香港老飯店

营业中

休息中

🔹晚飯廚師好推介B餐 $2980 六位用🐟燻魚 🐥醉鴿子✅🌮烤雙方✅🦐干燒明蝦球拼清炒蝦仁🐷鮑魚紅燒肉✅🦆樟茶半鴨🐟松鼠黃魚🍲火脂雲吞雞✅🥟素菜蒸餃🍨高力豆沙呢個套餐唯一嘅缺點就係太少菜類，不過其他食物整體上都係中上水平。頭盤嘅燻魚同醉鴿子都好開胃，燻魚係偏甜不過多骨。醉鴿子就好岩我胃口，本人好同意食酒醉嘅嘢食😋烤雙方更加唔駛講，佢係傳統上海必食嘅，用饅頭夾住蜜汁火腿同埋香脆嘅烤素一齊食，又甜又脆，雙重口感，好正🤤干燒明蝦球拼清炒蝦仁就唔係太好，建議餐廳用太極碟分開兩種食物，因為將佢哋擺埋一齊，干燒明蝦球嘅辣味醬汁會同清炒蝦仁mix埋一齊，就食唔到清炒蝦仁嘅味道😣鮑魚紅燒肉嘅醬汁調得唔錯👍🏻紅燒肉嘅肥豬肉好正，鮑魚亦都炆得好淋，好有咬口火脂雲吞雞湯好清，雲吞料好足，最緊要係個清雞湯🤩佢用金華火腿、半隻雞同埋少少肥豬肉熬製而成，所以個湯好好飲，推介😍其他菜式就尚可，冇乜特別🤓

由於午餐時間不是太多所以同事先到飯店先落單但10分鐘時間已經所有餸已放在整個枱面味道方面 。部分好部分唔好。上海食品 。小籠包 生煎包 醉豬手都可以。上海粗炒 椒鹽魷魚，味道不好總結嚟講，速度快服務尚可

多年以來，從北角店時代已開始光顧，已習慣了他們的出品和味道。後來和朋友吃過其他的上海菜，有了對比之後，方覺得，原來香港老飯店的菜式是那麼有底蘊的。現在一般的餐廳，都是用現成的湯底和醬汁，味道、層次和手工，真的無法和老飯店這些老派餐廳比較。而新派的豪華上海過江龍餐廳，因文化斷層，少了舊世紀的本幫菜味道，也是不能比擬的。總括，越來越少上海菜餐廳提供能上大場面的傳統大菜。例如魚翅、大烏参、清炒蝦仁其他的冷盤、點心、麵食，也功架十足注意：點心是指小籠包、生煎包、素餃

以往大時大節都會去指定一間酒樓食晚飯，貪佢水準保持到無失望過，殊不知食開嗰間易主賣咗俾太X集團，冬至嗰餐好失望就轉一轉試吓呢間。。。呢間得喎，可以encore👍🏼👍🏼首先每一道餸上菜嗰陣都係熱辣辣嘅👍🏼平時好怕亦成日唔明點解啲食肆可以攤到啲嘢食凍晒至上到枱。小籠包鍋貼🥟係充滿湯汁嘅😋鍋貼皮厚薄適中，有肉汁又脆口炸子雞肉嫩唔乾有肉汁火腿津白夠入味唔會死咸不過可惜佢無奶油津白葱爆牛肉上菜嗰陣直頭熱到焫口嘅👍🏼蟹黃鍋巴好味，細碟咗少少葱油大餅好香葱味

我12:30左右到餐廳，當時約5成客入座，知客帶我哋到近走廊的座位，我一坐下，覺得不太舒適，所以我跟侍應要求轉到廳中間差不多大細的枱，侍應問在遠處的知客，知客示意無得轉，我進一步解釋唔想坐路口位，知客這時走過來，惡形惡相問我：「有咩問題」，我心想，你有咩問題，客人提出你非常容易做得到的要求，有咩問題，知客見我頗堅持，勉強應𠄘我調位。嗰日我哋叫咗煙熏疍、醉豬手、醉雞、小籠包和清炒豆苗，一如既往的好味，大約800蚊左右，雖然好食，但並不便宜，服務要跟得上。見老飯店30週年慶，勾起了我20多年前第一次去炮台山分店愉快的用餐經驗，有問題知客應該是個別例子，其他侍應都頗有禮貌，應該可能不會因此動搖老飯店的30年基業，不過，畢竟因各種原因，百年企業是罕見的。

