影片
晏昼2:00左右入去，全间野坐左7成客，但得一个楼面，收钱落单包外卖执台送餐都系由一个女人一脚踢。睇见都觉得佢阴公。冻柠茶茶底唔掂，猪肉饺子嘅猪肉有小小臭猪味。如果赶时间又好肚饿唔知食乜好都勉强可以食。如果老细有机会睇到呢篇野，真系有加个楼面人工。
继续阅读
推门入去见得五、六个客，下午食饭时间都咁少客，心知不妙！坐低好耐都唔执枱，叫个阿姐两次唔该执执枱，抛句等阵+黑面！客又唔多，唔知佢忙乜？？态度咁差无谓受佢气，走人！
继续阅读
今日系the one玩完健身，咁肚饿就要揾野食啦，师兄教做完gym就最好食鸡，咁就揾间茶餐厅食个鸡饭啦，路过香港仔鱼蛋粉见到个餐牌话有切鸡饭，而个姐姐又好有招呼，就入去试下啦！再加多杯热柠檬茶。等左一阵，切鸡饭到啦，绝对似样，重要有只鸡髀，再加多两旧鸡胸，伴碟嘅菜心，好啦，试下先，所有野都系够热，包括菜心，鸡肉都几滑，都几有鸡味，绝对系有惊喜，超出预期，不过我觉得姜蓉就可以分开上，因为唔系每个人都钟意食呀！第日做完gym都会再黎呀，希望顶得住啦！因为呀姐姐都话好静。
继续阅读
今日起尖沙咀同朋友食午餐，咁就是但拣左一间啦，都几好食。我觉得照烧鸡扒捞面系唔错嘅，因为啲照烧汁捞落啲捞面到系好好食；之后叫咗个牛腩米粉，牛腩好林，仲有个汤唔错。朋友就叫咗紫菜汤啦，以为$38玩好唔抵，点知超大碗，好多紫菜，所以都系抵嘅。另外就系咖喱啦，都系普通嘅中式咖哩不过最唔好食就系𠮶个土尤肉饼饭，因为得好少，同埋好干，唔系太建议叫；而猪软骨大碗饭我觉得就普通左少少因为佢系咁多样嘢之中最贵嘅，但唔算话好好食。不过整体来讲都系好食嘅！服务方面...人手好似唔系好够，所以有时都要等佢。
继续阅读
一行9人揾野食，经过呢间好多次，今次即管试下。店舖唔算大，午饭时间只有2个楼面，要叫野食都要等完又等，个侍应仲落落下order 走左去收钱又要再等…庆幸乐园单之后食物都尚算快上菜。我同朋友点左沙嗲牛腩米粉，加土鱿蒸肉饼饭两份分。沙嗲牛腩米粉：米粉分量相当足够，有五六旧牛腩/牛筋，而且牛腩炆得相当林同入味，沙嗲味亦不会过咸，加埋辣椒油一齐食味道不错！土鱿蒸肉饼：由于系点心类，要蒸，所以要等下。嚟到真系热辣辣出晒蒸气，非常期待。但令人失望地肉饼非常薄，亦冇乜土鱿，而饭亦出奇地偏干，可能由于先食咗沙嗲牛腩米粉嘅关系，觉得蒸饭就算加咗豉油冇乜味道。P.S.最搞笑系鱼蛋粉+一罐汽水套餐价$55 ，但餐牌上一碗鱼蛋粉$39，散叫一罐汽水只系$5。问完侍应，套餐又无特别大碗或多碟菜。拗爆头都唔明点解要加$16(=3罐汽水)变套餐。唔知系老板数学好差，定佢以为全世界数学都好差。
继续阅读