餃掂手工餃子雲吞專門店

营业中

休息中

餃子專門店一定會黎餃掂手工餃子，每日新鮮製造，餃子款式仲好多選擇，所以都有唔少人會外賣生餃子至尊松茸豬肉餃湯餃 （跟狀元九鼎湯）$80係招牌款式，每粒餃子都漲卜卜，皮夠透薄，咬一口有淡淡松茸味道，湯餃跟狀元九鼎湯，用料有粉葛、順德鯪魚、扁豆、赤小豆同陳皮等煲成，加少許鹽更加好飲另外點了兩個下午茶餐都幾抵食韭菜猪肉煎餃 （6隻）拼手拍青瓜 $47底面煎到金黃色 , 賣相吸引 ,韭菜和豬肉餡料配合絕配仲好均勻 ,包得好完美, 食落好香口，仲可用優惠$8，再加多碗九鼎湯雲吞麵 $39一碗有8粒一口雲吞，拉麵軟淋幼身，自選小辣口味，又再九鼎湯就知我哋有幾咁鍾意飲四川涼皮 $33涼皮口感爽滑，特別加上花生碎，調味帶酸，自選小辣，夏天食最開胃蜜蜂檸檬薏米水 $20檸檬薏米水清熱祛濕，味道唔太甜，飲出健康🎈餃掂手工餃子雲吞專門店🎈銅鑼灣景隆街19號地舖

下午茶餐好抵，佢個菜莆辣醬好正。下午茶有幾款套餐，平過散叫，不包飲品，飲品加6-8 元可以選加湯。叫了雞翼冷麵餐，麵幾好食，雞翼皮較甜，肉完唔入味，冇咩味，但幸好無雪味。飲品有豆漿同紙包，加$8可以飲狀元九鼎湯（粉葛鯪魚湯），淨湯冇材料的，比較淡，可自行加鹽。

今次去cwb行街 約埋朋友一齊食餃掂🥟呢間餐廳座位好多 坐落都舒適門口有一個大餐牌有齊咁多種類嘅餃子🥟Menu種類繁多 有湯餃/煎餃🥟今次都緊係嗌煎餃啦～😂😂最愛😍好鍾意食餃子嘅我 款款都想食😂至尊松茸煎餃果然係至尊，食落有淡淡嘅松茸味又唔會搶奪豬肉嘅味，兩者好match🐷煎得超香脆，每啖咬落去都好juicy入口鬆化唔會好油膩😋香煎芝士軟心餃🧀有芝士嘅餃子真係好好食🤤唔會過多嘅芝士令人食滯，仲有粟米豬肉🐷但依然係芝味十足大白菜豬肉餃好多汁嫩滑，阿女食得好滋味，人仔細細食左5隻湯餃，份量都唔係細㗎，有菜又有肉，夠曬營養，仲要都係碗九鼎湯，增附小朋友抵抗力💪🏻.狀元九鼎湯呢個湯係絕無味精😍小朋友都啱飲嘅湯，仲可以提升免疫力㗎💪🏻阿女好鍾意飲🤣🤣粉葛魚湯仲可以祛濕😝蜂蜜檸檬薏米水夏天飲呢啲酸酸甜甜真係好開胃好消暑🤤仲嗌左一個餃子麵🥟🍜同重慶麻辣雲吞餃子麵係嗌比小朋友食👧🏻👦🏻兩個食到舔舔脷😋重慶麻辣雲吞嗌左中辣麵唔算好辣🤣

餃子一向係我嘅至愛，今日黎到未試過嘅餃掂食番餐先。首先煎餃要咗軟心芝士、新出嘅香菇雞肉。煎餃外表焦焦脆脆，熱辣辣，香軟芝士入面係粟米同豬肉，芝士味非常濃郁。香菇雞肉嘅餡料非常扎實，香菇提升咗雞肉嘅香味。湯餃方面點咗雲耳椰菜豬肉同粟米豬肉，湯係餐廳大推嘅九鼎狀元湯，飲得到淡淡嘅藥材味，每粒湯餃都脹卜卜咁，有滿滿嘅豬肉餡。隔離仲有自家製嘅菜甫辣椒醬同四川辣椒醬，一定要用黎點湯餃試試~重慶鮮肉雲吞，係熟悉嘅麻辣味，小雲吞皮薄足料，一口一個好爽。四川涼皮，涼皮爽滑，有花生碎同青瓜絲，最啱夏天食。最後仲叫咗山楂雪梨水， 好中意佢嘅酸度，好開胃。