姊妹一行十人今天中午齊聚餐。事先訂了位，飯檯位置在一角，很合適一大群人聊天。大家傳閲菜牌，每人點一兩個菜餸。結果，除了雪菜毛豆百頁，上湯西蘭花，乾煸四季豆這幾樣，其他幾乎都是粉麵包餅：涼拌粉皮、小籠包、菜肉包、豉油王豬腸粉、鍋貼、生煎包、葱油大餅，就連甜品都是高麗豆沙！大家竟不約而同點了這麽多的碳水食物！不得不承認，此處的包點出品讓人開心連連：小籠包皮薄餡靚，咬下去鮮香爆汁（確是肉汁而非肥油），重點是蒸籠内每一隻都可很順利完整地夾起來，不會穿窿漏汁；菜肉包很有分量，軟綿溫香，一整個吃下去就能起碼半飽；鍋貼、生煎包、葱油大餅，統統賞心悅目，油煎面只見色澤金黃不見油光，酥脆可口，甚合心意，咀嚼時只有自己才聽得到那絲絲微細的的鬆化酥脆聲響，陣陣齒頰生香。值得一贊的還有每樣用料都很新鮮，肉、菜甚至連同葱花都能吃到原味鮮香。當大家吃撐了，才幡然醒悟過來......我們是在碳水狂歡嗎，乾脆一不做二不休，甜品就來高麗豆沙吧！很快，映入眼簾的是一碟鋪滿厚厚如白雪般砂糖之中的圓滾滾的油炸糰子，透過淡黃色的外皮隱約可見内裏的赤紅豆沙。果然吃甜品的是另一個胃，一陣風，掃清。各人品味著油香外皮、細密豆沙及不斷

近排比較多去上環食晚飯，今次都係選擇以前返工既其中一間飯堂 -- 香港老飯店。不過人流比以前明顯少左好多，但就變左幾岩聚餐，唔迫又唔駛比人催，慢慢食慢慢傾。佢份量唔算太大，但我地覺得幾好，因為正正可以比我地食多幾款。今次叫左核桃燻蛋呢個係必食，大家都有幾年無食過，但一坐低諗起既第一樣都係燻蛋。好香煙燻味，每人食半隻岩岩好，唔會太漏可以留肚食其他。核桃亦都香甜脆口，好易忍唔住一啖接一啖。小籠包唔知係咪自己唔係一上枱就食，感覺唔夠熱，食落普通。皮亦較為厚身醉頂鴿第一次食醉鴿，原來好好食，肉質厚實，浸得入味，拎隻髀仔食好爽。賽螃蟹蛋略嫌炒得老左少少變左少少一粒粒質感， 做唔到蟹既感覺獅子頭正常發揮，但唔係特別好食，可以留返個QUOTA試其他。津白前期食得太多濃味野，食呢個清清地都幾夾鍋貼煎得好脆亦有肉汁，相對出色，又係可以每人一隻試下就岩岩好！砂糖桔呢個係餐廳送既，一大碟唔姑寒，食落好甜，忍唔住食左幾粒。豆沙窩餅呢個甜品係有驚喜到我地！炸得好脆，豆沙餡都唔會太甜，餡既份量岩岩好，擺左一陣再食都係咁脆。個人認為必食推介。

呢間老字號上海菜真係由細聽到大😂屋企長輩成日講起上海菜都會提及既香港老飯店到底有咩咁吸引？今次終於嚟一探究竟✨食物質素果然在線，冇好華麗既擺盤裝飾，但樣樣都係真材實料👍一般酒樓既價錢食到高質滬菜，性價比不錯。❣️核桃燻蛋頭盤選擇咗核桃燻蛋，糖衣核桃香脆可口，燻蛋帶淡淡煙燻味。❣️百頁紅燒肉五花肉非常驚艷，燉煮得好入味，而且入口即化肥而不膩。百頁結嗦曬啲汁，好啱送飯。❣️賽螃蟹柔軟既蛋白食落真係有淡淡既蟹味，加小小醋直頭可以以假亂真添。撈埋蛋黃一齊食，口感更順滑。❣️樟茶大鴨食落好香，應該係茶葉同埋樟木既香味。大鴨肥瘦適中，肉質軟嫩。但皮太淋，呢一點有啲失望。❣️火腿津白金華火腿風味濃郁，同柔軟鮮甜既津白一齊食，真係絕配！個汁都好好味，忍唔住用黎撈飯食。❣️豆沙鍋餅豆沙餡軟綿香甜，但鍋餅略嫌太硬身，脆口一點會更好。

在這家老式上海菜餐廳中，他們的小籠包可謂經典中的經典。每一個小籠包都精心包裹，皮薄餡多，一口咬下去，湯汁噴湧而出，口感滑嫩，味道鮮美。這道小籠包絕對是一個令人回味無窮的美味。接下來，我們來品嚐一道獨特的素食菜品──素鵝。素鵝是一道素食替代品，其製作過程需要將豆腐皮製成鵝肉的形狀，再用特殊的調料來增添口感和風味。口感酥脆，並且完美地捕捉到了鵝肉的細膩口感，配合著豆醬的香氣，味道鮮美又好吃。蟹粉豆腐是另一道令人垂涎的上海菜。這道菜以豆腐為主要材料，融合了鮮美的蟹粉和鮮湯的味道。在這家餐廳中，他們的蟹粉豆腐可謂是一絕。豆腐柔嫩細滑，蟹粉香濃，口感帶有一絲絲的鮮甜，入口即化。這道菜絕對是一個令人難以抗拒的美味享受。最後，我們來品嚐一道清淡爽口的上湯豆苗。上湯豆苗是一道簡單但鮮美的蔬菜菜品。在這家老式上海菜餐廳中，他們的上湯豆苗清煮得恰到好處，保留了豆苗的鮮嫩和營養價值。湯汁清透，為整道菜品增添了一點濃郁的味道。這道清爽的菜品是一個絕佳的配菜，無論是搭配其他菜品還是單獨享用，都能為您帶來一份愉悅的味蕾享受。總而言之，這家老式上海菜餐廳以其豐富的菜品選擇和優質的味道而聞名。無論是小籠包的湯汁鮮美，

