香港地 (已結業)

今晚未夠8時坐下，叫常餐……冇，叫普通的粉絲雜菜㷛又冇……😤😤😤，有些套餐、咖哩牛腩飯、豬扒就有。人手又不足，等5分鈡也冇人理，見到要厨房員工上菜，比快餐店也不如，坐了一會觉得身痕有野咬，以后不会再来！

在星期日的奧運站下車，到了奧海城商場逛逛，雖然㚈面下著毛毛細雨，對心情絕對不會有影響。因為已經是差不多下午五時，肚子已經有點餓，自然看看那些食市有下午茶供應，幸運地在第三期的一樓有美心香港地，是地道的選擇。我們一行四人，每人有不同喜好，一位要腿蛋三明治，另㚈要食牛腩魚蛋河，有牛腩和兩粒魚蛋，牛腩都算有水準。當然還有兩個餓鬼，一個要了大三元的福建炒飯、配上素春卷和甜點雙啡糕。還有選了牛尾湯班尼粉，配上腿腸炒蛋及厚多士，多士是牛奶多士、還有餐茶。都是48元正，非常經濟實惠，性價比極高。四人吃到飽飽都是165元，在奧海城消費是超值。

香港地不嬲都係茶餐廳晚飯之選，唔會坐得好迫，食物質素又唔錯～轉天氣想飲下湯滋潤下，就叫左個燉雞湯餐，有一盅燉雞湯同一個燘飯。雞湯都幾清，唔會有層厚油係面。入面有瘦肉，雞肉，雞腳同一啲湯料。個湯飲落唔會話好咸👍🏻揀左個窩蛋飯，有蝦同少少菇係入面，都算濃味，如果個煲再熱啲可以整熟多少少個蛋就更好😋

同熱愛這片土地，食飯要緊係要黎香港地。呢間打正旗號係食港式茶餐廳，午飯小菜套餐都係茶餐廳價錢，十分抵食，難怪一到午飯時間就大排長龍啦！帶子蝦仁炒滑蛋（$66）唔好期望太高真係有大大粒帶子，細細粒卻是有的，帶子肉有彈性，但沒有帶子的鮮味。蝦仁方面都係較細隻，數量不太多，以蛋為主。鮮黃色的滑蛋鑊氣十足真係炒得唔錯，如果加點韭黃味道會更有層次，現在味道則有點單調，配合埋一碗白滑絲苗米，整體來說是合格有餘！

一個外出吃飯的晚上，來到這間美心集團旗下的「香港地」，吃了一個餐廳推介的一人份量「燉湯燜飯套餐」（$78），感覺蠻不錯。 其實這套餐除了燉湯固定了是「春 豐滿姬松茸燉雞湯」外，燜飯是有三款可揀的，價錢由 $78至 $85不等，而我吃的則是價錢較廉宜的「瑤柱雞粒燜飯」。那「春 豐滿姬松茸燉雞湯」雖然少不免有點「師傅」在裡面，份量可是挺多的，足供二人飲用，而且材料也甚多，姬松茸與雞肉固然少不了，江瑤柱、雞腳、杞子等材料也在裡面。湯味可以，也不太油。 「瑤柱雞粒燜飯」濕濕的，份量不少，每口燜飯都可吃到濃郁的味道，雞粒頗滑，唯一的瑤柱也幾大粒，還有一些翠玉瓜粒、菇粒和蔥花做陪襯，吃上一鍋，加上那材料豐富的燉湯，既溫暖，又飽足。

分店衆多，呢間位置特別好，商場舖，等位都舒服D。正值午飯時間，點了梅菜扣肉飯午餐，可能冇乜期望，但竟然發覺相當好食。扣肉處理得好，件裝整齊，肥瘦均匀，肉質腍而有'趙'口，又幾鬆化，梅菜唔鹹，送飯真係一流，唔係一般食肆能做到嘅水準，抵讚!

屋企附近早餐食嚟食去都係嗰幾間， 家姐話我唔嫌佢已經嫌，於是今朝我地就去左奧海城，話嗰度有間香港地，係美心集團旗下嘅，可以試下。點知中伏！我地已經揀左最穩陣嘅牛尾濃湯長通粉早餐，配腸蛋豬仔包。個湯通粉率先登場，真係技驚四座，不過係驚嚇個驚， 首先店員係乜都冇講就求其將個通粉放低係枱邊，然後，呢個橫睇掂睇都唔似牛尾濃湯， 似稀釋左嘅意粉汁囉， 湯內完全食唔到任何材料，味道堅似蕃茄意粉汁溝水而且冇乜味。通粉質地反而唔錯，煙韌有咬勁。英式腸係烚熟，一啲味都冇，腸衣太韌，炒蛋尚算可以，但豬仔包似擺左好耐。整份早餐味道質素都好差， 連美心快餐都比不上，性價比奇低。

遇上公事太忙,趕時間的話,有時就會隨便找間餐廳食,剛好看到這間香港地並不算太多人,就決定試試新意思.今次點了它的洋蔥汁豬扒飯配炒滑蛋,環境卻算衛生,但侍應的服務就卻為一般。食物的速度也不算快。在味道而言,它的豬扒略為偏硬,而且也放涼了,食下去咬口不算太好.飯粒也偏為硬一點,不過份量都算足夠的。而這個質素而言,只能說不過不失,作為速食的話,也可以再考慮之內.不過想再食的意欲機會不高,希望會再改善質素,也提升對顧客的態度。

