影片
港铁深水埗站 A2 出口, 步行约5分钟
继续阅读
开饭介绍
深水埗区传统意菜餐厅。经典意菜煮法富特色，全部即叫即煮。不少是日推介的食材都经餐厅亲自选购，保证新鲜。
继续阅读
营业时间
星期一至五
12:00 - 15:00
18:00 - 21:30
星期六至日
12:00 - 17:00
18:00 - 21:30
以上资料只供参考，请与餐厅确认详情
相关文章
话说有一日约左个朋友食晚餐聚下旧，大家不约而同都话想食意粉🍝朋友之前save低左Eatalian呢间餐厅！见到佢嘅介绍，哇！真系估唔到喺深水埗都有手工意粉可以食到佢店舖位置都好易揾，好近地铁站，𠮶日我哋大约8:30pm到，都唔系好洗等位一入到去就可以食入面嘅环境都唔错！店员都好有礼貌！佢安排左一张小圆枱俾我哋坐，地方阔落好舒服！我哋叫咗一个前菜，一个意粉，同埋一块护心牛，但因为太肚饿啦所以冇影到前菜叫完嘢食之后店员俾咗餐包俾我哋，唔系普通嘅餐包㖞！而系薄饼配黑醋，烟烟韧韧同黑醋都好夹！前菜我哋叫咗虾肉蟹肉沙律，好足料！哇哇哇！个意粉一上，味道好香浓呀！ ！意粉质地烟韧又好挂汁，真系劲劲劲推介佢地嘅手工意粉呀！ ！下次一定叫其他意粉试吓！相信都一定会咁好味😋😋😋呢个护心牛我地order左5成熟，肉质都唔错配埋火箭菜，芝士同黑醋酱，都唔会腻！总括一下，呢度嘅环境，食物，服务都好好呀！性价比好高！价钱唔系好贵不过食到好食嘅手工意粉🍝🤤🤤绝对推介大家黎食！嚟紧有朋友生日已经决定要喺度同佢庆祝
继续阅读
四个好波友，平时打波前啃个包就算。今日决定食好啲，去左深水埗食意食意大利菜！估都估唔到深水埗呢个旧区，原来都有咁高质嘅意大利餐食！我地六点钟倒去到，时间尚早，未有其他客人，静静地座位都几舒服。我地嗌左：白葡萄桃子﹑白葡萄接骨木花 有汽果汁等紧两个朋友来时，揾嗌左两杯饮品先！做紧买一送一抵饮！店员表示呢款果汁系意大利直送，都无酒精，我中意接骨木花有阵阵花香，又唔会太甜，又够哂冻～爽～餐前，店员送左一份薄饼配黑醋。口感Q弹，有少少啊咸咸地！我中意食啊！虾肉蟹肉沙律配芝麻酱 ($105)呢个前菜真系好多虾肉同蟹肉！而且新鲜！沙律菜好爽好清新！芝麻酱系我至爱，菜﹑肉﹑酱三者配合得岩岩好～芝士四重奏 ($158)作为一个芝士控，呢个芝士四重奏真系无得输！入面真系有劲多芝士，但完全无腻的感觉口味好复杂，食得出有味道好特出的blue cheese！加埋火箭菜会更清新！我好中意食意大利的PIZZA，个皮系好薄好脆，唔会油腻，而非香港市面连锁店个啲又厚又油。食多几块都唔会剂。伊比利亚猪鞍配青苹果汁 ($178)店员话呢个等耐啲，因为系用慢煮的方法烹调。切开的时间，劲多肉汁爆出来！入面仲有少少粉红色。店员表示唔洗惊，啲猪肉真系紧紧熟，先可以咁鲜嫩。平时食猪肉煮到熟哂，好容易会柴皮呀好干呀。呢个菜完全无呢个问题！JUICY的猪肉，满口都系肉味，加上清新的青苹果汁，好满足啊！