餃掂手工餃子雲吞專門店

营业中

休息中

因工作關係經過西環，上次吃過後餃掂後，今次和同事經過決定再試！晚飯時間這間餃子雲吞專門店光顧的客人不少！主打各款手工製特色餃子，灼、煎和湯三種製法為主打，加上各式涼菜小食！今次試嚐蜜餞雞翼（五件），外皮金黃，入口蜜味香濃，咬下去很多肉汁，口感嫩滑。四川涼麵份量很大碟，足夠二人份量，選了小辣，果然夠麻又不會過辣，紅油適中不會過油膩，麵身有咬感，軟硬適中煙韌又彈牙，加上青瓜絲盡掛辣汁，香氣撲鼻。招牌菜至尊松茸豬肉餃配狀元九鼎湯，豬肉餡料十足，口感嫩滑肉汁豐富，煎得金黃香脆，沾上濃郁的松茸醬提升了香味，老火湯葛味香濃，以順德活鯪魚和粉葛為主材料，湯底清香，沒有口渴感，證明沒加入味精，不錯！雙拼手工煎餃，今次選了雲耳椰菜和韭菜餃，同樣皮薄出色，夠香脆夠熱，餡料多的雲耳椰菜比例恰到好處，鎖住了肉汁，口感豐富，滿滿的韮菜豬肉很鮮嫩，多汁，加些醋後更惹味！上湯松茸時蔬，朋友保持健康想吃菜的關係，點了菜心，菜不會過淋或過硬，青翠脆綠，十分爽口，上湯松茸非常入味。配上招牌的熱豆漿，新鮮制作，淡淡的豆香不會過甜；加上凍可樂，馬上感到涼快及清爽。總括來說，小店用心製作的食物質素不錯，性價比高，店員態度友善，

呢間餃子店，食過佢九龍店，估唔到原來港島區都有分店店內裝修大同少異，被呢幅顏色鮮艷嘅餃子畫吸引住枱上有呈自家醃製嘅酸甜蘿蔔粒任食，味道甜中帶酸，蘿蔔粒爽脆，未開餐先開胃........首先出場係至尊松茸餃 ($80/8隻)，隻隻餃都幾飽滿，湯同餃係分上阿姐比埋碟至尊醬點餃食，味道微辣少咸; 咬開就食到原隻松茸，松茸味相當出，豬肉餡料相當札實，歡喜松茸嘅，呢客餃無令人失望。跟餃有埋碗狀元九鼎湯，以蛇果，生魚，淮山，無花果及豬尾骨煲，絶無味精，魚嘅鮮甜味道幾出，功效補氣健脾，飲落舒服。有D餃子係要煎先岩數，就例如芫茜餃 ($65/10隻)，煎得外皮香脆但又唔會油令令趁熱食，一咬先食到脆口外皮，之後就到芫茜香，點埋醋汁食就仲正斗。熱餃配四川涼麵 ($30)，大量花生碎灑係麵條上，加點綠色如青瓜絲及蔥粒，附上麻醬。可選擇辣度，當然試小辣先。將惹味辣汁與麵條撈均，麵條夠爽口，醬汁辣中帶少少酸味，加埋麻醬多一份芝麻香味，就咁單食都好味。加咗客回味手拍青瓜 ($25)作為小食，少少麻辣味幾惹味，清爽青瓜即時變得狂野咗。又重回下雨天，潮濕天氣個人都易攰D，飲番杯熱檸蜜薏米水 ($20)去吓濕好過飲汽水

餃子是由香濃新鮮豬肉，是愛吃的美吃，這店子爽口美味，棒～看到這店子有媽媽手工擀皮即叫即包～必試小店的煎餃採用慢烤煎法，讓底層形成鬆脆的脆皮。不少人也推薦黑白松露豬肉餃子，煎至外脆內多汁，而且充滿濃郁松露香。招牌至尊松茸豬肉餃鮮手工跟冷凍分別很大，這店子的現包水餃外皮不會變成軟爛，皮比較結實，較能抵抗糊化。龍鳳松茸雙煎餃，跟一碗狀元九鼎湯。龍鳳松茸是黑白松露，吃時層層味道～重松露味，餃子皮薄，煎得脆口，餡料足香，每次吃也會愛它。自家製山楂雪梨水山楂片, 雪梨, 甘草, 冰糖, 麥芽, 水，成個感覺非常潤口。芫茜豬肉餃香濃芫荽和新鮮嫩滑豬肉，店內供應湯底是沒味精，愛心重重，大家亦可選擇餃子湯面～棒。 新鮮製造的味道令人愛芫上茜，點可以沒有芫茜餃子，餡料加入大量芫茜，除豬肉餡料，配上有非常獨特之嚼感，箇中滋味非常有趣。棒，帶出餘韻這店子湯也很好的，厲害在用了九種材料熬製，能聞到很香的魚湯香氣。這碗湯跟街外的味精湯不可比較，非常吸引～