星期五晚六時許才臨時和友人相約中環晚飯，立即想起這裏較容易有位，果然成功✌️飯店在地庫樓層，我個人不太喜歡，不過有位晚飯便好，也不可太斟酌了😅我們三位女士食量不大只點了：棒棒雞、賽螃蟹、蔥爆牛肉、炸銀絲卷、同埋嫩雞煨麵。所有食物都只中規中矩。較失準的是賽螃蟹，蛋不香不滑，吃至一半已經出水。能算有水準的只有炸銀絲卷，嫩雞煨麵（忘記拍照）👍相對食物的定價，這裏用餐的CP值絕對不高。由於整體服務不錯，對於主要是聚會傾計一族的我們，也算是過了愉快的晚上😀

食物種類很多，我們五人點了小籠包，鱔湖上海粗炒，肴肉，賽螃蟹，樟茶鴨。食物質素不錯，只略嫌佢鳝湖有點太油膩。甜品方面選擇很多，我們點了高力豆沙，餡料非常多，味道不錯！另外點了一個芋頭餅味道不太甜，非常香口，很特別的甜品。環境舒適，侍應及樓面的態度也很好。之前很多評論說工作人員態度很差，我想這已經改善了，大家可以俾多次機會來試吓吧！

服务质量堪忧，上错菜，但仍然坚持charge。服务态度差。服务员不能理解客户需求，坚持错误的理念。出现差错就在员工之前踢皮球而不是解决问题。加之环境逼仄，菜品一般，性价比超级低，不适合商务宴请。不建议任何需要服务的宴请在此店举行。

午市在上環吃上海菜的選擇不太多。香港老飯店是吃上海菜的穩陣選擇之一，因食物水準穩定，份量和價錢也適中，但要預先訂位，才能保證有枱。賽螃蟹 （$138）味道正宗，份量也足。椒鹽鮮魷（$138）這道很明顯是廣東菜，而非上海菜。但炸物，只要夠熱，夠脆，已可順利得分。砂鍋雲吞雞（半份）（$250）我喜愛的菜式之一，有雲吞、雞和菜，還有湯可以飲，一次過滿足四個願望。南翔小籠（$75）皮夠薄，湯汁也夠。生煎包 （$85）底夠脆，但包身未夠上海的生煎包鬆軟。百頁紅燒肉（$148）肉燜得夠腍，典型的濃油赤醬菜式。豆沙鍋餅 （$150）份量超大。即做的鍋餅，熱辣辣，又夠脆。

見之前幾個post都話服務態度差，ummm都唔係丫,d待應好快serve到我地，同埋最impress係兩個人嗌左一個面，待應仲幫我地分埋一人一碗。呢間餐廳係中環咁多年，相信有一定既熟客，通常都係對熟客好d又真係既。

提前打電話BOOK定位，準時去到當日門口個侍應竟然話無BOOKING RECORD！我同朋友都O晒咀，一場來到竟然同我地講無幫我地留位，門口帶位既侍應非常無禮貌，好在當日無咩客人，眼見都仲有空枱，仲要同佢地理論一番先即時安排返比我地！坐低無幾耐就落ORDER，女樓面好有霸氣咁叫我地一次過好叫晒野食！！！態度簡直不知所謂！我地坐近上菜位，每當廚房出菜就會放係我地前邊既枱面，等到樓面得閒經過就會分門別類分發到各枱客，我眼見有幾籠小籠包擺係枱度無人理，當時明明有2個樓面企係一邊傾計都唔去傳菜！D送菜灘凍晒…有個女樓面就掛住拎碟西瓜送去比熟客兼吹水……最後個幾籠灘凍既小籠包當中當然有我地份啦！食到中途，眼見隔離枱枱都有西瓜贈送，我地就問下個樓面我地係咪都有西瓜，點知個女樓面話人地係叫套餐所以就有西瓜送，我地就話佢地食左2籠小籠包加個擔擔麵係咩套餐呀？另一個樓面就衝出來話人地係熟客日日都來幫襯所以佢地係會有西瓜！咁究竟係因為叫套餐定還是熟客先有贈送西瓜呢？我地幾個散點叫左8樣野，埋單都成千蚊！講真！我地唔係貪食你地D西瓜，只係以正常人見到咁順口問下啫！無估到2個女侍應會咁大反應！仲要唔夾口供，一