2
3
0
食记 (8)
等级8 2019-09-11
1372 浏览
九龙城一向喺卧虎藏龙之地,早前就试过「Chapter Two」嘅软欧包,顺道就走过嚟「九龙城广场」逛逛,商场以传承九龙城社区文化为理念,更不时会引进啲特色小店,务求令到商场多元化,兼唔会嚟嚟去去都喺嗰啲品牌商铺。早前就静俏俏引入澳门首家传统法式烘培过江龙「香榭里烘焙」(Élysée Bakery)喇,见个门面好光鲜,就入去打个转先。虽然听个名「烘焙」店,即喺面包铺,其实,里面喺摆放咗多组甚富法式风格嘅枱櫈,喺可当为一家咖啡店。大可以买点烘焙产品(提供翻热),配杯咖啡,享受一下香喷喷嘅早餐或下午茶时光。先概略介绍一下店家,首先,就梗喺不同嘅烘焙产品啦,多种口味嘅法式牛角包、有长有短嘅长法包、唔同款式嘅酥皮面包、不同口味嘅吐司……等等,一一陈列晒晌面包柜度,大可以慢慢睇,慢慢拣。另一边嘅冻柜,亦有好多蛋糕类产品,好代表法式甜点嘅马卡龙就实唔少得啦,此外,虽然见唔到歌剧院蛋糕,但其余几款蛋糕都甚有法式嘅影子。此外,仲有其他附带产品售卖,如果酱、曲奇……等等。晚既然喺咖啡店,咖啡就自不然唔少得,仲有花茶、其他热饮、冷压果汁、梳打特饮……等等,应可满足到大部份客人嘅需要。咁临近中秋佳节,都好似唔少饼店咁,都有推出应节月饼。要杀出重围,就梗喺要有啲花巧嘅,所以,佢哋嘅月饼以奶皇月饼为基础,混入不同口味为亮点。长型橙黄色包装盒,设计精美亮丽,而打开包装,里面嘅设计亦好有心思,每个均以唔同颜色嘅独立小盒装起,送礼非常够大体。而口味方面,共有6款,包括:朱古力、绿茶、伯爵茶、经典奶皇、摩卡及茉莉。整体嚟讲,每款月饼都印出好深嘅店名,而奶皇馅心亦都软滑。朱古力黑漆漆嘅朱古力口味,朱古力味好香浓,嗒真啲仲有点甘苦味,甚有食紧美式甜点「班尼士」嘅影子。绿茶一睇就知喺绿茶口味,无论外皮,定馅心,都混入大量绿茶元素,尤其馅心,绿茶味好突出,有份幽香甘甘哋嘅味道。伯爵茶依个外皮就无刻意加入伯爵茶元素喇,但咬落一样有好幽香嘅伯爵茶茶味,都好欣赏佢哋搓嘅皮都做到厚薄均一。经典奶皇外观烘得金黄,虽然喺传统口味,但一样得人欢心,因为,奶皇奶好有蛋香及奶香,可能切开有点散,但口感好绵密架。摩卡同朱古力口味一样,都喺「黑掹掹」,朱古力嘅味道依然浓郁,但随之而来喺淡淡咖啡香,唔会话边个太抢,都做到平匀感。茉莉卖相就梗定予人嘅感觉喺平平无奇,之但喺,入口就会细味到阵阵清幽嘅茉莉花香气,配一杯中国茶,喺非常之夹。食咗咁多个,都唔觉做得过甜。虽话喺月饼,但当为一件甜点,再配杯咖啡或热茶嚟衬吓,已可以喺一个好唔错嘅下午茶组合。 继续阅读
(以上食记乃用户个人意见 , 并不代表OpenRice之观点。)
等级3 2019-08-23
186 浏览
今日星期日,出面又热,条街又多人,食完lunch未饱喎⋯咁咪去食甜品罗黎到九龙城广场依间面包店,新开冇耐柠檬挞好好食柠檬味足够,甜味亦岩岩好,大家都知道酸嘅食物都比较甜内馅整得好好肉卷包,我吾记得左全名,千层包包住应该系猪肉,千层包有小小淋,肉又未到好特出,麻麻地属於软身芝士蛋糕,芝士味道吾重,金宝味盖过芝士味,吾会太甜,不过不失唔记得咗系乜嘢咖啡,咖啡味香浓,小奶,我唔锺意食重奶味嘅嘢,依杯咖啡啱我口味好好饮环境好好,不过冷气唔够冻,男朋友拍热食到出晒汗,我又吾会热到咁,但冷气冻D会更加好,都不断keep住有客坐低食~下次再试 继续阅读
(以上食记乃用户个人意见 , 并不代表OpenRice之观点。)
等级4 2019-08-16
110 浏览
呢间 ELYSEE 有少少位可以堂食,又可以takeaway买走既。有面包、有cake、都有马卡龙Macaron、同Coffee。朋友仔好想食牛角包🥐,就买左佢唔同口味既牛角包takeaway。试左甜甜桃味、仲有莓味,呢d系酸酸甜甜。最好味呢都系原味香榭里牛角包,唔会太咸又唔会太甜,原味牛角包好松化,唔会满口油既感觉。同埋呢款原味牛角包成日都做买一送一架,好抵食。怕肥又唔想食唔晒浪费,可以买mini size牛角包仔,都一样咁脆口松化😋😋 继续阅读
(以上食记乃用户个人意见 , 并不代表OpenRice之观点。)
等级3 2019-08-15
73 浏览
我记得我第一次食香榭里嘅面包喺喺澳门,冇想到喺九龙城都开咗。仲喺买咗上次喺澳门食过个牛角包,朱古力榛子味同埋原味,呢家嘅牛角包我真喺好中意,外边脆脆哋里边超松软比起出边嘅牛角包都好食。仲买咗两件心太软食,朱古力味好重好好食,但系觉得有小小不似以前食过嘅个哋心太软,因为好唔流心,似Brownie多D 继续阅读
(以上食记乃用户个人意见 , 并不代表OpenRice之观点。)
两个人下午茶来这里一hea, 点了心太软和剧院蛋糕加两支饮品。果茶好味,但太细支又贵了少少,堂食其实可以平番5元 心太软都好味。剧院蛋糕却令人失望,极甜,甜到顶唔顺。我本身食得好甜下,但都觉得甜到食个口都唔舒服,找不回以前食过一间好好味但已结业的歌剧蛋糕。童年回忆崩坏系列。面包好唔好就唔知,样靓又香,有机会可能会试下。 继续阅读
(以上食记乃用户个人意见 , 并不代表OpenRice之观点。)