今晚嚟到西環呢間餃子店-餃掂, 呢度嘅至尊松茸豬肉餃(大碗$120)最吸引我，猪肉餡料唔會太肥，咬開充滿松茸獨特香氣，令人一試愛上，每次都食到停唔到口。 餃子跟嘅狀元九鼎湯，有健脾去濕作用，湯頭味道自然，很清甜。今日仲試左元貝餃(中碗$50)餃子每粒都好飽滿，餃子皮柔軟得嚟有口感，咬開元貝鮮味出眾，肉味香濃。重慶鮮肉餛飩($42)雲吞皮好軟滑，重慶酸辣湯辣得過引。唐芹拌豆筋($32)，唐芹爽甜，豆筋味道簡樸，拌上麻辣醬料惹味非常。

最近忙到不得了，連煮晚餐時間都無，去了屋企附近的一間餃子專門店，平，靚，正…..食完可快速回家繼續工作。好喜歡嚟度嘅醃蘿蔔，免費任食，非常開胃。至尊松茸豬肉湯餃餃子皮好薄，餡料十分飽滿，啖啖肉香，微微松茸的香味，增添味蕾感覺。狀元九鼎湯古法熬製，採用多種材料，粉葛，鯪魚，鰂魚，新會陳皮……味道濃厚，潤喉，好飲到停不了。酸辣雲耳爽脆雲耳，酸酸辣辣，惹味十足。薏米檸檬水夏日炎炎飲番杯薏米檸檬水去濕，效果不錯。

間唔中諗唔到食咩好就會嚟呢間餐廳度食餃子因為款式多之餘又好味必定要推介大家試呢個「菜脯豆豉醬」「野味酸辣雲耳 $25」酸酸辣辣嘅味道，開胃一流！「龍鳳松茸雙灼餃(跟湯) $92」呢個可以話係佢哋嘅招牌餃子所謂嘅龍鳳就係一邊白松露一邊黑松露一咬落去松露嘅香氣四溢再配埋狀元湯飲一齊，妙！「粟米餃 $45」香甜嘅粟米粒藏住喺餃子入邊粟米嘅營養價值高，小朋友都啱食「韭菜餃 $49」韭菜餃係我餃子排行榜頭三名之一去邊度食餃子都一定要叫韭菜餃整舊餃子外脆內軟，餡料豐滿，煎餃更能鎖住湯汁喺入面總括而言，食物水準一如既往嘅好，必定會再次光顧！

今晚好浪漫💕同老公去咗堅尼地城海旁散步加睇日落🌄睇完日落梗係要周圍睇吓有咩食，行咗去士美菲路見到一間餃子店，差唔多坐滿，老公話熱辣辣不如食餃子🥟，大約等位等咗10分鐘左右👍👍👍👍店員推介我們食至尊松茸餃（狀元九鼎湯） $86這間店舖的餃子全部都是每日用新鮮食材包製的，這樣才可以保持餃子皮的彈性，，咬落非常多汁，皮脆肉嫩，食完一隻想再食多一隻🥟🥟🥟🥟（狀元九鼎湯）是用九種材料熬製而成的，非常鮮味，有我最喜愛的濃濃粉葛味，完全沒有味精🤤🤤🤤🤤🤤龍鳳松茸雙煎餃 $98餃子裏面有很重的松茸和黑松露香味，配他們自家製的菜脯豆豉醬，增加層次感，口感煙韌😋😋😋😋黃金原味皮蛋 $28晶瑩剔透一啖一口，蛋白外層的質感似軟身啫喱，滑嘟嘟，仲有流心效果，賣相一流。檸檬薏米水 $20甜度適中，非常解渴，滿滿的檸檬味，薏米煙韌有咬口，非常適合37度的今天飲😝😝😝😝😝爽爽爽

