香港海關高級官員會所 (已結業)

出入要職員帶路,  服務員嚴重不足,  但環境舒適,  樓底很高,  而且價錢實際,  仲送糖水, 不是會所, 又怎會有如此的「享受」呢 !  最好是不用搭壹, 我和朋友可盡情傾計, 旁邊壹是聽不到的。我在這裡吃過很多次, 每次食物的水準都唔同,  今次算中規中矩。 埋單$139, 吃了流沙包, 蝦餃, 腸粉, 蘿蔔糕, 黃金豆腐及糖水, 很化算

晚上來了北角這間海關官員會所，在大堂需要專人接進升降機大堂，有點神秘的感覺！到達之後看見也有空桌，沒有坐滿。這裏的餐桌放得鬆動，環境不錯，餐牌上的菜式一點也不貴，大概$88一道菜。我們一行六人，叫了7-8味餸，當中很欣賞蔥油脆皮雞，咕嚕肉不肥很好味，炸豆腐也不錯，還叫了虎蝦、炒牛肉、生菜煲、蝦仁炒蛋，飯後還送椰汁大大粒西米露糖水，食得幾開心😃看到餐牌的圍餐好抵下，下次做節搞生日既話可以考慮一下！

之前經常前來飲茶，貪其容易有位！今天重臨發現食物質素大不如前我們點了一份$188的午市優惠套餐：脆皮燒腩仔每件都很小蒜茸菜心還可以瑤柱蛋白炒飯份量很少點心全都不行酥炸魷魚贛營養不良很可憐香煎蘿蔔糕未夾就散翡翠叉燒腸粉皮仲厚過叉燒以前蝦餃燒賣八蚊大大粒，現在都縮水了西瓜奶皇包及原粒冬菇包每個八元，有新意！內外也做得很細緻！像真度高！但味道一般花菇棉花鷄乾蒸真的第一次吃生煎銀蘿花枝餅毫不彈牙無咬口鳳凰煎糯米雞喜歡吃飯焦的話會覺得不錯

星期六的晚上去食. 地點有啲奇特, 之前完全唔知依度有間酒樓. 18:30去到, 人不多, 環境都幾清靜. 但係7:00就開始多人, 都幾熱鬧. 坐窗邊可以有海境. 個人都幾鍾意. 上菜都幾快. 叫左幾個餸. 個人覺得最好食係炒牛柳粒同賽螃蟹. 牛柳粒啲牛肉唔錯. 好軟熟, 應該係牛既部位唔錯既原因. 啲餸都幾大碟, 特別係豬手果碟. 鵝掌煲都幾好食. 服務差咗啲. 應該係侍應嚴重不足. 啲侍應叫極都無時間黎. 其他都好ok. 絕對可以再戰.

公司有飯局，我都係第一次來呢度晚餐，地方裝修華麗，樓底高舒服！光猛乾淨！大紅乳豬全體：乳豬太肥，脆皮下都係肥，無乜肉！一般 翡翠帶子蝦球：蝦球多又大球，爽口，帶子淋身唔腥，西芹爽口，好味！香脆黑松露百花丸：炸蝦丸炸得香脆，彈牙好味，入面加了黑松露醬，味道幾香！好味發財多子瑤柱甫：我無食瑤柱，食咗髮菜同生菜，生菜爽脆，髮菜幾滑，味道全部都係嗰啲漿糊獻嘅味！清燉佛跳牆：足料好味，湯濃香清甜，濃到有啲漿口，好味！清蒸大老虎班：蒸得幾靚，肉有點韌，ok蠔皇金錢扣遼參：我唔食鴨掌，冬菇厚肉入味，配菜係我最討厭嘅小棠菜，味道都係漿糊獻嘅鹹味，一般脆皮炸子雞：皮脆但肉質頗嚡，可能係食胸嘅部位唔啱金華海皇炒飯：無食瑤柱金菰炆伊麵：無食巧手美點：即酥餅，太實太甜鴻運慶團圓：紅豆沙湯丸，湯丸煙韌，紅豆沙無乜豆，味道過甜！一般！食物幾好味，尤其個燉湯（好過食漿糊翅）不過服務就麻麻地了，負責我哋張枱嘅男侍應，服務粗糙，好似佢想收碟，唔會睇住人客，突然從我頭頭伸手出去轉盤，成個腋下貼住我個頭頭，好噁心，而佢全無所覺，唔止我，同枱幾個朋友都中咗佢無情手，除了上菜收碟，其他時間都幾手足無措咁！要再培訓

由於之前嘗試了茶市，點心都不錯，因此就訂台食晚餐，圍餐好經濟抵食，今個圍餐只是1488，超值，海境，服務，食品都超出預期。食物餸菜偏淡味，較為健康!但四小碟其中的青瓜,竟然沒有手拍，只原條切，唔入味，另外明蝦沙律盞，個盞好”林”，其他的燒鴨，炸鮮奶荷葉飯，蒸龍躉片都不錯。

A good dining experience with family over the weekend. At first, I thought this restaurant restricted to members or staff only. When I called in, the waiter can take the guest from the lift lobby and it is open for public. With a decent place and seaview, we ordered siumai, chiu chao dumpling, crispy sticky rice, bbq pork steamed rice roll, egg yolk steamed bun, fukin fried rice. The food is good especially the pan fried crispy sticky rice and egg yolk steamed bun. We will definitely come back w

無聊聊係openrice 搵酒樓，想同屋企人飲餐靚茶，竟然俾我見到香港海關高級官員會所呢個名，膽粗粗打去book位，竟然可以訂台，咁就星期日搵左一家大細一齊去試下味。去到海關大堂時需要打電話要服務員落嚟帶上樓，上到去台數唔多，但可以望到海景，因為唔係太多台客人，所以都幾清靜，食物質素都可以，我食左流沙包，好好味，包比一般酒樓大d，流沙的感覺特別吸引人，吃過念念不忘。價錢同出面酒樓差不多，但有靚景睇，都值得

位於海關大樓12層，其實非海關工作人員也能進去，打電話給酒樓會有人下來接。內部會所的環境不必多說，食物做的較精緻，口味比北角其他酒樓好很多。粉粿的皮超薄，蝦餃玲瓏剔透。值得推薦。