啲配菜有意大利青瓜同蕃薯，轻轻烧过，食番蔬菜的原味！黑松露﹑蚕豆﹑野菌忌廉汁手扭面 ($168)个名叫手扭面咁特别就试下。真系粒粒人手搓出来的，食落似一旧旧面团，个汁够哂浓郁，挂哂上手扭面上。个酱汁真系好香黑松露同芝士味，香喷喷！食完哂手扭面仲可以用薄饼点埋啲汁来食！成碟清到干干净净好治愈～提拉米苏 ($78)食完正餐梗系要食甜品。呢个TIRAMISU好香滑，有淡淡的酒香同香浓的朱古力味。很不错！可以坐得舒服倾下计，食完揽住个肚走，过了一个满足而愉快的晚上，每位埋单$200。以食物质素﹑地方舒服﹑店员服务等等来评分，其实好抵食！一乐也！
继续阅读
很难得有机会跟三个队友一起共聚晚餐的，一收工就坐地铁去了。这间餐厅，其实并不是在人流很旺的地方。当去到门口时，你会被门牌和门面所吸引著的。真系估佢唔到，系旧区会揾到一间手制意粉店。环境不是太暗，也有情调的，没有太花巧的装修，却有独特的风格，令人感觉很写意。我们先点了饮品，边喝边等。白葡萄接骨木和白葡萄桃子，没有酒精成份的。不会太甜，桃子味比较香，可能我钟意桃子既关系。首先餐厅有送一个pizza 底做既薄脆饼，点黑醋，外脆的，内软熟，几好味。首先叫左个前菜，个前菜叫虾肉蟹肉配芝麻酱，无论食材同个酱针都配合都好好，又醒胃，无比个酱盖过整体味道，材料够新鲜。之后到主菜了，一攞出黎，香气扑鼻，芝士味浓到不得了，喜爱芝士的朋友们，真系值得一试，一定满意，但要有心理准备，会比平时的PIZZA咸，因为重芝士。另外，主菜一定要叫手扭面的，我地叫左个黑松露，蚕豆，野菌忌廉汁手扭面，面够硬身，附合意大面的口感，足料黑松露，又香又惹味的。个店员话就算下一次黎都未必食得返呢个手扭面，因为佢个扭纹下一次不会是这样，系独一无二。个店员仲话，可以用个薄脆饼点有剩既汁，我都觉得唔错，添了另一番风味。慢煮猪鞍系也几厚肉，重肉汁。切开有少少粉红色，但放心，系熟既，我返而略觉得佢熟多左，哈配菜有翠玉瓜，紫薯，薯仔，很鲜甜的。到了最后，来个完美的结局，个甜品其实真系打咭都值。很高兴能够同三个队友出赛前受一个独一无二的晚餐，真心难得。
继续阅读
今日我同我女朋友 同埋两个朋友行深水埗，行行吓不知不觉，又到食饭时间，开头冇人建议食啲咩，所以都想求其就近，揾一间西餐厅食，点知比我误打误撞，食咗一间好好食嘅意大利餐厅。我入到去餐厅嘅时候 大约系七点几八点嘅时候，但餐厅内只有两台客人，心谂会唔会那左野，冇人入嚟食嘅，咁唔入都入左嚟，咁我就开始叫野食，首先简单讲一讲个环境，西式装修 简单 地方大 舒服 优雅，至于食物方面，我哋叫咗7个𩠌。餐厅一开始请咗我哋食一份好似薄饼嘅小食，佢哋剪到一小块，软熟得来又有口感，再加啲酸酸地嘅汁，令我非常开胃。蟹肉虾沙律：前菜叫左个沙律，蟹肉同虾同菜都非常新鲜，加上层好似胡麻酱嘅汁，我问佢哋系咩酱嚟，原来系佢哋自己调校既，新鲜既菜再加上自家制嘅酱，真系好好食好开胃。