香港寧波同鄉會

营业中

休息中

當年在中環工作因為老闆是此食肆的會員，所以間中也會來大吃一餐，老老實實，價錢真的略高，例如我很喜歡的家常餅，其實就是上海蔥油餅，價錢真的有點驚人，不過味道又真的是不同凡響，我會以物超所值去形容，就是上海寧波一帶傳統家鄉風味，它的蔥香加上薄薄的餅皮，不會太油膩卻又有著蔥油餅的韻味，外面很多時食到的蔥油餅一係就太厚，一係就太油，一係就根本無乜蔥味，平係平，不過真的麻麻地。另一個我很喜歡的菜式就是蒸素餃，看似平凡，味道卻非常好，我夠膽講外面冇乜地方可以食到呢一種味道。我常常認為平凡的菜色煮出不平凡的味道，就是大師傅的功夫。

突然想食返d正宗的中餐，於是4人去左寧波食晚餐。 比較有趣的係佢有d餸係可以小份小份咁叫。煙燻雞蛋就叫咗一隻，臭豆腐就最少兩粒。雞蛋好香⭐️⭐️⭐️異國臭豆腐就揸到外邊個皮好脆，又有乜油幾好。煙燻豬蹄出嚟好香， 個皮好脆,啲飛有入口即溶👍🏻再面小小米通。冇咁‘溜’脆鱔夠脆。係糖醋左。酸辣湯又足料。少少辣咁擔擔面有好濃郁花生味，個面又掛湯原本餐牌係竹笙小棠菜但係我哋叫咗竹笙莧菜，好少何出去食有咁多竹笙，材料方面呢間餐廳算係好足料！！仲有小籠包咩大大粒，個皮厚度剛好。多汁。蔥油餅 又夠和脆👍🏻高力豆沙少見有香蕉味。一試就真係有香蕉味😂就係咁， 4個人乜都想試，食到要攞走都仲想繼續叫😂結果加埋一， 都係$11xx. 就係一間。平平實實的餐館。性價比高

由於婆婆係寧波人對寧波菜自小就有特別好感今次好友生日我哋就揀咗喺呢度食飯。疫情下依舊滿座地方唔算大，夜晚食飯都會比較嘈我哋叫咗脆鱔燻蛋，醉雞作為前菜，唔算有驚喜，但係亦都唔錯😊主菜嘅雪菜沙追魚幾好食呢度亦都有臭豆腐，不過冇喺細個街邊食嗰啲咁好食😂總括來講不過不失

We had team lunch here as one of the teammates is member of this restaurant. You need members to help you bookdining here.Seating is good and we sat at the corner so it's more private. Food is in generous portion and of good quality. I really like the shanghainese food at this restaurant. I love their 黃金蝦，臭豆腐，上海炒年糕 so much! We went in a group of 10 so it's very good to share all the dishes. It's not common for restaurant to serve smelly tofu and theirs are great!Service is also good and food com

餐廳係會員制度 只招待會員 同事話好難先訂到枱 (聲稱尤其午餐時段好爆好多人) 明白既正所謂中環搵食艱難由於公司飯局 所以就無影到好多食物既相有叫到個鴨 幾酥脆同唔算好硬本身唔食臭豆腐既我 係各位相勸下踏出左第一步 第一啖無點到醬料 入口唔算好重味道 得好少好少臭豆腐 後尾我加左辣醬 食落口除左辣醬味道無其他味 如果唔話我知係臭豆腐 我會以為係脆豆腐(值得一提豆腐炸得香脆同乾身 一d都唔會油)不過中意臭豆腐既人應該會嫌淡鱔糊整得幾好年糕都好特別 用齊菜 係香港無咩地方可以食到家常餅 入面既蔥油好足料 外面香口 超級好味 必食推介

[🇭🇰香港- 中環].“清蒸鰣魚”超正😍雖然好多骨,但係魚肉滑好鮮甜夠肥美,加上個汁係甜甜地嘅米酒,鮮味更出!本身想試大排翅但原來要預先訂,就轉”蔥燒海參,”好大條好爽口,可惜個汁偏鹹左少少;”臭豆腐”又係必叫嘅小食,個人就覺得”燻蛋”同”小籠包”就一般;最後一定要留肚食”煎蓮子黑糯米”糯米香軟,外層煎到夠脆口,蓮子又粉👍🏻.🔻🍽 香港寧波同鄉會📌 地址: 中環德己立街2-18號業豐大廈401-405室.#tummysready #tummysreadytoeat #tummysreadyinhongkong #tummysreadyatcentral #tummysreadyforchinese

第一次去寧波同鄉會，充滿懷舊的微黃燈光，期望是正宗的滬菜口味，果然沒有失望！鱔糊真的真的很充料，不是弱弱的幾條，是像個山丘般的鱔魚肉，也不腥，真的推介油淋雞的雞肉也很滑，很入味臭豆腐，很特別吧，不用在街頭吃，雖然沒有一吃驚人，但也很過癮了還試了燻蛋，其他小菜，如金銀蛋豆苗，黃金大蝦，甜酸肉排等都不錯，唯一是環境真的很嘈，客人多，樓底低，聲音都局在同一個環境，可見食物水準之高，才令食客願意在如此吵的環境吃飯吧

