影片
食记 (26)
坑口村特色村屋美食！位置方便，系正村口！ 有众多海鲜,小炒选择！酥炸鱿鱼须--- 新鲜炸，鱿鱼须新鲜嫩口（推介）柚子虾饼--- 味道清新，不过虾肉较林....红烧鱼腩豆腐煲--- 估唔到小炒出色，简单鱼腩煲，肉厚，汁浓，豆腐豆卜索晒味！ （推介）店长推荐！ 豉汁豉椒炒圣子！新鲜爽脆！ 价钱略贵！
继续阅读
今次去将军澳做野, 走时记得朋友话系坑口村好多隐居好食小店, 好多住将军澳的人都知, 但都觉得出入吾方便而却步, 钟意试新野的我, 梗系要去睇吓啦。本来想试䗌子等海鲜, 不过店主话休鱼期间吾多海鲜, 唯有order 其他。豉油王中虾, 好惹味, 送啤酒一流金沙带子翠肉瓜, 带子好大粒, 好好味。另外, 叫了一个怀旧菜式- 炸大肠。 炸得很脆, 不过这款菜有d 肥, 虽然好食, 但吾可以食得太多。最后点了龙须炒面, 炒得够火候, 好香! 抵赞! 走时9点多, 仍然满坐, 似乎识揾好野食的人仍有很多!
继续阅读
个人觉得将军澳呢区比较有特色嘅食肆系坑口村，坑口村有几间食肆，食得妙系其中一间。呢间食店之前帮衬过一次，朋友话虾丸出名，个人觉得中规中矩，所以今次就无试喇。呢间食店舖仔细细，同附近几间一样可以拣室内或者室外，我同朋友两个拣咗室内嘅座位。食物方面几好，价钱中上，少贵。蒜茸蒸蛏子，大大只，如果粉丝多啲就好喇。仓鱼都算大条肥美，个汁几好味。菜加咗虾皮无咁单调，清清哋。金莎虾，好多咸蛋黄，好香口，好味。个汤足料，细细盅，两个人啱啱好。
继续阅读
有heart 小菜 差不多每星期都特登搭一程车入坑口村嚟食晚餐，因为呢度价钱实惠，招呼又好。我由2014年年头开始帮衬，最初见到之前啲恶评都有啲担心，好彩试完就觉抵食又好食，以后仲个个星期都嚟。唔明佢生意始终麻麻， 念嚟念去，自己估系咪受之前啲劣评影响呢？以自己呢一年亲身嘅体验，呢间嘢无论食物和招呼都好。好惊呢间良心食肆顶唔到，"的"地心肝系度写吓我嘅感受。1. 小菜抵食: 好多都系70，80蚊以下，份量都够。细老火汤都系$58蚊，至紧要食得饱。2. 味道好食，正路: 食咁耐佢都未试过失手(e.g 过油，过咸，雪味)，好多中菜都做唔到。3. 菜式多款又特别: 氹仔汁/芝士汁鲜鱿/猪扒好味又特别。 传统嘅肉松蒸水蛋，妈妈的味道 鲜鱿肉饼,好味又弹牙 三椒牛柳粒用料好，火候亦啱啱好。4. 招呼好: 啲碗筷都帮你用热水洗过，招呼亦好热心，亦唔会硬销啲贵价菜，nice。我之前未写过食评，但好惊唔做啲嘢，第2时佢无声无息执咗就好可惜，自己亦会后悔 。都希望呢间食肆继续维持好水准，街坊试吓就知我冇老作啦！
继续阅读
今日去左姑妈到拜年，夜晚就落左去lee到食野，大家首先叫左d啤酒汽水饮先，之后再睇下叫咩食，商量完一阵，大家都觉得叫套餐会食唔哂，所以就散叫，咁过左半个钟，我地见一样野食都未到，就问下个侍应，佢话煮紧，之后再过多阵，我地野饮又饮完，眼见迟泥过我地既人都走，我地就再问下个老板，佢又系话煮紧，如是者我地再等等等，超过一小时都冇野泥过，我地就决定走，真系新年都搞到一肚火，其实点解会咁，系因为我地唔系叫套餐，所以佢地唔想做我地生意，佢地咁既生意手法实在太离谱，如果唔想人地散叫，就唔好俾果d餐牌人简啦，永不再光顾姐系其实新年大家都想开心姐，而且咁样做咪等于影衰自己招牌先，系咪，咁样人地下次仲点去帮衬你牙
继续阅读