冇写咁耐食评，都忍唔住要写返篇，写返个真相～ 见佢零负评，个个都有赞冇弹，拣左同爸爸黎食生日饭～ 嗌左小既鸡煲 ($138)小辣都唔算好辣，味道浓，但鸡偏肥，亦有少量碎骨～ 开边虾蒸粉丝 ($178)味道普通，冇其他人赞到天上有地下冇咁好食，好多油 🙈 手打乌冬亦未算弹牙～ 松子黄花鱼 ($188)你冇食过出面正宗既松子鱼就可能唔会觉呢条有咩问题既 (除左细条左d之外) 🤔 上枱既时候系有受骗既感觉，或者系我地一厢情愿以为系松子鱼～ 佢只系一条煎左既黄花鱼，上面淋上酸甜既酱汁，再撒上松子～ 味道还好，爸爸嫌腥 😅冰镇咕噜肉 ($128)冰很多，但肉很少～ 我觉得味道唔错既，外皮尚算脆身～ 但妈妈话佢出面食过冰镇系d冰cover晒d肉，咁就成旧肉做到外冷内热，外脆内软，两老依家觉得怪在一半冻一半热 🤔食到呢度，开始想写食评先开始影相蜂巢豆腐虫草花浸菜心 ($95)呢个份量最正常，菜心算鲜甜～ 不过等到我地食晒之前4个𩠌，追问下先有得食～ 环境方面，并不能舒服地食饭～ 两次黎，两次都超级嘈，大枱既人系超级无敌嘈，我完全倾唔到计 🙉 呢个唔能够怪店家～ 但冷气机滴晒水⋯滴落张枱同我只手㖞⋯其实真系要搞搞佢 🙈 服务态度唔错既，但2次上菜都好慢～ 嗌个菜等左成粒钟都未有⋯上次落单后半个钟都冇野食 😅 价钱过份mark up⋯小区既食舖，份量偏细，价钱变相偏贵～ 想碌卡，但竟然话今日冇卡机 😨 好彩够cash⋯⋯食评真系只能做参考 🙈 我觉得今次中左伏 😅…查看更多
<手打墨鱼滑，$68>以$68既手打墨鱼滑，份量其实都几多，好多时出街食都系得少少。份量多之外，呢个手打墨鱼滑系好好食！好弹牙，同时咬落亦好juicy咁既感觉，仲食到啲墨鱼粒，绝对真材实料。
<娃娃菜，$25>娃娃菜都几新鲜，而且份量都好多。<萝卜片，$25>超级好食超香甜既萝卜片！而家呢个季节唔系旺季都好难得有咁好食既萝卜！
<芋丝扎，$15>劲大碟芋丝，一放底我地第一个反应系仲抵过自己买。
<鲜牛肉，$58>我地都觉得好好食，唔会好韧好嚡。
除左鸡煲火锅之外，啲小菜个卖相都好吸引，下次可以再去试下啲小菜！我好推介大家去食，性价比高，食材新鲜，而且服务态度好好！
