影片
【西贡区】【香港冰皮烧鹅小厨】喺将军澳坑口文曲里公园附近继续揾嘢食，切实咁做一个文曲里公园嘅巡游者。经过呢间嘢嘅时候，一开始见到呢个名以为又系啲普通烧腊舖整色整水 sale 烧鹅，之后先知系「棋哥」啲副线嚟，咁应该唔差㖞。入到去见到装修都系新派，仲好多好似动漫形象化咗嘅嘢，唔讲以为系女仆 cafe 嘅一角。而餐厅嘅一边墙有盏烧鹅形状嘅灯，会变色，我有影低，几得意。枱面上亦都好简单地只系放烧鹅酱，睇嚟好似又真系几专业咁㖞。我叫咗个「开心特价下午茶」，比较之下价钱又真系平好多，一般食得烧鹅，点食都好，都起码五六十蚊打上先好讲其他嘢。佢呢度个一人餐都唔过百，二人餐亦都唔过二百。而我咁啱下昼去，有埋下午茶，所以系仲抵。讲咁耐我当然系食佢哋嘅「王牌香港冰皮烧鹅濑粉」，就系想试招牌菜冰皮烧鹅吖嘛。我见转「鹅胸」加 $10，问吓侍应哥哥仔有咩分别，佢话鹅胸会多肉啲，一向食鹅最唔爽嘅其中一点就系唔够肉，好㖞，就加钱转佢。食落个烧鹅皮真系好脆，虽然佢冇另上系令我有啲诧异，但系就算喺汤度都可以食到皮脆系犀利。成个感觉诚然系可以做到油而不腻，真心几啱我食。加埋「冻奶茶」夹埋就 $61，美中不足系用纸杯唔够环保咁，不过个鹅系值得试吓。。。（地址：将军澳银澳路1号新宝城商场地下G1-G2号舖）#1amfoodie #foodie #hkfoodie #thatfoodiething #hkfood #food #delicious #globaleats #lunch #dinner #foodpics #followforfollowback #love #eat #1am西贡区 #将军澳 #坑口 #香港冰皮烧鹅小厨 #香港冰皮烧鹅 #冰皮烧鹅 #开心特价下午茶 #下午茶 #王牌香港冰皮烧鹅濑粉 #鹅胸 #冻奶茶 #棋哥 #烧鹅濑 #烧鹅濑粉 #1am0722 #1ambackup
继续阅读
食肆好唔好食一次未能定，今日第二次买烧鹅饭，当比多次机会睇睇！第一次买𠮶阵个阿姐就讲得今劲！咩专做冰皮烧鹅咁。结果两次经验相同！先要赞一赞个例汤够火候，味道十分不错👍里面有汤料，可谓真材实料！够哂温度，唔会冻冰冰。汤就好，但主角就…大大盒饭，烧鹅有皮有骨，肉就…冇乜☹️「冰皮」就硬同有咬口，可练牙力。味道偏咸，可补充体力劳动后嘅需要。收银姐姐好Yo好果唔系我递上银纸时佢肯接，我仲为系去攞免费饭㖭！我谂我唔会再去！
继续阅读
小心个阿姐落单，下午茶时段，帮你落正价单，返转头同佢讲，仲话你知你自己冇讲到明系下午茶，其实$10唔系俾唔起，做街坊生意，唔系咁样做生意对啲街坊，其实人哋都好有礼貌返转头同佢讲下午茶，咁都唔识做，不如你去中环打工，喺𠮶度冇服务精神都唔觉眼.至于食物质素，都OK，街坊价钱，$49一个叉烧饭，性价比唔算高，要再平啲确实唔难找到，以街坊舖头来讲，人情味欠奉，不过小心啲落Offer就可以.冇乜嘢唔会再帮衬
继续阅读
呢间在坑口嘅冰皮烧鹅茶餐厅，个名听落真系好搞笑，唔知点解冰皮烧鹅，今日同朋友行坑口附近做嘢，中午就食茶记医肚。而家午市set lunch 有呢d其实仲有其他选择佢用一次性即弃纸碟上，有点颓不过可能为左卫生啦，尤其疫情😂枝竹火腩饭火腩得几件，比较少，枝竹还好梅菜扣肉饭梅菜扣肉有四片，略少，味道正常，隔肥瘦，都ok啦，虽然唔系好好食，但都系咁，价钱方面我觉得算贵，不过坑口食都系偏贵。店员仲推荐左无味精的中汤，但汤同野饮只能二选一，同我平时食开既茶记，佢算孤寒😅Friend就叫左热奶茶都系颓颓地用纸杯装我地快快就解决左个lunch，$102埋单😌有点唔方便系只得现金埋单，而家今时今日真系唔方便啦😠
继续阅读
叉烧甜到呕，贵妃鸡下面浸哂油。外卖永远有惊喜，好彩无比吖姐呃到，晚上八点几同我讲乳猪新鲜出炉，好小呢个时间有。$142蚊半斤。好彩无试。第一次买午餐，就话今日无呢个饭，第二次买到烧味就出事。无下次啦！都吾讲你贵，讲个味你都输比美心，大家乐，街市。中话自己系烧味店。
继续阅读