香港仔魚蛋粉 (已結業)

來到太子, 超餓, 唔理3721, 見有位, 撞左入去先!真係好迫, 坐位好細;叫個招牌魚片粉喇.好采有電視, 時間再過快d!其實都好快上.招牌魚片都不錯好爽, 一d都唔腥.湯胡椒味重.又不太貴, 尚算不錯了.隔離枱食緊咖哩, 潮式咖哩, 唔知得唔得呢?…查看更多

從來都未食過間服務態度奇差既茶餐廳!!!行行下街肚餓,諗住搵間野醫下肚今次真係咁大個女第一次食到間咁既餐廳!!個地下真係污糟到你唔信,d位到都有d麵呀飯呀係地下!見到都冇晒食慾,算喇入左黎咪食囉..侍應阿姐態度真係差到你唔信,叫佢落單佢塊面又黑到乜咁.......食物都不過不失,成間鋪最大問題係態度同環境!!!係食野期間,我地後面有台客岩岩入黎,見到個地下成堆麵.就叫人黎清清佢點知有個阿姐大大聲咁話,"好唔得閒嫁嘛,做到死仲叫我做呢d"我心諗做得呢份工,都預左係咁嫁啦...忙係態度差既藉口???希望呢間鋪既老闆見到可以改善下啦,真係好唔得囉一個字講晒:劣!!!…查看更多

味道+服務+服務速道=差極味道:吉列pork,有一條大大大大打大骨,公仔麵唔好食服務:好差,落錯單服務速道:等左三個字,比錯o野,and講到好似自己啱曬D工作人員用左一張5-6人台來吃麵+放筷子做做下野派野一句講曬:味道+服務+服務速道=差極…查看更多

新裝修後第一次去，裝修到一d「香港仔魚蛋粉」feel都無！果種大家行完街睇完戲揾間香港地道餐廳平平地醫肚ge感覺無晒：（坐低，無乜人理。茶都無杯，裝修前都有架ma。問下之前套餐去晒邊，職員全無表情亦不欲解答的樣子。叫左個撈公仔麵同牛河，水準跟以前沒有分別，不過不失。反而系杯野飲，叫左少冰但黎到d冰足足佔左四分之三lo！！o晒。新裝修收銀後有條柱，我地坐條柱隔離，經常叫人時都比條柱擋住，唉。總結係裝修新但咁ge服務態度同食物種類超格格不入！仲要加埋價，食完成餐背脊骨落。以後唔會再黎。…查看更多

多謝OpenRice送<煞破天刧>電影票,令我們得以欣賞到一部精彩的電影:)電影散場後行到花園街食下野,原本要到標記但老公行錯隔籬入左來尼間既來之則食之,我點冬菇牛腩飯老公晚夜食過飯唔係好肚餓淨係要及第粥尼間雖然係買魚旦粥粉麵,但居然賣埋海膽刺身一板$48起,唔知有冇人想嚐試下呢?冬菇牛腩飯:牛腩較鹹同埋不夠腍要咬多幾下先得,食食下咬到八角味道實在太重係肉裡面挑左幾粒出來,牛筋就入味又腍,最好味就係個冬菇好似係日本靚花菇大大粒又厚身,因花紋同肉厚望落好似個烏龜殼食到好香既冬菇味~及第粥:豬潤.粉腸.豬肚.豬肉片各兩件,豬潤.粉腸煮過籠老晒又硬豬肚老公話係雪藏貨冇味,粥底亦都麻麻地:(如果冇冬菇我應該會俾喊面,看在好味冬菇既份上姑且俾住OK啦~…查看更多

個日係旺角送貨直接放工，見到新裝修完就入完試試，睇下有冇變到剩係影到外面跟住部電話無電．．．．唉　叫左碗魚旦河＄２２　味道差唔多　無咩變囉估唔到裝修左．．．，價錢照舊，員工態度一樣惡劣．．．．如果惡劣？坐落來無人理，叫左ｄ阿姐好耐成１２分鐘先有人落單，跟住．．．等左１５分鐘，催左催．．．未得阿姐重要答你　好多啦等等啦．．．．又再等左１５分鐘．．．大佬，我胃都痛啦．．．．最后上到來，是旦食完就走啦．．好心香港仔既老闆比咁多＄＄裝修，倒不如ｔｒａｉｎ下ｄ員工．．．．我寧願食百老匯條街間章記香港仔！多青真係多青！最重要係味道好！…查看更多

旺角區周圍都有野食,原本想食去開既餐廳食意粉,行過香港仔鱼蛋粉,門口有個牌寫住下午茶$15 冷熱飲品+$7,剛到下午茶時間,唔想再行未入去食,叫了碗雲吞河+凍檸茶座了一陣睇單$21+$7,同個女侍應講點解唔係$15,佢話你無講要大細碗,態度語氣好差,下次你要同我講要細碗未$15囉,我:我點知有分,女侍應:下午茶$15蚊緊係細碗啦唔駛講都知啦。真係未食都一肚火 ,剛想走杯檸茶黎就算啦,碗雲吞河有3粒,河粉都好滑,但雲吞就麻麻,食落口蝦肉不彈牙還有D霉成個旺角大把選擇,絕唔會再幫襯…查看更多

這間的魚蛋粉之前食過，ok的，買成廿蚊一碗，做得好食都好應該。今晚是食晚飯，所以叫飯食會飽d。本人是愛吃咖哩人士，所以點了咖哩牛腩飯。咖哩來到我的面前，見到有純白色的物體，看真點，原來是大大件全生的洋蔥，還有青椒。賣$32，唔算好貴。但煮得比工業大廈的飯堂還要差，個吓幣。咖哩汁已經是好一般，洋蔥、青椒、薯仔、牛腩，完全零交流，感受得到它們是被迫走在一起。咁又何苦呢!唔識煮咖哩唔係罪，但唔識煮仲拿出來賣$32，就罪加一等。好地地賣魚蛋粉算啦!…查看更多

