影片
营业时间
今日营业
07:00 - 20:00
星期一至日
07:00 - 20:00
以上资料只供参考，请与餐厅确认详情
今日经过食左个牛腩饭味道一般，唔紧要啦但系食食下见到斩牛腩𠮶位师傅捽鼻捽面然后用流紧落啲汤嘅水喉水洗手卫生情况非常恶劣我明白虽然斩牛腩都会用只手掂到食物但见到用啲汤嚟洗手真系接受唔到
继续阅读
见到呢间有粉面下午茶套餐包饮品$39, 墙身贴住手写餐牌, 有十款𩠌可以拣, 鱼蛋, 云吞, 水饺, 牛腩, 牛杂, 贡丸, 鱼片, 扎肉, 肉丸及餐蛋; 另外, 见到一款, 好似好抵食嘅三𩠌粉面就系北菇扎肉时蔬$40, 有饮品, 呢个写住系全日餐, 所以就叫咗呢个全日餐👇北菇扎肉时蔬河粉$40北菇有三嚿, 三嚿都好硬, 完全未浸透, 同埋冇咩调味; 扎肉好似放咗冰格好耐, 咬落好干身, 同埋睇到及食到好多一粒粒肥猪肉, 汤底偏淡, 生菜嫩口, 河粉正常水饺河粉$39水饺三只, 包得偏实, 馅料及味道正常热柠茶正常发挥鱼坚总评性价比 3👍(以5👍为满分)
继续阅读
放左工太肚饿又想食碗面，于是就去左街市门口呢间香港仔君豪鱼蛋王，但我今次唔系食鱼蛋粉，而系叫左碗崩沙腩面😅之前第一次食崩沙腩都系呢间，个阵唔知系牛腩，仲以为系饼干因为细个食过呢只饼，好似系大良特产，就觉得奇怪点会加落碗面到，但朋友介绍原来系牛腩既一种仲几好食于是就试左。言归正转，讲返碗崩沙腩面先。睇落好似唔太吸引但食落绝对唔差架，冇叫走青佢正常就会跟啲葱系个匙羹到，份量可以自己决定嘛，就算唔记得走青都可以好快整走佢👍🏼崩沙真系好好食，软硬适中又唔会有筋咬唔到，但佢唔算好入味，可能系个腩汁本身唔太浓，而肉既份量都唔少，我食完个面仲有净啲肉可以食。而个面都煮到啱啱好啦，碱水味都几重。佢个崩沙腩系会回头再食既原因，而听讲佢啲鱼蛋都好食，下次再试。
继续阅读
收左工后食返个快饭，之后就去赶住睇医生，去左呢间鱼旦粉，贪佢快靓正。里面都有好多选择，有牛腩、鱼旦、鲜虾云呑、水饺、扎肉等等。面方面既选择有米粉、米线、河粉，仲可以加钱转鱼面。我最后叫左碗一个墨丸米同埋加$8就有一碟菜心，都算叫做几抵食墨丸米都尚算大碗，匙更上都有葱花。墨丸只有4粒，口感都好弹牙，墨丸里面都捞左少少芹菜，所以食落去都好香口。蚝油菜心呢个菜心系面餐再加$8，就有一碟菜。你睇下都几大碟，都真系好抵食
继续阅读
从第一城街市的正门口进去，右手边第一间就是它了。叫了个外卖招牌牛腩饭，还送一个紫菜汤！返到公司一打开饭盒，热辣辣，白烟冲出来，好香的牛腩味呀...牛腩滑嫩爽口，牛腩汁较稀，咸淡适中，牛腩的肉质好容易咬开，带一点点肥肉，却没有油腻感，反而令肉变得更软熟。饭就一般了，个人觉得有点湿湿的，如果可以干身点会更好。这间餐厅买饭会送一个紫菜汤，光顾粉面是没有的～汤不会像一般茶餐厅的盐＋水，而有浓郁的鱼味，再加上大量紫菜丝，热辣辣，真系好开胃！
继续阅读