香江美食

大家一定要試下佢個粥， 因為佢個粥係用瑤柱白粥滾成非常之綿， 現在除咗舊粥檔都幾難食到呢種粥，仲有薑蔥炒田雞田雞係用新鮮即劏嘅田雞所以好滑，雖然舖頭冇位坐要坐出面但都相不錯，仲有韭菜餃都唔錯，員工非常有禮貌，本人覺得真係好好食…查看更多

震撼13億人口的抵食煎餃🥟田記小食係大角咀出名的小食加宵夜店，當中最出名係白菜同韭菜煎餃、芝士腸、單骨雞翼等，另外仲有其他小炒。.🥟#韭菜餃 $2/隻 5隻起跳全韭菜素餃，韭菜非常新鮮香甜，加上薄利多銷賣得快，所以通常都熱辣辣，韭菜味爆晒出黎。👍🏻…查看更多

兩年前經一個朋友介紹，香港第一次食到咁有鑊氣干炒牛河～仲要平靚正上星期又突然諗起，好想再去試下啦！今次發現佢地開多左一邊，仲有室內位置唔使再吹風咁食～～炒花甲！姐姐建議嘅～算幾大隻嘅，炒得幾惹味食到最後先記得影相🙈噢！雞翼，普通野～豆豉靚魚炒油麥菜，普通正常嘅！三絲炒公仔麵，再加隻蛋～～身邊另一個人就話正啦～～有紅腸、火腿、雞肉！好好味的干炒牛河黎架～～熱熱的大塊肉+滑滑河粉！可能我自己太愛食河粉啦！…查看更多

一班大學朋友約晚餐聚一聚，友人突然約左去一間"神秘小店"。原來係位於大角咀的一家小店。小店係位於車房附近，對面有家大型759，原來奧運站落去有家小酒店，橫街一直行就到。雖然不是位於大角咀最熱鬧的區域，但都十分方便同易搵！店面位於一個小轉角位，一不小心就好易走漏眼喔 首先喺街邊檔同姐姐講聲，就會有人安排你到旁邊嘅舖頭坐！店面細細，但就整整齊齊，不錯！呢度並無一個特定餐牌，你可以問一問今日有咩新鮮，再揀你想要嘅煮法，都會盡量滿足我地要求，好好意想不到的是有海鮮選擇！好！食個小食開下胃先！韭菜餃：好好食全部係老闆娘自己一隻一隻包！皮唔太厚，煎到脆面，剛剛好，入面重好juicy! 蟹粥: 蟹好甜好大隻！唔係用啲無肉蟹，我一個人拆曬死隻，好甜好好味！椒鹽田雞: 我唔食田雞，但友人話好食，好多腿豆豉鯪魚炒油麥菜: 家常味道豉椒炒蜆，蟶子: 蜆都幾肥，幾新鮮。不錯！干炒牛河: 個個都比十隻手指！好夠鑊氣！炒牛河要夠油！先至好食！豉椒炒花甲: 花甲好鮮味雖然唔叫好大隻，但味道好正。乾煎大蝦: 蝦size比想像中大！重細心地去腸同喺中間界開，食落好方便同入味！蝦肉彈牙！辣椒炒腸粉:腸粉好滑！辣味適中！好香口！炒公仔面:炒得夠乾身，軟硬度剛好！絕對支持小店！價錢不貴，份量適中，但炒岀嚟碟碟有鑊氣！值得一試。留意，開店時間係夜晚大約九點至零晨！係宵夜嘅好地方！…查看更多

呢當野12點先至會開舖,就真係正宗宵夜當~基本上開到6點不論我開夜放5,6點,定係去玩5,6點,去都未收推介既真係豬骨粥,豬骨唔太咸,粥亦軟綿綿,唔起水,加D胡椒粉簡直一流另外我鍾意食佢既椒鹽田雞,佢係會有D辣的,唔食辣既人注意一下~個田雞係比較咸的,我通常會叫佢唔好咁咸~田雞炸得夠乾~送酒一流其他炒野都幾好,但直得一提既係炒腸粉~~炒河粉就好多地方都有,但係炒腸粉你又有冇試過?腸粉唔係一定有~想食就要早D去~XO醬牛肉炒腸粉~不過就多油既,無計的~炒腸粉一定要多油先炒到~…查看更多

今次叫咗兩餸一粥一抄麵...1.辣鹽田雞...味道一般，田雞肉炸得唔究透身，所以欠缺有炸既感覺，因為辣鹽既做法一定要炸。2.蒜茸油麥菜...一般般...3.排骨抄麵...排骨無嘢講，啲麵又無走油o黎燒下，就咁竇亂都唔知佢想點，一句"勁差"。4.豬骨粥...有火候粥底，啲骨究味，味精輕手小小，加返小小鹽就最好!!!過人平分...100分滿分，當利苑酒家70分，我就俾佢30分...埋單唔平...成$150蚊…查看更多

夜麻麻除左餃子檔外見佢都有粥食加上聲稱係瑤柱煲又試下豬骨粥粥底綿食到尾又唔會水汪汪雖然得兩三件豬骨但d肉都好鹹香雖然較餃子店貴少少但味道好得多值得翻炒…查看更多