果有余额，建议大家可以叫多个小菜/饭打包会更好总结: 呢个价钱可以同屋企人边睇马边食中菜，不失为假日节目既好选择。可以比你由12:30坐到完场，大家都食到饱饱先走!
继续阅读
如题，睇马用餐食饭，得呢间百胜厅的地理位置以及观感不错。性价比的话因为每张台需要使用500元最低消费。book台已经比了钱。所以真正到场时候会发现，690元的烧味套餐。有双拼烧味以及两款𩠌。当然可以单点，但单点无汤，无饮品。陈村粉。单点，唔加汁都偏咸，属于主菜一款。樱花蟹肉炒饭，单点主食，不算太咸。干身炒饭。够大兜。不过不失。🤣食物的东西偏咸，感觉不能靠食物取胜的餐厅。但为了观景的位置还是会推荐选择靠窗的二人座位。对于父母来说，这是带他们离开赛马会去真正面对跑马的体验。对比跑马地的马场以及餐厅来说，这边的位置又宽很大。视野拍照都很漂亮。这是从餐厅角度拍下去。因为始终属于日场，外面还没有什么人。
继续阅读
今晚是马季煞科日。上网登记咗免费入场及可以食四人餐。地点系百姓厅。因我得一个人。只好点二人餐。个环境是落地玻璃窗。观众可以看到整个马场赛道。四周有大银幕电视机。马迷可以一边叹美食，一边看赛果。原本我可以点$860餐单。但得我一个人，只点了$430二人餐。个餐包括烧味双拼 ( 乳猪，叉烧 )。鲍鱼炖鸡汤、椒盐鲜鱿、菠萝咕噜肉、红枣炖桃胶、柑桔蜂蜜冻糕。烧味双拼 ( 乳猪，叉烧 )混入白饭，好味。乳猪鲜嫩。叉烧半肥瘦。鲍鱼炖鸡汤，足料。火喉充足。汤味好浓。好饮。椒盐鲜鱿，肉质结实。盐比例恰到好处。菠萝咕噜肉，微酸带甜。好味。红枣炖桃胶。饮得出系用冰糖炖。好饮。柑桔蜂蜜冻糕，入口清新。好美味。红酒好大杯。好饮。因椒盐鲜鱿及菠萝咕噜肉食唔哂。可以打包回家。
继续阅读
提前大约2～3星期左右，在网上预约于2023马季开锣日在沙田马场百胜厅食中菜午膳。餐厅内有4排梯级式看台座位，透过落地玻璃饱览赛道，能全天候的一边用膳，一边观看赛事。由于座位有限，必须早早预约才有机会预订到看台座位。而且看台座位最多容纳4人，多于4人的话只能预订到一般的圆桌座位。看台座位除了享开扬的赛道景观外，桌上更设私人电视，不用带望远镜都能紧贴赛果。惟4人坐看台座位是几挤逼，侍应在我们背后仅能容纳一人的窄窄通道经过，即使身形不算庞大，有时都要将座椅往前挪，好让他们能通过。当日适逢马季开锣日主要赛事，4人枱的价钱为HK$1,720，一般普通赛事的赛马日，4人桌是HK$720，价钱相差一倍有多！今次这个价钱包含白饭及粥品任食，汽水、啤酒及红白酒均是任饮。套餐内容则包括头盘小食、一款汤、每位可选一款主菜 (例牌)及甜品。头盘小食分别为椒盐鱿鱼须配沙姜猪手及烧味双拼，我们选了后者的乳猪拼烧鹅。烧味卖相不错，乳猪皮脆肉嫩，肉又不会太肥。烧鹅是鹅髀位，同样皮够脆！肉质幼嫩，富有肉汁，不会太油腻。垫底的蜜味蚝油豆很好吃，咸中带点，口感烟烟韧韧！蚝油豆是昔日传统小食，这也是我第一次尝啊！是日供应的汤品是罗汉果南北杏日月鱼响螺片炖鸡汤，日月鱼并非鱼，而是贝类海味。汤的味道很清甜，响螺片入口软嫩。