今次去左銅鑼灣餃掂分店平日大約7pm已經7成坐滿食飽走個陣仲有數人係門口排隊用左餐具同調味架分隔座位牆上掛滿招牌logo碟作裝飾叫左3款餃子、時蔬、薏米水🥟🥟🥟龍鳳松茸雙湯餃 (8隻) $92🥟🥟元貝豬肉湯餃 (7隻) $51🥟芫荽豬肉湯餃 (7隻) $493款都跟狀元九鼎湯當日餐牌冇左玉蟹雲吞皇可能係季節限定🤔🥟🥟🥟餃子餡係豬肉撈左切粒既松茸底部加左少量黑/白松露醬本人同朋友鐘意黑松露餃 味道比較突出🥟🥟豬肉餃子餡加左瑤柱同芹菜入口好明顯食到瑤柱絲🥟芫荽怪表示很喜歡🥟芫荽豬肉餃🌱上湯松茸時蔬 $35有幾條嫰菜芯上湯菜可以清一清口腔更加食清楚各款餃子🍺熱蜂蜜檸檬薏米水 一杯 $20重蜂蜜味 幾好飲港九新界都有分店食左好幾年係會重覆去既餃子店

我吾係第一次幫襯“餃掂”，我住九龍，一直幫襯太子店，店裡有一位惡主管，每次去她都批評人員工及顧客，她令環境嘈吵。但琴日我要去港島做事，6點多經過銅鑼灣“餃掂”，進入店舖，員工笑面迎人，禮貌友善，點了一份韮菜湯水餃，自行攞些酸蘿蔔，水餃足量好味，食物質素有讚無彈，我有機會去港島，一定再幫襯。

尋日收工收得夜，普通餐廳都已經收得七七八八 ，好彩附近仲有呢間餃子店開住，即刻入去食返餐填飽個肚。呢度嘅餃子都係每日手工新鮮爆炸，仲可以透過櫥窗望住店員逐粒逐粒咁樣包。呢間餃子皮薄餡靚，食得出店主嘅用心。至尊松茸豬肉餃嘅松茸將咁矜貴嘅食材包入餃子入邊唔使講都知一定好食，仲有辣同唔辣嘅松露醬配搭。雙拼煎餃嘅雲耳椰菜豬肉餃配搭上雲耳爽口彈牙，仲有椰菜嘅鮮甜，口感豐富。韭菜豬肉餃嘅韭菜好細嫩，韭菜味超級濃肉，好食。仲嗌咗香菇雞肉餃，香菇超級厚肉，雞肉餡相對豬肉餡會比較硬身，但肉汁依舊飽滿。而且好鍾意呢度嘅狀元九鼎湯，材料包括咗粉葛，鯪魚，鯽魚等等各種材料，講真放工返屋企都唔會有時間煲湯，而且無添加味精，好感動喺出面都可以飲得出家嘅味道。出面熱辣辣最啱飲返杯自製山楂雪梨水，好適合咁炎熱嘅夏天降暑潤肺。

今次食既餃子都非常有驚喜，分別係龍鳳松茸雙湯餃和香煎軟心芝士餃🧡龍鳳松茸雙湯餃：我叫咗最少的八隻，湯餃會配上一碗湯，即係佢地既狀元九鼎湯，餃子飽滿皮薄，全部餃子係佢哋自己人手包制，加入新鮮既食材，香濃的豬肉味，滾得唔會過熟以致餃子皮爛晒，呢個真心大推！香煎軟心芝士餃：亦都係叫咗佢哋最少嘅八隻，煎餃需要等較長少少嘅時間，餃子入邊有豬肉、粟米粒、以及芝士，加上香脆既餃子皮，所有食材都好夾，配上香辣黑木耳一齊食，味道好似昇華左一樣

