影片
咁o岩系报纸见到有优惠券平几蚊，同朋友去开呢区，咪试下黄先生名下的茶餐厅。我平时去开茶餐厅多数食常餐，即类似早餐有通心粉果种，既然黎到当然食番呢类咪知系唔系真功夫啦! 至于朋友就食猪扒炒公仔面，我地两杯都系要招牌热奶茶。常餐超唔掂，形叉烧，食落去硬硬咁，味道又怪怪咁。汤底似系金宝忌廉鸡汤果种，即罐头汤啦! 都唔系真功夫，用罐头汤。多士烘得麻麻地，唔系好够热。招牌热奶茶仲失望，唔话招牌仲好，要求唔会高，只可以话系一杯一般的奶茶，如果系招牌，我谂即系冇~猪扒炒公仔面尚算OK啦! 不过不失。
继续阅读
正所谓拜得神多自有神庇佑！去完黄大仙还神都差唔多下午一点，于是去隔离嘅龙翔商场医医肚！ 睇完商场水牌，就扑槌呢间香港茶餐厅！去到唔太多人，装潢都算光猛阔落！拣左一阵，终于拣左是日午餐A：香茅猪扒煎肠仔意粉（跟汤和餐饮, $38）！不过我挥左好耐手先至有侍应黎落单。。。。整体上，成碟午餐A都干争争 ，因为意粉又冇汁拌，味道好单寡！ 虽然系咁，但意粉Ｄ口感就ＯＫ，几弹牙又唔觉稔！至于块香茅猪扒就好干身，质感好硬又唔够稔而且食落有渣 ，最重要系Ｄ香茅唔太入味，似普通煎猪扒多Ｄ ，所以我用附上嘅姜葱蓉捞黎食！另外，煎肠仔就一般，冇咩意见！餐汤（合掌瓜汤）：一碗有２旧瓜，但味道淡如水！ 都系放弃，饮我的餐饮好过！
继续阅读
成间铺都贵到hihi性价比完全系零但唯一值得一试既系净牛腩+白饭D净牛腩真系好正，够味又够软，口感一流牛腩唔系易整既食物，住家菜亦好难整得好食试过其他地方ｄ牛腩，呢家真系最正果家唔计其他因素，净系去食净牛腩都值不过埋单都系好贵,大约系＄５６
继续阅读
星期二揾食揾左一段时间,后来发现了这里,同朋友就系度开餐啦.呢间茶餐厅都几大间的呀,见周围都贴左poster写住4大天王,都几吸引呀,本来我想叫4大天王其中一样蕃茄薯仔汤通粉的,不过要早上先有,于是叫左一碗紫菜肉碎蚝仔粥,朋友就叫左一碗鱼蛋米,这个系佢地既4大天王其中之一架, 等左唔系好耐就食得啦,我的蚝仔粥都几大碗㖞,满晒,有些芫茜及葱,好多蚝仔架,蚝仔仲要都几大只,味道都几好㖞,蚝仔冇鯹味,我本身唔食芫茜及葱的,不过唔知佢有咁多所以冇走到,不过加埋一齐食可以带出蚝既鲜味及盖过鯹味,饭及肉碎的份量都好多的呀,仲要紫紫,一碗都食唔晒,食到好碗呀!!朋友的鱼蛋米个样好清,不过鱼蛋真的好大粒,仲要系好滑既,poster话系好似汤丸咁滑,都几似,我试左一粒,好爽及弹牙的呀,好味道.
继续阅读
龙翔中心领汇旗下的商店租金昂贵，搞得好好一间屋村茶餐厅有商业区的价钱，但又不见得质素高～看看餐牌，一碗粥加一碟肠粉，差不多要三十五元，真够赚的，无耐升斗市民既脂膏要比抽的啦。点了个芙容蛋饭，三十五元，价贵材料平，就只见蛋加蒽加叉烧，不如叫碟火腿奄列叠起白饭上面。蛋也煎焦了。上枱时连豉油也没给，实在不理解芙蓉蛋饭的真谛呢～我食过好吃的，蛋是半煎半炒，以葱，洋葱，韮黄，叉烧炒～半炒的蛋流有蛋浆拌饭才是王道，回想这间，真令人不爽呢。
继续阅读