香港仔魚蛋王

在一家我童年時常光顧的餐廳，我點了一份雜扒飯，期待和家人共享美味。然而，當餐點端上桌時，我驚訝地發現，所謂的「雜扒」竟然只是單一的豬扒，完全沒有我記憶中的多樣化。小時候，每次來這裡，我都能享受到豐富的雜扒，包括牛扒、雞扒，每一口都充滿驚喜。然而，現在的雜扒飯讓我失望，失去了往日的風味和情感。我開始思考，這是否反映了餐飲文化的變遷？在追求成本和效率的今天，傳統的多樣性似乎被簡化。這份失落感讓我想起，食物不僅是填飽肚子，更承載了家庭的溫暖和共同的回憶。希望這家餐廳能重拾昔日的輝煌，讓顧客在享用雜扒飯時，不僅能品嚐到美味，還能感受到那份溫馨的家庭團聚。美食的魅力在於它帶來的情感共鳴，而不僅僅是味道的享受......…查看更多

香港仔魚蛋王夜麻麻想食宵夜，可以食呢間夜粥，開到凌晨一點。舖頭朝早主打粉麵，但今日主要想講佢碗夜粥。🥣滑牛肉粥 💰42碗粥即叫即整，好吸引。滑牛肉好多塊，食到尾都仲有。啲粥好綿密，加埋啲蔥花好香😍。🥣肉丸粥 💰42買咗碗外賣返去俾屋企人食，豬肉丸有六粒，彈牙👍，買到返去一樣咁好食。夜晚黑外賣隊勁多人，阿叔喺門口炒到唔停🙈🙈望到門口堆埋嘅料，再睇埋阿叔即刻整，冬天嘅話一定會覺得暖笠笠。…查看更多

招牌名叫做魚蛋王 其實一直牛丸都係我必食嘅至愛 冇幫襯咗一排 尋日經過發現差咗好多 以前嘅牛丸汁多牛味香濃 今日食落嘅牛丸淨係得個爽口 爽口嘅感覺好假 冇汁冇牛味 之前嘅牛丸係呢度附近最好食嘅 我諗依家連附近嘅米線舖嘅牛丸都好食過佢哋 真係都幾失望 或者因為經濟差 材料都要跟住減低成本…查看更多

雖然呢間香港仔魚蛋王喺葵芳智芳街呢一邊都唔係特別起眼，因為呢類門面嘅餐廳其實各區都有好多，之前試過外賣早餐，和一般餐廳冇乜分別，都是有個麵，有片求其烘一烘的多士。不過呢次外賣叫嘅豬雜粉，雖然米線質地又林又軟，即使分湯另上之後，米線亦都是完全沒有彈性，:)不過它的豬雜份量夠晒多，無論是粉腸、定還是豬潤、主要，都有好幾舊，你睇吓大大舊豬潤，分湯上，豬膶夠口，不會熟晒搞到乾，非常可口，相當美味因為多數你叫外賣粉麵，可能啲配料都係得5-6件 ，不過佢竟然比到好足料，大概都有8-9件，而且還有細細甖嘅辣椒油，相當體貼，可能由於佢本身做粉麵，知道食粉麵嘅人多數都鍾意食辣椒油吧。…查看更多

葵涌盛芳街嘅「香港仔魚蛋王」我都幫襯咗佢兩年啦多啦，以前一直都好鍾意間嘢嘅，平平地又好食。有時做嘢經開個頭到時，當佢地方方便又好坐！可惜昨天去幫襯果陣發現，而家夥記態度變得非常之惡劣不特止，成日鬧客人（明明係佢錯）又落錯野，而食物質素仲每況越下，湯淡而無味，份量也少左，變哂質哂。所以應該都唔會再食啦，真是有點可惜呢。😢😢😢😢😢😢😢😢😢😢😢😢希望佢之後會改善下態度同埋食物質素！ …查看更多

尋日外賣買二碗面，問佢拎二個醋，之後行行唔記得拎辣油返轉頭問拎一個辣油，佢話只可以一個醋一個辣油，要我比返個醋同佢換辣油，如果唔係就收$1，係男人，唔知係咪老闆 ，甘大間鋪咁市儈重點我點解要比返一個醋你？我買二碗野…查看更多

