食得喜餐廳小廚 (已結業)

喜愛吃大排檔的我們，在爸爸舊曆生日，當然要去吃一頓好西。點了即燒的例牌乳豬，外皮脆卜卜，還帶點爐燒的餘溫。點了小炒王，匯聚了芽菜、韮菜、菜甫、蝦乾、花生、魷魚等等，配上秘制醬汁，配上白飯是一流。椒鹽鴨舌是一個難得的菜式，在普通餐廳很難再吃到這個了。豉椒炒鵝腸，鵝腸清洗得十分乾淨，略嫌腸裡有些油脂，不太喜歡油油的感覺，但不得不提是，這裡的穫氣是一般餐廳無法媲美的。…查看更多

鮮為人知的屯門北面，近寶田村的寮屋式大牌檔，充滿神秘。因為與深水埔的大牌檔不同，它沒有深綠色的鐵皮街上檔口(如增輝)，隱蔽在山下；與市區陋巷的檔口不同(如大中華)，除標榜鑊氣，它是客家菜風格。先試客家菜-鐵板煎釀豆腐，少獻汁，呈白色，入口嘗到濃濃白胡椒，有特色。再試沙窩魚頭煲，弄得比泉章居更有鑊氣，魚頭更大了50%(118元)。其次，吃預訂的燒豬，肥瘦均衡，比大中華的，嫩肉較多。再其次，小棠菜酥脆，墨魚膠有彈力，鑊氣與市區的大牌檔同(68元)。最後，辣雞煲。與火鍋不同，煲仔餸形式，份量則一樣大(210元)，水準與辣雞店相近。總括來說，匯集客家菜，大牌檔，巷仔店美食。地點偏遠難找，價錢却與市區同，10人連酒水消費約1700元。勝在水平高，款式連壁上時令特色餸有約260種。會再來找驚喜。…查看更多

為慶祝媽咪65歲大壽，今次她不需要跟以往一樣走到酒樓坐得舒舒服服食餐生日飯！她聽晨運街坊朋友推介一間離家不遠的 <食得喜餐廳小廚>，我們尊重她的建議及決定！:)大排檔格局的 <食得喜餐廳小廚>，設室內室外用餐區，當時天氣仍然炎熱，我們還是選擇室內可嘆冷氣！ 室內裝潢簡陋，以圓枱配膠椅子；播放電視！至於衛生方面，便要將就一下吧！:(小菜的款式琳瑯滿目！單是 $68~$78 已有很多選擇！ 令人花多眼亂！主要做街坊生意！價錢實惠！抵食夾大件！ 看到招牌才得知是酒店總廚主理，對這裡食物質素的期望也提高了及更有信心！有些菜式，例如：煎、炸或工序繁複的食物...媽咪平時比較少煮。出街食，就不用她操心嘞！:)我們每人點一款心水美食！上菜都幾快！鹵水豬仔腳 (小) $38媽咪喜歡食豬仔腳，點一 (小) 碟試試！幸好，點這個 size，份量不算少！而且交足貨！豬仔腳大隻軟腍又入味！大家都食得滋味無窮！砵仔焗魚腸 $68這道挑戰膽固醇又邪惡的砵仔焗魚腸是我點的！魚腸爽口不腥，魚潤軟滑甘香，蒸蛋吸收兩者精華，每一啖蒸蛋也富有鮮香！ 椒鹽九肚魚 $68薄薄一層金黃色的炸漿，正好鎖住水份，外層香脆惹味！魚身保持鮮滑多汁！ 大大件的九肚魚，令我及弟弟食完一件接一件，食不停口！蒸釀豆腐 $68豆腐尚算滑溜，餡料加得多粉，肉味稍遜！:( 芡汁調教的味道很合大家胃口！:)簡單配上一碗白飯，大家足以食得滋味又開心！ 這裡的出品是有水準的小菜，而且價廉物美！我們也覺得回味！其實，一家人在哪裡食都無所謂，最緊要一家人齊齊整整，健健康康，和睦共處，已令人心滿意足！:) 並非每家人都可以做到，加上不知道爸爸媽媽會何時離開我們！所以要好好珍惜與家人相處的美好時光！…查看更多

賴生個老闆冇啦啦要佢幫手做屋企d私人野……拆冷氣機通去水喉! 搞完都9點啦，人都就餓死啦! 即刻捉實老闆去醫肚啦! 1個老闆+2個苦力最好去邊? 梗係大牌檔啦! 就去左寶田側面果間食得喜啦! 叫得大牌檔，環境同衛生都係大牌檔質素啦! 放心啦，冇老鼠冇昆蟲既，仲有冷氣嫁!呢間野有好多種客家小菜嫁，不過今次唔係由賴生(苦力1)發板，而係苦力2叫餸食，我地叫左重慶雞煲 (半隻)，咸魚茸炒白菜仔，沙拉骨同客家蛋卷煲(苦力1極力爭取先有)!首先要講講，呢個大牌檔2人起可以叫1款特價小菜，由28-38蚊，有6款，我地叫左沙拉骨，佢仲會送1支生力/1罐汽水，最緊要份量冇縮到水，超值!講下d野食啦…1) 沙拉骨 : 大牌檔既鑊氣超夠, 啖啖肉，醬汁夠，好惹味，唯獨係太邪惡啦 (4星)2) 重慶雞煲 : 呢個就未夠水準，辣同惹味都未到位，感覺總係差dd差dd咁，雞肉未入晒味(3星)3) 咸魚茸炒白菜仔 : 完全可以話係冇味，差! (1星)4) 客家蛋卷煲 : 呢個就不得了啦! 功夫野，煎好蛋再慢慢卷住舊肉，一咬落去充滿蛋香，而且一層層超薄蛋皮(最少有3層)，好有層次，不得了! 加上佢用左胡椒湯去煮…超濃味! 連湯飲一流 (5星)#苦力2問賴生點解唔帶屈小姐黎#賴生話有機會實帶，不過唔係做苦力果陣…查看更多

今晚同一班朋友十人去元朗旅行，朋友之前推介好未，即管一試，一試難忘。今晚點了燒乳豬半隻，皮脆肉爽入口融化；叉燒例牌，肥瘦適中衹是不夠熱，如果夠熱相信會更加好味；雜菇牛柳粒，很鹹但系夠多🐵肉；蒸釀豆腐，豆腐有酸味，最後他肯更換，味道適中；味醬炒生菜，非常入味，連生菜裡邊都黃豆清香，薔薇地散發出醬汁的味道，令人難以形容；椒鹽鮮魷，沒有太大驚喜，不太油膩，入口爽脆；蒸豬肉餅，同屋企整差唔多，只系多了點味精。路邊大排檔風味，燒味最好食，炸野也非常好。…查看更多

今朝1早就要入屯門見客,入到黎早左成9個字,求其入左依間茶餐廳食早餐,入到黎,人溜唔算多,大多數都係d呀公呀婆係度食早餐,我點左五香肉丁麵食,食落五香肉丁應該係平時食開果d甘,味香濃,配清湯麵好食,肉粒厚大,食落口感豐富,啖啖肉!…查看更多

晨早流流走到去屯門，朋友未到就單拖食返個早餐先，簡簡單單餐蛋治烘底，加杯奶茶。 麵包脆脆的 ，餡料無咩特別啦，都係煎餐肉同煎蛋 奶茶品質一般，無特別驚喜，最喜歡都係脆卜卜的麵包，咬落去感覺好正！好味 …查看更多