上次黎呢度食都還好，今次都係叫左同一隻蛋，點知pat醬少得可憐。叫呀姐加多少少，佢態度差到不得了，不斷同其他人講我，又話每個人落啲醬既份量唔同。而家係你地要純一份量，唔係個客負責任！基本上加左醬都冇咩分別

今晚去左銅鑼灣呢間餃掂食晚餐，我同朋友都是第一次食，都覺得好食又抵食。我同朋友兩人點左一份香煎軟心芝士餃，壽喜燒牛肉湯餃連湯，雲吞麵，竹昇米線，蜂蜜檸檬意米水，同可口可樂。食到勁飽，全部都原汁原味，新鮮又冇味精，好好食，有家的味道。先講香煎軟心芝士餃，真係即叫即整，煎得好香脆，入口有豬肉粟米同芝士，很香濃芝士味，好食。另外壽喜燒牛肉湯餃都好特別，啖啖肉，大大隻，有另外一碗湯，可以一齊食，而我就跟米線食，所以碗湯就咁飲，都好好食，像老火湯，好食又好飲。雲吞麵仲抵食，一共有12粒雲吞嘅雲吞麵啊，先52元，平時一x麵都只係三粒，正啊，有12粒食得好爽，又吾會很咸，感覺健康。飲品蜂蜜檸檬意米水都好飲，有熱有凍，揀左凍，夏天飲很適合啊，舒服。整體很滿意，很有小店人情味的感覺，食品健康冇味精，價錢合理，會再光顧。

放工同朋友行開銅鑼灣，諗下食咩好見到呢間餃子店，好吸引喎🤩🤩 講到明不加味精，全天然！岩哂我呢啲崇尚自然，健康嘅人同朋友叫咗三份餃子，松茸餃子勁香勁鮮甜，連埋個湯真係好好味！！雲耳椰菜餃亦都好清新，有屋企嘅味道！芝士粟米餃，呢個煎餃煎得好惹味，香噴噴！一流呀🤩叫多咗碟龍鳳蛋，整得好出色呀，流心㗎！勁想叫多一碟😍檸檬薏米水都合乎預期，係唔錯嘅一餐！Overall 黎講，呢度啲嘢食中上水平，而且平日夜晚都唔算多人，同朋友黎食嘢傾吓偈係非常舒服㗎姐姐又唔會趕我哋走，服務仲好好添同埋呢度門面好乾淨，同平時街坊舖餃子店好唔同，係食得好舒服㗎！

今次我哋嚟到呢間餐廳試佢哋嘅幾款招牌，請問佢哋無論湯餃定煎餃到十分出色，食完之後果然覺得真係有啲令人驚喜。首先介紹嘅係至尊松茸豬肉湯餃，呢碗大碗嘅湯餃真係唔簡單，用上松茸切碎，和新鮮豬肉碎攪拌，味道鮮甜濃郁，咬落嫩滑多汁，每一啖都充滿豬肉嘅香氣同松茸嘅特別香味，湯餃皮薄餡靚，湯底鮮甜，晒鍾意飲湯嘅朋友。🍲第二道菜係香煎軟心芝士煎餃，總共有10隻，煎得金黃色嘅外皮香脆，內裏嘅芝士煮到半溶狀態，咬落去流心芝士即時溢出，濃郁嘅芝士味同餃子皮嘅脆皮真係絕配，保持到最好嘅口感，真係令人一試愛上。🧀然後就係蜜餞雞翼，呢個份量真係好夠兩三個人分享。雞翼煮得香甜入味，外皮略帶蜜糖嘅香甜，雞肉嫩滑多汁，蜜餞嘅甜味同雞翼嘅鹹香味完美結合。🍗最後我哋試咗佢哋嘅自家制山楂雪梨水，呢支飲品真係好清新。山楂嘅酸味同雪梨嘅清甜完美融合，飲落去好解渴，亦都有助消化。每一口都感受到天然嘅果香味，冇任何人工香精嘅感覺，真係好健康。🍐