其實係其他區域都見過香港地呢間餐廳，但就從來未入過去食，今日就入去呢間試下，點知就😓@厚多士➕腸仔火腿蛋➕炸🐷扒米粉➕飲品=套餐————————————————————1-厚多士——-又吳熱，又吳脆，硬掘掘，就似係一塊切得厚D既方包😰2-腸仔——-似用滾水煮熟完全吳覺得煎過😨3-火腿—又係似滾水煮熟完全吳覺得煎過😫4-炒蛋—-正常😐5-炸🐷扒—-應該係一早炸定曬，就放係米粉上面，林上➕林，林pat pat，又硬又吳熱😓6-米粉-ok 無問題，不過成碗又係吳夠熱🙃7-飲品——熱🍋茶，無問題，係吳夠熱者😷————————————————————-話佢好食就一定無佢份，話好難食又未至於入吳到口，但話ok我又吳覺得係，甘係米無寕兩可😣總知就係吳好食😶😶————————————————————服務——無招呼又吳代表差，茶餐廳係甘😀———————————————————-見到餐牌都有幾多嘢食，仲有成本餐牌食物，可惜吳係好啱我口味，應該吳會再去🙄🙄🙄🙄🙄

放中午飯既時候又係要搵食的時間了，今日一行人去左奧海城既3期搵野食。見到間幾特別既茶記，入面都幾大下，見到好多打工仔都係入面食緊野。一黎到望一望個menu，就睇佢個lunch set menu 係度諗緊食肉餅飯定係佢個特級咖哩豬扒飯，兩個都好似好吸引下，最後決定叫左咸魚蓉肉餅飯。叫完之後等左一陣間only，佢就送野食上黎了，認真快手，掂。一黎到見到個肉餅就知道會好好食，第一淡食落口真係覺得好鬼正，一碗飯都唔夠送。佢地既飯量比出面少，大家要多飯下次要出聲了。

諗著去間港式茶餐廳食個tea 附近唔係太多得揀 黎左依間香港地試下·一入到去 其實無咩下午茶揀 諗著會有雞脾薯條魚柳果d全部都無· 唯有揀左個西多士食睇就幾好味既又高身咁 不過食落無咩特別 以為入面會有花生醬果d都無 口感一般 無跟雞翼咩都無都要三十幾蚊 偏貴·應該唔會再黎

阿華田厚西多！好！得！意！西多士本身好邪惡，加上厚厚一層既華田粉！正啊！個多士其實普普通通既，黃金色，唔算超級香口，但係個華田粉加埋一大舊牛油！就令成個西多升華左！華田粉唔系好甜，岩岩好！有種西多士浸華田既感覺！好特別哈哈！

今日同父親及母親大人食早餐，便去了座落大角咀奧海城三期的香港地。我們安排坐在4人餐枱，環境開揚，座位都算多，餐廳冷氣都幾大，怕冷既記得帶定外套。我們分別點了雪菜肉絲湯米粉配日本農場煎蛋、腸仔及牛奶厚多士，仿鮑魚火腿絲米粉配日本農場煎蛋及牛奶厚多士，蛋白桂格麥皮配蛋治。雪菜肉絲湯米粉，正常。日本農場煎蛋，正常。腸仔，正常。牛奶厚多士，正，厚，咬落軟棉棉。仿鮑魚火腿絲米粉，唔錯。桂格蛋白麥皮及蛋治味道正常。飲品都是正常。

今午3:25很肚餓, 只見香港地內很多空位，店外又冇人排隊；但附近則所有店都要排隊，於是馬上入座。豈料叫了個下午茶餐後等了35分鐘碟飯都未到! 我催了四次，只可惜沒有一個店員認真跟單! 我正坐在其open kitchen 前方,眼見廚師慢吞吞地炒，而冇侍應夠膽向他催單! 只見他突然一次過炒了5碟牛河, 然後又再一次過炒了幾碟同款食物上碟。只是我叫的炒反仍是遲遲未到？!  我旁邊的一家也有投訴食物遲到, 結果他們吃飽後走了，而我的飯仍未到!  後來旁邊又來了另一家人，也是叫了同樣的炒飯! 但他們等了約5分鐘, 飯就到了!! 跟我的order一齊送來, 真是豈有此理!!!!!!???????我等了超過半小時，鄰枱來了5分鐘就立即有。原來廚師愛儲夠幾張單才一次過炒!!  整個廚房的運作我都看得清楚，而侍應的懶散也是盡入眼簾!! 一怒之下，飯來了我也不吃，實在一肚氣嘛! 於是馬上離開。只付了一碟小吃的錢就走了!! 侍應及經理個個都知發生了什么事，話不多說，收了小吃錢就了事，並無歉意!!!整個茶餐廳運作失當，管理完全欠妥善。冇王管，可謂替美心集團倒米!!  絕不再來!!

晚飯時段走咗去“香港地”，炒咗個十三么星洲炒米再配一杯重量級的維他奶紅豆沙冰奶🍹。先講食物，十三么星洲炒米價錢為$55，份量都算十足，料理都豐富有火腿、蝦、芽菜、紅椒、青椒及叉燒，都算夠鑊氣，不太辣， 咖哩味都幾香濃，總算合格的。另外，加了20蚊叫了一杯重量級的維他奶紅豆沙奶， 紅豆沙不太甜，沒有搶走維他奶的味，份量勁大，差點飲唔完。整體上香港地呢一間茶餐廳都不過不失，價錢合理，上菜快速，而且服務態度也很OK。