今日去完西環飲咖啡，見飽飽地就求其搵咗一間餃子掂，首先裝修嚟㗎好骨子，一啲都唔馬虎，好寬敞之餘仲好乾淨衛生。我哋嗌咗一個涼拌粉皮，再加唔同味道嘅餃子，涼拌唔算太辣，加上埋花生碎特別惹味，而且粉皮滑身，個沖亦都唔會太搶口。跟住我就叫咗三個口味嘅煎餃，因為鍾意食熱氣嘢嘅關係，首先元貝豬肉餃好有驚喜，一絲絲嘅元貝配埋豬肉咬落去，口感清清地。之後嗌咗個濃味啲嘅芫荽豬肉煎餃，呢個餃子好Juicy，亦都好香芫荽味，簡直恰到好處。最後叫埋壽喜燒牛肉餃子，呢個真係可以encore再encore，首先壽喜燒嘅味道非常好味，而且牛肉好嫩，配埋出邊嘅煎皮真係襯到絕。

餃掂究竟搞唔搞得掂呢⁉️😆平時比較少食餃🥟，之前聽朋友介紹呢間同見openrice評價唔錯，一於試試🫠🫠餐廳標榜餃子每日即製，望到真係有姐姐係廚房度包緊，感覺唔錯feel like幾新鮮👍🏻餐廳牆身掛左老闆金句，好有長輩圖feel，幾好笑但上面寫d野又好似幾true😂😂另外每檯都會有酸蘿蔔，個人認為最好食係呢個前菜，雖然都係普通酸蘿蔔，但夏天食呢個真係好開胃！👍🏻🧡壽喜燒牛肉煎餃 🥟 （大）$76平時都好鍾意食壽喜燒，所以都呢個都幾高期望。個皮厚薄適中，餃子望落同食落都幾飽滿，煎得都好靚既。即叫即煎，上碟係脆同好熱既👍🏻味道方面就有少少失望，話就話壽喜燒但我淨係食到醬油味，而且偏鹹，唔太食到牛肉同其他調味既味，同想像中既味道有d出入，個人覺得太重口味🥲🧡元貝豬肉煎餃 🥟 （大）$67呢個見combination幾特別，叫黎試下😝小插曲：原本叫左湯餃，覆單既時候都好肯定話係湯餃，點知上菜既時候話落錯左，咁我就話我係要湯餃啦（因為落單同覆單都真係無錯同唔想兩個都煎咁熱氣），點知店員面有難色咁同我講話已經煎左啦，你如果唔要就曬左d野架啦咁我心諗你都係想焗我要姐，最後話比碗湯我就是但啦因為叫湯餃

都算係名單以內既餃子店，星期六1點去到唔洗等位就入座，叫左個芫茜豬肉餃配山楂雪梨水。芫茜豬肉餃 4.5/5湯底係狀元粉葛魚湯，飲落去足料鮮魚既味道，消暑解渴，炎炎夏日下飲翻碗係好止渴。出色既餃子，份量充足，皮薄唔會痴口，豬肉夠味。山楂雪梨水 4/5唔會太甜，酸酸甜甜嘅味道都係好止渴，但本身飲湯都已經好夠，早知外賣一支走。地理:佢都多分店，呢間喺西環，都方便易搵既。環境:裝修企理，乾淨舒服。價錢:差唔多7蚊一隻餃子，同九龍區食到既3-4蚊隻算貴啲嘅，但質素真係好啲。服務:正常，人手尚少，態度熱切。

今日咁啱去完西環見客，咁岩見到有間餃子店，呢間餃子店真係好多地方都有分店，一於去試一試。但見到隔籬枱個碟煎餃煎度隻隻都金黃，真係忍唔住嗌咗全部煎餃，首先一定要叫我最鍾意嘅芫荽豬肉餃，呢個餃真係冇得輸，首先一咬落去，芫荽嘅香味已經係傳咗出嚟。另外壽喜燒餃亦都好Juice，一咬落去啲汁已經爆出嚟，而且牛肉竟然仲有牛味。最驚喜嘅帶子餃都係驚喜之作，咬落去嘅時候係有帶子嘅香味，亦都有一絲絲嘅帶子包住啲豬肉，除咗真材實料之外，真係皮薄餡靚。另外我哋就嗌咗杯豆漿，豆漿重豆味之餘仲甜度啱啱好唔會太甜，下次去第二區都要去呢間餃子店。

