影片
行过香港地见到原来都有下午茶餐牌，啲餐都算抵，见唔系太肚饿就即管入去试试啦。五点几呢个钟数人唔算太多，一入就有位坐，入到去又要scan QR code落单，真系唔系太钟意呢啲咁麻烦嘅落餐方式，尤其是我呢啲间唔时有啲特别要求嘅客就唔知点落单，所以最后都系要揾店员帮手，我哋点咗西多士同XO酱猪扒炒出前一丁，但又想走配菜，最后揾店员帮手，店员都好好，即刻入厨房补多句，所以无晒三色椒同洋葱等等，斋猪扒同面，但系都炒得好干身，味道都好正，猪扒质感都好掂。另外西多士就比较厚身，但我自己prefer薄身啲质感啱我啲，但都炸得唔错嘅。最后杯奶茶都冲得几好，都几醇滑，可乐就有埋冰底，呢个炎夏饮真系透心凉。埋单唔使$100，商场舖嚟讲真系抵食。
继续阅读
因上水无乜选择，所以经常光顾这间餐厅。每次落单都会叫冻饮少冰，但每次都系一杯冰。有单据和相片为证。虽然小事，但商家想悭钱，又知水吧为餐厅赚唔少钱，想客人唔够饮再叫多杯，呢个明白。不过次次都系咁真系好烦，因为要攞个杯自己夹走啲冰。
继续阅读
员工态度不错，坐位一般，上菜时间很短及准确。价钱中等 ，食物的选择很多，味道也不错， 很适合街坊家常便饭。埋单接受信用卡，支付宝，微信，现金，所以很方便。茶餐厅在大商场内,装潢带些少怀旧。下午茶餐。价钱算平。选了公司治+鸡脾!,好大份,好满足,用料都十分多! 另朋友吃了炸鸡脾+苹果沙律, 鸡脾炸得不错。服务可以接受还可改善。下次会再来
继续阅读
好少叫外卖，今次叫左2个2人餐，其中一个𩠌系菠萝咕噜肉，点知食食下食到一半，发现有一个溶左既衣夹，好恶心。打去店舖叫佢地退钱或者补送，佢地话做唔到。我地成家人都无心机食饭。
继续阅读
难得大家都放假可以去拍下拖，所以就周围去食嘢，去到上水广场揾吓有咩食，下午茶时间见到呢间餐厅啲嘢好似都几吸引，所以就入咗去！叫咗一份阿华田西多士，成份西多士都系好大件，而且上面铺满晒阿华田嘅粉末，同出面嘅西多士好唔同！𠮶啲阿华田脆脆好甜好好食，而且加埋西多士嘅糖浆，花生酱，简直超级邪恶！！但系有好食到停唔到口另外叫咗一份瑞士鸡翼捞面，呢个就相对上一般般，三只鸡翼唔系好入味，而且个捞面好似净系用豉油捞面咁，冇乜味，得个咸字！如果下次再食嘅话未必会再叫呢个
继续阅读