影片
开饭介绍
供应日式及西式料理的高级餐厅，厨师以创新的烹饪技术突显食材原味，呈献健康、美味及新颖的佳肴，而席前日式铁板烧是招牌菜之一
继续阅读
营业时间
星期一至日
12:00 - 22:00
公众假期
12:00 - 22:00
公众假期前夕
12:00 - 22:00
以上资料只供参考，请与餐厅确认详情
喺銅鑼灣time square睇完戲，咁就順便喺食通天11樓嘅響11食埋嘢晚餐先返屋企。餐廳入口首先見到處理生蠔同刺身嘅地方，之後就係餐廳嘅鐵板燒區，跟住係pizza製作區（有個好大嘅爐）同埋Dry age 牛扒存放區，最後係酒吧區。一間餐廳入邊有咁多嘅區域劃分真係好少見！但係即使佢有咁多唔同嘅區域，比客人坐嘅座位空間感仍然好大，而且座位舒適。我哋兩個人每人叫咗一個four course dinner set. 主菜，我哋一個揀咗紅蝦麵，另一個揀咗肉眼扒。頭盤-煙三文魚凱撒沙律：煙三文魚好油潤，三文魚經過煙燻後味道層次更加豐富。Salad入邊嘅火腿碎好夠鹹香味。沙律菜新鮮爽脆。餐湯-南瓜湯：香濃棉滑，用料十足，味道香甜，熱度十足。主菜-西班牙紅蝦手工麵：手工面有彈性，唔會淋back back. 紅蝦肉質嫩滑，蝦頭位置好多軟膏，蝦味非常濃郁。手工麵既醬汁亦都有濃濃嘅蝦味。主菜-炭燒美國優質肉眼扒：我哋叫咗三成熟，廚師控制嘅火候啱晒我哋心意。食落有淡淡炭燒嘅香味。肉眼扒肉質嫩滑。下面嘅薯菜都唔錯，薯餅入邊有大大粒嘅薯粒，好有咬口。黃椒都好甜。甜品-甘筍蛋糕：甘筍蛋糕加埋清甜幼細甘筍蓉一齊食，唔會太甜，有清新嘅感覺。美味嘅菜式加侍應殷勤嘅招呼，令我享受了一個美好嘅晚上。
继续阅读
📍響11📍今日同朋友行街..心血來潮想去食西餐🍽️經過時代廣場,見到呢間西餐廳..我哋就入去試下拉😍餐廳座位闊落,環境好豪華,坐系到食野有種好舒服既感覺😚⭐️頭盤有吞拿魚他他,吞拿魚配搭牛油果醬,味道好清新,食落去有一種好開胃嘅感覺🤤⭐️橄欖油蒜椒鮮蝦配法包🥖✨鮮蝦大大隻,蝦嘅鮮味好突出,加埋蒜片同埋辣椒既香味,整體非常好食🤤⭐️海鮮龍蝦汁意大利飯🦞✨海鮮飯嘅材料好豐富,(有大蝦🦐有魚柳🐟有青口,有蜆,有魷魚🦑)海鮮用嘅龍蝦汁調配非常正,成個飯係可以帶出海鮮嘅鮮味😋⭐️龍蝦湯🥣✨龍蝦湯味道濃郁,面頭大大塊香脆既酥皮, 一啖龍蝦湯一啖酥皮咁食,十分惹味😍海鮮⭐️炭燒美國封門柳配阿根廷辣醬🐮✨封門柳肉質鮮嫩多汁,配埋阿根廷辣醬食,令到封門柳嘅味道更加突出,而個醬汁味道辣中帶一點點甜,有一種開胃嘅感覺😍⭐️甜品🍮(鮮雜莓拿破崙,自家制蛋糕🍰)✨拿破崙咬落去脆口,每一層都夾住d cream,口感細緻,而自家製蛋糕亦都非常出色,朱古力味濃郁,食完成個人都覺得好滿足🤤
继续阅读