今日下午經過餃掂 見到入面食客嘅餃子大大隻好吸引就二話不說入咗去 坐低實在太肚餓 叫左至尊松葺餃8隻煎餃 呢幾隻嗰個size一樣 煎到10分香脆 外脆內軟 入邊嘅餡料夠哂多 非常juicy 好食 皮薄餡靚 仲有跟咗碗九鼎湯 好好飲 好似呀媽落足心機煲嘅住家湯叫左個麻辣松花皮蛋 個皮蛋係流心的 不得了 個人覺得仲好食過譚仔嗰個另外order 左手拍青瓜 唔會太辛辣好惹味 青瓜ge fresh 中和返 食完超級滿足呢間餐廳仲有好多分店 無論住九龍定港島要食都好方便

💕今日經過堅尼地城做野，途經餃掂分店，決定係呢度開餐，食最愛既餃子。😋👏餐廳環境闊落，座位多，坐得鬆動。👍🥢至尊松茸豬肉餃（中） $80松茸對身體好，養生又好味，散發濃郁獨特香氣。咬落去食到一啖啖嘅松茸，好足料，仲有香濃嘅豬肉。🍄🥢龍鳳松茸雙灼餃 （中） $92最愛既招牌菜，白松露同黑松露矜貴健康， 香氣撲鼻，每次都食唔停口。💖💖🥢 蜜餞雞翼（5隻）$32雞翼甜甜地，好好味。🥢惹味酸辣雲耳$25 份量都算多，酸甜開胃，配餃子一流。😍❤️

龍鳳餃子原來係白松茸豬肉餃拼黑松茸豬肉餃，松茸入口有陣類似松露嘅香味，仲可以強身健體補身體。蒸餃會跟一碗狀元九鼎湯，睇個名就感覺到好補，一入口好香濃鯽魚味，完全唔會腥，仲有少少粉葛同陳皮味，最緊要冇落味精，配蒸餃可以滋潤下黃金皮蛋好流心，有陳醋蔥花調味，皮蛋就冇咁漏四川涼麵有青瓜絲鋪底，仲有花生碎，撈埋食好有花生味，仲有脆脆哋嘅咬口。跟麵有少量芝麻醬，撈埋涼麵一齊食，又係另一種口味。蜜餞雞翼唔會好鹹，外面有陣蜜糖甜味檸檬薏米水帶有淡淡檸檬味，仲有少量薏米。每枱都有醃蘿蔔作為開胃菜小食，微辣酸爽又真係幾開胃

餃掂愈開愈多分店，終於連西環都有了！附近一直缺乏餃子專門店，最多都只是雲吞麵店，所以現在可以隨時隨地吃到美味餃子了，而且還是蔡瀾推介的「 餃掂 」！ 這裏的餃子除了質素好，皮薄彈牙之餘，肉餡餃大夠鮮款式亦都跟一般的不同，比較有特色，例如招牌養生松茸餃，有黑、白松露肉餡選擇，每碟都有8-10隻，因為肉餡大，所以十分飽肚！亦必食自家製醃蘿蔔今次我點了單一口味《至尊松茸豬肉餃 $80/8只 》（湯餃子）原來是跟「狀元九鼎湯」的，無味精好清香，啖啖鮮魚、粉葛甜。餃子及松茸醬料分開上，餃子咬開肉餡鮮甜，再加上松茸更香口！《狀元九鼎湯 $20/碗 》吃完餃子覺得湯底好味，所以另外再點一碗，散叫的這一碗份量更大，足夠二人分享《壽喜燒牛肉餃 （煎）$58/7只）選了吃煎的，十分香脆可口，咬開肉汁爆出，啖啖牛肉汁，鮮甜香濃，可以不用蘸醬但想加就只加一丁點醬油就夠提味。醬芥都是自家製 必試。《黃金原味皮蛋 $32》很少吃得丁，而份量多，黃金皮蛋比一般皮蛋特別清甜突出，加上醬油醋汁更是美味。《上湯松茸時菜 $32 》菜心新鮮無渣，菜湯都可以飲用。《蜂蜜檸檬薏米水（凍）$28/支》 另外外賣一支飲品，薏米消暑