炸薯条：个炸薯条 同我一般喺出边食西餐厅 确有不同 薯条表面 外有一层脆 令加上有黑松露酱，味道方面 薯条本身已经调味加上黑松露酱，简直完美配搭Pizza：我叫咗一个四重芝士嘅Pizza，呢个Pizza好似我之前去意大利时食嘅感觉，本身四重芝士系比较咸，但系加上火箭菜，就可以中和咸嘅味道盐焗鱼：呢度才令我喜出望外，菜到嘅时候，见表面有一层粗盐包住，帮我影完相之后，个侍应就敲碎左表面层粗盐，原来粗盐包住条鱼，系佢哋嘅特别煮法，而条鱼一早已被去骨，鱼肉好滑，咸味适中，亦都唔需要担心有鱼骨嘅情况，真系值得马上Encore牛肝菌意大利面个面到嘅时候，个侍应同我讲，个面系自家制手打面，咁我食落去嘅时候，面质系偏向硬身少少，但系非常有口感蒜蓉西兰花个菜表面并无蒜蓉，但一口咬落去嘅时候，蒜蓉个味道及香味，从菜内慢慢渗出，相信啲菜曾经处理过，连简单一碟菜，都悉心炮制，值得一赞👏🏼护心肉牛扒相信大家同我一样好少听护心肉的牛扒，最多打边炉嘅时候，一小块一小块咁食，而今次我食嘅系一大块嘅牛扒，护心肉好重牛肉味，肉质有口感得嚟又松软，钟意食牛嘅人，可以话返唔到转头总括嚟讲今日餐饭性价比好高，平均每人价钱，$200左右，已食物嘅质素来讲，似五星级嘅质素，真系值得推介，同一食再食😂🎊
继续阅读
不嬲出深水埗都系去食哩民野今次行过就想同屋企人试下啲正野见open rice有推介到食意 咁就一于试试佢啦咁餐厅装修系行家庭餐厅嘅路线坐得好阔落好舒服🥰🥰首先我地见到桌面上面有推介餐饮咁就点左两杯试下 分别系接木花青葡萄有汽果汁同埋洛神花红葡萄有汽果汁前者饮落系好清新好自然嘅咁后者就饮落似无酒精版嘅红酒 味道较有层次 两者比较 我会钟意青提多d😋另外 前菜方面我地点左个密瓜配Parma ham欣赏之处系个密瓜好甜同埋份量好足坊间食开都系比较细份 食完都唔够喉但依间餐厅真系良心餐厅 大片之余仲要另外用Parma ham卷左个玫瑰花出黎劲有心思😊😊咁主菜呢就系黑松露忌廉汁手搓面佢个面系手工搓嘅 食落好似乌冬咁 好特别而个汁真系无得输 黑松露味够浓够香另外待应亦比左个意式烤饼比我地点埋净低嘅汁 一啲都无浪费到依碟嘅精华超好味 推荐！💪🏻💪🏻咁我地仲点左个美国安格斯护心肉配黑醋酱及巴马臣芝士原来护心肉系牛既横隔膜 难怪咁嫩滑😼食落劲juicy劲有牛味 配埋芝士真心perfect🥰护心肉真系好正 我谂我一定会再encore！之后因为爸爸钟意食鱼 无鱼不欢所以特登叫左个盐焗鱼比佢试下食落好新鲜好滑 同埋好细心地帮我地起左骨 所以连我地依种怕骨嘅人都可以点黎试🙈依味系慢煮猪鞍配柚子酱啲猪鞍一切落去果阵有好多肉汁咇出黎放入口时竟然有一种入口即溶嘅感觉完全唔似食紧猪！劲香劲juicy😊😊配菜就有紫薯番薯两种 都非常香甜！最后甜品方面 我地点左咖啡焦糖炖蛋配雪糕味道无得输 淡淡嘅咖啡味配埋香滑嘅雪糕搞到我地三两下手势就清哂喇🙈🙈一句讲哂 水准之上 一定会encore☺️☺️☺️
继续阅读