如果大家以為附近得佢有麵食，大家可以行過幾個舖位，去10A, 創記麵家，店面雖少，種類少D，但食物質數和衛生好好多，尤其紫菜墨丸類，老闆顆計正常有禮，價錢合理，食得舒服安心。 而葵芳香港仔已經幫襯咗兩三年，只因貪方便。知道店面全部顆計亞姐，同老细一直招呼禮貌價錢欠俸，各類食物質素一直都是勉強和求其。 但態度服務(  day one一直都無期待，食幾十蚊，唔通要求服務週到，笑容滿面咩？)，櫃面單落先後次序越來越亂，尤其是多咗外賣平台, 夜更顆計亞姐同櫃面眼鏡亞伯，當你walk in 透明，等等等，又成日落錯單，計錯錢，亦唔会同你講幾錢同幾錢，又一邊接電腦單，亂七八糟，到攞麵出錯單，問返佢地你地落錯單，佢地指住張鬼畫符單，問返你，大佬，你地D字？！仲同你全程黑面，態度惡劣。 門口好窄好亂，只能企一個人，當時無人，我見差不多有麵，才自由去入面攞醋落,  一直我知道他們一直唔夠人，好x忙，都唔会煩D亞姐。 也試過數次請他們幫忙落一落返D醋，落單時已講咗，但他們会黑面同你講，個袋口綁咗，唔可以落囉！ 櫃檯亞伯一直出口鬧鬧鬧：你阻X住我，你大X曬！！！我在門口拍照打算投訴，佢仲超大聲：記得影埋我，我唔驚你！ 衛生問題也越發恐怖。晚上近7pm, 隔離豬肉檔收舖用花灑水大力冲，D生豬肉水彈曬过去，放門口粥檔盤生肉，同埋冬天煲仔飯店counter，無遮無掩，D生豬肉水彈曬上去，煮粥個D鍋一個一個放行人路地下,好恐怖 葵芳有好多好多有質素和用心的食店，不用考慮你地啦！…查看更多

今日放工唔知食咩晚餐好，咁啱記起有間魚蛋粉係附近，咪去試下囉，鋪頭入面好多人，我咪打算叫外賣，點知行到收銀枱，唔知個呀姐係當我無到定係真係盲，竟然無視我，幫後面排我隊既男人落單先，我就直接問佢係咪睇唔到我？唔洗排隊？之後佢先死死氣幫我落單仲有明明話要雲吞麵，見住佢俾錯野我，仲問我：你唔係叫牛丸咩？請問雲吞同牛丸有幾難搞錯？年廿九，收鑪本身唔諗住鬧人，但咁離譜，點忍呢？我唔係唔識發火架，請唔好挑戰我底線！…查看更多

經友人告訴才知道， 原來葵芳這間香港仔魚蛋粉竟然有這種常餐式早餐極之求其的一頓早餐，是因為朋友所講，手機外賣應用程式有優惠，大概$20就已經有這樣一個早餐，有麵包多士、有漢堡扒、火腿以及煎蛋，煎蛋和火腿沒有特別，漢堡扒好像沒怎麼煎香，一樣是放在熱水裏煮過一下而已不過有杯熱飲，作為打牌的早餐，提提神的熱飲也算是不錯的。近來這兩次麻雀聚會，友人都顯得相當屈機，不知何時才能扭轉厄運，運轉乾坤。🤷🏾…查看更多

今日去左葵芳睇戲，之後涼涼地，想搵啲暖粒粒嘅野食下，上openrice搵到呢間香港仔魚蛋王，乜都有就決定去試下。一去到就俾門口個即煮嘅粥檔吸引左，見到新鮮嘅材料同有個師傅係度用煲仔飯啲煲嚟煮粥，就決定入去要叫粥嚟試下！坐下睇左下餐牌，佢粉麵粥之外，仲有小食同飯食，都好吸引。我哋決定就要鯪魚球粥，金錢肚墨丸米線，腩汁生菜，細嘅瑞士雞翼同細嘅炸韮菜餃同一杯凍檸檬茶。好快個粥就上枱先，都好大碗下，入面有五粒鯪魚球，大大粒咁，食落有魚味，好食。個粥煲得好綿，仲有生菜絲，好入味，食到停唔到口。而個米線一樣都係大大碗，好足料，連葱都唔會俾得孤寒，大大羹。兩樣餸都真係好食，真才實料嚟。而米線就幼身啲，但好滑溜，好快就KO呢一碗米線。而個菜都唔求奇，睇落好綠，又有腩汁嘅香味，唔會煮得太軟身，幾好。最後兩個小食，2個人叫細份share就啱，每樣試到小小，熱辣辣新鮮炸嘅餃子同煮出嚟嘅雞翼係好好食，有機會大家可以一試架！…查看更多

