餃餃震 (已結業)

男友本身好中意食饺子，去边见到有饺子店都会冲入去，咁见到有芝士煎饺，好啦就比个机会佢啦我地total有3个人去，入到去佢要我地坐门口既2人位，咁都算啦佢本身环境都好逼，坐边都应该一样，我地就照坐啦。坐底叫完野，3个人加埋叫左15只饺加碗粉，咁因为会share所以叫佢比只碗仔，我相信系任何餐厅呢个都系好合理既要求，佢竟然同我讲每只碗要加$1餐厅唔提供碗系咩玩法？到汤饺子黎啦，但waitress好似唔识汤唔可以装太满，黎到将d滚汤淋左d落我条裤同男友只脚到。。。好彩唔系太热同埋知道佢冇心，即刻讲晒sorry，但佢之后剩系比张干纸巾我抹，系1张，佢淋落2个人到比1张，我条仲要系裤黎，点样用干纸巾抹入左裤既汤？？？？？椰菜汤饺子饺子：正常味道，有菇，可以接受汤底：好好好好好咸，入左饺子到会咸到有小小「那」喉，每食一粒都要饮好多水好啦之后芝士煎饺加银针粉到啦，本身以为系饺子皮里面芝士同肉捞埋一齐，外皮会煎到啡色左右，点知黎到。。。。就咁加块总统牌芝士片上去就叫芝士煎饺银针粉就属于正常，唯独汤底太太太咸，同汤饺一样，汤底应该要改善下。总括黎讲味道：好差，好失望，咁样收我接近$100，真系食完会想贴张纸叫大家小心中伏环境：铺位太细，建议每次2个人食就好服务：完全令人摸不著头脑，餐厅要碗加$1我到而家都唔敢相信，最基本装滚汤唔可以太满都唔识，事后处理既手法令人惊奇…查看更多

行完万宜水库，坐返车岀西贡市区，都只喺下午4点左右，有少少肚饿，不过又要返屋企食饭关系，就拣一间食轻食的小店。我和朋友都喺饺子控，所以我们就拣e间小店。除了有电视介绍过之余，上次电台介绍后我们意外到西贡，本想慕名一试，可惜电视效应，太多人关系，除门外大排长龙，未到4点，所有饺子已经卖光，很是失望。不过老板娘好好呀，佢俾咗张九折卡我们，下次再光临会全单九折。张九折卡一收便是半年后的事了，因为有张打折卡我们再光顾。今次不用排队之余，店内只有一枱客，所以我们二话不说便直接入内光顾。我们各点了两款不同口味的汤饺子，细细粒，不过皮薄馅多，汤底清甜仲配了粟米同小豆苗，刚好一碗份量7分饱，回家仲可以食饭。埋单后，老板娘仲请我们饮自家制冰冻酸梅汁，因为上次要我们等并多谢我们支持佢们的小店。…查看更多

近来疫情再度肆虐，外卖回家成为大家心目中最安全嘅方法。小妹下午揸车去西贡巷仔买泰式海南鸡饭时经过一间小店，难得店内只有一个食客，又系我最钟意嘅饺子，见有少少肚饿就神推鬼㧬走入去食嘢。话系小店真系小㗎，佢只有两张小圆枱加一排面壁三人枱，但好干净。叫咗一碗白菜猪肉汤饺($40)，醉鸡翼拼糖心蛋($35)，仲有山楂乌梅汁($8)。水饺皮系我钟意嘅上海白面皮，皮薄馅足，馅料比例亦系我钟意嘅多菜少肉，白菜馅煮熟后依然爽脆。特别提吓个汤系用粟米肉碎鱼肚煲嘅，口味清甜又特别，但系我唔太喜欢佢上面嘅菜苗有草青味。醉鸡翼我堂食咗一只，味道唔错，冇过多酒味，鸡皮脆鸡肉唔算滑加少少硬，不过因为系醉鸡要雪冻食嘅通病，所以唔大问题。糖心蛋我塞入海南鸡饭盒入面带走，唔知系咪因为咁加咗热，所以到夜晚食嘅时候熟哂，有啲对唔住只蛋，蛋味普通。值得一提佢个乌梅汁几好味，不过$8得细细袋，有啲唔够喉。事头婆话迟啲会有樽装卖㖞。饺子有好多唔同口味，例如正常嘅韮菜饺。又有唔少特别口味：皮蛋猪肉，紫菜猪肉，泡菜猪肉，素菜饺都有。佢亦有生饺外卖(好似$40～$50/12只)，价钱中等。(食嘢期间有多个类似街坊熟客嚟买生饺或外卖，睇落有啲保证。)整体表现几好，性价比同味道未及得上圆方饺子又平又好味。但系喺西贡嚟讲系好正常嘅价格，而且事头婆好有礼貌，值得一试再试㗎。*因为事出突然，唔记得影餐牌，店面同其他食物，抱歉！…查看更多

用心制作的家庭小店 虽然店舖坐位不多 平日多是街坊帮衬 汤底有特色 每次都会饮埋啲汤. 价钱合理 两姊妹一手打理 久不久都会出限定饺子一碗9粒 仲可以加银针粉和面底 不过本人细食 好少加面 净饺饮埋汤都已经好饱 😋…查看更多

睇完「飞脆台」个「西贡为食一条街」哩个节目，同老公大人黎拜会哩间《饺饺震》超细间舖，得两张4人枱同顶多坐4个位靠边bar枱，老实说系迫架，不过尊登黎到就当然照入去食啦！幸好下午4点几黎到唔洗排队等位想食虫草花但卖晒粟米墨鱼汤底唔洗讲，我预左正，真系食埋个饺，环境几迫都冇得输，真系食饺兼饮晒汤顶瓜瓜杞子豆苖普通啦⋯⋯冇办法！我食左个粟米墨鱼先！但个豆苖系食得出新鲜的泡菜好juicy，有惊喜播！好味好味醉鸡翼并糖心蛋此终卖点系饺子🥟，哩碟鸡翼变得可有可无了总结：汤底一流饺子🥟推介粟米墨鱼可惜未食到虫草花有失败位叫左三款饺子🥟想同朋友share食叫多只碗，要另加钱，唔太环保♻️…查看更多