影片
营业时间
今日营业
11:00 - 21:00
星期一至日
11:00 - 21:00
以上资料只供参考，请与餐厅确认详情
饺掂分店遍布全港，饺子款式选择多，除左传统味道，仲会不定时推出新口味，啱晒钟意试新野既香港人。葱味酸辣云耳：酸辣味道平均，又唔会盖过食材本身既味道，而且非常适合作为开胃前菜。黄金原味皮蛋：皮蛋外形晶莹剔透，蛋黄呈流心状，入口很creamy，蛋香十足。四川凉皮：辣度可以拣大中小辣，辣味调配得宜，入口先感觉到辣味，跟住舌头就慢慢有麻既感觉，加埋花生碎，食得过瘾。香煎软心芝士煎饺(7只) ：饺子皮煎得香脆，馅料加入左三种唔同口感既芝士，包括车打芝士、巴马臣芝士、mozzarella，芝士味道浓郁，层次感好丰富，芝士控不要错过。双拼汤饺(10只)：我哋分别拣左大白菜和云耳椰菜，馅料胀卜卜，一口咬下去，肉汁就爆出来，肉质鲜嫩，食得好滋味。山楂雪梨水：餐厅自家制饮品，味道天然，生津解渴。蜜柠薏米水：十分清甜滋润。总结，饺子每日新鲜制造，份量十足，质素有保证。
继续阅读
之前喺荔枝角做瑜伽经过地铁站附近已经留意到呢一间🥟手工饺子云吞专门店-饺掂快线，可惜上次嚟系晚市时间，门口已经排咗一条长长人龙，就唯有转场😆今次系星期六饮下午茶时段可以即刻入，就梗系要即刻试吓啦小店采取自助模式，落单后等叫号再自取拎餐👍🏻堂食仲可以任食自家制新鲜腌酸萝卜添🤭真心大推，食落去酸酸地既开胃又解腻👍🏻饺子专门店有别于其他店舖，哩到嘅馅料系比较少见嘅🤤🤤我哋两个人就分别拣咗两款饺子一齐share😎至尊松茸猪肉饺 - 大 $128饺子可以拣中或者大size，仲可以拣汤饺或者煎饺，我哋两个人就拣咗12只大size嘅煎饺🥟，随餐仲会附送状元九鼎汤，饮落真系有住家汤嘅味道，每日新鲜熬制绝无味精，口味偏淡，反而突出鱼汤天然嘅鲜味，亦都因为新鲜，所以唔需要过多调味已经超级鲜甜👍🏻至尊松茸猪肉饺一粒超级大，皮薄馅多，食落去啖啖肉，而且全部都系瘦肉，唔系肥猪肉，绝无欺场，记得要加埋黑松露酱一齐食，松露松茸味double up ❤️❤️饺子汤面 $57 / 6只哩款性价比超级高，$57 有6只饺子🥟仲连埋个面😲有成7款饺子露以拣，我地就+$8拣咗元贝猪肉饺，元贝天然嘅咸鲜味加埋猪肉同芹菜嘅味道又几合拍👍🏻饺子🥟一样系咁大只，食完真心超级饱😆自家制山楂雪梨水蜂蜜柠檬薏米水有杯装或樽装可选，仲有冷热可选，天气冻就拣咗热嘅，饮完真系暖笠笠，而且甜度刚好，啱哂秋风起滋润下😆🤭PS 见到好多人都专登嚟买生料，应该系今晚开始转凉买嚟返屋企打边炉🍲
继续阅读
打波前想食啲嘢，嚟食饺子就啱晒，又健康又饱肚大白菜饺 - 包得好靓，馅料满满，汤底足料清甜，健康之选香煎软心芝士饺 - 满满嘅芝士同猪肉，芝士味好香浓，饺子皮煎到金黄色好香口回味手拍青瓜、葱味酸辣云耳 - 辣度啱啱好，好惹味好过瘾蜜饯鸡翼 - 入晒味得嚟肉质幼嫩，甜甜地好滋味上汤松茸时蔬 - 菜心青翠嫩绿，上汤清甜，松茸杞子好香自家制山楂雪梨水、豆浆 - 两款都系健康之选，山楂雪梨同豆味同样香浓，甜度刚好餐牌嘅选择种类同款式都唔少，定价亲民，抵食又健康光光猛猛干干净净，绝对系抵食医肚之选
继续阅读
同朋友谂住快快地食个饭，拣咗依间饺掂快线，之前食过其他饺掂分店系有人serve嘅，依间快线就系自助形式自己攞餐，店内全部都系高枱高凳，枱上依然必备酸萝卜、菜脯、辣椒油等等🌶我地叫咗3款饺子，松茸猪肉饺煎得好香，底同面都有煎得香脆，汤饺叫咗双拼嘅粟米猪肉同埋芫茜猪肉饺，依几款饺子都系皮薄馅靓，芫茜足料非常香，粟米就清新爽口一啲，猪肉亦唔会好肥，感觉相对健康，会配埋状元九鼎汤🥣除咗饺子，我地上汤时蔬同埋龙凤蛋，溏心蛋配黑白松露酱好够香🥚饮品要咗杯山楂雪梨水同埋蜜柠薏米水，两杯饮落都唔会好甜，薏米水仲真系有好多薏米喺底，够晒足料🥤
继续阅读
呢间饺子专门店嘅饺子好好食，大只又超足料，仲有好多款口味，饺子煎到饺皮香脆，黄金色泽，睇落好吸引😍 芝士控必试呢款软心芝士饺子😬😬馅料有猪肉、粟米同芝士，芝士味超香浓，加埋爽甜嘅粟米，真系绝配🤤饺子仲可以双拼，韭菜猪肉饺拼粟米猪肉饺，两款饺子都足料，咬落好多汁，韭菜味好香浓，粟米猪肉好清甜多汁！另外，仲点左几款小食，蜜饯鸡翼几好味，蜜糖嘅甜味同豉油嘅咸香完美融合，咬落肉质嫩滑又多汁。麻辣松花皮蛋松花皮蛋嘅溏心质感超正，淋上自家制麻辣酱，麻香劲道但唔会抢走皮蛋嘅独特风味，食完嘴唇微微发麻。葱味酸辣云耳嘅酸辣汁调得够晒平衡，麻辣中带葱油香，食到停唔到口～ 饮品就叫左杯蜂蜜柠檬薏米水，每啖都饮到软糯薏米，蜂蜜甜味天然，柠檬清新解辣，饮完即刻中和返啲重口味，必点解腻神器！
继续阅读