墨魚丸魚蛋河湯底顏色很濃，味道卻不是賣相一般濃味，雖然不是爽口彈牙的口感，但魚蛋似乎是新鮮製成，河粉就一般啦，沒有煮過腍就ok了:)他們用湯匙將生蔥分開真是十分衛生，因為生蔥充滿細菌可以不要就不要吧牛筋米線此店沒有單一味牛筋米線供應，單味牛筋要另外補錢，莫非是牛筋比牛腩貴，牛筋不算太腍軟韌度剛剛好，米線與湯底味道最夾，所以這湯底擔當了最重要任務…查看更多

同姊妹行完街，行到腳都累由花園街走出，最近又平的食店是它了吧我倆各點了碗米線，再加 2 碟菜我點了豬軟骨米線呷一啖湯，是魚湯呢! 好濃郁好滑才 $22，豬軟骨也有四大舊，米線亦很多相比起來，朋友點的香菇米線 $21 才有三塊大東菇，感覺我的抵好多呢! 食飽都唔會有人趕，坐下傾下計都不錯 :)…查看更多

因為趕時間去睇戲,快手下入左呢揀野,先講環境,好熱好焗,地下好污穢,餐牌全部'痴立立" 都算喇,叫阿姐黎落單喇,牛什河~牛什少,河粉份量ok,可惜個湯底真係唔得,淡到不得了:(牛腩河~牛腩肥到不得了.都無乜肉食,牛腩林就幾林既不過唔香呢,湯底都係淡如水:(凍華田~超難飲,華田粉太少,糖水太多,甜到不得了總結: 無下次…查看更多

最近這店成為了我的飯堂之一，由於本身極愛吃米線，所以次次來都會叫豬軟骨米線（＄22）。它的湯底是魚湯底，賣點是沒有味精，雖然沒有譚仔的麻辣刺激，但都幾好味。豬軟骨肉質鬆軟，酸酸地好好味，米線亦軟硬適中，價錢都合理。另外，又試過潮式蠔仔粥（＄26），佢d粥底都是用魚湯煮的，蠔仔夠多。至於味道，唔係唔好味，不過就咸左少許，所以唔可以食得多。對我來說，都係食米線穩陣d。題外話，話說尋晚見到隔離檯的女同胞忽然比一名女店員指著說「喂喂喂，你唔可以咁架！」望下啦，原來女同胞吐痰在檯底，店員之後就立即拖地。然後，又拎杯水比女同胞，講左句：「你唔舒服就飲杯水啦」。我覺得感覺唔錯，雖然這裡的店員(多數是中年婦女))不是溫文爾雅，但態度幾好，幾親切…查看更多

好耐無黎open rice 寫食評,難得放長假又係周圍搵食的時候...成日黎旺角都見到依間魚蛋粉....但係就從來無意慾要入去食...可能因為我覺得黑坐椅+白色磚牆+白光燈感覺唔好....但終於有一日有朋友suggest 黎依度食....咁就黎左試下...原來入面都不太乾淨....普通大排檔衛生程度...價錢適中...唔想食湯粉所以叫左個豬軟骨飯...好快就上菜了....d 野食熱度一般....無煙的...(朋友食湯麵就有的)...豬軟骨都多...但個樣同我所expect 有d 出入...我以為係乾身但原來係有汁的...而且汁同豬軟骨係融為一體...@@...一食落去個汁d 味好古怪....偏酸但又唔係蕃茄汁...汁太多飯太少所以d 飯好難食...@@..但豬軟骨ok...夠林冧...我諗配其他汁會好好多....本身impression 麻麻,而我又偏偏唔係食佢出名的魚蛋粉...所以都唔會有下一次...但係我認為黎依度食都係食湯粉比較好....:)…查看更多

今日去睇醫生，見未夠鐘就搵野食醫左個肚先，行過這間香港仔魚旦，再入去幫襯。已經食過這間幾次，今次叫左墨魚丸河，但點知冇河粉，局住要左米線。比起以往，個魚湯底淡左好多，不過d墨魚丸真的好味，衰在冇河粉亦都比較失望。22蚊黎講都算平，有機會買斤墨魚丸番屋企打邊爐先!!!…查看更多

好似係同肥瓜第一次食香港仔魚蛋粉 , 以前對呢間野冇咩好感 (冇得解果隻) ,但而家覺得佢D野食其實係唔錯ge。肥瓜病要食清淡野 , 食魚蛋粉最好啦 ! 香港仔魚旦粉d位都幾好坐 , 又有tv睇。肥瓜唔知食乜好 , 就跟我叫豆苗餃 , 佢跟米線 , 我要淨食。再嗌炸魚皮同野飲。招牌xx豆苗餃(淨食)$23 + 招牌xx豆苗餃米線$20 + 炸魚皮 $12 + 熱柑桔檸檬$9 +柚子蜜$9佢先黎ge係炸魚皮 , 不過冇湯上wor , 可能佢見我地有嗌粉麵就當我地浸落碗麵食 ...不過都ok唔大問題。呢度d豆苗餃淨食一碗5粒 , 但佢1粒已經大到好似我手掌咁 !又好好味 , 好多菜響粒餃入面 , 健康滿分 !:)不過肥瓜話麻麻地 , 可能唔岩口味。至於炸魚皮 , 好薄身 , 我鍾意厚身少少多d。底果d全部都碎濕濕 ...野飲沖得比較淡 , 不過茶餐廳慳皮 , 都預左。呢餐都食得幾開心又滿足。咁平 ! 又食到咁飽 …查看更多