影片
营业时间
今日营业
12:00 - 21:30
星期一至日
12:00 - 21:30
公众假期
全日休息
以上资料只供参考，请与餐厅确认详情
呢间位于湾仔石水渠街既连锁式车仔面店，叫食鲜辣卤车仔面，店舖细细，装修精致，座位偏窄。手机落单，点了个同㖊日差唔多既麻辣秘制辣酱猪大肠腩肉咖喱鱿鱼油面比较一下，上餐都颇快，麻辣酱就俾得少，唔够麻，秘制辣酱都俾得少，汤底比早啲见面差d，𩠌方面猪大肠两间差唔多，腩肉就好入味，比㖊日既牛腩好，咖喱鱿鱼比㖊日既水鱿有味道，但切得比较碎，论口感就㖊日玩水鱿好d。整体一般，冇野特出。口味：🥚🥚🥚环境：🥚🥚🥚服务：🥚🥚🥚🥚性价比：🥚🥚🥚
继续阅读
去湾仔唔知食咩好嘅时候，肥妹仔通常会食呢一间车仔面，佢价钱相宜，但系味道又唔错，又多选择！肥妹仔叫咗个秘制猪油捞面，加埋牛筋，鱼腐同埋鱼皮饺。虽然食材好大路，但系胜在味道好香卤水味，牛筋好软腍，个捞面好好食好香猪油味。另外肥妹仔个男朋友叫咗个BB辣嘅咖喱酱幼面，佢叫咗厚切午餐肉，炸鱼肉春卷同秘制腩肉。个午餐肉超厚，炸到脆卜卜，腩肉好大块，食落去肥瘦适中，个鱼肉春卷亦都炸到脆卜卜。另外仲叫咗杯冻柠茶，唔错！
继续阅读
话说车仔面系我嘅童年回忆，还记得以前读中学嘅时候，一个星期总会有两日都会去食车仔面，真系食极都唔会厌，每次都可以叫不同的𩠌！今日同朋友去咗公司附近的车仔面，里面座位大约可以坐到10个人，下午茶时段都坐得舒服，都有打卡墙壁！车仔面配料选择都有四十几款，另外仲有几款饭类…三𩠌车仔面拣咗汤底是卤水汁，卤水猪大肠够淋又入味、瑞士鸡翼我至爱，炸厨师肠啱晒我，肠仔我钟情于厨师牌，炸过嘅更加好食，红薯粉就好似透明嘅粉丝咁，食落去都系烟靭！另一款汤底都系卤水汁，拣咗幼面， 卤水金钱肚都系够淋同够入味，秘制鸡肉食落去又唔会鞋，鱼皮饺食落去鱼皮都好烟靭，里面包住咗啲鱼肉！咸柠七：天气开始热，解暑一流！荔枝特饮：饮完仲可以食埋粒荔枝😍
继续阅读
小店位于湾仔蓝屋旁边，主打车仔面，可按个人喜好选择主食、配菜、酱汁、小食等，价格亲民且服务态度友善。店内座位唔多，但座落舒适，唔会觉得好逼，喺附近返工嘅可以试一试。配料选择好多，牛展、肥牛、猪颈肉、豆腐、凤爪、蛋、台湾肠、鱼肉春卷、萝卜、紫菜等，样样要少少，同朋友share啱啱好。面条方面有咖喱捞面同大辣mix咖喱酱米线，软硬程度适中，而且几挂汁！大力推介拳头母，福建美食，第一次见，系形状似拳头嘅猪肉类制品，大大粒，咬落弹牙，一定要点。芋头丸系自家制，入边有真芋蓉，绵绵哋又保持到弹牙嘅口感。咖喱鱿鱼够爽口，咖喱唔算好浓，反而食到鱿鱼嘅鲜甜味。猪红滑溜，带半分爽口，钟意食内脏嘅冇可能唔叫！最后要埋杯荔枝特饮Gur一Gur，整体性价比高会回访。
继续阅读
一入舖，明显系用港式作招徕嘅伪港式车仔面，无一样食物系似样。臭豆腐细得可怜，根本同炸豆卜无异，同呃人无分别。成碗面只有沙茶酱味，份量少得惊人，地方狭窄，丁咁大张枱夹硬要四人坐，而店主明显唔系香港人，出品根本就唔系港式味道，出品如同小孩玩煮饭仔。咖哩鱿鱼无咖哩味，所谓牛坑腩根本系一嚿又硬又柴嘅肉，猪红淡而无味，所有配菜又少又碎，绝对不要被骗。
继续阅读