#葵芳 🤔突然間想食碗粉麵, 公司附近無乜呢類選擇🤷‍♀️, 點知比我發現有香港仔魚蛋王….🍜牛腩魚麵 $43 ~ 牛腩看著有點瘦, 其實唔係, 超腍超軟熟🤤, 無一層層肥膏, 好啱我! 魚麵好特別, 食得出魚肉好實在👍, 唔腥之餘好爽口彈牙! 唔會好似坊間打邊壚嗰種魚麵, 得粉又削! 🐷豬手雲吞魚麵 $49 ~ 豬手超級腍, 入味! 雲吞大大粒蝦, 新鮮爽口! 🐟紫菜四寶淨食 $40 ~ 有魚旦、魚片頭、魚片、魚皮餃、魚角、墨魚丸、紫菜! 我最喜愛魚片頭 & 魚旦, 超級爽口新鮮, 魚味濃郁, 正! 🐥瑞士雞翼 $31 ~ 一放上枱已經聞到好香好濃瑞士汁味🤤, 足足有5隻肥美雞翼, 無爆皮! 雞翼好入味, 肉質唔硬, 估唔到粉麵舖都有瑞士雞翼食, 仲竟然好味! 🍲仲有生滾粥, 留待下次再試吧!  …查看更多

依間的小食一直好出名今日專登來試果然冇失望我和男友叫了兩碗面一碗河粉和一碗魚麵魚麵真係超值得推介湯底清甜 加上爽滑彈牙的魚麵 正😆叫左三款小食炸雞翼非常香脆 鯪魚球亦都好入味 配埋甜酸醬一流滷水雞翼都唔錯 如果再入味些會更好總結食物質素不錯 CP值高環境都可以 職員亦會主動介紹出名小食…查看更多

🍽香港仔魚蛋王 (葵芳)📍葵芳盛芳街25號地下.多年食撈麵嘅心得嚟講，識嗌一定係撈腩汁。每個人入粉麵舖都總有啲牌～ 我嗰個係雲呑麵，不過今次無嗌～（好鍾意間唔中，學啲佬呀碗撈粗，感覺得麻甩很正🤤😂）.🥩牛腩撈粗 $39 🐟淨魚蛋 $33 🍲魚腩粥 ＄40.你又點估到，原來個🐟魚腩粥先係最好食～ 有成四件鯇魚腩，超大件。個粥底好綿，睇住師傅喺出面滾起拎過嚟，啲魚都好鮮，完全無泥味～牛腩亦好淋，唔會淨係得筋同肥膏～ 勁足料，唔會好似出面好多放要件牛筋扮牛腩😂.#利利仁飲食雜誌新界區 #麵麵麵麵 #香港仔魚蛋粉 #香港仔魚蛋王 #魚腩粥 #香港粉麵 #雲呑麵 #牛肉麵 #牛筋牛腩 #速食 #牛腩 #三餸麵…查看更多

上星期同仔仔去完葵芳運動場，比佢放電跑左幾圈，之後肚餓近近地係附近搵地方食碗麵， 原來呢到有間香港仔魚蛋王。我一來已經忍唔住叫左碗牛什豬手麵，通菜， 仔仔就話好耐冇食沙嗲牛肉麵就叫左個常餐，配火腿奄列，凍檸蜜。睇唔出呢到明明食牛什的地方會有常餐果d 叫， 岩哂我，因我想食嘅野有時仔仔未必想食， 有唔同選擇 very good 。我碗牛什味道唔錯，豬手夠淋好香南乳味， 仔仔碗沙嗲牛肉，好快就比佢 ko 哂， 佢話牛肉有濃郁的沙嗲香超正， 最後佢仲要用麵包夾好奄列來食， 佢話咁樣最滋味喎。我另外仲叫左款呢到出名的小食 ，分別係 牛筋丸和炸鯪魚球， 牛筋丸夠彈有小小爆汁， 鯪魚球即炸 好香口。…查看更多

.👣香港仔魚蛋王葵芳盛芳街25號地下.口痕痕落街想食碗魚蛋粉，就遇到魚蛋王！小食勝在可以叫大/小碟，小胃王可以就住自己食量，唔會食唔哂..🔸招牌魚蛋粉 $33 / 潮州紫菜四寶米線 $40🍜叫得招牌一定要試下！一碗有魚蛋，魚片同埋魚片頭魚蛋夠彈牙要一讚！但略嫌偏咸。而湯底就偏淡，不過溝返蔥蒜就岩岩好。四寶除左魚蛋魚片，仲有紫菜、魚皮餃、同埋墨魚丸，份量足夠，一定夠飽！.🔸炸韮菜餃 $18(細)🥟炸雲吞就食得多，炸韮菜餃真係第一次食，炸粉炸到脆卜卜，配上甜酸醬，食落去減少左油膩感，鐘意食韮菜餡就唔可以錯過！.🔸香茅雞翼 $23(細)🍗金黃色雞翼面上灑上拍扁的香茅，一上枱都聞到香味，咬落去皮脆肉嫩..P.S.聽聞夜粥仲好食，有機會再黎試下！食物好味道：5/10環境舒適度：7/10整體值回頭率：6/10…查看更多