这是我第一次吃到又香又新鲜的南北杏，从没想过南北杏也会如此鲜嫩！可说是比起吃到响螺片更为惊喜！主菜有4道，第一道上的是砂窝无锡鸭。鸭肉微微膻香，啖啖肉，肉质不会太干柴，味道微甜，适合配饭吃。柚子蜜脆虾球，脆浆略厚，柚子蜜只得面层那丁点，味道一般。瑶柱扒芙蓉，蒸水蛋的面层加上瑶柱芡汁，蒸水蛋够滑溜，瑶柱份量充足，用来拌饭吃一流！陈皮蒸沙巴龙趸球，份量不多，大概每人分到两片。鱼已起骨，蒸的熟度恰好，鱼肉仍够嫩！甜品每人三选一，如不吃甜品的话，就全枱都是水果盘。我们这次没人试芝麻糊，试了另外两款甜品。芦荟菊花蜜冻糕，甜度恰好，能尝到菊花蜜的香甜，内里的芦荟清甜爽脆。冻糕口感弹牙，不会太软身。莲子百合红豆沙，红豆起沙之余又不失粒粒红豆口感，味道够香又不会太甜腻。主菜的质素属中规中矩，但烧味、汤品以及甜品均令我们满意啊！人均4百多元，能舒舒服服地于室内慢慢用餐，一边观看赛马赛事，都值得一试的！
继续阅读
食物质素正常，不过最特别嘅系景观同埋可以边食边现场睇赛马嘅体验。餐厅楼底好高，景观开扬，配埋落地玻璃同每枱一个私家直播电视，睇马简直一流！令人惊艳嘅系佢斜落去嘅看台式座位，令有四排座位都有可以有坐窗边嘅感觉！仲可以由有马跑前2小时开始入座到夜晚10点，真系由朝坐到晚！晚市二人餐 $315/每位包二份烧味、老火汤、饭、主菜、糖水、茶芥、饮品（ 汽水/橙汁/指定啤酒）明炉老火汤 👌🏻唔好预好浓味，系清清地嘅味道，但又有啲菜味。感觉冇乜味精，似乎几健康，都不错！烧味双拼 - 叉烧 / 海蜇 👌🏻海蜇冇乜特别，唔太建议叫但亦唔难食嘅。叉烧就几淋身，都几好食。翡翠炒沙巴龙趸球 👌🏻系西兰花炒龙趸鱼块，冇话特别香口，都系酒楼水准但冇话令人惊艳，只系普普通通咁。雪梨扣牛肋条 👌🏻就系雪梨牛腩煲，牛腩都炆得几冧几入味。煲中冇雪梨，得菠萝粒。而牛腩中嘅雪梨味都不太觉得有，只有甜甜地嘅味道，可能系来自菠萝。但撇开有冇离题嘅概念黎讲，个牛腩煲都还好嘅。甜品 - 乳酸冻糕 / 莲子百合红豆沙 👍🏻 / 👌🏻乳酪糕味道有啲似韩国忌廉鲜奶Milkis 嘅味道，都几得意，味道不错。红豆沙都系冇乜特别，就系平时酒楼甜品嘅味道，不过都香口嘅~朋友就直情觉得有啲苦，但本人系中意苦味嘅所以唔太觉。饮品 - 啤酒 / 橙汁 👎🏻 / 👌🏻橙汁系冇果肉嘅普通橙汁，正常能想像嘅味道。至于啤酒，送上黎完全冇冰冻感觉，有啲扣分。下次可能要提早系落单时要求。------------------------------下午茶（套餐价 $75）以下套餐配咖啡或茶套餐A : 咖哩猪皮鱼蛋、炸云吞、碎蛋三文治👌🏻/👎🏻咖哩有惊喜，几浓椰汁味几香！不过其余两样就麻麻。炸云吞个云吞出奇地细粒，得个炸皮大大块。而三文治个面包都几干下，不太新鲜。套餐B : 生菜鲮鱼肉、炸鸡髀、炸薯角 👍🏻生菜鲮鱼肉系随汤附上嘅，味道都不错顺便可以饮埋汤！感觉鲮鱼肉有混入腊肉，有腊肉香，几精致特别！至于鸡髀系酥炸鸡髀，外皮都几松脆，鸡髀肉又嫩滑，几好食！薯角就系普通想像到嘅味道，正正常常啦！
继续阅读