同老公睇完戲，想同老公浪漫一下，係time square 搵到呢間響11，有齊日本、意大利、西班牙菜式，價錢又唔係貴，所以試吓。我哋見open rice 單點餐牌，正價七五折，所以order 自己最想食嗰幾樣😆😆⭐️響11招牌蟹餅⭐️蟹餅煎到金黃脆口，招牌菜式果然唔失禮，上枱熱辣辣，滿滿嘅新鮮蟹肉餅，做前菜一流👍⭐️橄欖油蒜椒鮮蝦配法包⭐️新鮮嘅大蝦六隻，入口有好香嘅蒜蓉味，帶有一點點嘅辣椒香氣，配埋脆卜卜嘅法包片一齊食，yummy 😋⭐️智利鱸魚柳配蕃紅花忌廉汁⭐️深海鱸魚一般都很肥大，用嚟做魚柳最正，啖啖肉，而且肉質細緻幼嫩，煎香上來又脆又香，配上蕃紅花忌廉汁，兩者好match，更加突顯魚柳嘅鮮味。⭐️必食：海鮮龍蝦汁意大利飯⭐️呢個海鮮飯認真抵食，可以話係我食過咁多次海鮮意大利飯之中最好味的🤤🤤無論佢面層海鮮、龍蝦汁、意大利飯都處理到恰到好處。非常鮮甜，每一啖都回味無窮😍😍⭐️朱古力心太軟配雲呢拿雪糕⭐️食埋個熱辣辣嘅心太軟,切開爆出滿滿朱古力醬，又唔會太甜，加埋雲呢拿雪糕，咁先夠完美。
继续阅读
已經不只一次來到這裏，今晚想吃西餐又到這裏來了。廚師精選沙律，西班牙火腿，配合爽甜的蜜瓜，作為前菜非常合適。龍蝦湯，龍蝦湯表面鋪滿了香脆的酥皮，將酥皮放在龍蝦味十足的龍蝦湯內，非常惹味。炭燒美國牛柳拼珍寶虎蝦，牛柳外表帶點椒香味，內裏肉汁豐富，五成熟的烹調拿捏得很準確。虎蝦蝦味十足，混合碟中的醬汁，頓時令到味道層次提升了不少。香煎鴨肝油封鴨脾意大利飯，鴨髀皮脆肉嫩，意大利飯生熟程度適中，最重要是香脆可口的鵝肝。甜品是椰香蛋糕配雪糕，雖然名字叫椰香蛋糕，不過巧克力的味道比較香濃，混合了椰香味道，加上焦糖的甜味和雪糕的香味，這個飯後甜品令人非常滿足。
继续阅读
晚上到銅鑼灣時代廣場食一頓精緻鐵板燒晚餐，因為近期見到呢間餐廳好多人推薦，環境感覺豪華寬敞，而且仲有75折訂座優惠等，就一嚐試試！直接品嚐鐵板 晚市套餐Set A 二人前 $2380 ，75折優惠後人均$1000左右品嚐刺身、沙律、前菜、4款主食、炒飯甜品等等，非常滿足而且高質！前菜沙律以黑醋酸汁配搭沙律菜，開胃非常。之後再來刺身三點，白身魚的墨魚刺身開始，由淡味去到濃味的三文魚，新鮮滿足！食左一輪生冷野以前菜熱食 #茶碗蒸 作轉捩點，熱辣辣滿滿蛋香裡，藏著蟹棒三文魚子，滿滿蛋白又有蟹肉味非常一絕！開始到晚餐主角鐵板燒，看到廚師親自係鐵板前認真烹調，事前功夫、每個擺盤都非常用心，氣氛非常之好！#犬牙白鱈魚 ，鐵板烹調好處真的可以品嚐新鮮鱈魚本身原味，其後將魚皮分離再香煎成脆片，其後再使用忌廉蔬菜汁當汁底，整道菜式完全體現師傅鐵板功架！蒜蓉牛油炒 #白松貝 ，原隻新鮮白松具有拳頭大，切割起來以蒜蓉牛油香炒非常吸引，每一口都爽彈爽彈感，再配合菜葉底或者松露醬食，食出唔同層次同口感！#鴨肝多士 ，最邪惡又是我最愛的菜式，香煎過鴨肝的油香，無論口感、嗅覺都令我大流口水，廚師特意調製黑醋汁中和當中油香味，令成件事油香而不膩，每一啖都衝擊味蕾！#日本A4和牛薄燒 ，原塊生肉薄切都已經非常吸引，3成熟的香煎過後，包裹著大量蔥花，真正感覺和牛嫩身牛香感覺，簡單在碟放著岩鹽、黑醋醬選擇自己口味，旁邊還放著紫薯、南瓜、青瓜作伴菜，超吸引！最後以 #櫻花蝦炒飯 、 #麵豉湯 、#漬物 、以及甜品作終結，整個餐點飽度、美味度都有非常之高水平！
继续阅读