40
18
13
| 餐厅: | 香港地 |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
相关文章
昨晚去吃晚饭，选了鸡粒豆腐煲和蒜蓉粉丝蒸排骨，卤鱼鸡粒豆腐煲冇乜味个汁水希希，肉和豆腐好似队落微波炉翻热既质感，好鞋，食左D算，之后上个排骨肉松粉多到令肉完全变质，难吃食落口感好怪仲好酸😖，差过预制菜既感觉，平时日头既出品算ok，夜晚食物质素则非常之差，好明显冇心做，管理好有问题，出品冇良心，两个餐加埋差唔多成两旧水俾D甘既野客食，叫两𩠌饭都冇甘嬲，以后唔会再帮衬晚饭，我都未试过差到甘要出食评😤，希望佢哋好自为之。
继续阅读
今日喺美孚行街，行到攰攰地，就谂起好耐冇去过「香港地」食饭。呢间餐厅主打港式茶记风味，装修新，充满香港特色，好适合同朋友一齐嚟chill下。我点咗个「猪扒公仔面常餐」，$58，包炒蛋、火腿方包同热柠茶。等咗大概十分钟，热辣辣嘅常餐就送到我面前。猪扒公仔面： 一上枱，香喷喷嘅猪扒味扑鼻而来，令人食指大动。猪扒煎得金黄香脆，肉质嫩滑，腌得入味，公仔面煮得刚刚好，唔会太淋，汤底清甜，加埋爽口嘅生菜，好满足。炒蛋火腿方包：炒蛋嫩滑，火腿咸香，方包涂上牛油，简单又好味。热柠茶：茶味香浓，柠檬清新，甜度适中，系一杯解腻嘅好选择。总体嚟讲，「香港地」嘅常餐味道唔错，份量足够，环境舒适，充满港式情怀，系一间可以encore嘅餐厅。虽然价钱比一般茶记略贵，但胜在坐得舒服，可以慢慢享受。
继续阅读
1228 浏览
之前再试番「品乐冰室」，离开时经过「香港地」，见好多人晌门口等位，加上见佢有款蕃茄汤系列嘅早餐，啱晒老婆，就揾个星期六朝嚟食个早餐，睇吓喺咪好咗！其实我就对「香港地」印象一般般，唔喺话差，但唔叫得好，今次就俾多个机会佢。自从好几年前呢间「香港地」扩大咗，小弟都未嚟过，今次再嚟，空间感大咗，但啲枱櫈都排得好密，不过，佢哋为咗做尽生意，会安排人手带位，尽量填满每一个位，故此，要有搭枱嘅心理准备。早餐嘅餐牌栋咗喺门口，款式都唔少，例如全日早餐、港式早餐、蕃茄汤系列、脆炸鱼柳系列、珍宝菠萝包餐、嫩滑猪扒系列、健而麦皮系列……等等，而入到里面，基本上唔见有餐牌，落单都喺扫二维码自己搞掂，价钱方面都喺同附近啲茶记差唔多。餐具放晌枱上，其实佢哋啲枱本身已唔喺大张，所以，嚟齐晒啲食物之后成个枱面都有啲压逼感。负责送餐个男侍应亦都有啲唔礼貌嘅行为，就系推开我正正食紧嘅通粉，以方便佢摆其他食物上枱。仿鲍鱼丝火腿通粉 $41本来老婆一心喺想试个蕃茄汤系列，不过，喺点餐时落单系统上揾嚟揾去都揾唔到，跟住再问返啲侍应，原来星期六日公众假唔供应，再睇返个餐牌，确喺有啲鸡屎咁细粒嘅字写住，真喺走漏眼添。比较啱食嘅就只有呢款通粉，仿鲍丝口感柔韧，食起嚟算清爽啲，配炒全熟蛋及多士，虽然全熟蛋炒得样衰啲，但老婆唔介意卖相，最紧要够熟到透啫。蜜汁叉烧通粉 $43次次都沙嗲牛肉公仔面，今次就改试下叉烧通粉，再配上炒滑蛋牛油厚多士。点解咁多人嚟「香港地」，就因为佢哋讲明用相对好嘅食材。叉烧虽然无啲㶶边位，但味道唔错，啲肉质好松化，而且比较少肥膏，老婆都可以试多少少；炒滑蛋都确喺有一手，炒得够滑溜，好够蛋味，又够份量。通粉本身味道都唔错，个汤底几浓郁，唔喺味精汤，啲通粉煮得仲带少少咬口感。热咖啡、热奶茶少有哋老婆话想叹杯热奶茶，所以，小弟就改饮热咖啡，我杯即磨咖啡饮落几香醇，但完全唔明点解嚟到只喺微暖，明显喺冲定好晒摆咗喺度，有单就拎俾客。临走时有同店员反映，佢话下次可以叫做个杯，呢个算喺补救方案，但问题根源喺准备食物嘅流程，会唔会水吧嘅同事贪方便做定好多杯放晌度，快餐店都唔会咁做啦。而老婆杯热奶茶饮落都算OK，唔算话好柔滑，但都好够茶香。今次再帮衬「香港地」，食物方面算中上，喺杯咖啡出咗少少问题，而服务方面，始终如一都喺咁一般，不过，再观察所见，应该喺𠮶个男侍应嘅个别问题居多，因为有另一位女侍应招呼唔错，态度温文有礼好多。
继续阅读
今日同家人来食午餐饭, 点了榄角蒸排骨饭套餐及常餐, 排骨食落后, 觉得放得太多松肉粉, 令至肉感变质,为健康着想, 最后放弃食𩠌, 只可食白饭😢, 常餐的猪扒也有放, 而可接受,
继续阅读
【128】用家自费分享！Walk in唔使等，约七成满。7️⃣0️⃣CP值，2024/2/4/日/14:31，假日下午茶时段，二人埋单免加一共$83，平均每人$41。店系路口街舖，算易揾，装修有特色，感觉干净，空间算大，坐得舒服，招呼正常，落单快，上餐都快，中规中矩，可以一试。7️⃣5️⃣下午茶餐星洲炒米$48，炒得好干身，唔错，再重小小咖喱味就更好。5️⃣0️⃣跟餐热咖啡，无乜啡味。7️⃣0️⃣珍寳菠萝油餐$35，大菠萝包都脆，可惜旧牛油唔够大。6️⃣0️⃣跟餐冻柠茶，正常有茶味。
继续阅读