影片
上月某日中午，趁机往元朗朗屏试吓这间叫「食葩」的客家菜馆，到站后沿大明渠南行约15分钟可达，菜馆舖位细小，极其量祇可容纳3至4张4人枱，颇感局促，甫坐下，见一后生男（不知是否是伙记、老板、或是老板亲属），祇顾低头按手机，没有招呼，态度不甚喜客，二人点了猪什枸杞汤及一捞米加丸杂枸杞汤套餐，共银$71，要收现金，临走伙记打招呼亦无一声，发觉每枱客离座亦如斯表现，不似做街坊生意，款客态度有些吊高嚟卖，礼貌欠奉，食后评价绝不再回头帮趁；再者，「食葩」舖位不在大街，无交通直达门口，若沿东面站头大明渠南下，行行重行行，颇感周折，一路闻到明渠发出阵阵恶臭味，令人反胃，抵舖后甚么食欲也大打折扣！
继续阅读
元朗好多好野食😋，呢间小店吸引我系因为有好少地方好少地方有既‘益母草’～～❣️益母草被美名为「女科圣药」，女性服用可活血及治疗月经不调，更有利尿消肿及清热解毒之用.. *按个人体质* 呢间客家菜小店除左益母仲有枸杞，都系较冷门既，因为要继续扫街，我只点了益母草肉丸汤，食过既都知益母草个味道系比较独特～ 我就系呢类唔食葱但食芫荽既人☺️
继续阅读
今日咁好天气去左做运动，做完运动见肚饿又唔想食太油腻既野，经过大坑渠附近见到呢间主打食猪既小店有我钟意食既米粉就入去试下，米粉冇咁肥，最岩做完运动食😊入去见到餐厅环境都算干净卫生。一坐底睇睇餐牌差唔多样样食物都系猪，但我今日想食鱼，就选择了鲜鱼片汤米粉！呢碗米粉配料有鱼片，豆腐，金针菇，菜，配料比我想像中多，而汤底都很鲜甜好味，又够大碗，份量满足食到饱饱！价钱都相当合理！下次都会叫埋朋友再来试其他款式👍🏼
继续阅读
其实我好怀念我的嫲嫲.佢煮啲客家𩠌到依家我都无办法.煮得到嫲嫲那种味道.客家𩠌的精粹菜肴系腌渍.日晒成干.好似啲腊肉腊肠等.咸鱼.梅菜干等等…….客家人会好充分利用食材及配料.例如：将啲中国芹菜爆炒腊肉腊肠等.变成好有特色嘅客家人小炒。客家𩠌最出名有客家煎酿豆腐.香芋扣肉.咸鱼蒸肉饼.客家咸鸡.酿苦瓜.红炆猪肉.芋香腊鸭.盐焗鸡.竹笋炆腩肉.黄姜蛋炒饭.南乳炆芽菇.客家盆菜.数之不尽。今日嚟到元朗系食客家嘢（食葩）见近排时时听到有人讲起.所以今日闻食如来。 📌食葩 (元朗)元朗裕荣径11号好旺洋楼地下7号舖入到嚟见间舖是小店.几张枱.座位都坐得舒服.呢度最出名系猪杂枸杞汤.炆猪肉饭.见餐牌上的款色唔多.来来去去同一样食物左配右配如己.再加上配汤饮或粉面等等.我心中谂今次寻找嫲嫲的味道.又一次告吹！不过当然唔系𠮶回事.佢哋啲套餐好抵食！今日点咗佢出名枸杞猪杂汤配炆猪肉饭套餐.只系$54元.佢哋都猪肉份量都唔少.还有少少咸菜伴底.都系好食.但未到我嘅心中要求.枸杞猪杂汤.猪杂份量超多.枸杞都唔少.可惜汤底扁淡.猪杂系新鲜.食落都系争咁啲.争啲乜嘢我讲唔出.可能系啲枸杞唔够香！
继续阅读
偶尔经过都会见到大排长龙，又有好多媒体访问，今日想食清淡啲所以去试午饭时间，入座时候都唔多人，之后都要排队，不过好多人都系买外卖装修及环境：小店格局，装修简单，唔会有太大要求，卫生都系中等啦，后面金祥坊有表位，揸车都算方便服务:啲阿姐都几友善嘅，铺仔细细，招呼周到叫咗个招牌枸杞猪润米，个汤好似滚水咁，以为会有枸杞汤嘅味，猪膶太老，以为会好似深水埗𠮶啲咁滑，枸杞菜摘晒啲梗，正常唔会再帮衬，应该系希望越大，失望更大
继续阅读