一向都好鍾意食餃子，好開心試到餃掂，真係幾掂，以後又多個選擇韭菜豬肉餃($46/7隻) - 皮薄餡足，啖啖都係滿滿嘅韭菜同豬肉，湯餃係跟狀元九鼎湯，係煲得好清嘅葛湯，隔晒渣所以飲落好順落，感覺好健康香煎軟心芝士餃($58/7隻) - 煎到金黃啱啱好，賣相好靚，好吸引，餡係包到好實嘅芝士同粟米豬肉，好飽滿，好滿足黃金原味皮蛋($30) - 皮蛋本身好味，簡單調味加啲青蔥已經好好食上湯松茸時蔬($35) - 菜心好靚，洗得好乾淨，上面仲擺咗杞子同松茸，新鮮健康蜜餞雞翼($33/5隻) - 雞翼好入味，甜甜地好開胃山楂雪梨水、蜂蜜檸檬薏米水(各$20) - 兩杯都係健康之選，甜度啱啱好，山楂雪梨同薏米味都好濃，又有滿滿嘅薏米，兩杯都好飲鋪面乾淨、座位闊落，個人幾鍾意木枱同有墊嘅木凳同卡位，夠實淨坐得好舒服餐牌提供嘅選擇好多，照顧素食人士嘅餃都有，款式極多，仲有各種小食、麵類同唔同嘅飲品，價位經濟，好值得嚟試

幾年前第一次同另一半約會就係去餃掂，當時仲係得兩三間店，而家舊地重遊估唔到水準依舊 ，仲好似多左食物選擇 。而家差唔多有10幾款餃子口味，我哋兩個一致推薦芝士餃同埋芫荽餃。識叫一定要煎芝之餃，果種煙靭餃子皮煎得金黃香脆又可以拉絲，完全可以媲美芝心批唔係講笑 。另外芫荽控必叫芫荽豬肉餃，龍鳳松茸餃都係勁好食，喜歡食松露嘅人必叫 。🥟🥟🥟多咗小食可以揀麻辣皮蛋或者蜜餞雞翼，價錢唔貴仲可以食埋菜🥬 大滿足，好有回憶—————-𝙒𝙚 𝙤𝙧𝙙𝙚𝙧𝙚𝙙:香煎軟心芝士餃*煎餃 ⁶⁹芫茜豬肉餃 湯 ⁶²四川涼麵 小辣 ³¹蜜餞雞翼（大） ³³上湯松茸時蔬 ³⁵蜂蜜檸檬薏米水（杯）熱 ²⁰—————————————————𖠿𖥣 餃掂手工餃子雲吞專門店 (銅鑼灣)〒 銅鑼灣景隆街19號地舖—————————————————⠀⠀⠀⠀⠀⠀⠀⠀⠀#hkfood #hkfoodporn #hkfoodblogger #hkfoodpic #hkfoodies #yum #hkfoodstagram #foodie #foodporn #foodphotography #foodgasm #foodstagram_

想食餃子就會諗起有幾多分店嘅餃掂，又多口味又好食😀.餃子今次試咗至尊松茸湯餃，同粟米同元貝煎餃子。松茸餃一食落口就有陣濃郁嘅松茸香味，鐘意食菇嘅必試，配上一個微辣松茸醬，同清甜粉葛魚湯，又健康又好吃。煎餃好脆，粟米香甜，元貝鮮味，每粒餃子都皮薄餡靚，仲有辣辣菜脯同醋一齊食。另外食咗涼皮同雞翼，雞翼個汁甜甜地好入味，涼皮最啱夏天食，口感很好又夠凍，微辣嘅汁仲有花生碎。飲品推薦試下山楂雪梨，夏天飲真係好開胃，酸酸甜甜。