影片
营业时间
今日营业
12:00 - 21:00
星期一至日
12:00 - 21:00
以上资料只供参考，请与餐厅确认详情
炒肠粉镬气十足拎到手嘅时候仲喺度冒住热气😋肠粉 QQ 弹弹有嚼劲仲几入味😆食起身有啲似炒河粉😂.比起肠粉更钟意佢哋嘅烧卖标配嘅街头小食最紧要系辣汁🌶️完全注入咗灵魂😎.但系服务态度真系一般😐后尾先知道炒肠粉可以拣辣度根本冇问过我哋😭之后想打包啲嘢带走因为店入面净系可以企住堂食店员超级不耐烦咁掟咗个打包袋畀我哋 (๐・̆・̭・̆๐)
继续阅读
寻日专登去 SOGO 对面间铺头试试最钟意佢个炒肠粉，加咗辣之后劲够味！镬气够晒香，肠粉滑捋捋，辣度唔会喧宾夺主，反而将酱汁嘅鲜甜带出嚟，一啖落去成个人口腔都醒晒！炸云吞都好出色，粒头够大，入面馅料足料弹牙，外皮炸到金黄酥脆，咬落「卡嚓」声，热辣辣食真系停唔到口。钟意食内脏嘅朋友一定要试炸大肠，处理得好干净冇腥味，炸完外脆内软，油脂香好浓郁！
继续阅读
完全系中晒伏，比网上嘅宣传呃左。喺香港食炒肠粉嘅舖头越来越少，满心期待过嚟食炒肠粉，见到价钱偏贵（$45）谂住应该有返咁上下，点知质数成反比！成盒肠粉好似垃圾堆炒出嚟咁，好鬼难食！绝对唔会有下次。至于卫生方面，望吓舖头里面就知道，啲垃圾袋放到周围都系好鬼泶嫪，再睇炸嘢同煎嘢嘅地方，真系好怀疑到底有冇每日收舖进行清洁。再睇吓两位店员，佢哋收银同整嘢食都系用同一只手，又唔带手套又唔抹手，真系好污糟呀救命！
继续阅读
炒烧卖比较少见见依间食神有，抽起条筋就去试下Keep住有条队喺度排由队尾排到落得Order都要3-4个字排到去发现原来系网上推介😂欣赏嘅系有个铁板喺度，师傅真系即叫即整系好有镬气同炒得几香嘅。叫左个【食神爆炒烧卖】（$48）见到系落完order，就掉左啲烧卖落去炸炸完师傅再拎出黎炒一炒。望落去系几ok，好似大排档啲镬气小菜咁多配料嘅洋葱蒜粒葱重有炸豆腐。不过食落真系差啲😵💫烧卖佢切左一半食落唔系粉不过又唔弹口麻麻地同埋太重口味太咸，食到尾有几下觉得咸到苦结果食唔晒要掉而且都好多油少少浸住咁😵💫唔会再食
继续阅读
来到铜锣湾呢个美食天堂，梗系要去揾啲好嘢食啦！一出铜锣湾 F 出口，转头见到 chanel，跟住喺左边𠮶条街右转，行大概 50m，就可以见到呢间店内嘅装修虽然唔算豪华，但充满住一种亲切嘅市井味道再讲返个食物，真系正到痹！首先要讲下佢哋𠮶个炒肠粉，一上台，阵阵香辣味已经扑鼻而来，真系香到人流口水。夹起一啖放入口，肠粉滑溜溜，而且吸收晒辣椒嘅香辣味道，，𠮶种香辣刺激住味蕾。不过要提醒唔食得辣嘅朋友，呢个炒肠粉真系好辣，千祈唔好轻易挑战呀，唔系随时会被辣到「喊出嚟」！除咗炒肠粉，沙嗲鸡肉都系必试嘅招牌菜之一。鸡肉嘅质感嫩滑多汁，沙嗲嘅微辣同鲜香完美融合，真系好食到停唔到口！！
继续阅读
您可能会有兴趣的...