公司聚餐，去左只招待會員用餐既中環寧波同鄉會，一嚐寧波菜點左以下幾樣煙燻蛋，有濃郁煙燻味帶流心效果，加上淮鹽，簡直絕配醉豬手，醉雞，有花雕酒香，豬手爽脆，雞肉肉嫩，兩者皆入味出色鎮江肴肉，配上醋，味道一流，份量多即炸臭豆腐，外脆內軟，熱騰騰，配上大量豆瓣醬甜醬進食，必食之選奶油津白，配上金華火腿咸而不膩雪菜鯊鎚魚，很特別，魚沒有魚腥味而且魚肉很滑，值得一試小籠包，皮薄多汁排骨湯麵，味道相對普通，不過不失擂沙湯圓，即叫即炸，甜而不膩餐廳只招待會員，環境相對清靜，十分適合聊天小聚，價錢貼地，食物質素高，唯一缺點是只招待會員

有幸被朋友邀請到中環香港寧波同鄉會一嘗寧波菜，實在是開心高興！曾經在上海住過一段不短的時間，讓我們回憶一下上海的味道吧！提醒大家，需要入會或者會員攜帶才能到這裡享受美食！一來到侍應就送上甜酸菜及鹹水花生，甜酸菜甜甜酸酸十分開胃！我最愛這樣的甜酸菜肴肉份量足夠，我一人吃了3-4塊都沒有油膩感。要知道好多餐廳都未能掌握好製作肴肉的手藝！這裡的環境比較清靜，不會像茶樓般感覺那麼嘈吵，適合朋友敘舊、聊聊天天、說說笑！

有有晚同屋企人喺度食飯樣樣都好出色，叫咗醉雞，生煎包，奶油津白，上海炒年糕，古法鱔糊，小籠包，香蕉高力豆沙最鍾意係小籠包好多汁又夠熱古法鱔糊 好爽口 蒜蓉豆豉mix together !!!so good!

第一次踏進香港寧波同鄉會的餐廳，一行九人入了一間小房中，環境清雅，牆上掛了很多人物照片。食物方面，好味吃不停！今晚試了燻蛋， 有濃郁的燻香味; 脆鱔，脆而香口; 海蜇，涼拌腰花, 紅燒元蹄， 美味不肥膩; 椒鹽八寶鴨， 極力推介要吃的😆，筍尖-豆腐，松子黃魚， 小籠包，酒釀丸子和酒釀湯圓。 全部都好好食！😊👍服務生很醒目， 話頭醒尾，服務周到; 幫我們影相，角度也取得很靚！我們過了很愉快，滿足的一晚，期侍下一次再來。😆

好明顯裝修過,枱與枱之間相隔比較密,可能樓底太低，一話隔離果2枱12人大檯全女班， 非常嘈吵｡不過冇辦法食好野總係要犧牲的值得一讚這裡價錢中環呢講真係十分經濟。花生前菜唔喺話煮得好惹味,但味道真係好有以前舊上海舖的風味。蝦仁用正宗河蝦,好爽｡臭豆腐可以逐件叫,非常好可中意食幾多就食幾多留番個肚，試第二樣野｡某些上海舖煮得哩嗰餸好淋，但係黎度就煮出適當嘅口感。點了個蝦仁麵湯湯底濃郁必定係用好多雞殼熬湯材料充足｡上海排骨粗炒用料充足,排骨比例話俾麵條還要多｡

寧波在中環是其中一處很好的地方吃飯，無論食物味道 質素，價錢和服務都很不錯。.大年初七，星期一。全場滿席，十分熱鬧！雖然我們四人坐的是一般的小圓枱，但需要很大聲說話才聽到。.我們點了：炸臭豆腐： 我沒吃，朋友也沒有特別評語。醉豬手：爽脆但酒味不夠濃郁。薰蛋：蛋黃不是流心，味道也偏淡。糟溜魚塊：糟溜汁有濃郁的酒味但並不香，魚塊並不滑溜。魚塊雖然是急凍，但應該可以做得更好。樟茶鴨： 肉質並不太嫩滑，味道是好的。小籠包：保持一貫的水準，內有鮮甜的肉汁。鹹肉小唐菜 ： 太多鹹肉，可以說超值。 香蕉高力豆沙 ： 香蕉肉十分細件，砂糖並不是撒滿碟上，還有是暖的。今次的確有點失望，希望只是一時失準。服務水準就一流的細心，每位叔叔都好友善。

朋友今年業績唔錯，分到好花紅，話請食飯，搵左間中環會所，食上海寧波菜小籠包表皮白淨有光澤，很是吸引，而且好簿，包住滿滿既湯汁肉餡鮮甜，一口一隻，令人很滿足。鍋貼鍋貼個底煎得香脆，肉餡一樣鮮甜美味。上湯豆苗豆苗翠綠，吸收左蛋香和清甜既上湯，食起上來清爽甘甜。黃金中蝦蝦夠大隻，走油唔過火，肉質彈牙，咸蛋黃夠咸又香，兩樣食材組合上來，令人食指大動糖醋黃魚中國人講意頭，年年有餘，當然要祝朋友年年有錢分啦，呢道糖醋魚同樣做得都出色，條魚走油冇過火，保持到魚肉嫩滑，再配上酸甜既糖醋汁和其他食材，滋味滿分

上湯浸豆苗, 非常油, 上湯浸不應該油的!!炒年糕非常油非常硬...小籠包, 還可以保持水準 熏魚過度咸清炒蝦仁,細過蝦乾, 食不到爽甜, 非常失色酒醋魚塊,煮過龍爛爛地食物差, 部長態度極之差，杯碟骯髒，叫他換隻杯，被他喝罵若覺得餐具不乾淨，可以立即走，不須要在此用餐。太差 無影相~決不會再去