影片
一早起身，又懒唔想整早餐，懒洋洋既我，就紧系同老公仔出去食早餐啦今次，我同佢就行远少少，去到大埔旧墟直街果边食呢间《食嘢》。之前，食呢间都系食晏昼，佢既咖哩当时已经觉得好好食，冇谂过佢连早餐都咁出色。得我老公叫左个出前一丁配滑蛋、午餐肉、磨菇、猪仔包。份量多之余，重点系唔系食多士，系食猪仔包我就简简单单叫左个腿蛋多士配牛奶麦皮，里面蛋既份量都好厚身、又滑，其实食完呢个，我已经好饱。碗麦皮唔记得左影相，但份量好蛋，我一个人系食唔到成个早餐。总结，30几既早餐，真系好出色会推荐俾朋友食
继续阅读
同D friend一年见几次面，大家都系大埔友，最钟意喺大埔揾嘢食！最好就系地方就脚，坐得舒服唔赶客、食物好食又唔太贵啦！终于我哋揾到嚟呢间 *食嘢*！二人套餐份量大又抵食，我哋惊食唔晒所以散嗌佢仲有埋甜品一条龙服务。由头食到落尾开心倾计吹水又唔使转塲就真系正呀！ *食嘢* 好似话一定要食猪手、咖喱，同埋估唔到有水煮牛肉食！台式饮品唔可以错过，甜品更加系回味无穷！首先系一望见已经辣到流晒口水嘅川味水煮牛，一锅上够晒份量，面头铺满红油同埋辣椒，食落够晒刺激！味蕾完全得到解放 ，牛肉分量多味道浓郁，入口尚算柔软嫩滑。德国咸猪手，睇卖相已经好吸引，猪手口感结实多汁，皮脆肉香。仲有我最爱嘅炸薯条，沙律菜又可以中和一下油腻感觉，整体十分喜爱。咖喱牛坑腩，赠送油酥饼两件，油酥饼沾咖喱汁食真系夹到天衣无缝，咖喱香而不辣，牛坑腩炆煮够火喉，入口软腍好味道。饮品我就叫咗杯黑糖珍珠香芋奶，Q弹的黑糖珍珠有咬口，香芋奶甜度适中。甜品我要左士多啤梨冰再加配料，蜂蜜牛奶雪糕真系好味到不得了！士多啤梨生果好香甜，呢度嘅芋圆好有台湾味道。我估计好快就会成为我哋大埔友聚脚嘅饭堂。
继续阅读
这里食晚饭绝对抵食同埋一定食得饱而又有质素！同朋友行过见到个招牌都几特别食嘢！就一于入去食嘢，有中有西，还有特色咖喱，今晚就系点了个抵食2人晚市套餐$328，这个价平时最多都系两个前菜，两主食，两杯饮品，但呢个餐有齐餐厅内嘅特式食物选择，我们今晚就点了花雕醉鸡卷、水煮鱼、宫保鸡丁、德国咸猪手、咖喱牛坑腩、海胆炒饭，六种口味一个价钱，还有两杯饮品，就咁已经相当超值！而份量就更加冇得输，十足分量！花雕醉鸡卷浸在花雕内够晒味道，入口鸡肉软滑还带点酒香，正！而个水煮鱼嘅鱼片啖啖都系肉，配埋个酸辣嘅汤底真系十分暖胃醒神！而宫保鸡丁就更加味道十足，嫩滑嘅鸡肉加埋香脆嘅腰果入口，即时感觉到个阵麻辣赤椒在口中散发出来嘅刺激！而德国咸猪手嘅皮脆内香，入口够晒卜卜脆，而且还有薯条伴碟，都十分香脆，真系一道菜接住上！而份咖喱牛腩咖喱味道浓郁，牛腩肉质软熟嫩滑，真系十分忙碌，要亲热入口！最后个海胆炒饭入口都感觉到好香嘅海胆味道，二话不说就加埋啲咖喱汁入口，超正，今晚咁食真系觉得十分之满足，一个价钱有多重享受，而味道唔会因你系套餐而改变，感觉超值！而饮品就加钱转埋杯黑糖珍珠可可奶，珍珠烟韧有口感，可可味道浓郁，帮忙解一解口中嘅辣感！
继续阅读
简单直接肚饿要医肚就去「食嘢」同「饮嘢」，今日行经大埔直街见佢招牌咁有趣，门口又咁多人轮候等入座，心想一定有好嘢！横掂大埔旧墟超多人都系食左先！好彩都系等了五分钟快㖞！甫坐低已急不及待翻看餐牌，人气必食咖哩就佢地喇！等送餐时发现这里都几别致！🥢香茅猪颈肉 $48开餐喇！爽口入味不感腻口！😋🥢咖哩牛坑腩饭 $56果然人气必试，单看个汁已令我垂涎，咖哩气味直扑鼻，牛坑腩软腍入味又有嚼口，重点系不黏牙。👍🥢蜜糖芥末配重量级猪扒饭 $54大大件猪扒酥脆香口肉质松化，精髓是蜜糖芥末酱，滋味难忘。午餐均配餐饮，咖啡唔错㖞好香浓！😍我们贪食加左碟猪颈肉，如果唔系 $60 有找食到一个相当不错午餐无嘢讲抵食喇！午餐仲有好多款选择🍗🐷🥘经典咖哩！😋
继续阅读
夜妈妈来到「食野」开餐，下班后第一餐特别饿虽然已接近晚上9点，但一如既往餐厅8成满。餐厅主打多国菜，咖哩、牛扒、小菜，什至川菜都有提供！价钱亲民，用餐首选食饭前先点一杯奶堤四季春，$38好大一杯，我们两个人饮一杯都够。忌廉奶味香浓，配淡淡茶香，好味我点了一个西冷牛扒配大虾，牛扒7成熟但一点都不靱，牛味都够浓。大虾是天妇罗虾，外皮香酥，虾肉都弹牙必试的德国猪手超大份！！入面肉质嫩滑，不会过咸！推介加上酱汁好惹味！最后点个招牌水煮鱼，辣度中等，但胜在惹味！鱼块有很多，口感好嫩滑，而且伴有薯粉，一定饱肚！
继续阅读